مسلسلات و أفلام
قناة بسيطة
3 507
المشتركون
-1024 ساعات
-547 أيام
-28130 أيام
أرشيف المشاركات
3 507
⚜️.. خطة مذاكرة العربي والشرعي ..⚜️
تعالي نقفل العربي والشرعي باقل مجهود علي مدار السنة 💪🥳
صلي على الحبيب المصطفى الاول
♦️اول حاجه النظام 👀 اياك ثم اياك من العشوائية 🤦 لازم تكون عندك اوقات ثابته علي مدار الاسبوع لمذاكره المواد دي المواد الشرعيه مثلا عندك خمس مواد تقسمهم علي ايام الاسبوع خلي للفقه والادب يومين عشان كبار🙋 مثلا السبت والخميس فقه واي يومين تانيين ادب
لازم يكون لهم اوقات ثابته زي الدرس مثلا او انت تحدد لهم وقت في اليوم بس مش تتهوان فيه لاي سبب 😒 او تذاكر ماده مكانهم 😑
♦️طريقه المذاكره ازاي 🙂
حاول تستخدم كل حواسك في استقبال المعلومه 🙂 هتقلي ازاي 🤔 سماع الشرح اكتر من مره ثم قرءاه الدرس اكتر من مره بصوتك العذب ده 🙂😂 ثم كتابة المعلومه اكتر من مره اثناء المذاكره واعمل لنفسي خريطه ذهنيه في نص صفحة كده شامله افكار الدرس 💪 ثم حل اسئله الدرس هتقلي هعمل كل ده 🫣 اجيب وقت منين اقلك متبنيش عقبات قبل اي خطوه تعملها انوي خير وربك بيعين🤍جرب هتلاقي نفسك ذاكرت الدرس في اقل من نص ساعه 🙂 وحليت في ربع ساعه بس سرع فيديو الشرح طيب ماذا بعد 🙂 ذكرنا الدرس وحلينا في ساعه مثلا مش مشكله 🤦 وبعدين هقلك فتح عقلك 🤌 عشان دي اهم حاجه وهي اللي هتميزك عن غيرك 💪 وهي اللي هتخليك تقفل كمان
👀المراجعه من اول المنهج كل مره بتذاكر الماده هتقلي اجيب وقت منين يا عم انت 🥹😭هو انا عارف اذاكر الماده نفسها لما اراجع عليها هقلك متعقدهاش بس 🤦 الدنيا سهله والله هي عادة لو استمريت عليها هتظبت لك الدنيا كلها اقلك 👀 هديك مثال عليا 🙂 كان عندي مدرس بيعمل معايا حركه جميله جدا قبل ما يبدا شرح الدرس الجديد لازم يطلع عيني اسئلة من اول المنهج وبيسأل سؤال سؤال ومش بيفوت حاجه التفسير مثلا لما بنراجع سوره معينه يقلك مع نفسك يقعد كده مستمع لك وانت تمسك السوره تسمع كل حاجه فيها من اول كلمه لاخر كلمه معاني واعربات واراء وكل حاجه فده كان بيجبرني اراجع من اول المنهج كل مره بروح فيها الدرس مش كل شهرين لحد وصلت لمرحلة ان المنهج خلاص زهقت منو من كتر المراجعه حتي لما خلصنا المنهج في خلال 3 شهور تقريبا بنفس الاسلوب ده مرجعناش بدأنا حل علطول و الحمدلله قفلت موادو كلها 🤍
الموضوع محتاج منك ربع ساعه والله قبل ما تذاكر الدرس الجديد تراجع فيها اللي اخدتو من بداية المنهج مينفعش بعدو ليه عشان انت هتمل من المذاكره وهطنشها وهتقول فصلت لكن قبل الدرس الجديد انت كده بتضمن انك تراجع لانك كده كده مجبر تذاكر الدرس الجديد 🙂
وبعدين احنا لسه في اول السنه فمخدتش كتير يشكل عبئ عليك
♦️طب هبدا اشوف نتيجه كده امتا 🤔
في خلال اسبوعين لشهر
♦️طب اي الاستفادة منها اصلا 🙂
توفير الوقت هو اه شوية مجهود زياده في خلال شهرين تلاته لكن بعد كده هتوفر اضعاف المجهود ده وهتبتدي حل علي طول لان عقلك خلاص حفظ من المنهج من كتر ما انت بتجبرو علي المراجعه 👌 مش محتاج بعد ما تخلص تعمل زي ناس ترجع تذاكر تاني من بداية المنهج لانهم نسيوه خالص وهيضعيو شهر ولا اتنين يلمو اللي نسيوه لكن انت لاء 🙂 انت طلعت اشطر منهم وبتفكر صح وجيت علي نفسك شويه بس استريحت خالص بعد كده ووفرت وقت اكتر للمواد الثقافيه👌
طب طريقه المراجعه ازاي اقل حاجه خالص اقرأ بصوت عالي وسمع لنفسك من بداية المنهج لحد ما انت واقف مرتين ايا كانت المادة سواء شرعيه او عربيه وحل اي سؤالين يجو قدامك مش مهم يكونو كتير بس مع التكرار والمراجعة الكتير هتلاقي نفسك بتزود الحل بنفسك لان already حافظ اجابة الاسئلة 👏💪 يفضل جدا لو المدرس بتاعي مش بيسألني كل يوم استعين بحد من البيت يسألني مثلا في الادب اللي هو يفتح الدرس الاول يسألك سؤال سؤال مش يفوت حاجه وانت تجاوب ويفضل يسالك لحد اخر درس انت واقف عليه مش من اول ولا تاني ولا تالت مره هتجاوب كل حاجه الموضوع عايز صبر لحد ما عقلك يحفظ المعلومات من كتر التكرار مش هتنسي خالص ان شاء الله هتقلي الموضوع صعب وانا مكنتش براجع هقلك ابداء هات درس درس مع الجديد الاسبوع ده رجعت درس واحد من الادب الاسبوع اللي بعدو يبقي درسين اللي بعدو تلاته وهكذا بجانب الجديد وبس كده مبروك عليك جبت فوق 60% 👏🥳
⚜️♦️ملاحظات هامة ♦️⚜️
🔻متركنش الشرعي والعربي خالص واهتم بيهم واديهم حقهم وزياده عشان درجتهم مضمونه وحرام تضيع حاجه منهم
🔻 متقولش هلمهم اخر السنه واهتم بالثقافي صدقني اكبر غلط هتعملو
🔻 مش معني كده تهمل الثقافي خالص وتشتغل شهرين تلاته عربي وشرعي بس لا🤦لازم كلو يمشي بالتوازاي مع بعض لانك لو خلصت العربي والشرعي هتركنهم وتقول متاخر في الثقافي ومش هتذاكرهم تاني وتنساهم وكده هتلبس في الحيطه 😀 ومتقلقش هتلاقي وقت لكل حاجه والله بس ظبط وقتك صح
وبالتوفيق 🤍
⚜️♦️قناة طلاب مستر خالد صقر 2025♦️⚜️
متبخلش بشير عشان غيرك يستفيد ❤️
3 507
