الجَلا

حلفت ما اندم على واحدٍ يروح أغلى نفوسٍ في ثرى القبر طاحت اللي يبي يرحل محلل ومسموح مافيه أغلى من سنيني وراحت

يمناك لو خانت مع الوقت يسراك محدٍ يسرك غير مدت يمينك لو تنبت الدنيا ذهب تحت ماطاك ما ينفعك بالآخرة غير دينك

اساير الحظ والا اساير احلامي الحظ مكتوف والاحلام مكتوفه احيان باب الفرج ينسد قدامي واحيان يفتح بوجهي بس ماشوفه

عثرت وقدم رجلي عثر والمطيح يهون لكن ما لقيت أخس من عثرة لساني — عبد الله شايق

يا من عرفتك بالتماسك مولعا حريّة الجدران أن — تتصدّعا — محمد عبدالباري

برقٍ مصدٍ عنك لو كان به نور بالك تخيله لو ربيعك شفاقه فأردفت الدقيس قائلة : - من لا استشارك لا تودي له الشور ومن لا يودك نور عينك فراقه

الله اللهُ يَالدروب المستقيمة كيف أجادل واحدٍ ماهوب قدي شرهة العاقل على النفس الكريمة وأحتفظ بالرد في مزحي وجدي يفرح الجاهل ويحسبها هزيمة مادرى عيني لمثله ما تلدي صدتي عن بعض خلق اللّٰه غنيمة مايوالف قلبي القلب المصدي..

عروق قلبي لك دلالٍ مباهير صفيتها دلة ودلة ودلة مادري صباح الخير ولا مساء الخير بس الوكاد بوجهك الخير كله

قلبي على حب الوضح ميالي ونفسي على حبها محدٍ بلايمها البل.. لها في صميم الجوف منزالي من دونها ربعي طارت عمايمها

ذعذعي يا هبايب نجد لاطاب نوم السالي وأنعشيني بريح من ربى نجد للشرقيّه رحمة الله نسناسه على غترتي وعقالي كنه الوصل والبيد شهباء والدار محميّه - ضيدان بن قضعان

الملتزم بالصمت ما يخطي ولا يخطى عليه أنشهد إن الصمت يحفظ للأدمي شخصيته — طلال الرشيد سكتنا وإستحينا والحيا ما صار له مردود قليليّن الحيا لو إستحينا — ما استحوا منا — طلال الرشيد

ليه تبخل بالمشاعر و تبخل بالكلام ؟ ‏ و أنت جدانك من الجود يعطون الأبل

لا تأخذ الدنيا خراص وهقوات يقطعك من نقل الصميل البرادي لك شوفةً وحده، وللناس شوفات ولا واديٍ سيلة يحدر لوادي

خذ ما تراه وخل عنك التفاكير ياقلب يالي كل ما جاه داره لابد للعسر المنوخ تياسير ولابد ماتقفى النذارة بشارة العبد ماله عن صدوف المقادير واللي كتب لو هو بصندوقٍ زاره

هبي بريحة يا هبوب الشمالي كود الجنوب ومطلع الشمس ينصاه ياما وياما فرقتنا الليالي نجعٍ مقيم وفرق البعد لاماه خان الزمان بعشرته والتوالي وعزي لمن يصفق شماله بيمناه

لا تقهويني ابي لي شي حالي مل قلبي من شراب المر مله ماكفاني شارب مر الليالي صب شاهي لا تزيد الطين بله

طلب العلا ماهو بزين السواليف ولا بتسطير الحكي والدفافه ألا ببذل المال وارخاية السيف والعلم والشيمه وكثر العفافه ذا القماحة مود اذا حيف ما عيف الذل هو والبخل في الرجل افه - ابراهيم بن جعيثن

وَقَيَدتُ نَفسِي في ذَرَاكَ مَحَبّةً وَمَن وَجَدَ الإِحْسانَ قَيدًا تَقَيّدَا

من لا يشيرك لا تبدّي له الشور ومن لا يودّك نور عينك فراقه