الجَلا

مدغم ابو شيبه ليته ترفّق قبل يكتبها

مير ان تالي ليالي القيظ يهب نسيمه بالخاطر ويشرحه

«في دربكم يا راحلين مناكيف تالي ليالي القيظ وأول خريفه ردوا سلام أهل القلوب المواليف على الوليف اللي نشد عن وليفه لعذوق النخيل المهانيف ردوه وعلى القصور اللي بوادي حنيفة دارٍ لها بالقلب عشق وتكاليف يا عل عين ما هوتها كفيفه طبنا وشبنا وأتعبتنا المشاريف والمرقب العالي هبوبه عنيفه يا واردين العد كفوا المغاريف اللي بقى دمع هماج ذريفه والله لو دمعي يغيث الملاهيف قطعت عرقي لين يصفى نزيفه ياحظ من لاعرف منهو ولا شيف إن طاب يحمد وإن تردى بكيفه حنا ورثنا المجد عظم وغضاريف لا ما ورثنا المجد تاج وقطيفه» - البدر

«وصف الرياض»

‏كبريائي فالغلا ما هو تسلّي ‏ندرة الأشياء تغريني وأبيها ‏ما أداني إمتلاك الحاجه اللي ‏كل واحد يقدر يحصل عليها

فلّ الحجاج وخلّ عنك الهواجيس ‏كلٍ يموت وحاجته ماقضاهـا ‏واعلم تـرى الدنيا تجارب وتقييس ‏مالك ومال الخلق تطلب رضاها ‏خلّك مع اللي يطلبون النواميس ‏وخلّ النفوس الضايعة في غثاها ‏لازم محلّك فوق روس التضاريس ‏مثل الصقور العالية في سماها ‏ولاصار صدرك مثل حر المحاميس ‏دعوة لربك خاب منهو نساها ‏يكفيك مـن شر الليال المعابيس ‏ويفرج لنفسك همها مع عناها ‏واحذر مخاوى صاحب السو وابليس ‏وأحذر من الرديان تمشي معاها ‏ومـن لااخذ الدنيا بقيس وتقييس ‏يحصد وياخذ زرعها من جناها ‏يطوى قلبه مثل طي القراطيس ‏ويجهل اموره صحها من خطاها ‏ولو تطلبه من غاليات النوافيس ‏والنفس طماعة وتتبع هواها ‏ماتاخذ الا اللي كتب رب بلقيس ‏وماخاب عبدٍ طاعة الله بغاها ‏خلها عليه وخلّ عنك الوساويس ‏يجلي عن النفس الضعيفة شقاها

وبعبارة اخرى: هونها تهون

لابغيت الشيء يهون؟ عدّة ما يكون

ياللي على شان معكازي تبيّن لي رجلي على حالها .. وانا على حالي والكسر؟ ماهوب في رجلي علي كلّي وانت السبب بالغرابيل اول وتالي

‏في رجا الله ما ترجيت المجاند والجنابي ‏كل جهد الآدمي من غير عون الله .. خسارة

«دام اتجاهك شمال مودعك حاجه سلّم على حايل .. وسلّم على شمّر وانت تعرف يا بعد حيي من تواجه بيضان الافعال لامن الزمن سمّر إن ضاقوا أعنف من البحر ومن أمواجه وإن راقوا؟ أركد من الخِرمان لا عمّر»

إن شفت ما عفته على طول أغيّر ولا أطوّل المجلاس عند المداليخ نفسي عيوف .. ماتحب التحيّر ولا احب انوّخها بكل المناويخ وعندي سوا طويل، ولا قصيّر وراع الكبر عندي تساوى مع الذيخ

خلك مع مذهب سعد بن علوش اسلم لك «لاتشوف الي تحب بنظرةٍ مألوفه ‏انت عاشق، والنظر جهر الشعور وسرّه»

«قمت أتخيلك هنا وهناك وهناك وين ترحل بي النظرة .. نصيتك» — مساعد الرشيدي

«نسايم هبوب العصر هبي على المشتاق أمانه قبل وقت الغروب ، أطرقي جوفه طواري غروب الشمس مالي عليها أخلاق وعلى كثر ماهي تتعب القلب . . مألوفه خريف الجفا عقب الوصل حتت الأوراق وربيع العمر ؟ يا وجد روحي على شوفه»

- صِل -

- صِلّ -