Bac with me 🌺

صبح ربح ورد مفتح وصباح صباحين وحدة صحة ووحدة زين😁😃

رسالتك لليوم أيُّها العابرُ☁️؛ "إن لم تقاتل من أجل ما تتمناه، ستقاتلُ أضعافه من أجل التأقلم مع وضع أنت لا تريده!" 🫶🏻

الامس كنت مثلكم داخلة عام البكالوريا بخوف 😔 وقتاش رح تكمل السنة؟! كفاش حنفوتها؟! هل صح راح نقدر نوصل وين حابة؟! باينة مراحش يكون صعيب.. رح يجوز عام كيما اللي فاتو متوقعتش وش صرا في هاد العام تع البكالوريا حسيت نفسي كبرت 10 سنين في عام واحد رح يجوكم دروس مش غي فالقرايا رح تطيحو وتنوضو وتجوزو الستراس ولكن نصيحة.. متخلوش الستراس يديكم لحوايج جامي كنتو حتديروها.. ولا تخلو ناس تستغلكم بحجة تعاونكم.. تقدر تعاون روحك وحدك.. تأكد منها هادي واذا لقيت لي يعاونك في حدود متديروش ثقة فالناس متبعدوش على ربي سبحانو ولا تخلو الشيطان يبعدكم على ربي بحجة لقراية خلو ايمانكم بربي قوي.. وفقو بين صلاتكم وقرايتكم ووردكم القرآني ونعاودهالكم 😔 ماتخلوش ناس تستغلكم.. يعاونوكم بصح بحدود متكونوش ناس تخدم بالحيلة ومتكونوش نية بزاف متحسدوش.. متبغضوش.. اتمناو الخير للناس.. وربي رح يجازيكم بالاحسن ديرو نية طلب العلم في قلوبكم باه تدو أجر ادعيو ربي بزاف سيرثو في رمضان وفي يوم عرفة (خاصة يوم عرفة😭) ديرو سوفونير ملاح مع أصدقائكم ماتستعجلوش النهاية لأنو كي توصلو للنهاية رح تنساو قاع وش جاز عليكم.. رح تبقا النتيجة اللي جامي تخممو عليها وتخافو منها.. اشغلو نفسكم بالسعي مش بالتخمام بداية عام دراسي موفق لبجميع ان شاء الله ✨أنا الأدمن مودة معكم حتا نهاية العام تحتاجوني راني هنا ✨ عام موفق بإذن الله للجميع رح تكون قناتنا سند ليكم بإذن الله بش متعاودوش أخطائنا وتستفادو من تجاربنا بإذن الله أتمنالكم تحققو احلامكم وربي يبعد عليكم كل مكروه يصيبكم بإذن الله 😭❤

الاوتفت قاع بني زاهية بالماغون😃🤌🏻

🔻 كيف تنشئ اختصار لمنصة ريفيزا في سطح المكتب ..

محلاظة : الطريقة شغالة كذلك في باقي الاجهزة سواء هاتف اندرويد او ايفون

وعععع حلمي تاع العام لي فات تحقق😭😭 حسدتكمم😭😭

انا نشفار حت نقرا وديت نصائح😔🤌🏻 مالكم نتوما تجيحو من اللول؟! 😃

صبحنا ربحنا وعلى لمدرسة رحنا ياك؟! روحتوا ولا بديتوها من نهار لول😒

غدًا تبدأ مرحلة العدّ التنازلي الفعلي والحقيقي. أعزّاءنا التلاميذ، هي مجرد أيام ستمضي أسرع مما تتخيلون، وربما لن تدركوا قيمتها إلا بعد فوات الأوان... لذلك، حاولوا أن تأخذوا من الزاد ما يكفيكم قبل أن يحين وقت الامتحان. فوالله بإذن الله، سيأتي الغد كما جاء اليوم، وستجد نفسك تقول: «غدًا سأمتحن... هل أنا مستعد حقًا؟ أم أن الحلم قد ضاع؟»ش @Revisa_ebot #bac-with-me@bacyoucandoitt

☁️غدوة بإذن الله يسموه الانطلاق الفعلي لرحلة لباك مذابيكم تروحو تتعرفو على اساتذة شكون تحضرلو وشكون لالا ☁️روحو ازهاو دورو شوي شوفو لي يقراو معاكم زملاءكم كذا من بعد راك ترجع لسيريو مناسبات هكا ميتعوضوش ☁️عام لباك افضل عام رايح يعقب عليك فيه ستراس صح بصح ليسوفونير كامل في هذا العام استغلوه وصورو كل لحظة منو😝 ☁️ديرو اذكاركم ارقدو بكري وجدو اوطفيتات وابداو عامكم بحاجه حلُوة حبة حلوة ولا شيكولا ...مهم 🪴عام موفق للجميع بداية خير ان شاء الله تُكلل بافراح ونيل المُراد ان شاء الله كامل لي هنا يلحقلو وين حابين وتخصص احلامهم 🫶🏻 #bac_with_me

وتفعلها جامعة الامير😃 الدراسة حتا للثمنية تع الليل💃🙂

وجدو اوطفت غدوة روحو برق برق ✨✨ نديرو جلسة تقييم اوطفيتات👀

صباحية لي راح نولي نديرها لقروب القراية باه يولو يقولولي واش يصرا في لفاك 😆