"Yosh Prokurorlar" klubi

🔰 Ниғматилла Йўлдошев яна қайта 5 йил муддатга Бош прокурор лавозимига тайинланди. Олий Мажлис Сенати ялпи мажлисида Ниғматилла Йўлдошев номзоди сенаторлар томонидан Бош прокурор лавозимига маъқулланди.

🔰🔰🔰 Академия бакалавриатининг “ПРОКУРОРЛИК ФАОЛИЯТИ”  йўналишига қабул давом этмоқда   ✅ Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон Фармонига асосан Ўзбекистон Республикаси Ҳуқуқни муҳофаза қилиш академиясида 2023/2024 ўқув йилидан бошлаб бакалавриатнинг “Прокурорлик фаолияти” йўналиши бўйича кадрларни тайёрлаш жорий этилган. ✅ Шунга кўра, Ҳуқуқни муҳофаза қилиш академиясида 2024/2025 ўқув йили учун “Прокурорлик фаолияти” бакалавриат таълим йўналишига қабул бошланганлиги маълум қилинади. ✅ Академия бакалавриати “Прокурорлик фаолияти” йўналиш бўйича ўқитиш кундузги ва сиртқи таълим йўналишларида ўзбек ва рус тилларида, давлат грантлари ва тўлов контракт асосида амалга оширилади. ✅ “Прокурорлик фаолияти” йўналиши бўйича ўқишга қабул қилиш танловида иштирок этувчи номзодлар жорий йил 5 июндан 25 июнга қадар (25 июнь куни ҳам) тест синови топшириш учун my.uzbmb.uz сайтининг “Олий ва профессионал таълим муассасаларига (2024-2025-ўқув йили учун)” бўлинмасида “Юриспруденция” ва “Чет тили” тест синови топшириладиган фанлар мажмуаси, таълим тили ва тест топшириш ҳудудини танлаш лозим. ✅ Тест синовлари июль-август ойларида ўтказилади. Шунингдек, номзодлар “Чет тили сертификати” бўлинмасида тегишли сертификатни юклаши мумкин.

🇺🇿 PREZIDENT FARMONI IJROSI TA’MINLANMOQDA 🇺🇿 O‘zbekiston Respublikasi Prezidentining 2024-yil 24-maydagi “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi PF–80-son Farmoni hamda mazkur Farmon ijrosini ta’minlash yuzasidan qabul qilingan O‘zbekiston Respublikasi adliya vaziri hamda TDYU rektorining tegishli buyruqlari ijrosini ta’minlash maqsadida TDYU Sud, huquqni muhofaza qiluvchi organlar va advokatura kafedrasi professor-o‘qituvchilari tomonidan Toshkent viloyatining Zangiota va Toshkent tumanlari hududida joylashgan maktablarga tashrif buyurildi. 🤝 Tashrif davomida tegishli tuman adliya bo‘limi rahbari hamrohligida maktab direktori, direktor o‘rinbosarlari va “Huquq” fani o‘qituvchilari bilan uchrashildi hamda Farmon doirasida belgilangan vazifalar, ularni amalga oshirish imkoniyatlari muhokama qilindi. 🏫 Maktab direktorlari bilan birgalikda maktabning mavjud o‘quv xonalari ko‘rib chiqildi hamda “Huquq sinfi”ni tashkil etish bo‘yicha maktabning qulay, talablarga javob beradigan xonasini belgilash bo‘yicha dastlabki tanlovlarga kelishib olindi. ⚖️ Shuningdek, maktablarning “Huquq” fani o‘qituvchilari bilan suhbat o‘tkazilib, Farmon mazmun-mohiyati, u bo‘yicha maktablar oldiga qo‘yilgan vazifalar tushuntirildi, farmon ijrosini ta’minlash, uni hayotga tatbiq etishda “Huquq” fani o‘qituvchilarining muhim o‘rni haqida ma’lumot berildi. 🏆 Farmon asosida maktab o‘quvchilari hamda o‘qituvchilar o‘rtasida o‘tkaziladigan olimpiada va tanlovlar, ularga tayyorgarlik ko‘rish masalasida maslahatlar berildi. 📞 Tashrif yakunida maktab mas’ullari bilan doimiy muloqotni bog‘lash, amalga oshirilishi rejalashtirilayotgan ishlarni o‘zaro hamkorlikda bajarish maqsadida aloqa almashildi. ✅ Xulosa qilib aytganda, maktablarda “Huquq sinfi” va huquq fanlari chuqurlashtirilgan holda o‘qitilishini tashkil etish orqali yuridik kadrlarni tayyorlashda “maktab — litsey — texnikum — universitet” tizimini joriy etish ishlarini amalga oshirish choralari ko‘rilmoqda.

🔰 Ассалому алайкум xурматли каналимиз кузатувчилари! ♻️ Қурбон ҳайитингиз муборак бўлсин. Хонадонингизга Аллоҳнинг раҳмати ва баракаси ёғилсин! Сизни ва оила аъзоларингизни самовий ва оразий бало-офат, кулфат ва вабодан Аллоҳнинг ўзи асрасин! Доимо ҳурмат ва эътиборда бўлинг! ♻️Сизга ва яқинларингизга узоқ умр, сиҳат-саломатлик, тинчлик-хотиржамлик ва ишларингизда улкан муваффақиятлар тилайман.

🔰🔰🔰 Бош прокуратура томонидан яширин иқтисодиётга қарши курашиш тадбирларида аҳоли ҳамда тадбиркорларнинг муаммолари юзасидан таклифларни қабул қилиб бориш учун “@YashirinIqtisodiyotTakliflarBot” номли телеграм канали ишга туширилди. ✅ Агарда Сиз ушбу йўналишда қонун бузилиши ҳолатларига гувоҳ бўлсангиз ёки муаммолар ечимини топиш юзасидан таклифларингиз бўлса, бу ҳақда Бош прокуратуранинг махсус телеграм-боти орқали хабар йўлланг. 🌀 Давлатимиз тараққиёти, жамиятимиз фаровонлигига ўз ҳиссангизни қўшинг.

🔰🔰🔰 Барча ишни ўзи бажаришни истаган ёки барча ютуқларни ўзи ўзлаштириб олмоқчи бўлган инсон ҳеч қачон яхши лидер бўла олмайди. — Ни один человек не станет хорошим лидером, если хочет сделать все сам или сам получить за все награду. Эндрю Карнеги

🔰🔰🔰 Бош прокуратура ҳузуридаги жиноятларга қарши курашиш департаменти қошида Алкоголь ва тамаки бозорини тартибга солиш инспекцияси (Инспекция) ташкил этилади. “Алкоголь ва тамаки маҳсулотлари бозорини тартибга солиш ҳамда уларнинг ноқонуний айланмасининг олдини олиш чора-тадбирларини кучайтириш тўғрисида”ги Президент Фармони (ПФ-84 сон, 03.06.2024 й.) қабул қилинди. Истеъмол ва техник этил спирти, алкоголь ва тамаки маҳсулотлари ишлаб чиқариш ва реализация қилиш ҳамда ушбу жараёнлар устидан назоратини таъминлаш бўйича ягона давлат сиёсатини юритишда иштирок этиш Инспекциянинг асосий вазифаларидан бири этиб белгиланди. 2024 йил 1 октябрдан истеъмол ва техник этил спирти, алкоголь маҳсулотларини ишлаб чиқаришда қуйидаги қўшимча лицензия талаблари жорий этилади: 🔹йиллик лицензия тўловларини, шунингдек, солиқлар ва бошқа мажбурий тўловларни ўз вақтида тўлаш бўйича қонунчиликда белгиланган талабларга риоя қилиш; 🔹алкоголь маҳсулотлари ишлаб чиқаришда ва уларнинг савдосида сифат талабларига, шунингдек, акциз маркаларини қўллаш ҳамда идентификация воситалари орқали мажбурий рақамли маркировкалаш тартибларига риоя этиш; 🔹алкоголь маҳсулотларини ишлаб чиқариш жараёнларини мониторинг ва назорат қилиш имконини берувчи видеокузатув воситаларини ўрнатиш.

🔰🔰🔰 Ҳурматли каналимиз кузатувчилари! ✅ "Менинг контактларимга кимдир менинг номимдан ёзиб “пластикда пул борми? Нақд бераман. Пластикда керак бўлмоқда” деб сўраётган экан. Лекин бу мен эмасман. АЛДАНМАНГЛАР !!! ✅ Бу мен эмас. Телеграмимга бузиб кирилмаган. Бошқа аккаунтдан ёзишмоқда. Главнийдаги суратлар меники билан бир хил бўлиб, менинг исмим ва фамилямни ёзиб олган. Фирибгарликнинг янги усулидан эхтиёт бўлинглар. ✅ Кимлиги тез орада аниқланади. Ҳозирда тегишли ҳуқуқни муҳофаза қилувчи органлар томонидан текширув ишлари бошланган. Кимдир менинг номимдан ёзса менга алоқага чиқинглар !!!! 🔰 Агар кимгадир менинг номимдан шу вақтга қадар юқоридаги мазмундаги хабарлар юборилган бўлса ҳам менга маълум қилинглар!!! ♻️♻️♻️ Ушбу ҳолатлар хозирда кўпайиб кетганлиги, фирибгарликнинг мазкур янги усулидан кўпчилик азият чекаётганлиги сабабли, кўпчиликнинг номидан уларнинг таклифларидан келиб чиқиб, юқоридаги постни ёзиб қолдирдик.