الجيش الأزرق 𝘽𝙖𝙘 𝟮𝟬𝟮𝟲

خطوة بسطية لحساب المميز بالكاجيب 🩷 بشرحي الخاص اذا عجبكم نولي نحطلكم شرح في كل المواد 🤎

نحيو الطبيعة تاع تفلاميو كلش بعدا نتوما اقراو فالستر و جامي تقولو كيفاه و وكتاه قريتو ✨اقضو حوائجكم في السر و الكتمان✨

📌 أقسم بالله ياخاوتي إذا عندك الفيد وتقدر تصوم صوم ... إذا تفطن في الليل وتقدر تصلي صلي ... إذا تقدر تسجل في كاش تكوين سجل .... اذا تقدر تتعلم كاش حاجة جديدة أتعلم _ رد بالك تخمم للدنيا هاذي بالتخمام هذاك تاع واقعك لي عايشوا #اليوم وطبقوا على عام كامل راه جاي ... يعني تشد نهارك الفارغ وطبقوا على عام جاي وكأن الأمور راح تقعد هكذا ... أكبر غلطة ممكن ديرها هي هاذي .. مولاها ربي والموازين تتبدل ولي خلق جامي يضيع ..... إذا كنتي ماكيش مزوجة تقدري بين ليلة وضحاها تتزوجي ويجي مكتوبك وتصبحي في مسؤليات اسرية ... اذا ماكنتيش خدامة ولا ماكنتش خدام بشهادتك قادر في اي وقت يفرج ربي ... أطلق الحبل وخلي الامور تمشي بلاعقل وماتتعلقش بزاف وخلي ثقتك بالله .... تقدر دير بزاف عفايس شابين في الفيد لي عندك؟ والاهم ربي كلما يشوفك تستغل الفراغ تاعك في حوايج ملاح .. يزيد يفرجها عليك ... متنساش بلي كل ثانية راح تتحاسب عليها لأنو غيرك راه يقضي نهار كامل في غسل الكلى والمستشفيات في حين أنت بصحتك راك قاعد ...

اول حاجة نقولكم عليها هي مواد الحفظ خصص لها ساعة من وقتكم يوميا رايحين تلقاو انتاجية بعد شهر و شهرين يوميا اقراو مادة لي يقدر يحفظ الصباح راهي مليحة كل يوم نوض الصباح احفظ درس اسلامية و لا تاريخ و لا جغرافيا و لا حتا اقرا قواعد انجلي مدام اغلبيتكم مابداتش و لا حل سيجي فرونسي لي عندو كاش سؤال يتفضل نضت بكري باه ماضيعوش الوقت فالثلغرام و تنحو طيليفوناتكم من يديكم

نوضو اتوضاو اقراو ستة صفحات مالقرآن الكريم و كي يوصل وقت الصلاة كل واحد ين ض يصلي و يدعي ربي بكل صدق يوفقو في حياتو و ينجحو باه يكون سبب في فرحة والديه

نولو يوميا نصليو الصلوات الخمس و نقراو ستة صفحات من القرآن الكريم و كل يوم نلونو خانة كي نخلصو نرجعو ندخلو الاذكار و هكدا

صباح الخير ليوم بربي نشالله رايحة تكون بداية جديدة لبازاف ناس و تكون فرصة استمرار جديدة لبزاف ناس تان و اول حاجة رايحين نبداو بيها هي العبادة و الصلاة لازم تنوضو قبل بساعة من بروقرامكم غير باه تصليو و تقراو قرأن و تدعيو ربي و لذا ليوم قررت نديرو تحدي انا و نتوما باه نحافظو على العبادة لانو بلا توفيق ربي حنا مانقدرو نديرو والو

غدوة نشالله الصباح نوضو على 4:00ريقلو طيليفوناتكم مانيش نهدر على لي مايقدرش ينوض بسك هداك جامي نقولو عليه حاب ينجح راني نحكي على لي حاب يوصل الحلمو و يفرح والديه و زيد رايحة نمدلكم تحديات تقربكم للربي كتر و زيد تزيدلكم مالانتاجية كل نهار

تعيشو كل واحد يقول وين وصلتو فلكلاصة فلبروقرام في كل المواد هكا نقدر نمدلكم بروقرام تمشيو عليه باه نحفزكم و نعاونكم ومن فضلكم لي يبعت يكتب كلش في ميساج واحد هكا نقدر نعاونكم كامل

الايام هادي جد ثمينة استغلوها مدامكم هدا. ين بديتو استغلو النشاط و الحماس لي عندكم نوضو بكري و احفظو و حلو التمارين و اكتبو الملخصات و اكم جامي تندموا على حاجة قريتوها الوقت هدا 🤍

نصائح دراسية ✨📝