الجَلا

‏«عايش بمرحله مدري وش تسمّى ‏لكن الظاهر أسم المرحلة : عادي ‏زاهد ٍ لي بامــــــــورٍ حبّها جمّا ‏وصاير يقفّي أغلى الناس .. ما انادي ‏حتى لو الوضع ماهوب أخو شمّا ‏العرب تخترش جنبي وانا هادي»

صبحكم الله بالخير ياوجيه الخير اما بعد.. «جعلنا لا بيّنت شـمـس الصباح المستنيره يتداول ذكرنا ب الطيب والفعل المشرّف»

ياصاحبي ماني براعي مهاداه إما ارضني والا اجفني واستخيري إما تعال وماطلبناك عطناه والا تروح وجعل دربك سفيري من شق شقٍ يااريش العين يرفاه وانت الذي شقيت خافي ضميري تضحك وانا صملان قلبي مطواه تقول لي لين الفلك يستديري مانيب من يطرد سراب بمظماه شاف السراب ويحسب انه غديري عيني على شوف الولايف مضراه جزوع لاشفت الجفا من عشيري مايستوي حب بليا مراضاه بيني وبينك ياالغضي مايصيري — ياسر الروقي طيب الله ثراه

«عزي لمن حده زمانه على اقصاه يجدي وينخى مير محد نظر فيه وقت الرخى ياكثر من قال نفداه بالمال ولا الجاه بروح نفديه وقت الشدايد كلٍ يقول يقول فرقاه مالي وماله ثم روح مخليه خلوه في فقر وهم ومأساة اطيبهم اطيبهم بهرجه يهديه ايَّس وقال العبد لابد مثواه في وسط قبر يبيض الخام نطويه» – بن زوبين

ولنا في الخيال حياة .. وكم من مُحبٍ أسعفه خياله حين خذله الواقع والمحبوب قال الشاعر : « ما تمنعني حدود المسافة من التعبير أنا توني مسولفٍ معك .. وانت ما تدري صافحت في كفّي خيال العزيزين وأثره جنون الشوق – صافح يديني» وقال آخر : «الخيال احلى كثير من الحقيقة كل ما تشتاق لأحبابك .. تخيّل»

لابأس

«لا بأس .. يا راسٍ ملته التفاكير وعاف المنام وعاف لين الوسادة لابد من عقب المصاعب تياسير والآدمي يصبر .. وصبرة عبادة نتعب، ونقطع بالركادة المشاوير وسعي الطفاقة، غير سعي الركادة –بكره يبين الصبح يغرد الطير– وامشي مع العالم واوزع سعادة»

ما طب حلو النوم عين الشقاوي

يازين صافي غديره

صباح الخير يا ضحكة العمر عقب النكايد يا سلوة الخاطر اللي مبطيٍ ما صفى جوه

صبَاحُ الخَير.. مَن أدركَ الصُّبح في أمنٍ وعافيةٍ فليحمدِ الله في صدقٍ وإخلاصِ!

‏«عيوفٍ مايملا عينها إلا أبلجٍ مدهوش ‏يحط القمر و الشمس في راحة يداها»

«شرّعي باب المعاتب .. بدون مقدمات واطلقي ماكان في صدرك اطلاق سجنا حاصريني بالتشرّه من الأربع جهات أنتي المشروه منك .. مثل رد الثنا أعتذر لك عن غيابٍ بدون مبررات لوّ ما بالقلب خالي ولا الصدر ذْهنا صح ماودي بهجرك لو يطول السكات بس ماودي بوصلك وأنا مانيب أنا»

بين صدفةٍ جابها العمر و وداعٍ بـ اختياري ما عرف قلبي يطيع الواقع او يرضي ضميره كنت اظنّ انّ مرّت الأيَّام بـ يْجفّ انتظاري ما هقيت انّ الأمل يستمطر .. اليا جفّ بيره كيف صارت وحشة الغربه تغنّي في دياري «ذبلت انوار الشوارع» وانطفت شبه الجزيره

«الصبر زين وكل مطرود ملحوق ‏وشرهة قدم رجلي على عظم ساقه ‏وان كان عندك شك لاناشك العوق ‏في قلبي اللي لك يزيد اشتياقه ‏الشوق مشتاق لك اكثر من الشوق ‏شوق بدويٍ ضاعة اغلى نياقه» — تركي الميزاني

«الصبر مهما طال ما يلحق مداه ‏والضيق مهما طال من بعده فرج ‏ ‏والحظ لا منه تعثر في خطاه ‏خل الصبر معكاز والهمه درج»

«الصبر زين وتآلي الصبر الإفرآج ‏وخلك على درب التصبر مبآدر ‏وإليآ تصآفق حلم قلبك بالآمواج ‏الله على تحقيق الأحلآم ..قآدر»

‏«الصبر زين وكل مطرودٍ ملحوق ‏دام النجوم العاليات .. بسمـاها»