Parallel muhit data

Hamma AI ishlatishni o'z korxonasida majburiy qilayotgan bir paytda, men uni taqiqlamoqchiman! Har bir muammoni yechimini topish uchun internet yoki AI ishlatish shart emas, zararga ishlab qo'yishi ham mumkin. Internetsiz hal qilingan masalalar originalroq yechim topadi nazarimda. GPT kabilardan har bir masalaga doimiy yechim olib yurish, kreativlikni va izlanish skillarini insonda keskin pasaytirib yuborishiga guvoh bo'lyapman. GPT yo'q davrlarda o'sha masalaga qanday yechim topishimizni bir eslang. Google va Yandexdan kamida 5-6 ta maqola o'qib, keyin qandaydir shaxsiy xulosalar olar edik. Hozir esa xuddi shu ishni GPT qilib beryapti, farqi xulosa qilishni ham o'zi qilyapti va siz izlanish uchun vaqtdan yutyapsiz, ammo qo'shimcha qaysidir foydali ma'lumotlarni qoldirib ketyapsiz. Sababi siz prompt berganingizga qarab, javob beradi GPT. Siz esa promptda unutgan qo'shimcha detallarni, o'sha mavzu ustida o'zingiz ko'proq izlanganingizda duch kelishingiz ehtimoli yuqori. Kreativlik talab qilinadigan soha egalari ayniqsa, bu jarayonga doimiy o'rganib qolishlari mumkin emas. Kreativlikni keskin tushirib yuboradi. Kerak bo'lsa, "shu masalani umuman internet va AI bo'lmagan davr bo'lganda qanday hal qilardim?" degan savol bilan inson o'ziga ko'proq berish orqali kreativlikni oshirgani yaxshi. — SMMchilar kontent planni AI orqali qilishni bas qiling! — Kontent meykerlar ssenariyni AI orqali yozishni bas qiling! — Marketologlar marketing strategiyasini AI orqali tayyorlashni bas qiling! Chunki biz "oson yechimlar tuzog'i"ga tushib qolyapmiz. Qidiruv jarayonidagi mashaqqat — bu miya uchun mashg'ulot. 5 ta maqola o‘qib chiqarilgan 1 ta xulosa, GPT bergan 10 ta tayyor javobdan qadrliroq. Aynan o'sha izlanish davomida siz mavzuning ichiga kirasiz, kutilmagan g'oyalarga duch kelasiz va eng asosiysi — fikrlashni o'stirasiz. @otabek_komil

*Tarix tarozisining bir pallasida mana bu yozilgan. Odamlari boshqara oladiganlar, narsalarni boshqara oladigalarni boshqarishadi va pulni boshqara oladiganlar, hammani boshqarishadi. Shuning uchun bankirlar, turli yo'nalishlardagi o'zgarishlarni ko'rib, pullarini ikki-uch barobar ko'paytirish uchun uni bir joydan, ikkinchi joyga olishadi. Qarzlarni va foizlarni boshqarish, korxonalarga shartlar qo'yish, katta risklar orqali katta foydalar olish orqali iqtisodiy piramidaning cho'qqisiga chiqib olishadi. Florensiyadagi Medichilar, Augsburgdagi Fyuggerlar, Parij va Londondagi Rotshildlar, Nyu-Yorkdagi Morganlar va boshqa katta bankirlar doim davlat kengashlarida o'tirishgan. Urush va papalarga homiylik qilishgan.*