Хааран кхача

ЕСЛИ БЫ ЖЕНЩИНА ХОТЬ НА ЧАС СТАЛА МУЖЧИНОЙ. «если бы женщина хоть на час стала мужчиной, клянусь Аллахом, если бы она хоть на минуту стала мужчиной и узнала, как смотрят на неё мужчины, то на сколько это возможно, одевала широкое, став подобно шатру, за которым её никто не видит.. взгляд мужчины на женщину, не таков, как взгляд женщины на мужчину. мужчина смотрит на женщину определённым образом. если бы женщины помнили, каким образом на них смотрят мужчины, что они желают всего лишь того, чтобы соблазнить её и уталить с ней свою страсть, то в таком случае положение такой женщины было бы другим. она непременно бы подчинилась велению Всевышнего Аллаха». Маджлису фатава ль-джуму'ати

Эхь ца хета хьуна? Аллахlана гуш ма ву/ю хьо!

Хаттар: Ассаламу Ӏалайкум. Майрчо шен зудчуьнга цӀоцкъамаш дӀадахахьара бохуш хилча хӀун дан деза? Мегаш дуй цунна уьш дӀадаха? Жоп: ВаӀалайкумуссаламу варахьматуллахӀи ва баракатухӀ! Пайхамара (саллаллахӀу ӀалайхӀи ва саллам) хьадисехь аьлла: «АллахӀа кхоьллиначунна муьтӀахь хила гӀоьртина кхуллуш волчу (АллахӀана) Ӏеса хир вац». Ткъа цӀоцкъамаш дӀадахар Дала хьарам дина ду, Пайхамара (саллаллахӀу ӀалайхӀи ва саллам) неӀалт аьлла а ду, хьамма бахахь а, уьш дӀадаха йиш яц. Бакъ ду, хӀусамден хьакъ лардан деза, цунна муьтӀахь хила а еза, цо бохучунна тӀера яла бакъо а яц, амма АллахӀа ца магийнарг цо де бахахь, я АллахӀа тӀедиллинарг цо дита бахахь, цу хӀуманехь цунна муьтӀахь хир яц.

Хаттар: Ассаламу Ӏалайкум. Вайн гӀиллакхехь нана нехан цӀен тӀехь хилар эхь дуй боьрша стагана? Жоп: ВаӀалайкумуссаламу варахьматуллахӀи ва баракатухӀ! Эхь долуш хӀумма а дац, хьарам хӀума даций цо динарг-м, дуьххьара яханчехь шен рицкъ чекхдаьлча шолгӀа Дала шен рицкъ яздиначе яхана. Цхьа а эхь дац! И хьанал дерг эхь долче даккхар ду вайна юккъехь хьарам дерг даржаран бахьана! Иттазза маре яхча а дац цхьа а эхь, мелхо а, иштта дан дезаш ду и захало марера цӀа еъначунна, цуьнан дахар ца дохош, иза дакъаза ца йоккхуш, иза хьарам новкъа ца кхуссуш. Ӏовдал кхетам бу и марера цӀа еанехь кхин а маре яхар эхь ларар, бераш делахь кхин а маре яхар эхь ларар!

1100-гӀа Хаттар: Ассаламу Ӏалайкум. Ламаз деш воцу хӀусамдеца муха хила еза? Цуьнгахь Ӏар муха ду, доьзалах ялалуш ца хилча? Жоп: ВаӀалайкумуссаламу варахьматуллахӀи ва баракатухӀ! ДоӀанца, хьехарца иза нисваре сатуьйсуш, собаре йолуш чекхйолуш хила еза, доьзал ца бохош, хьо собаре хиларна а, ахь дечу доӀанах а, хьехарх а хьуна АллахӀера ял а хир ю.

Азкараш дешар гӀоле ду йа Къуръан дешар гӀоле ду? Даимна а, шен хан хилла Ӏибадата хьалха даккхар деза ду, Ӏуьйранна, суьйранна азкараш доьшу хан ю, оцу хан чохь азкараш дешар деза ду, Къуръан дешарал а, ткъа вуьшта хан чохь уггар деза Дела хьехор - Къуръан дешар ду.

Хаттар: Ассаламу Ӏалайкум. Велларг гӀенах гаро хьуна зен деш дуй? Жоп: ВаӀалайкумуссаламу варахьматуллахӀи ва баракатухӀ! Зен дац дера, гӀено дан цхьа а зен дац, сама ма-ваьллина дӀадер ду гӀан.