Islam | Нашиды | Koran

🔰 БУЛ ДҮЙНӨ Бисмиллаахир Рохмаанир Рохиим. 🌴 АЯТ: "Чындыгында, бул дүйнө - оюн, азгырык, кооздук жана өз ара мактануу, ошондой эле мал-мүлктү, бала-чаканы көбөйтүүдөн гана турат". ("Хадид"* сүрөсү; 20-аят) 🌴 ХАДИС: "Мен бул дүйнө менен бирге эмесмин. Менин бул дүйнө менен байланышым болгону бир дарактын түбүндө бир аз көлөкөлөп отурган, андан кийин ал даракты таштап, жолго түшкөн жолоочу сыяктуумун"._ 🌴 МАСЕЛЕ: «БУЛ ДҮЙНӨ ДЕГЕНИҢ!...» Аллахтын адамдарга болгон мээрими утурумдук дүйнөгө гана тиешелүү эмес. Анын мээрими өтө кең! Анын мээрими адам баласы жарык дүйнөгө келгенден көз жумганга, көз жумган соң түбөлүк жашай турган бейишке чейин уланат. Адам бардык өмүрүн ушул максатта өткөрүшү үчүн, т.а., Аллахтын мээримине бөлөнүп, бейишке баруу үчүн ал алгач өзүн тааныган соң Аллах Тааланын мына бул ажайып дүйнөдөгү Чексиз Кудуреттүүлүгүн, Чексиз Улуулугун, Чексиз Мээримдүүлүгүн, Чексиз Даанышмандыгын сезип, Жаратканды таанып билип, Анын адал жолу менен жашоого умтулушу зарыл. Бешенеге жазылган бул жазмышта бүтүндөй бул дүйнө менен чектелген материалдык өлчөмдүн пайдасына багытталган жеке кызыкчылыктарга, жалган сулуулуктарга, утурумдук кооздуктарга алданбоо керек. Бул дүйнөнү түбөлүк бактыбыз үчүн колдонуубуз зарыл. Окуяларды берген жыйынтыгына көсөмдүк менен кароо керек. Турмушта боло турган сыноолор дары сыяктуу даамы ачуу болсо да, шыпаа болот. Адамга жаман көрүнгөн окуялар анын түбөлүк бактысына себеп болоору ажеп эмес. Бу дүйнө дегенибиз, балким, кыйынчылыктар болгону менен, жыйынтыгында Жараткандын мээримине бөлөнүп, Анын ыраазылыгына татыктуу болууну үйрөткөн жер чыгаар. 📗Булагы: Ар бир күнгө бир аят, бир хадис, бир окуя китебинен. https://t.me/IslamKoranNashida