Ayyanaame soqqansho

Nebiyu Yaiqobi Yodoru #maassidhe

Keere gale.

#QULLAAWU #AYYAANI #AANNO #AFANSHA (Umi qorontoosi 12:1-12) 1 Roduuwa'ya, xa Qullaawu Ayyaani afanshi daafira baddine affinara hasi'reemmo. 2 Ammantinoonnikki waro, batinyu garinni coyi'ra dandiitannokki maganna hoode hadhinoonnita egentinoonni. 3 Maganu Ayyaaninni coyi'ranni Yesuusa rumannohu dino. Qullaawu Ayyaaninni ikka hoogiro, «Yesuusi Mootichaho» yaannohu mittuno nookkita affinara kuleemmo'ne. 4 Addi addihu Qullaawu Ayyaani afanshi no. Qullaawu Ayyaani kayinni mittoho. 5 Addi addi soqqansho no; soqqammanni Mootichi kayinni mittoho. 6 Soqqammanni gari babbaxxinoho; baalanka looso wo'munku manni giddo loosanno Magani kayinni mittoho. 7 Mittu mittunkura Qullaawu Ayyaani xawishsha uyinannihu wo'munku qiniitiraati. 8 Qullaawu Ayyaani mitoho coye coyi'rate hayyo aanno. Hakko Ayyaaninni, mitoho egenno giddo afidhino sokka aanno. 9 Hakko Ayyaaninni mitoho ammana, mitoho hursate wolqa, 10 mitoho maalale loosate wolqa, woleho qole himana, woleho ayyaanna bade afate egenno, mitoho haaru afiinni coyi'rate dandaa, woleho addi addi afiinni coyi'noonni coye tire kulate dandaa aanno. 11 Konne baala assannohu hakku mittu Ayyaani, mittu mittunkura afansha hedino garinni aanno. MITTU MANNINATI ADDI ADDI BISO AFI'RINO 12 Mittu manninati batinye biso afi'rino. Kuni baalu bisi, mittu manninati aana no. Kiristoosino hattooti. 13 Ninke Ayihudeno dagano, borojje woy gobbate ayiddeno ikkino, mitto biso ikkinammora Qullaawu Ayyaaninni cuuammoommo. Ninke baalunku mitto Ayyaana angoommo. 14 Mannimma addi addi bisinni ikkinnina, mittu bisi callunni dikalaqantino. 15 Lekka, «Ani anga ikka hoogoommahura, manninatu biso di"ikkoomma» yituro, biso ikkase gattannoni? 16 Maccano, «Ani ille ikka hoogoommahura, manninatu biso di"ikkoomma» yituro, biso ikkase gattannoni? 17 Manninatu gudisame ille calla ikkoommero, mayinni macciishshinanni? Manninatu baalu macca calla ikkoommero, mayinni ulantanni? 18 Maganu kayinni mitto mittonka biso manninatu giddo hasiisanno darga amade hee'ranno gede assino. 19 Baalunku mitto biso calla ikkoommero, manninatu hiikko hee'ranno? 20 Bisu batinye ikkirono, manninatu kayinni mittoho. 21 Ille anga, «Ani ate dihasi'reemma» yite diaffanno. Umu lekka, «Ani ate dihasi'reemmo» yee diafanno. 22 Mullare lawanno bisi baalu, wolunni roore hasiisanno. 23 Minshoonni bisira, wolunni roore ayirrinye uyineemmo. La"ate saallanni biso, wolunni roore ayirrinse diphineemmo. 24 Ayirrado lawe leellanno bisira kayinni kuri duuchu dihasiisanno. Maganu kayinni biso mimmitu ledo sufe, minshoonnirira roore ayirrinye uyino. 25 Hatto assinohu, manninatu mereero babbadooshshu hee'rikkinni, ku'u bisi ko'onne mararanno gede hedeeti. 26 Manninatu giddonni mittu bisi dhiwamiro, wolu bisi gudisame dhiwamanno. Mittu bisi ayirrinye afi'riro, wolu bisi qole hattennenni hagiidhanno. 27 Ki'neno Kiristoosi manninateeti; mitti mitti'ne manninatisi bisooti. 28 Kunnira, Maganu balaxe beetekiristaanete mito mito soqqamaasine, layinkita himanaano, sayikkita rosiisaano asse worino. Hakkiinni aanche, maalale loossannore, hursate wolqa afidhinore, manna kaa'litannore, gashshaanonna haaru afiinni coyidhannore worino. 29 Ikkollana, baalunku soqqamaasine ikkitannoni? Baalunku himanaano ikkitannoni? Baalunku rosiisaano ikkitannoni? Baalunku maalale loossannoni? 30 Baalunku dhiwantinore hursate wolqa afidhannoni? Baalunku haaru afiinni coyidhannoni? Baalunku qolte haaru afiinni coyi'noonniha tirtannoni? 31 Baalanka roorino afansha afi'rate halche. Wo'manka roortino doogono leellisheemmo'ne. (Umi qorontoosi 12:1-31)

REYO ADDAAMINNI HEESHSHO KIRISTOOSINNI DAGGINO (Roomu sokka 5:12-21- 12 Mittu manchinni kainohunni cubbu tenne alame eino; reyo cubbu widoonni higge daggino. Mannu baalu cubbo loosino daafira, reyo manna baala amaddino. 13 Muse Seeri aamamara albaanni cubbu alamete aana no. Ikkollana, seeru nookki waro cubbo ikke dikiiramino. 14 Ikkeennano Addaami gede hajajo hunte cubbo loossinokkiri aana nafa, reyo Addaaminni kayisse Muse geeshsha noo manni baalaho wolqissino. Addaami albillitte daanno Kiristoosi lawishshaati. 15 Maganu elto kayinni mannu cubbi gedeeta di"ikkitino. Mittu manchi cubbinni lowo manni reyannoha ikkiro, Maganu eltonna afanshi mittu manchi Yesuusi Kiristoosi elto widoonni lowo mannira bati're aamamanno. 16 Maganu afanshi mittu manchi cubbi ledo taalo di"ikkino. Mittu manchi cubbinni kainohunni yinoonni yoo qoricha abbitino; lowo manni cubbi gedensaanni dayino afanshi keeraanchimma abbanno. 17 Mittu manchi cubbinni reyo mannu aana wolqissino. Mittu Yesuusi Kiristoosi widoonni Maganunnita lowo eltonna keeraanchimma afidhinori roore qeellete heeshsho heedhanno. 18 Mittu Addaami cubbi qorichi yoo mannu baalu aana abbinte gede, mittu Kiristoosihu keeraanchimmate loosi manna baala qorichunni gatise heeshsho aanno. 19 Mittu manchi Addaami hajajama giweenna lowo manni cubbaataamo ikkinte gede, Kiristoosi hajajamanni lowo manni keeraa'manno. 20 Seeru aamama cubbu bati'ranno gede assitino; cubbu bati'rinowa kayinni Maganu elto roore batidhino. 21 Kuni ikkinohuno, reyote widoonni cubbu moohinonte gede, Mootichinke Yesuusi Kiristoosi loosinni hegere heeshsho afi'rate, keeraanchimmate widoonni Maganu elto mookkaraati.

Ani dancha allaalaanchooti. Danchu allaalaanchi lubbosi ge'reewoho sayise aanno (yoh 10;11)

Konni tuqu xadooshshira afamannorichi ayyaanaamoricho callaho. 👉 sidaamu afii faarso. 👉 haaro fultanno faarsubba. 👉 qullaawu maxaafi borro. 👉 soqqamaanote phooto. 👉 ayyaanaamitte heeshsho    rosicho. 👉 haaro ayyaanamittete duduwo. 👉 ayyaanamite amaale. 👉 qullaawu maxaafi hedo xawishsha. 🔵 xaphoomunni , hasattonke dancha duduwo kalqe kalaqamaho iillishateeti. 🖕 tini borro injiitu'neha ikkiro wolehono tuqqissinanni gede kaaliiqi shaqqillinni huucci'neemmo'ne. #Share asse 👇👇👇👇👇 https://t.me/ayyanname

✔ Maganu Qaali giddo jawa base uyinayri giddo mittu baxilleho. Baxillu Maganu beettosi ninke cubbi daafi'ra sayse aa geeshsha iillishshino hajaati. ✔ Qaalu giddono 'Higge' duuchate gumulo baxillu ikkinota kulloonni. Rodoonke uminke gede assine baxanna Magano baxa noonketa kulloonninke. ✔ Ammana heedhunke'rono, buxanete anga diriirsinummo'rono, maalanke giirate saynse uunammo geeshsha iillinummo'rono baxillu hooginkero kapho ikkinota Qaalu kulaanke. Baxantinay roduuwa rodoo'ne umi'ne gede assitine baxxe‼️  https://t.me/ayyanname

✅Atehu Baxillu Yesuusa Manniyiha Rooranno. ✅Qacce Qolloonniha Okkine Mereero Abbanno. ✅Tugammoha Haadhe Assatto Baattote Caabbicho. ✅Manna Assoottori Anna'ya Ayirrisoohe Techo. Dancha Barra ikkonke!!!