ኢት-መጽሐፍት | ETHIO-BOOKS

#ኡቡንቱ! አንድ የስነ-ሰብ (Anthropology) ተመራማሪ ወደ ደቡብ አፍሪካ ገጠራማ መንደር ለስራ ያቀናል። በቆይታውም ከህጻናት ጋር መግባባትን ይፈጥራል። እናም ሕጻናቱን ለማስደሰት አንድ ሽልማት ያለው ጨዋታ ያዘጋጃል።  ጨዋታውም፣  በማንጎ የተሞላ አንድ ቅርጫት ከዛፍ ስር ያስቀምጣል፣ ህጻናቱን ከዛፉ አንድ መቶ ሜትር እንዲርቁ አደረገ፣ ከዛም እንዲህ አላቸው:- "እኔ ጀምሩ ስል ቀድሞ ቅርጫቱ ጋ  የደረሰ የፈለገውንና የሚችለውን ያህል ማንጎ ይበላል:: " ጨዋታው ተጀመረ። ህጻናቱ ግን ከጨዋታው ህግ ውጪ ያልተጠበቀ ነገር አደረጉ። ይህም ሁሉም እጅ ለእጅ ተያይዘው እኩል ወደ ቅርጫቱ ሮጡ። ከዚያም አንድ ላይ በቅርጫቱ ውስጥ ያለውን ማንጎ በአሸናፊነት መንፈስ ተካፍለው መብላት ጀመሩ:: የስነ-ሰብ ተመራማሪውም በመገረም "ለምን እንዲህ አደረጋቹ?"ሲል ጠየቃቸው። ሁሉም በአንድነት "ኡቡንቱ! " በማለት መለሱለት። በመቀጠል አንዱ ህፃን  እንዲህ አለው:- "እንዴት ሌሎች ጓደኞቻችን ተከፍተው አንድ ልጅ ብቻውን ይደሰታል? ይሄ ባህላችን አይደለም::" "ኡቡንቱ" የቃሉ መሠረት የደቡብ አፍሪቃው የዙሉ ማሕበረሰብ ሲሆን፤ ትርጓሜውም:- “ለመኖሬ ምክንያት አንተ ነህ፤ ላንተም መኖር እኔ!” የሚል ሰብዓዊነትን ያዘለ ፍልስፍና ነው። Join_us; 👉 @et_books1 👉 @et_books1

ደሃ ስለሆንኩ ተወችኝ  ይላል ። ደሃ ስለሆነ አይደለም የተውኩት ስንፍናውን ድል እንዲነሳው እንዳግዘው ምቹ ስላልሆነ እነጂ ፤ እሱ ችግሩን የሚፈታው በጥቅስ ነው ። ያለውም ይሞታል የሌለውም ይሞታል አይነት  የደከመው ሰው ጥቅስ ውስጥ ስለሚወሸቅ ነው ወዳጆቹ ፣ ቤተሰቦቹ ፣ ጓደኞቹ እና ዘመዶቹ ስላላገዙት ፣ ስላላበደሩት  እሮሮ እንደሚያሰማ ሰው ደካማ የለም ፤ ከዚህ ሰው ጋ እንዴት ጎጆ እቀልሳለሁ ? እሱ ጋ ስሆን እረፍት አይሰማኝም ፣ ነገ አያጓጓኝም ፤ ችግር ሲገጥመው የሚታገልበት መንገድ ጥቅስ ነው ፤ የተሸናፊዎች ጥቅስ አሸናፊ መፍጠር እንደማይችል አያውቅም ። ህልም እንደሌለው ሰው ደሃ የለም ፤ ህልም አልባ መሆኑን ያከፋው የእኔን ህልም ቅዠት አድርጎ መቁጠሩ ነው  ። ማሬ አንድ ቀን በዚህ ሁለት አመት ራስህን ለመለወጥ ምን አደረግክ  አልኩት " በእናትሽ ይሄ አነቃቂ ንግግር ነው ኑሮሽን የሚያወሳሰበው ፤ እነሱ እንደሚሉት በመደመር ፣ በትግል አይደለም ኑሮ የሚቀየረው በአጋጣሚ እንጂ ፤ እጣ ፈንታችን  ነው ነገሮችን የሚያደላድለው" አለኝ ።  እኔ በውርስ ሀብታም ከሆነ ይልቅ ታታሪ ህልም ያለው ደሃ እንደምመርጥ ውስጤ ያለውን እውነት ባወቀልኝ ፤ ስንፍናው ነገዬን የማጨለም አቅሙ ሲታየኝ ፣ ህልሜን ሲጋርደው  ነው ከህይወቱ የሄድኩት ። እንኳን ሄድኩ !         Join_us; 👉 @et_books1 👉 @et_books1

#አወዳደቃችሁን_መልካም_አድርጉ! ስኬት እንደ ደረጃ ነው! ያወጣልም ያወርዳልም! በማንኛውም የሕይወታችሁ መስክ ውስጥ ሲሳካላችሁና ወደ ከፍታ ስትወጡ ከመቼውም የበለጠ ጥንቃቄ እንደሚያስፈልግ ማሰቡ ጠቃሚ ነው፡፡ ወደ ላይ ያወጣችሁ የስኬት ደረጃ ወደ ታችም ሊያወርዳችሁ እንደሚችል መቼም አትዘንጉት፡፡ ገንዘቡ ሲመጣ፣ ዝና ሲከተል፣ ተቀባይነት ሲሰምር፣ ተከታይ ሲበዛ፣ ስልጣን ሲጨምር . . . ከዚያው ጋር የስብእና ጥራት አብሮ የመጨመሩንና ከፍ የማለቱን ገዳይ አስቡበት፡፡ ከሆነላችሁና ከደረሳችሁበት ደረጃ የተነሳ ሌላውን መስማት ስታቆሙ፣ ሁሉንም ነገር ማድረግ እንደምትችሉ ስታስቡ፣ የሚስተካከላችሁ ሰው እንደሌለ ራሳችሁን ስታሳምኑት፣ ወደዚያ ከፍታ ለመድረስ የደገፏችሁን ሰዎች ስትረሱ፣ በስኬታችሁ ያገኛችሁትን ተጽእኖ ለመታበይና ለጠማማ መንገድ ስትጠቀሙበት . . . ተጠንቀቁ! ከዚህ በፊት እንደዚህ ያደረጋቸው በሚልየን የሚቆጠሩ ሰዎች መጥተው ሄደዋል፣ አወዳደቃቸውም መልካም አልነበረም፡፡ ቀድሞም ሰው ነበራችሁ አሁንም ሰው ናችሁና ትሁት እንደሆናችሁ ቆዩ፣ ቀለል እንዳላችሁ ክረሙ፡፡ የደረሳችሁበትን የስኬት ከፍታ ፈጣሪ ይጠብቅላችሁ! ዶ/ር ኢዮብ ማሞ Join_us; 👉 @et_books1 👉 @et_books1