The Quiet Corner ☕

من أكتر الحاجات اللي بدأت أقتنع بيها، إننا محتاجين نتعلم نعيش اليوم بيومه، من غير استعجال ولا قلق مستمر من بكرة. فكرة إني أفضل أفكر في اللي جاي، وأشغل نفسي بحاجات لسه محصلتش، وأحاول أسيطر على كل تفاصيل حياتي، بتستنزفني جدًا. لحد ما فهمت إن كل اللي عليا إني أسعى وأعمل اللي أقدر عليه، وأتوكل على ربنا، وأركز إني أعيش كل يوم بأفضل طريقة ممكنة. أصل هخاف من بكرة ليه وربنا موجود؟! نفسي أفضل بالتفكير ده، وأتعلم أعيش بهدوء ورضا، من غير ما أسبق الأيام وأشيل هم حاجات لسه مجتش.