..

الصبر جميل🫶

خايف اقولك ربنا يديك علي قد تعبك تسقط😐 ربنا يوفقك وينجحك ويسعدك بالمجموع الي انت عاوزه🫶

انا فطرت خلاص🥳

وانت قلب المنافق والفتاي🫶 ربنا يهديك يقلبي💞

طب يلا والي عنده مشكله او استفسار يقول انا هرد عليكم كلكم💞 http://kingooyamozaa.sarhne.com

رجعنا تاني🫶. https://t.me/GQOPP

صلوا علي اشرف الخلق سيدناا محمد صلي الله عليه وسلم♥️♥️🌚

.❤️‍🩹

اللَّهُمَّ أَجِرْنِي مِنْ النَّار.

عشر ذي الحجة أفضل أيام الدنيا ...ركز معايا بقى في الكلمتين دول .. خطة عملية للـ١٠ أيام اللي هيقلبوا حياتك إن شاء الله: ١-الـ ٥ صلاوات في وقتهم بدون تأخير وزود بعد كل فرض ٣ دقايق تقول أذكار بعد الصلاة كمان .. ٢- السُنن الراتبة ( عندك ١٢ ركعة لازم تداوم عليهم يومياً ....٢ قبل الفجر ... ٤ قبل الظهر و ٢ بعده .... ٢ بعد المغرب ... ٢ بعد العشاء ) ٣- صلاة الضحى ( بتبدأ من بعد شروق الشمس بـ ربع ساعه ... لحد قبل الظهر بـ ربع ساعه أقلّها ركعتين لحد ٨ ركعات ) ٤- أذكار الصباح والمساء ( أذكار الصباح بعد الفجر ، وأذكار المساء بعد العصر ) ٥- القيام والوتر (بتبدا من بعد العشاء لحد الفجر امسك مصحفك وصلي  زي التروايح في رمضان .. واقل حاجه تصلي الوتر ركعة) ٦- الصدقه يوميا ولو بمبلغ بسيط ٧- عمره و حج يوميا ...( بعد ما تصلي الفجر متطلعش من المسجد ... خلّيك في المسجد لحد الشروق ... قول الاذكار واقرأ قرآن ... وبعد الشروق بربع ساعة صلي ركعتين ولك بذلك أجر حجه وعمره _وللبنات..هتصلي الفجر في أول الوقت وتفضلي مكانك تقولي اذكارك وتقرأي قرآن لحد بعد الشروق بربع ساعة ..تصلي ركعتين ..وليك نفس الأجر ان شاء الله )  ٨- قراءة القرآن - ممكن تختم مرة في العشر يعني تقرأ 3 أجزاء يوميا .... - ولو مشغول اوي مش أقل من جزء كل يوم يعني هتقرأ عشر اجزاء ٩_ الذكر (لسانك شغااااال مايبطلش ذكر ..وأهم حاجه التكبير طول العشر _الله أكبر الله أكبر الله أكبر الله أكبر  لا إله الا الله  الله أكبر الله أكبر ولله الحمد _ معاك كمان_ سبحان الله والحمد لله ولا إله إلا الله والله أكبر ولا حول ولاقوة إلا بالله_ اذكر كتييييير ) ١٠- الصيام (تصوم ال٩ أيام كلها ، ولو عليكي أيام قضاء من رمضان صومي و انويهم بنية القضاء بس ❌ماينفعش نية تانية مع القضاء هتصومي بنية القضاء بس وده هيبقى من العمل الصالح في عشر ذي الحجة إنك بتخلصي الفريضة اللي عليكي )  ١١_ الدعاء ( وأهم حاجة تركز في الساعه اللي قبل الفجر ،والنص ساعة اللي قبل الفطار وانت صايم طول ال٩ أيام) ١٢- صيام يوم عرفة والدعاء فيه (يوم عرفة مش هيدخل فيه نية القضاء ❌ هتصوم يوم عرفة عشان يغفر لك ذنوب سنتين ، وهتفضي نفسك اليوم ده للدعاء والعبادة وبس ، هتجمع كل أدعيتك  وماتنساش _ لا إله الا الله وحده لا شريك له له الملك وله الحمد وهو على كل شيء قدير _ تقولها كتيييير وتلح في الدعاء كتيييير ) -------------------- دي شوية حاجات .....  لو داومت عليهم....خلال الـ ١٠ أيام  ..... هيكون أحسن موسم عشر ذي الحجة عيشته في حياتك ....وهتخرج منهم إنسان تاني ..... ويمكن يكون الموسم ده هو نقطة انطلاقك #رسايل_العشر1443هـ #أفضل_أيام_الدنيا

وعندي خبر حلو انا بكبر الجروب وهرجعه ديني ليكم تاني وهيكون فيه ناس جديد وكتير وجمبه كام قناه يعني هننشر المحتوي الديني علي اكبر مدي💞

فأبو ذَر قال لأخوه انا عايز اعرف عن محمد أكتر أنا رايح مكه.. وفعلاً راح أبو ذر لمكه وهو هناك عدى عليه سيدنا على بن ابى طالب وسأله: انت مش من هنا؟ انت عايز مين؟ فمردش ابو ذر عليه (خايف ان حد يعرف انه جى لمحمد فيأذيه) ويعدى على بن أبى طالب فى اليوم التانى ويسأله وبرضو ميردش لحد ما فى مره رد على سيدنا على وقال له: لو هتكتم السر هقولك، فقال عليّ: حاضر هكتم السر.. فقال أبو ذر :انا جاى لمحمد لو تعرف مكانه، خدنى معاك فقال عليّ : هأدلك على محمد بس وطى صوتك وامشى ورايا كأننا منعرفش بعض ولو انا لاحظت ان فى حد مركز معانا هروح جنب الحيطه كأنى أصلح نعلى(حذائى) وساعتها امشى انت بسرعه وارجع. وفعلاً راحوا سوا والحمد لله وصلوا لدار الارقم ومحدش شافهم ويتفتح الباب فيجرى ابو ذَر علي النبي ﷺ وهو يًبكي وراح قايل أشهد أن لا إله إلا الله وأن محمد رسول الله.. ففرح به النبيﷺ 💓 بس النبى عليه الصلاه والسلام خايف على ابو ذر فقاله يرجع لبلده وأول ما يسمع ان الإسلام بقى علنى فى مكه ومفيش مشاكل ساعتها يرجع على طول لكن ابو ذر أقسم انه يشهر إسلامه.. فمشى أبو ذر وراح واقف قدام قريش وقال: يا معشر قريش أشهد أن لا إله إلا الله وأن محمد عبده ورسوله.. فقالوا: قوموا اضربوا هذا المجنون فقام "العباس" (ده كافر بس هيسلم بعد كده) وقال: اتضربون رجلآ من غفار !! وفيها تجارتنا وهى ممر لنا (يعنى لو حصل مشاكل بنا وبينهم ممكن يقطعوا علينا طريق التجاره ويقفلوه) فلما سمعوا كده.. سابوه. وواحد اسمه عمرو بن عبسة ده شخص عنده فضول وحب إستطلاع فراح للنبي وحصل بينهم حوار فيقول عمرو: ما أنت؟ فيرد الرسولﷺ: انا نبي عمرو: وما نبي؟ الرسولﷺ: أرسلني الله عمرو: بم أرسلك؟ الرسولﷺ: بعبادته وحده لا شريك له.. وبكسر الأصنام.. وصلة الأرحام.. عمرو: ومن معك؟ الرسول ﷺ: حر وَعَبَد ( يعنى اللى بيتبعونى فى منهم عبيد ومنهم أسياد القوم كمان) فقال عمرو اني متبعك يا محمد وقال: أشهد أن لا إله إلا الله وأنك رسول الله.. بس النبي طلب من عمرو أنه يرجع لبلده ويثبت على الاسلام، وحاول عمرو انه يفضل جنب النبى بمكة ولكن الرسول خاف عليه بسبب الإيذاء اللى بيتعرض له المسلمين فى مكه .. ويقول عمرو فجعلت انصرف بظهري حتي املي عيني منه خشية الا ألقاه مرة اخري (بقى يمشى بضهره عشان يملى عينه من النبى... صلي الله علي محمد.. صلي الله عليه وسلم. وبعد كده هتلف الأيام والنبيﷺ يروح المدينة ويجيله عمرو بن عبسة ويدخل علي النبي ويقول يارسول الله اتذكرني.. فيبتسم النبيﷺويقول اجل انت عمرو بن عبسة الذي جئتني بمكة.. فيقول عمرو والله ما أبكاني الا انه ذكرني (يااااه لسه فاكره بالاسم يا رسول الله)❤ نكمل بكره ان شاء الله مش عايز اطول عليكو ❤🙌 قصة حياة النبي صلى الله عليه وسلم❤👑

الحلقة 12 من السيرة النبويه يلا صلوا على النبى🌸💜 زي ماقولنا إمبارح ان موسم الحج الوثني قرب وقريش مرعوبة ان الحجاج هيسمعوا كلام محمد وهيعجبهم ويسلموا فيتحالفوا ويحاربوا قريش.. فهما مش عايزين اي حد من العرب يسمع كلام محمد.. فيجى واحد اسمه الوليد بن المغيرة يطلب من ساده قريش انهم يجتمعوا لحل المشكله فيقول لهم: يامعشر قريش أقترب وقت الحج وأنتم الآن في مكة مختلفين في وصف محمد.. فبعضكم يقول عنه "شاعر" والبعض يقول " ساحر " والبعض يقول "كاهن " او "مجنون" .. ويقترح الوليد بن المغيرة عليهم ان قريش تتفق على صفه واحده بس يقولوها على محمد عشان محدش يقدر يكذب كلامهم.. فقريش وافقت وقالوا نتفق اننا نقول ان محمد ساحر.. فالوليد بن المغيرة قال لهم: لا والله لقد رأيت السحرة فما هو بقول ساحر ..قالوا إذن نقول كاهن .. فقال الوليد: لا والله لقد رأيت الكهنة وفعلهم وما هو بقول كاهن .. قالوا إذن نقول شاعر .. قال لا والله لقد رأيت الشعر وما هو بقول شاعر.. قالوا نقول مجنون.. قال لا ليس بمجنون.. وقال الوليد: والله ان لكلامه حلاوة وان عليه لطلاوة وانه لمثمر وانه ليعلو ولا يعلي عليه.. ولكن قولوا ساحر.. هو اقرب ما يكون لمحمد.. ساحر يفرق بين الرجل واهله.. (شايفين كلام الكافر عن القرآن سبحان الله ) على فكره الوليد بن المغيرة نزل فيه قرآن فى الموقف ده لان كان عاجبه القرآن♡لكن استكبر عنه والوليد قاعد مع قريش كان بيفكر ويكشر ويبص هنا وهنا.. فنزل القران في سورة المدثر يوصف شكل الوليد ،قال تعالى: إِنَّهُ فَكَّرَ وَقَدَّرَ*فَقُتِلَ كَيْفَ قَدَّر*ثُمَّ قُتِلَ كَيْفَ قَدَّر*َثُمَّ نَظَر*ثُمَّ عَبَسَ وَبَسَر*َثُمَّ أَدْبَرَ وَاسْتَكْبَرَ*فَقَالَ إِنْ هَٰذَا إِلَّا سِحْرٌ يُؤْثَرُ " دلوقتى الحجاج وصلوا لأرض مكة وانتشرت الإشاعة ان محمد ساحر.. وكان أهالي الحجاج ينصحوا اولادهم بأنهم ياخذوا بالهم على نفسهم من محمد" غلام قريش" حتي لا يفتنهم بسحره.. فكانوا الحجاج يدخلوا مكة ويحطوا في ودنهم زى قطن كده عشان مايسمعوش رسول الله ﷺ لما يتكلم، فكل ما النبي ﷺ يكلم حد يقوم يسد ودنه ويجري منه.. والنبىﷺ يقف ومش فاهم فيه ايه.. لكن رب العالمين يشاء ان يكون بين الحجاج شخص اسمه "ضماد الأسدي" ضماد الأسدي: واحد بيعالج الناس من السحر، فيقرر ضماد انه يروح يعالج النبي من السحر.. فيروح للنبي ﷺ ويقول: يامحمد اني قد بلغني عنك انك ساحر.. اجلس يامحمد لأعالجك.. فيبتسم النبي ﷺ ويقول: أجل ياضماد ويسمع النبى لضماد لحد الآخر وبعد ما ضماد خلص علاج.. فيقوم النبى بكل صبر وأدب يقول: أتأذن لي بالكلام ياضماد.. فيأذن له.. فيبدأ النبي عليه الصلاه والسلام يقول: إن الحمد لله نحمده ونستعينه ونستهديه ونستغفره ونعوذ بالله من شرور أنفسنا ومن سيئات اعمالنا.. من يهدي الله فلا مْضل له.. ومن يضلل فلا هادي له.. واشهد انه لا إله إلا الله وحده لا شريك له وان محمداً عبده ورسوله.. فضماد يقوله: أعد عليّ ما قلت.. والله ليس بقول سحرة.. فالنبي صلى الله عليه وسلم يعيد اكتر من مرة.. في الاخر ضماد يقوله: يامحمد اني متبعك.. اشهد انه لا اله الا الله وأنك رسول الله ..❤ فالنبي ﷺ يمسك أيده ويبايعه على الإسلام ويقوله: وعلي قومك (يعني تدعوا قومك كمان للإسلام يا ضماد؟).. فيقول له: وعلي قومي يا رسول الله.. ❤ ويرجع ضماد لبلده وتعدى شويه أيام ويدخل قوم ضماد في الاسلام 🖤 واحد اسمه ابو ذَر الغفاري: هو من قبيلة اسمها غِفار، له اخ اسمه اُنيس الغفاري كان شاعر وكان يٌلقب بأشعر العرب (احسن واحد فى الشعر).. فربنا شاء ان انيس يكون في مكة بغرض التجارة قبل موسم الحج بأيام قليلة ويشوف النبيﷺ في طرقات مكة ويسمع عنه فلما رجع انيس بلده.." ابو ذَر" سأله : شفت الراجل اللى بيقول على نفسه انه نبى؟ قاله: ايوه شفته ولاقيته بيصلى زى ما أنت بتصلى( اصل ابو ذَر بيقول والله لقد صليت لله ثلاث سنوات قبل ان ألقي رسول الله ﷺ يعنى كان بيصلى ويعبد ربنا من قبل ما ينزل الإسلام ومكنش بيعبد الأصنام) المهم أبو ذَر قال: طب وقومه بيقولوا عنه إيه؟ قال أنيس : بيقولوا عليه انه شاعر فقال ابو ذر لأخوه : طب أنت شايف ايه؟ ( انيس شاعر كبير ) فقال أنيس: والله لقد وضعت كلامه علي اقراء الشعر فلم تستقم لي.. فوالله ليس بشاعر (الإقراء هي بحور الشعر يعنى مش ماشى مع اساسيات الشعر ولا انواعه اللى احنا عارفنها)