تعلم التسويق الإلكتروني من الصفر

💥 عندك مقهى  و لكن ماعندكش الكليان  !  علاش ؟ هادي بعض الأسباب خاصك تلقا ليها الحل ماشي تنوض تكريها، أو تسدها، شوف واش عندك مشكل من هادو : 1- واقيلا عندك الكراسى مامرتاحينش فالجلسة بدلهم 2- ولا  عندك تلفاز صغير أو جودة الصورة نااااقصة بدلها 3- ثمن القهوة واقيلا عندك زايد شوية نقص منو. 4- سرباي عندك  ديما مخنزر و كيعطي طاقة سلبية للزبون .المعاملة مع الكليان هي كولشي . جيب سرباي نقي و نشيط 5- الويفي مقتول مشكيييييلة  ،بدلو 6- طواليط خانزة عندك  كتجري على الزبون نقيها  7-عندك الشمس كضرب مباشرة فالقهوة .خاصة بعد الظهر  . الكليان ماكيحملش يجلس و الشمس كطنطن فيه. لقا ليها شي حل  ولا آجي نعطيك حل من عندي 8- خدم على ديكوراسيو د القهوة من داخل مثلا دير لواحات فنية تجذب الناس لك او تجيب شي رسام يرسم لك شي شخصيات في الحيط مثلا يرسم لك رونالدو في جهة وميسي في جهة و رسم كذلك أحسن اللعابة لي كاينين حاليا حاكمينها هكا غا تكون مختلف على باقي المقاهي. 09- غادي دير واحد بلاصة  خاصة بالهدوء وكالم والناس للي خدامة في إنترنت وجهة خاصة بكورة وصداع 10- و أخيرا دابا كأس إفريقيا جاي . وجد القهوة ديالك و تلفازة  مزيانة و سرباي مزيان . هادوك الكليان لي غايتفرجو عندك فكاس إفريقيا هوما لي خاصهم يرجعو عندك فالأيام العادية .  ||  و أخيرا  هاد الهضرة لي كنقولك  بالقراية وبالعلم وهاد شي داير عليه دراسة ماشي من راسي .تفاصيل صغار خارجين لك على القهوة ديالك و نتا  مافكرتيش فيهم دائما دير في بالك هد المثال لا بغيتي تمشي بعيد "Le client est le roi" الكليان هو الملك 😌 لأن الكليان هو الثروة ديالك،لذلك عاملو بلطف وكبر به وتعامل معاه زوين و وفرلو كاع داك شي للي بغاه وما لقهاش في مقاهي أخرى وديما كون متميز عن الاخرين ♥️👌 حاجة أخرى : الكليان معجباتوش قهوة أو تزلعات لو بدلها لو ومن حقو يبدلها لا معجباتوش - حاول تقاد لوغو  للقهوة وتختار سمية تكون مهيبة،ودير شي فيديو أو إشهار ومرة مرة طلق أدس أو دوي مع صفحات د مدينتك يديرو لك الاشهار طلق صرف تجيب صرف اصاحبي متكونش قرزاز وخدم معاك الناس ها انا واحد منهم نتكلف لك بكولشي 😌 Ads/Design /PUP/.. Ect - و عمرك تجيب سرباية بنت حيت غايتجمعو عندك غا الكليان بوزبال المكبوت  المبرهش لي جاي على قبل البنت.نهار تمشي البنت حتا هوما غايمشيو . صحاب القهاوي كنشوفكم الله معاكم هادشي غا شوية من بزاف،وهادشي لي قلت لكم راه غا باش تستهلك وطور بزنس ديالك وبلا ماتهلك ودير إفلاس 😊 .. وللي عندو أي مشروع أو محل بغا نعطيه نصائح بحال هادو أو دراسة جدوى للمشروع مرحبا ♥️

تبغيو نشارك معاكم مشاريع؟

ها هو واحد المشروع ادراري تقدرو دخلو فيه 150 درهم فالنهار أو أكتر مشروع للي هو عصير قصب السكر هو من بين المشاريع لي بانت حاليا ودارت بلاصتها بحكم أن الناس ولات كتعرف الفوائد تاعوا + أنه عصير طبيعي 100% : هاد المشروع يا إما دير كروصة وتمشي حدا شي سوق كبير أو سويقة أو شي مكان فشارع عامر . أو ممكن تكري محال وتبيع فيه عصير قصب السكر زائد تنوع العواصر ويكون ف مكان شعبي وعلى الواجهة . أو غاتشري طريبرتور لي غايخوليك أنك تمشي من بلاصة لبلاصة ختى تلقى البلاصة لي كتبيع فيها بزاااف الذكاء يلعب دور 😉 دب كلشي غايبغي يعرف أشمن ماكينة غانشري أك كاينين أنواع تاع الماكينات منها لي كايتصاوب فالمغرب ومنها لي كايجي من مصر وكاينة تاع الشنوى هي لي محتاكرة السوق علاش لأنها صغيرة زيد عليها كتصفي الماء وكتعصر العود كامل مع الحامض زائد مكتحتاجش للضو فقط باتري كافي باش يخدمها ليك مدة طووويلة ...ممكن ليك تبحث عليها ف مجموعة تاع J'ai tets casa يوريوها ليك .. الثمن الماكينة كايختالف من صغيرة تاع 7000 درهم الى اكبروحدة ب 50000 الف درهم الفرق بينتهم انا الكبيرة تقضر تخشي فيها قصب سكر كتير وكتخرج ليك اكواب كتيرة لكن هادي غاتحتاجها غير فشي مكان وعليك ضغط بزااف أنصحك بالصغيرة قاضية الغراض شريها غا كازيو تقدر تلقا غا بشي 3000 درهم كتخشي فيها عود بعود ونتا غادي مع كليان ..طريقة عمل الماكينة فيها 2 طمبورات كبار يعني آلة عصر أو ضغط فملي كايتخشى العود وسطهم بالضغط كايعصرو مافيه وكايلوحو ليك زبل 🤞 والماء كايبقا عندك وعندك واحد روبيني هو باش كتخوي الماء وتحبس الماء 🤞 دب السؤال تاعك منين غانشري هاد القصب وفين غانلقاه وشحال تمن الكلغ أك هو متواجد فالغرب بالضبط قنيطرة كايتباع بدرهم للكلغ من الأحسن تختار القصب لي غليض لأنه غني بالماء فهمتي 😉 متنساش أهم شيء الحامض يكون عندك لأنه كيهرس هديك الحلاوة المجهدة فيه وكايعطيه مذاق منعش ☺️ بالتوفيق دراري ❤️ هد شي في اطار تشجيع الشباب ومحاربة البطالة والتعاون مع ولاد الشعب ♥️ و أول واحد غا يدير  هاد البروجي، يتواصل معي نديرو ليه إشهار مجاني ونبقاو ديما نشربو عندو العصير تشجيعا له☺️ ❤️✌️ __ للمزيد من المشاريع الناجحة انضموا لهذه المجموعة : https://facebook.com/groups/3676048802646634/ بارطاجيو المساج يوصل وشكرا ♥️

سلام دراري بخير ، صحاب إينوي جبت لكم طريقة غتستافدو من 1Go صالحة لمدة أسبوع. الطريقة راني حطيتها لكم فهاد الغروب فيسبوك باش ماتحرقش، دخلو استفدو قبل ما تحرق وتحياتي للجميع ❤️ رابط الغروب : https://facebook.com/groups/3676048802646634/ دعوة خير تكفي 💕🌹