Bac with ayoucha✨

تفكرت حاجة خاوتي كثرولي دعاء راه عندي كونطرولات سمانة جاية جاء دوري في امتحانات😞🫠 ودوركم في دعاء 😃

احمم خلولي ارائكم ولا كلمة ليا في تعليقات 👀🫠

ان شاء الله كنت خفيفة عليكم نا وفوكالاتي الطوااال وفدتكم خلال مسيرتكم ولو بالقليل ☺️❤️

الحمدلله انتهى العام وتبقى اللحظات وذكريات لي عشتوها فيه وفي هاذ ليامات بالاخص راح تتفكروهم بزاااف هه ان شاء الله يارب العام الجاي تكونوا في بلاصتي وفي الجامعة وتنصحوا في جماعة بكالوريا 2026 ربي يفرحني بيكم قااااااع نشوفكم ناجحين وفي التخصصات لي بغيتوها دركا انسى كلش لا تشوف تصحيح لا تخمم في مادة لا في معدل لي عليك درتوا ودرك لي كاتبة تجي .... انتم احرار 👀😃

تفرجوا حتى فيديوهات خفاف

بخصوص الفلسفة توقعوا كلش وتوقعوا انوا ميطيحش مقترحات امالا اضرب طلة خفيفة على اشكالية وموقفين تع كل مقالة وراجع مليييح ملييح منهجية تحليل نص اونكا هك ولا هك تسلك بيه راسك

يوم واحد وتتهنوا

اهلا اهلا

وفي الاخير ربي يوفقكم كاامل ونشوفكم ناجحين 👀✨

هذوا هوما وفي الاخير تفكر... . . لي فات ماات ودركا هو الصح انسى لي فات صايي راح مع لبارح وراح مع صباح وركزلي على لي عندك فرصة انك تصلحه وتجيب فيه ♥

وفي مصطلح كيفكيف و اكتبلوا كلمات مفتاحية مثلا في شخصية: هو شخصية سياسية بارزة في الحرب الباردة ولا هكا...

اذا واجهك شخصية محفظتهاش حاول تشوف ولا تشفى وشمن وحدة وواشنوا الحدث لي ذكرت فيه ومنوا اكتبلوا تعريف

اضربوا طلة على العناصر لي زايدين في كتاب بورنان و هذوك الاسئلة لي يحطهم اغلبيتهم الاسئلة الاستنتاجية يجوا منهم

♡استعمل الالوان واذا شكيت سقسي استاذ الحارس ♡الالة الحاسبة متنسهاش طبعا وادوات الرسم تاعك باه متبقاش تطلب وتشوش على روحك وعلى لي معاك ♡متكتبش المقدمة نفسها تع سياق رد بالك اكتب مقدمة من عندك واذا حبيت تستعمل كلمات معليش ومتنساش اشكالية

اذا عطاك رسم ولا خريطة رد بالك تنسى العنوان والمفتاح والسلم

بالنسبة للاجتماعيات اذا واجهكم سؤال استنتاجي حاول تجاوب عليه من خلال العناصر تع العنوان لتحسوا قريب لي وعنده نفس الموضوع

متسهروووش خاصة هاذ ليومين كاين لي يسهر يحفظ خطيك من السهر يضيعلك اجاباتك وتولي تجاوب ونتا مش مصحصح

مبقاش بزاف وتتهنوا هه

ان شاء الله تكونوا خدمتوا مليح في المواد لي فاتوا

سلام سلام