مُرهّف

للحين ابرَّه بالدعاء واطلب رضاه ما كن قلبي ذاب من كثر النعي عندي يقين انه على قيد الحياه لو كان وسط المقبره روحه معي

في بعض الأحيان ما تقبل الموت العقول شفني أصافحك وأشكي عليك من السنين قسوة الفجعه من الموت لو تبطي تزول أكثر من الموت قسوه بقايا الراحلين تاخذ الأيام من وجهي الضَّاحك ذبول كل ما يضحك حجاجي تقول الضحك دين إن جرعت من المراره ، جزعت من الذهول وان صبرت من الصَّلابه ، بكيت من الحنين وإن تمعَّنت الصور ما لقيت إلا القبول ‏وان تذكرت الَّليالي لقيت الصبر زين

‏ما قتل وجه الشروق إلا مغيبي ‏خلف شبَّاك الهوى و الحق صايب ‏أترجَّل ، و أنسِج لـ ضحكتك غيبي ‏و الظمأ فيني، و في عوص النجايب ‏والله إن اللي ورا الأيام طيبي ‏قبل أعرف إنك سبب كل السبايب ‏كلّ صبحٍ مرني بعدك حبيبي ‏أثقل من إني أحبك و أنت غايب

والله مانتبع المعروف بالمنه طبعنا ناخذ الجزله و نعطيها من خدمته و قال أبوك في الجنه كنه اعطاني الدنيا و ما فيها

لا ابتسمتي في مطاليع الصباح والله إن الشمس تشرق مرتين والعجيب إن القمر بالصبح لاح شمسٍ وقمر بسبتك مجتمعين

سايق عليك اللّٰه يالمحبوب لا جاء المطر لا تطلع تكابر أخاف يضربك المطر و تذوب وتنبت ورود .. ويقطفك عابر والعمر لو هو مرتين بأتوب لكن العمر مرة و الغلا جابر صابر على بعدك صبر أيوب و أيوب نال .. و عادني صابر

التقطت هذه الصورة في وادي الدواسر عام 1969 لي صاحب وادي الدواسر مغنّه في ديرة .. فيها نفانيف وبراد من حدّر الوادي لقا فيه جنه ومن سند الوادي لقا فيه الاجواد اللهُ علم عن صاحبي ويش ظنه لا يحسب ان الحب يمحاه الابعاد

‏تبخّرت كل الاماني وانتهت كل الحلول ‏يا روضة احلامي تعدّاك السحاب المنهمر

‏اللهم ارحم من أصبحُوا في ودائعك، وبّرد على قبورهم، واعف عنهم، واجعلهم مُكرمين في جناتك يا رب العالمين🤍

أتعبتني من بعد فرقاك كل درى وش حصل فيني العلم متضايقً وعفاك وغيابك،، الي معنيني يالغايب الي طلبت انساك وشلون ترضى تخليني متغير نهجك وممشاك لك عام ماشافتك عين

‏أغليك لو إنك بعيدٍ عن العين ‏دام المشاعر في غلاتك رهينة ‏وأعشق وجودك في حياتي وألبيك ‏هذا هو الموجز وكل الحقيقة️ ‏أغليك وأحبك وأعزك وأداريك ‏وأشتاق لك في الثانية والدقيقة

أعشقي من يحب العز ودعاني بيّن فعلها من طيب مجناها ذا كلامي وأنا من لاد ودعاني ترتفع روسنا لامن ذكرناها كاسبين المراجل سر و علاني لاد ودعان راس الرجم مرقاها يستريح بذرى ذربين الايماني لابتي من يريد العز ينصاها

‏جيت و انا وحدي هنا مالي ومال المحبه ‏وحببتني بأشياء من بد الملأ ما كنت أحبها

زهقنا من مدارى الخطّر وبلاهة الفاهيين يسوون الخطأ عادي ولا كنهم يسوونه وتعبنا من مجامل واحدٍ يلعب على الحبلين يظن إنه ذكي! والأذكياء تستغبي ظنونه

ترى ماجيت لجل اسمع سواليفك عن التقصير أعرف ان الخطا مني ( بلاش نعيد هالسيره ) انا وانتي بهالدنيا تحملنا بعضنا كثير تعوّدتي على عنادي ، وصرت آحب هالغيره انا وانتي حكايتنا مثل صدر السما والطير كثير اللي يطالعها ،، ولحدٍ طالها غيره انا وانتي حكايتنا مثل لعبه ، وطفل صغير مع انه دوم يهملها رفض يسمح بها لغيره انا وانتي وش اوصفلك عجز عن وصفنا تعبير! مثل ! مدري ! مثل وشو ! ولكن صعب تصويره انا وانتي بلاش انتي أنا لو بفقدك شيصير عليم الله لو ما انتي فلا مريت هالديره "أحبك ايه أحبك ذي ما يبغالها تفكير يخلف الله على عقلٍ ملكتي كل تفكيره "

‏على اللّٰه لو يروح اليوم كله بين حزن و ياس ‏وانا ما احب كسرة نفسي وما اداني خضوعي ‏وانا اتعبني السهر وارهقني التفكير و الهوجاس ‏مضت حول الثلاث ايام دمعي مغرقٍ كوعي ‏بلاني ربي بقلبٍ صخر وبخاطر حساس ‏ما بين امسح غلا الغالين وبين امسح دموعي ‏تقول اللّٰه خلقني من برود ومن شوي احساس ‏ وانا والله لا هب النسيم يزيد من لوعي ‏لو ان ماني بـ احن الناس لكني احن الناس ‏وأخاف اللّٰه لا ابدل خاطرٍ راضي بـ موجوعي ‏اداري فـ الخواطر لو ما عندي لها احساس ‏يا كيف اللي لي اغلى من هلي وأغلى من ربوعي

اللهم أرحم من اخترت لهم الرحيل واغفر لهم وتقبلهم قبولاً حسنًا وأجعلهم بجنات النعيم وأجعل قبورهم مُضيئة باردة وأفتح لهم أبواب تهبُ منها نسائم الجنة

يذعذع هواك منين ما جيتني تختال ماذعذع هواك العذب من مفرق الوادي ما يتقاس حبي لك على حسبة الاميال رغم بعدك ( الجغرافي ) إلا انك بلادي

‏معك اغتنيت من الهوى والحب يا مال الغناه ‏وحبّبتني في ايامي اللي ما هقيت احبها ‏أنت الحياة اللي عطت للناس معنى للحياة ‏وانت النعيم اللي عليه الناس تشكر ربها