Oʻrganish 24 uz/ Расмий канал

Қирғизистонда ҳокимиятни эгаллаб олишга уринишнинг олди олинди Ижтимоий тармоқларда Қирғизистон Миллий хавфсизлик давлат қўмитаси ҳокимиятни зўравонлик билан эгаллаб олишга уринганларни қўлга олаётган тасвирлар тарқалди. Мазкур воқеага Қирғизистон Миллий хавфсизлик давлат қўмитасининг расмий Инстаграм саҳифасида муносабат билдирилган. Қўмита оператив тадбирлар давомида 5 нафар Қирғизистон фуқаролари ҳибсга олиниб, ҳокимиятни зўрлик билан эгаллаш ва мамлакатда оммавий тартибсизликларни ташкил этишни режалаштирган деструктив гуруҳнинг ноқонуний фаолиятини тўхтатганини маълум қилган. "Аниқланишича, ушбу гуруҳ криминал идеологияни қўллаб-қувватловчи ва диний эътиқодни фанатик тарзда татбиқ этувчи шахслардан иборат бўлган. Қўлга олинган шахсларнинг яшаш жойларидан портловчи қурилмалар, ўқотар қурол, экстремистик адабиёт ва бошқа тақиқланган буюмлар топилган”, – дейилади қўмита хабарида

Эронда президентлик сайлови якунланди Ислоҳотчилар қаноти партиясидан номзод, собиқ соғлиқни сақлаш вазири Масъуд Пезешкиён Эрондаги президентлик сайловларида ғалаба қозонди. Бу ҳақда Ислом Республикаси сайлов штабининг расмий вакили Моҳсин Исламий маълум қилди. Асли озарбайжон миллатига мансуб Масъуд Пезешкиён Эроннинг 9-президенти этиб сайланди.

Прокурорлар пора олишда давом этмоқда Тошкент шаҳар прокуратурасининг маъмурий суд ишларини юритишда прокурор ваколатини таъминлаш бўлими катта прокурори ҳамда Сурхондарё вилояти прокуратурасининг Аграр ва озиқ-овқат соҳаларини ривожлантиришга оид қонунчилик ижроси устидан назорат бўлими катта прокурори қўлга олинган.

Самарқандда «мойкачи» йигит қимматбаҳо машинани бошқариб ЙТҲ содир этди Қўшимча жиҳозлаш ишлари билан ҳисоблаганда 50 минг доллар атрофида нархланадиган машинага жиддий зарар етган. Бундан ташқари яна иккита машина шикастланган.

⚡️ДХХ: Украина ва Озарбайжон фуқаролари Тошкент вилоятида нарколаборатория ташкил этишган 1998 й.т. Украина фуқароси ва 2001 й.т. Озарбайжон фуқароси вақтинча истиқомат қилаётган Юқори Чирчиқ туманидаги хонадонда 411 гр. “Альфа-ПВП” синтетик гиёҳвандлик воситаси, 7 кг.га яқин ярим тайёр наркотик моддалар ҳамда 237 кг. прекурсорлар борлиги аниқланиб, процессуал тартибда расмийлаштириб олинди. Маълум бўлишича, улар ушбу манзилда яширин нарколаборатория ташкил этиб, хориждан келтирилган хом-ашёлар ёрдамида синтетик гиёҳвандлик воситаларини тайёрлаш ва сотиш билан шуғулланишган. i

Ўзбек полвонлари Гиннес рекорди китобидан жой олди Ўзбекистон тарихида илк бор спорт бўйича ўрнатилган Гиннес рекорди расман Guinness World Records сайтига жойлаштирилди Олти нафар полвонимиз 13,5 тонналик самолётни 100 метр масофага 47 сониядан камроқ вақт ичида етказиб боришди. Рекорд биринчи уринишдаёқ ўрнатилган. https://t.me/Organish_24_uz

Сардор Умрзоқов: Оддий одамлар қатори Ҳаж бажаргани келдим Сардор Умрзоқов айни дамда Саудия Арабистоннинг Макка шаҳрида Ҳаж амалини бажаришга тайёргарлик кўрмоқда. У бугун ўзбекистонлик зиёратчилар жойлашган Al Ayam Elite меҳмонхонасига борган. У ерда Умрзоқов “Оддий одамлар қатори Ҳаж амалини бажаргани келдим”,-деган. Уни Муфтий Нуриддин Холиқназаров кутиб олган. https://t.me/Organish_24_uz

⚡️Ҳисорак сув омбори ёрилди Бугун, 10 июнь куни Қашқадарё вилояти Шаҳрисабз туманидаги "Ҳисорак" сув омбори тўғонининг чап тарафидан янги қўшимча туннель очаётган вақтида ёриқ пайдо бўлди. Манба тақдим этган маълумотларга кўра, пайдо бўлган туннель ёриғидан 40 метр баландликда сув мавжуд бўлиб, ҳозирги вақтда ёриқдан секундига 80 литр сув оқиб чиқмокда. Айни пайтда содир бўлган ҳолатни бартараф этиш учун "Узбекгидроэнерго” АЖ бошқарув раиси раҳбарлигида Қашқадарё вилояти ҳокимлиги, ИИБ, ФВБ, ДХХ, Прокуратура ва бошқалардан иборат Штаб ташкил этилган. Аварияни бартараф этишга жами 50 га яқин оғир-муҳандислик ва махсус техникалар ва 160 дан ортиқ ишчи ходим жалб этилган. Ҳозирги вақтда тўғон туннелини мустаҳкамлаш бўйича қурилиш маҳсулотларининг заҳиралари яратилмоқда. https://t.me/Organish_24_uz

❗️2024 йилда Қурбон ҳайитининг биринчи куни 16 июнь – якшанбага тўғри келиши муносабати билан юртимизда 16 июнь Қурбон ҳайити байрами сифатида нишонланади. Қурбон ҳайитининг биринчи куни дам олиш кунига тўғри келиши муносабати билан ушбу дам олиш куни 17 июнь – душанба кунига кўчирилади, 18 июнь – сешанба куни барча ходимлар учун қўшимча дам олиш куни бўлади. https://t.me/Organish_24_uz