UYFC BMC News

ព្រឹកថ្ងៃទី១១ ខែកក្កដា ឆ្នាំ២០២៤ ចូលរួមវិធីដាំកូនឈើ ចំនួន ១០០ ដើម នៅបរិវេណ វត្តរតនៈវនារាមប្រាសាទរលំជ្រៃ ............... ថ្មពួក៖​ លោក ឃ៊ាំ​ លឹមយ៉ង់ ប្រធាន ស.ស.យ.ក.ឃុំភូមិថ្មី តំណាងលោកស្រី ពាក សិលា ប្រធាន ស.ស.យ.ក.ស្រុកថ្មពួក​ ដឹកនាំសមាជិក សមាជិកា ចូលរួម យុទ្ធនាការដាំកូនឈើ ចំនួន ១០០ដើម ក្នុងបរិវេណ វត្តរតនៈវនារាមប្រាសាទរលំជ្រៃ ក្រោមអធិបតីភាព លោក យឹម សំណាង អភិបាលរងខេត្ត តំណាង ឯកឧត្តម អ៊ុំ រាត្រី អភិបាល នៃគណ:អភិបាលខេត្តបន្ទាយមានជ័យ​ ក្នុងកម្មវិធីយុទ្ធនាការដាំកូនឈើមានការចូលរួម និងសហការ សមាជិកក្រុមប្រឹក្សាស្រុក រដ្ឋបាលស្រុក លោកមេឃុំ ក្រុមការងារ ក.អ.យ.ឃុំភូមិថ្មី  និង លោកគ្រូ អ្នកគ្រូ ស្ថិតនៅ ភូមិរលំជ្រៃ ឃុំភូមិថ្មី ស្រុកថ្មពួក ខេត្តបន្ទាយមានជ័យ ។

អបអរសាទរ ទិវាប្រជាជនពិភពលោក (World Population Day) លើកទី៣៥ ១១ កក្កដា ១៩៨៩ ~ ១១ កក្កដា ២០២៤

រសៀល ថ្ងៃទី១០ ខែកក្កដា ឆ្នាំ២០២៤ ចូលរួមរំលែកទុក្ខ និងនាំយកថវិការបស់លោក កែ សួន សុភាព និងលោកស្រី ព្រហ្ម រដ្ឋា ចូលរួមពិធីបុណ្យសពឧបាសិកា កែវ រុំ ត្រូវជាម្តាយបង្កើតលោក យ៉ាន់ ចាន់ អនុប្រធានផ្នែកខ្លឹមសារ និងផ្សព្វផ្សាយ ....................... បន្ទាយមានជ័យ៖ លោក សូ សុធាន អនុប្រធានសហភាពសហព័ន្ធយុវជនកម្ពុជា ខេត្តបន្ទាយមានជ័យ តំណាងដ៏ខ្ពង់ខ្ពស់លោក កែ សួន សុភាព ប្រធានសហភាពសហព័ន្ធយុវជនកម្ពុជា ខេត្តបន្ទាយមានជ័យ បានដឹកនាំសមាជិក សមាជិកាស.ស.យ.ក. ខេត្ត ចូលរួមរំលែកទុក្ខ និងនាំយកថវិការបស់លោក កែ សួន សុភាព ប្រធានស.ស.យ.ក. ខេត្ត និងលោកស្រី ព្រហ្ម រដ្ឋា ចូលរួមពិធីបុណ្យសពឧបាសិកា កែវ រុំ ត្រូវជាម្ដាយបង្កើតលោក យ៉ាន់ ចាន់ អនុប្រធានផ្នែកខ្លឹមសារ និងផ្សព្វផ្សាយ ដែលបានទទួលមរណភាព នៅថ្ងៃទី១០ ខែកក្កដា ឆ្នាំ២០២៤ វេលាម៉ោង២:៤០នាទី ដោយជរាពាធ ស្ថិតនៅភូមិភ្នំបាក់ សង្កាត់ទឹកថ្លា ក្រុងសិរីសោភ័ណ។

រសៀល ថ្ងៃទី១០ ខែកក្កដា ឆ្នាំ២០២៤ ចូលរួមរំលែកទុក្ខ និងនាំយកថវិការបស់លោក កែ សួន សុភាព និងលោកស្រី ប្រគល់ជូនក្រុមគ្រួសារ នៃសពលោកតា ដែង ឈូ ……………....... ស្រុកអូរជ្រៅ៖ លោក វ៉ាន់ ឡុង ប្រធានសហភាពសហព័ន្ធយុវជនកម្ពុជា ឃុំសំរោង  តំណាងលោកបណ្ឌិត គុណ រតនា ប្រធាន ស.ស.យ.ក. ស្រុកអូរជ្រៅ បានដឹកនាំសមាជិក សមាជិកាស.ស.យ.ក. ឃុំ ចូលរួមរំលែកទុក្ខ និងនាំយកថវិការបស់លោក កែ សួន សុភាព ប្រធានសហភាពសហព័ន្ធយុវជនកម្ពុជា ខេត្តបន្ទាយមានជ័យ និងលោកស្រី ព្រហ្ម រដ្ឋា ប្រគល់ជូនក្រុមគ្រួសារ នៃសពលោកតា ដែង ឈូ ដែលបានទទួលមរណភាព ដោយរោគាពាធ ស្ថិតនៅភូមិថ្មី ឃុំសំរោង ស្រុកអូរជ្រៅ ។

រសៀល ថ្ងៃទី១០ ខែកក្កដា ឆ្នាំ២០២៤ សកម្មភាពចុះពិនិត្យរៀបចំកំណត់ទីតាំង និងពិនិត្យផែនការសម្រាប់នាំយកទេយ្យទាន គ្រឿងបរិក្ខារ ដើម្បីប្រគេនព្រះសង្ឃ មង្គលបូរី ……………....... មង្គលបូរី៖ លោក សួន សុវន្តារ អនុប្រធានសហភាពសហព័ន្ធយុវជនកម្ពុជា ខេត្តបន្ទាយមានជ័យ តំណាងលោក កែ សួន សុភាព ប្រធានសហភាពសហព័ន្ធយុវជនកម្ពុជា ខេត្ត បានដឹកនាំក្រុមការងារលេខាធិការដ្ឋានស.ស.យ.ក. ទាំង៦ផ្នែក ចុះពិនិត្យរៀបចំកំណត់ទីតាំងសម្រាប់រៀបចំកម្មវិធីប្រគេនទៀនព្រះវស្សា និង គ្រឿងបរិក្ខារ ស្ថិតនៅវត្តទឹកជុំបរមគង្គាបន្ទាយនាង៕