الجيش الأزرق 𝘽𝙖𝙘 𝟮𝟬𝟮𝟲

الاساتذة يزربو في الدروس واش نديرو 🤔؟ قبل الاجابة على هذا السؤال ، اذا حبيت تقرا الدرس تاعك بكل تأني و فهم و حل للتمارين ، لازم تعتمد سرعتك الخاصة ماشي سرعة الاساتذة . 🗣️ : واش راك تقصد ؟ بمعنى ؛ الاساتذة حاليًا في الانزيمات ، معليش تحل تمارين على تركيب البروتين، مش شرط تمشي بنفس وتيرة الاساتذة . حتى في الفروض و الاختبارات ، ماعليش تجي وحدة الانزيمات و انت ماقريتهاش في الدار او مش مراجعها مليح . عادي جدّا تمشي بوتيرتك الخاصة بشرط أنك تمد كل لـ درس ، او لـ كل وحدة حقها من الفهم و الاستيعاب . واش الفايدة تاع انك وصلت لوحدة المناعة و انت مش فاهم اصلا واش هي " الخاصية الحمقلية" تاع الوحدة الثانية ✔️

حل التمارين : كيفاش نبداو واش نحلو ؟ انا ننصحكم بعد ما تخلصو الوحدة ،تبداو في حل تمارين استرجاع المكتسبات ( تمرين 5 نقاط ) ، لانو رح تكتسبو فكرة جديدة من التمرين + تعمرو البيانات لي تساعدكم في فهم موضوع معين ( الاستنساخ ، الترجمة ، تنشيط الاحماض … ) + تكتبو نص علمي حول الموضوع . كيما تكتبو هذاك النص العلمي رح تديرو انعاش للذاكرة تاعكم و تستوعبو اكثر واش درتو في الدرس. 🔹التمارين لازم تكون بالحل النموذجي تاعها و من الافضل تكون بالتنقيط . 🔹مصادر التمارين عديدة سبق وشاركتها معكم 🔹عادي ماتعرفوش تبداو التمرين ⬇️ في هذه الحالة ، اختارو تمرين من اليوتيوب من عند الاساتذة المعروفين ( كتفي ، شاوش ، طلحي ، خيرة فليتي … ) وشوفو معاهم كيفاش يحلو ، كيفاش يوظفو هذوك المصطلحات العلمية .

العلوم ⬇️ : اولا الموضوع الشائع حاليًا : " الأساتذة راهم يزربو في الدروس واش نديرو ؟ " أولا : الاساتذة جااااااارين بصفة كارثية في العلوم ، حابين يخلصو المجال الاول في الفصل الأول تخيلوا ؟ لانهم حابين يوصلو للتركيب الضوئي بحكم طاح العام الماضي في الموضوع الثاني 8 نقاط. يعني لا يستبعد انو يطيح هذا العام في كلا الموضوعين . المهم ماشي هذا موضوعنا 😂. كلام موجه ليك 🫵🏻: اذا مازلت ما درتش ملخص في الوحدة الاولى ( تركيب البروتين ) حاب نفهم واش راك تستنى ؟ ماتقوليش ماعنديش الوقت ⏰ ! - الملخص يكون شامل و كامل ، فيه كل المصطلحات العلمية الاساسية ، و اهم حاجة يكون مرتب و منظم . ماتضيعوش الوقت في التزيين و التلوين تاع الملخصات ، مش رح يقراو في بلاصتكم. المصدر لي نجيب منه الملخصات : ملخصات الاستاذ بن خريف مصطفى + " ما يجب حفظه " للاستاذ بن خريف مصطفى . 🖊️ | كي تكونو تخدمو في الملخص من الافضل حلّو مجموعة من التمارين باش تعرفو على واش تركزو . شفت بزاف ملخصات تاع تلامي يديرو حاجات اضافية بزاف ماعندهاش أهمية بزاف ، لذلك حاولو تلتزمو بالضروريات لي قلتهالكم سابقًا .

🔹بالنسبة للرياضيات - للمتأخرين - : المفاهيم تاع الوحدة الاولى بزااااف مهمة ( كيما الاستمرارية ، مبرهنة القيم المتوسطة ) و هي la base تاع الدوال بصفة عامة ، من الافضل تسرعو في اكمالها باش تقدرو تتفرغو لـ حل التمارين ، و البدء في الدوال الاسية. كي نقولكم اسرعوا في اكمالها ، مش معناتها تروحو تقراوها سطحياً بدون فهم ، لااا معنتها : حاولو تزيدو ساعات دراسة الرياضيات في يومكم . 🙋 | نديرو تمارين الدوال العددية و لا نقراو الدوال الاسية ؟ الجواب : تديرهم مع بعض ، قبل ماتقرا الدوال الاسية في البيت ، حاول تحل تمرين شامل في الدوال العددية ( خصص وقت 45 دقيقة ) لحل التمرين ، بعدها صححه .و انتقل للدوال الأسية . أو ممكن تدير العكس أنت حرّ

وين لازم نكون حاليًا في الدروس ؟ هذا السؤال ماعندوش اجابة وحدة ، و لكن نقولكم كل تلميذ و التقدم تاعه ، و كل تلميذ و الاستيعاب تاعه . رح نقولكم أقل حاجة ممكن تمونوا فيها بخصوص المواد العلمية ⬇️ : ⭐️ الرياضيات: كملتوا الدوال العددية ( مفاهيم ) و حاليًا راكم تحلو في التمارين تاعها. ⭐️ الفيزياء : كملتوا الوحدة الاولى ( الدروس ) و حاليا راكم تحلو في التمارين تاعها. ⭐️ العلوم : كملتو الوحدة الاولى (دروس ) و درتو الملخص تاعها ، و حاليًا راكم تحلو في التمارين كملتو - قريب تكملو الوحدة الثانية .

بالنسبة ليلة امتحان مادة العلوم (ليلة الرعد) ننصحكم تركزوا على اهم نقاط الدرس وبعض الافكار المهمة ومتحلوش تمارين بسك راح الحال لي حل يحل في الايام العادية مشي ليلة الرعد😀 تقدروا فقط تروحوا تضريوا طلة بعض التمارين لي تكون شاملة ومقترحة وتحاولوا تفهموا برك الفكرة تعها وتشوفوا الحل بلا ماتحلو فقط بش تدوا افكار تع تمارين وتدو لمحة على طريقة الحل الممنهجة من طرف الأساتذة وتذكروا دائما ان الاختبارت مجرد محطة تمهيدية لامتحان البكالوريا وليست معيار لنجاحك او خسارتك ولا داعي لتضحيم الامور 😊🤍 ويبقى الانسان مسؤول على السعي والنتيجة بسد الله تعالى🌿🦋

https://drive.google.com/file/d/1aSUgO5GV_YHHkL9ebaHz6bgl_I4-XTWR/vie مواضيع علوم

https://drive.google.com/file/d/1KqjfaGxMBZBFAeMCm3tIwG2jQJefHOjL/view مواضيع هندسة مدنية

https://drive.google.com/file/d/1BARENFKEB0DRhRiU2ga8JnWOgFMnGFmQ/view?usp=drivesdk مواضيع هندسة كهربائية

https://www.facebook.com/groups/1021950591550578/permalink/1604709249941373/?mibextid=Nif5oz مواضيع هندسة مدنية

مواضيع خاصة بتخصص ميكانيك

https://drive.google.com/file/d/1BARENFKEB0DRhRiU2ga8JnWOgFMnGFmQ/view?usp=drivesdk مواضيع خاصة بهندسة الطرائق للتحضير للاختبار

👈رح ندير علوم وفرنسية كونو فالموعد ✅️❤️

مساء النور خاوتي واش عندكم غدوة 🫶❤️

‏وإذا أراد الله لك أمرًا ساقه لك سوقًا عجيبًا من حيث لا تحتسب  🫀💙.

يا مَن بيدكَ كلُ شيء أسعدنا بِما نتمنّى🤲🤎.

بالتوفيق يوم غد ✅ @learnphysics10