February poem

فهد بن بجاد

تمادى يالسهر و اجحد عيوني و استلذ اللّيل ما دام الجرح يسّلب فرحتي ، و اعيشه لحالي كثر ما اراجع اخطائي و اعرف الحل والتحليل كثر ماشفت تقصيري مع الله ينهش فـ حالي جزع قلبي ، وانا والوقت والغربه فـ حط وشيل لو احنه من جروح الزمان ، اقفيت في فالي انا ماني نبيّ ، ولا معي قدرة على التأويل شْلون ارجع مثل ماكنت الاول .. داله و سالي ياسرع الوقت ، و ايامٍ مضت تبقى قصص للجيل لا زلت اعيش في فترة قديمه مالها تالي نزل وحي الشعور ، ولا نزل به من سما جبريل ولكنّي كتبت اللي بتقرا بعضه عيالي تظاهرت الصلابه ، والجبل يقسم صفاه السيل لو انّ حتى حفيف الريح يربك وقفة ظلالي وحيد اكافح يْدين المصايب مابرد لي حيل وانا لا مرت الذكرى عليّ تنكّس عقالي لك الله يا قديمات الليالي ماني إسرافيل ابث الروح فيك و ترجعين ، و يرجع الغالي يجر الدمع من عيني سّكوت ، ويستره منديل ياليت الدمع ما مر العيون ، و مر في بالي „اعرف اطاول الحزن العتيق ، ولا عرفت أطيل بـ تبريري عن جْروح الفؤاد و خيبة آمالي عيون الحب يكحلها غياب ، ولا كحلها ميِل رعى فيها السهد لين ارمدت محاجر وصالي تغيب الشمس وغصون انتظاري للغروب تميل و اقول ان العوض في شمس بكره تعلن إكمالي„