MASSAR BEMAC

📢 الحل الوحيد لكي لا تتكرر حادثة المقترحات – بكالوريا 2026 أدرس الفلسفة بذكاء ولا تكون مثل الوعاء ✅✅ الحكمة تقول لا تعطيني السمكة بل علمني كيف أصطادها😉 يا أبطال، المقالة التي تدرسها وتفهمها، لا تحفظها كلمة كلمة، بل ركّز على: ✅ أهم عناصرها (المقدمة، الحجج، النقد، التركيب والخاتمة). ✅ المقولات الأساسية للفلاسفة تدعم بها كل موقف. ✅إسقاط أمثلة على أرض الواقع تخدم كل حجة ✅ هكذا، حتى إذا تغيّر السؤال في الٱمتحان، تستطيع التكيف معه وتعرف كيف تعبر بأسلوبك، ولا تتفاجأ أو تفقد التركيز 🎯 الفهم أولاً… الحفظ الذكي ثانياً.

🔴 #بــاك2026 📘🗂️📖 ✅ #المكتسبات_القبلية 💭🧠 هذا مايجب أن تكون ملما به قبل الشروع في دراسة الوحدة الأولى من البرنامج الجديد : 🔔 تعريف المؤكسد و المرجع و الأكسدة_الإرجاع 🔔 كتابة المعادلتين النصفيتين للأكسدة و الإرجاع والمعادلة الإجمالية بتوظيف الثنائيتين مرجع / مؤكسد 🔔 إستنتاج المؤكسد و المرجع من خلال المعادلة المنمذجة للتفاعل 🔔 حساب كمية المادة الإبتدائية المتفاعلات و إنشاء جدول تقدم التفاعل .. 🔔 التعبير عن كمية المادة أو التركيز لمتفاعل أو ناتج بدلالة التقدم بإستخدام جدول تقدم التفاعل 🔔 التعبير عن ناقلية محلول بدلالة تقدم التفاعل بتوظيف جدول تقدم التفاعل ... 🔔 حساب التقدم الأعظمي و إستنتاج المتفاعل المحد و معرفة شرط المزيج الستكيومتري

انتهت الساعة الاولى ابطال ❤️‍🔥😎 بقات ساعة🔭😍😍

لي باغي يبرطاجي شاشة ولا يفتح كاميرا لعرض المكتب يقولي في تعليقات نفتحلو باش تحفزو بعض اكثر❤️

الجلسة الدراسية الاولى 15:30🪢17:30

15:30 نبداو جلسة دراسية الاولى لمدة ساعتين تصويت راه 72 تسمى نسحق 72 واحد معانا يقرا على بث مباشر✔️ 🔴اقرا اي مادة تبغي المهم تلتزم بالوقت كيفنا😎👍

✅الدوال كلها مكتسبات قبلية تاع العام لي فات 🙂 تتمكن من اللقطات تا الدوزيام جدول التغيرات و الاشتقاقية لازم تعرف تشتق دالة مافيهاش و المستقيمات المقاربة و المعادلات من الدرجة الثانية... صيبو الدوال في الجيب كاين لي يعرفو يحلو كلش كي يوصلو لرسم ميعرفوش اولا ارسم المستقيمات المقاربة.. و نقط التقاطع.. القيم الحدية... تعين اي حاجة قادر فيدك نقطة المماس التقاطع مع محور الفواصل و التراتيب... و المنحنى آخر حاجة يكون خط يوصل بين النقط لي عينتيهم المتتاليات كيما العام لي فات البرهان بالتراجع و اللقطات خفاف ركزو على الاستاذ عبد الباسط و نور الدين... و اهم حاجة التمرين لازم تحلو وحدك قبل ما تشوف الحل ديما جرب و حل وحدك قيم روحك ديما حتى متعرفش تولي تعرف كي تحل وحدك و المعلومات لي تلقاوهم جدد و اول مرة تشوفوهم اكتبوهم في ورقة باه كي تجي تراجع تطلع على الورقة اديكا برك. تكون تتفكر المعلومات تاع التمارين لي حليتيهم بالنسبة للملخصات اخدمو ملخصاتكم وحدكم أ جماعة متديش الملخص تا صاحبك ولا متديش ملخص لقيتيه في الفايسبوك اقرا الدرس وحدك و لخصو في نقاط و معلومات بسيطة باه في جوان نهار لي تكون فيه متخربط اجبد الملخص لي فيه زوج ورق برك و اقراه...اكدلي على في جوان لانو اذا منظمتش من لول شحال جيك صعيبة مع لخر مثلا انا في عربية قريتها لفوق لفوق ودرت ملخصاتي ومنعرف وين حطيتهم لانو حرفيا مزدتش قريتها من نهار هذاك حتى ليلة باك بديت نحوس وستراس عظييم "كنت نحل في مواضيع برك من عند حيقون ونتفرج تاع باش ميقتلنيش ضميري لاهمالي للمادة "تسمى غير دير حافظات ولا ورتبهم من لول حتى ورقة افكار تاع رياضيات لي درتها تحتاجها صباح تاع لباك نحوس عليها ولقيتها فيها كامل افكار قريتهم ورحت ومجات حتى فكرة😂😂باك 2025 وحدو.... بالتوفيق 💫🧸

✅لي فيديو لي ننصحكم بيهم 🔘تبغي تقسم بالجزء وتقرا تبغي تقرا بالعنصر كي يكمل تحبس تبغي تقرا بالوقت على ساعتين وتحبس تبغي تقرا بالفيديو 🔴مهم تكملهم

✅كيفاش نبدا رياضيات؟؟ ✔️خير استاذ في اليوتيوب انا نفضل نور الدين بصك تعاملت معاه رغم يطول في فيديوهات تاعو مي مفيدين كل عنصر يشرحو يديرولو تمرين وفيها ايضا سلسلة ميزان كي تكمل تفهم"ونتا خير شا تبغي استاذ مهم تفهم" ✔️اعتمادا على كتب تاعو وخاصة تاع الدوال يدير 990الف بصح مليح حل دوال تاعو كامل وفيه فهرس مع لول منين تحل شطب في فهرس حتى تتحمس وتلقا روحك كملتهم +ابدا بالدوال العددية حبة حبة متراطي والو باش دير لاباز مليحة ✔️دير مهام تاعك مثلا نهايات اشتقاقية استمرارية تتعلمهم لغدوا دير مستقيات ونقطة انعطاف ومعادلة مماس ....تمشى هكذا حتى تكمل دروس وكل عنصر من هذو مدلو حقو من تمارين مثل نهايات كاين بنك نهايات في كتاب نور الدين حلو كامل اذا شفت روحك شديتو مليح فوت مشديتيوش مليح زيد حل تمارين حتى تولي تلعب بيهم لعب😁👍🏼 ✔️ابدا من الدوال ساهلة الى صعبة مشي من لول تخلع روحك مبعد تقولي نكره لمادة ذي كل يوم تعلم سؤالين حتى تلقا روحك تحل مواضيع ودوال بزااف❤️مع لول لوقت تشد ساعة نورمال مع لوقت لازم ترخف يدك تولي تشد فيها 30د الى 45د فقط👍 ✔️بالنسبة متتاليات احتمالات قريتهم عام لي فات نفسهم يزيدو بعض الافكار كيما في المجاميع وشجرة وترتيبة وووو هذو صوالح مهم راهم ساهلين على تاع ثانية ثانوي ✔️اعداد مركبة اقربهم الى قلبي بعد الدوال ساهليين لوحد درجة تضمن نقاطك فيهم بلا تخمام كي يلحق فصل اخير نحكيلكم كيفاش قريتها👍 🔴كشما سؤال خلوهلي في تعليقات راني نجاوب🤎

جماعة لي معندهاش لاباز في مادة معينة متخممش ضاعف الوقت وركز فقط انا وحدة منكم في سنة ثانية ثانوي كنت نجيب 0.75 في رياضيات اقسم بالله غير كان يمدهالي باش منعتبرش مقصية برك وقدر الله وماشاء فعل بديت في جويلية عام لي فات مع رياضيات وحسنت روحي فصل الاول تحصلت على 18 في المادة وتحمست ورجعت نبغيها بفضل استاذ نور الدين وابي خلاوني نبغي لمادة وليت نتنافس شكون يجيب لول في مادة هذي سواءا بين خاوتي ولا في القسم ولا مع صحباتي حتى لحقت وشفت 20 فيها في بكالوريا تجريبي باش برد قلبي تسمى عندك فرصة تقراها مي وقتك مدولها كامل لانو تستحق حساب معامل طالع❤️ #ايلينا

لي مزال مبداش تقدر تبدا من اليوم بدون مماطلة وكسل ابدا حبة حبة معرفتش شا تقرا ومنين تبدا خليلي تعليق نخليلك مهام لي ديرهم كي تكملهم في نهار ذاك ترجع ليا نزيد نمدلك مهام خلاف حتى تكملهم مهم متبقاش تتفرج وتايه معلابالكش شراك دير👍🏼 حبيتو نديرو تحدي اكمال مكتسبات في اسبوع معنديش مشكل نديرلكم في القناة وشنو نشطولي تفاعل 🥹❤️

📍ما عليك معرفته قبل الدخول المدرسي: ⬅️-الرياضيات: ♡النهايات /ازالة حالة عدم التعيين /حالات خاصة/نهايات شهيرة. المستقيمات المقاربة مركز /محور تناظر رسم المنحيات القيمة المطلقة المناقشة البيانية ⬅️العلوم: مكتسبات قبيلة تعريف Adn /Arn و مكوناته بعض معلومات عن تركيب البروتين التدرب على المنهجية ⬅️فيزياء: مكتسبات قبلية كمية المادة جدول التقدم بعض الأسىلة النظرية.بالتوفيق 💫🧸 ____ ♡ㅤ ❍ㅤ ⎙ㅤ ⌲ ˡᶦᵏᵉ ᶜᵒᵐᵐᵉⁿᵗ ˢᵃᵛᵉ ˢʰᵃʳᵉ ____

الحقيقة✔️ 🔘وقت المكتسبات 10 في شهر يخلاص دق جرس بداية عام جديد والمكتسبات عطيتولهم كثرمن حقهم 🔘قالولهم مكتسبات هما مجرد تذكير للعام الماضي وكاين صوالح متقراهمش ضك بصك راح تلحق بيهم في اخر سنة ومراح تحكم فيهم والو مع الضغط تسمى تخليهم للتالي مثلا دائرة المثلثية تسحقها في الاعداد مركبة ونقراوهم في الفصل الاخير ايضا مكتسبات الاتصال العصبي تسحقهم في فصل الثالث تسمى راح تنساهم مع الوحدات الاولى والضغط هذو متقراوهمش ✔️ ✅ابداو اديو نظرة على الوحدات الاولى وحلو عليهم كمية كافية من تمارين كي تدخل تقرا مع لاشارج تلقا راسك متبقاش روطار اخطيكم من التأجيل والتسويف👍🏼

صباح الخير ابطال❤️ كملتو المكتسبات ولا مزال؟؟

⚠️التقويم التشخيصي رقم 2 مع الحل بزاااااف هايل حاول فيه ✅ #باك2026 #مكتسبات_قبلية https://t.me/profABimane

⚠️التــذكيــر بالمكتســبات القبـليـة في مادة علوم الطبيعة و الحياة قبل الانطلاق في مقرر دروس البكالوريا انتــبه ❗ جيدا لهذه المفاهيم الأساسية 🧬 https://t.me/profABimane

✅الدروس الخصوصية

اعتمادها من عدمه يعتمد على مجهودات الأستاذ داخل القسم من جهة وتوجيهه للتلميذ، مدى استعداد التلميذ لبذل جهد فردي والجدولة والوقت المتاح٠ شخصيا، زاولت الدروس الخصوصية على الرغم من كون أساتذتنا أكفاء، وذلك خوفا من أن تفوتني منهجية أو معلومة، ولا أنكر أنني استفدت ، غير أن ذلك كان متعبا حقا، خاصة مع نهاية السنة، وكان بإمكاني أن أعوض هذا الارتباط بمزيد من الاجتهاد الشخصي والدراسة الجماعية٠ من المهم تخير الأوقات المناسبة لمزاولة هذه الدروس كي لا تنعكس سلبا على الدراسة المنزلية والتي قد تعد الأهم على الإطلاق، فلا أقدر على تقييم مسار التلميذ من نفسه، وكذا تخير المواد التي يعاني التلميذ نقصا فيها للتركيز عليها٠ ❤️❤️