Сахалыы ВЕСТИ

Үөһээ Бүлүү улууһугар ойуур баһаардара от ыйын 13 күнүн туругунан: Быракаан нэһилиэгин территориятыгар 3750 га иэннээх ойуур баһаара буола турар. Баһаары умуруорааһыҥҥа 68 киһи, ол иһигэр 19 Өргүөт нэһилиэгин олохтооҕо, 17 Быракаан нэһилиэгин олохтооҕо, 2 Дүллүкү нэһилиэгин олохтооҕо, 1 ПХС (пожарно-химическая станция), 8 ДПС, 6 ППС, 1 ОГПС үлэһиттэрэ, ону тэҥэ 15 техника үлэлииллэр. Минерализованнай балаһалары оҥоруу үлэтэ бара турар, БЕ-200 самолет, ону тэҥэ МИ-8 вертолет үөһээттэн ууну кутааһын үлэни ыыталлар. Кэнтик нэһилиэгин территориятыгар 640 га иэннээх ойуур баһаарын утары 101 киһи, ол иһигэр 65 Кэнтик нэһилиэгин олохтоохторо, 3 ойуур хаһаайыстыбатын үлэһиттэрэ, 23 баһаарынай химическэй станция (ПХС) үлэһиттэрэ, 10 эбии көмөлөһөөччүлэр, ону тэҥэ 16 техника үлэлииллэр. Ойуур баһаара төгүрүллэн, уоту манааһын, минерализованнай балаһалары ыраастааһын үлэтэ бара турар. Оҥхой нэһилиэгин Хомустаах сиригэр 885 га иэннээх ойуур баһаарын умуруорааһыҥҥа 110 киһи, ол иһигэр 80 олохтоох нэһилиэнньэттэн, 30 баһаарынай быыһыыр сулууспаттан уонна ойуур хаһаайыстыбатыттан үлэһиттэр, ону тэҥэ 11 техника үлэлииллэр. Ойуур баһаара төгүрүллэн манааһын үлэтэ барар. Үөдүгэй нэһилиэгин территориятыгар "Муҥур күөл" диэн сиргэ 12 га иэннээх ойуур баһаара . Ойуур баһаарын умуруорууга 16 киһи, ол иһигэр 5 Үөдүгэй нэһилиэгин олохтоохторо, 1 Үөһээ Бүлүү сэлиэнньэтин олохтооҕо, 5 Балаҕаннаах нэһилиэгин олохтоохторо, 3 Ньурба улууһуттан ПХС үлэһиттэрэ, 2 МЧС үлэһитэ таҕыстылар. Быракаан нэһилиэгин территориятыгар буола тураар ойуур баһаара тыалтан күүһүрэн трассаҕа тахсара чугаһаабытынан сибээстээн эбии ойуур умуруорааччы дьону этэрээттэргэ кыттыһарга ыҥырабыт. Күннээҕи төлөбүр 2900 солкуобай. Билсэр нүөмэргит: ЕДДС - 89141089557 - Владислав. Күннэтэ ойуур баһаарын утары үлэлиир этэрээттэргэ кыттыһа турар, күнүстэри-түүннэри уоту манааччы, аһаҕас уоту умуруорааччы, уоту тутарга үлэни ыытааччы дьоммутугар истиҥник махтанабын. Биир күүһүнэн турбут уоттары имири тохтоторго бары күүһү ууруоҕуҥ! #ВерхневилюйскийУлус #ЛесныеПожары T.me/ValeriNikolaev

Үөһээ Бүлүү улууһугар ойуур баһаардара от ыйын 12 күнүн туругунан: Быракаан нэһилиэгин территориятыгар 1615 га иэннээх ойуур баһаара буола турар. Баһаары умуруорааһыҥҥа 61 киһи, ол иһигэр 19 Өргүөт нэһилиэгин олохтооҕо, 14 Быракаан нэһилиэгин олохтооҕо, 2 Дүллүкү нэһилиэгин олохтооҕо, 1 ПХС (пожарно-химическая станция), 8 ДПС үлэһиттэрэ, ону тэҥэ 15 техника үлэлиир. Кэнтик нэһилиэгин территориятыгар 540 га иэннээх ойуур баһаарын утары 101 киһи, ол иһигэр 65 Кэнтик нэһилиэгин олохтоохторо, 3 ойуур хаһаайыстыбатын үлэһиттэрэ, 23 баһаарынай химическэй станция (ПХС) үлэһиттэрэ, 10 эбии көмөлөһөөччүлэр, ону тэҥэ 16 техника үлэлиир. Ойуур баһаара төгүрүтүлүннэ. Оҥхой нэһилиэгин Хомустаах сиригэр 885 га иэннээх ойуур баһаарын умуруорааһыҥҥа 110 киһи, ол иһигэр 80 олохтоох нэһилиэнньэттэн, 30 баһаарынай быыһыыр сулууспаттан уонна ойуур хаһаайыстыбатыттан үлэһиттэр, ону тэҥэ 11 техника үлэлиир. Ойуур баһаара төгүрүтүлүннэ. Бүгүн Үөдүгэй нэһилиэгин территориятыгар "Муҥур күөл" диэн сиргэ 1,5 га иэннээх саҥа ойуур баһаара бэлиэтэннэ. Ойуур баһаарын умуруорууга 9 киһи, ол иһигэр 6 олохтоох нэһилиэнньэттэн, 3 Ньурба улууһуттан ПХС үлэһиттэрэ таҕыстылар. Кэнтик нэһилиэгэр ойуур баһаарын умуруорааһыҥҥа олохтоох дьону кытта тахсан үлэлии сылдьабыт. Билиҥҥи туругунан ойуур баһаара төгүрүтүллэн турар. Уот күүһэ тохтуор диэри үлэлиибит. Улуус баһылыгын бастакы солбуйааччыта Егор Дмитриевич Иванов Өргүөт-Быракаан ойуурун баһаарыгар олохтоох дьону кытта уоту утары охсуһа сылдьар. Ойуур баһаарын умуруорааһыҥҥа үлэһит илии тиийбэтинэн сибээстээн, Үөһээ Бүлүү улууһун олохтоохторун ойуурбутун быыһыырга ыҥырабыт. Күннээҕи төлөбүр 2900 солкуобай. Билсэр нүөмэргит: ЕДДС - 89141089557 - Владислав. Күннэтэ ойуур баһаарын утары үлэлиир этэрээттэргэ кыттыһа турар, күнүстэри-түүннэри уоту манааччы, аһаҕас уоту умуруорааччы, уоту тутарга үлэни ыытааччы дьоммутугар истиҥник махтанабын. Ойуур баһаарын үлэтэ олус ыарахан уонна сэрэхтээх, ону ол диэбэккэ ойуурдарбытын быыһыырга туруммут дьоммут улуус Геройдара буолаллар. Түмсэммит турбут уоттары имири тохтоторго бары күүһү ууруоҕуҥ! #ВерхневилюйскийУлус #ЛесныеПожары T.me/ValeriNikolaev

Бүгүн СӨ баһаарынай сулууспатын салааларыгар саҥа тиэхиникэ күлүүһүн үөрүүлээх быһыыга-майгыга туттардылар! Уопсайа 90 мөлүйүөн солкуобай суумалаах үс КАМАЗ автоцистернэни Үөһээ Бүлүү, Сунтаар уонна Таатта улуустарыгар биэрдилэр. Үс сыл иһигэр Өрөспүүбүлүкэ уонна баһаары утары охсуһар сулууспа бүддьүөттэриттэн 572 мөлүйүөн солкуобайга 65 тиэхиникэ туттарылынна. Бу бырагыраамма тиһигин быспакка салгыы даҕаны үлэлиэҕэ. Саҥа тимир көлөлөр өр сыллар тухары алдьанар диэни билбэккэ үлэлээтиннэр! @sakhavesti✅ @aisen_nikolaev✅

Таатта улууһа Манчаары оонньууларыгар бэлэмнэнэр. Бэҕэһээ өрөспүүбүлүкэ Ил Дархана – Айсен Николаев Таатта Ытык-Күөлүгэр тиийэн спорт эбийиэктэргэ тутуу үлэтин көрдө. Чэбдигирдэр спортивнай саала тутуутун үлэтэ болдьохтон хойутаабакка баран иһэр. Билигин 30%-тан тахса бырыһыана бэлэм, аны эһиил толору үлэҕэ киирэрэ күүтүллэр. 303 свая туруорулунна, дьиэ ис-тас үлэтэ бара турар. Манна гиревой спорт, хабылык, хаамыска уонна хотугу многоборье көрүҥнэрэ ааһыахтаахтар. 1000 олбохтоох стадион тутуутун үлэтэ 40%-ҥа тиийдэ. Билигин футболлуур хонууну бэлэмнээһин уонна сварка үлэтэ хаалла. Манна хапсаҕай, мас тардыһыы, чэпчэки атлетика, ыстаныы уонна саха многобориетын көрүҥнэрэ ыытыллыахтара. Маны таһынан Манчаары оонньууларыгар анаан Боробулга спортинай былаһаакка, Чөркөөххө модульнай саала уонна Ытык-Күөлгэ ипподром тутуохтара. @sakhavesti✅ Сиһилии⤵️⤵️⤵️ https://gtrksakha.ru/amp/2024/07/11/ajsen-nikolaev-provel-zasedanie-orgkomiteta-po-podgotovke-k-xxii-spartakiade-igry-manchaary/

Бүлүү куорат аэроподун дьиэтин сарайа тыалга көтөн аттыгар турар АН-2 көтөр аалга тиийэн түспүт. Бу быһылаан түмүгэр АО «Полярные Авиалинии» тэрилтэ самолётун кутуруга алдьаммыт. Киһи эчэйиитэ уонна тулалыыр эйгэҕэ хорумньу суох. Көтөр аалыы туһаныы куттала суох буолуутун туһунан сокуон тутуһуллуутун Транспорт прокуратурата бэрэбиэркэлээһин үлэтин ыытар. @sakhavesti✅ @vstproc✅

Николай Иванов: “Күн бүгүн Амма улууһугар ойуур баһаара суох”✊ 🔰Амматааҕы ойуур хаһаайыстыбатын салайааччыта Николай Иванов иһитиннэрбитинэн, от ыйын 12 күнүн туругунан бары тахсыбыт баһаардар умуоруллан, улуус территориятыгар ойуур баһаара суох. @amma_olo5o @ulusmedia

🌿Кыһыл хаптаҕас дьиэ таһыгар буһан ырааппыт, ол гынан, киниэхэ көҥүл от ыйын 20 күнүттэн көҥүллэнэр. Хаһаайкалар, онон ыксааман, тыаҕа күлүк сиргэ хаптаҕас күөх сытар @gazetaensieli

Дьокуускайга Үлэ кыбаарталыгар Ил Дархан граанын кыайыылаахтарын наҕараадалаатылар. Айсен Николаев тус бэйэтэ кэлэн Саха сирэ сайдыытыгар ис сүрэхтэн кыһаллар, көхтөөх дьону эҕэрдэлээтэ. Оттон граан кыттыылаахтара Ил Дархаҥҥа бэйэ бырайыактарын көрдөрдүлэр. Быйыл тустаах куонкурус иитинэн харчынан көмөнү 16 хайысхаҕа 77 социальнай сыаллаах бырайыак ылла. Амматтан сылдьар кыайыылаах Зоя Пахомова санаатын үллэһиннэ. Радио России Саха 104.9 Корреспондент: Ирена Стручкова

#ойуурбаһаара ✅ Үөһээ Бүлүү баһаардарыгар үлэһит илии тиийбэт Быракаан, Кэнтик уонна Оҥхой нэһилиэктэригэр турбут ойуур баһаардарыгар мобилизация көмөтүнэн 200 кэриҥэ киһи үлэлии сылдьар. Ол эрэн, көмө син-биир ирдэнэр. Бу ойуур баһаардарын иэнэ холбоон 1650 гектарга тэҥнэстэ. Куйаас күннэр сатыылааннар, эбиитин тыаллаах буолан, уоту кыайа тута иликтэр. Ойуур хаһаайыстыбатын, "Авиалесоохрана" үлэһиттэрэ, улуустааҕы баһаарынай этэрээт уонна муниципальнай баһаарынай чаастар байыастара, ону тэҥэ олохтоохтор, улуус киинин тэрилтэлэрин үлэһиттэрэ баҕа өттүнэн көмөҕө тахсан күүстээх үлэ барар. Улуус киинин уһуйааннара бурдук аһын астаан саҕалаатылар. Баһаарга үлэлиир дьоҥҥо анаан, лесхоз тэрилтэтигэр тиксэрэллэр. Баһаар иэннэрэ олус улаатан, билигин да нэһилиэнньэттэн дьон көмөтө наада. Күнүстэри-түүннэри үлэлиир дьон солбуйсан тыын ыларын курдук үлэһит илии наада. Ойуур уотун бохсорго үөһэттэн көмө кэлэрэ буоллар диэн баһаарга үлэлии сылдьар дьон этэр. Ойуур уотун умуруорууга үлэлии барыан баҕалаах дьон лесхоз дьиэтигэр суруттараргыьын күүтэллэр. Хас биирдии үлэлии барар киһи сөптөөхтүк таҥнан-саптан, туттар тэрилин, чуолаан сүгэ, күрдьэх курдук олус наадалаах тэриллэри туппутунан кэлэрэ ирдэнэр. Оҥу тэҥэ утары 3 күн устата аһыыр астаах, уулаах-хаардаах буолуохтаахтар. Биир күннээҕи хамнас илиигэ ылалларын 2900 солкуобайга тэҥнэһэр. "Үөһээ Бүлүү" хаһыат