سافر (Suffer) يا دكتور

"هو انا ممكن ادفع كل الفلوس بتاعة الUSMLE و في الاخر ماستفيدش حاجة ؟" في البوست ده هحاول اجاوب علي السؤال ده تعالوا ناخد خطوة ورا كدا و نتكلم عن Process التقديم - بتمتحن Step 1 و النتيجة Pass / Fail - بتمتحن Step 2 و النتيجة بScore - بتمتحن OET و النتيجة بGrade - بتطلع Electives في امريكا - بتنشر Research في مجلات علمية - بتقدم علي الMatch - بيجيلك Interviews - الف مبروك عالماتش / هارد لك ممتشتش الفكرة فين بقي Step 1 و step 2 و الOET غالبا هتدخل الامتحان مرة واحدة فقط و مافيش مجال للتحسين الelectives علي قد فلوسك و الResearch علي قد شطارتك و الاتنين قابلين للزيادة و التحسين في اي وقت عادي التقديم علي الماتش عامل زي الخطوبة بالظبط ماينفعش تتقدم لواحدة بتفطر في Paul و تتعشي في Gaby's و انتا بتفطر علي عربية الفول و بتتعشي فينو و جبنة قريش و بعدها تقول انا مصدوم انها رفضتني !! يسطا دنتا تحمد ربنا انها مشتمتكش ولا حاجة و ده مش تقليلا منك لكن هو الواقع كدا مادي و رأسمالي و بشع فقدم علي اكتر من تخصص و حاجة في مستوي الCV بتاعك الفكرة لو انتا ممتشتش السنة دي جرب حظك السنة الي جاية و اجتهد في الفترة دي في انك تبني نفسك في الريسيرش و الاليكتفز و اعمل حركة روشة كدا و امتحن Step 3 مثلا و كمان مش علشان انتا دكتور يبقي مش هتتعلم الInterview skills مهمة جدا و هينبني عليها القبول من الرفض فعلا طيب عملت كل ده و مجاليش ماتش ؟ اطلع علي قطر هيحبوك اوي علشان معاك USMLE و معرفتش تمتش في امريكا الاجابة طول مننا بتحاول مافيش اي مجهود هيترمي علي الارض مافيش خسارة كبيرة متوقعة ابدا في الUSMLE اي كان وضعك مش هيبقي اسوء من دكتور جراحة مسالك في مستشفي مافيهاش قسم مسالك اصلا ولا تكون طب أسرة في وحدة كفر ابو معزة لباقي حياتك توكل علي الله و اسعي و ذاكر و ربنا هيوفقك و ييسرلك كل عسير إن شاء الله ⁦❤️⁩ جروبنا لكل مايخص امريكا 👇 @usmle_for_arab

خمن الدولة الجايه 🔥، ومش امريكا طبعا

السلام عليكم يا شباب ✳️ دا إعلان مطلوب فيه أخصائيين او استشاريين في "العراق" 🌀 المرتبات زي ما هو مكتوب في الصورة كدة اما ٤٧٠٠ دولار أو ٧٠٠٠ دولار حسب التخصص 🌀 المطلوب شهادات دراسات عليا زي الماستر والزمالة والبورد والدكتوراة 🌀 للتقديم برجاء التواصل مع حد واحد بس من أرقام الفريق بتاعنا المذكورين في الإعلان.. وإرسال السي في والباسبور وشهادات الكلية والخبرة له عالواتساب ✅ أ. نسمة +201112065779 ✅ أ. فاطمة +201006169224 ✅ أ. ناردين +201550600578 جروب الدول العربية👇

بلاب او امتحانات العضوية الملكية (الزمالة البريطانية)؟ PLAB VS Royal College Exams سؤال متكرر وجاوبت عليه مرارا وتكرارا ومازال يأتيني (امبارح مجاوب 3 على نفس السؤال) الاجابة قولا واحدا : بلاب ... اسهل واسرع خاصة لو ناوي تسافر عن قريب انما لو عارف روحك حتسافر بعد 3-4 سنين ومش متاكد من قرار السفر يبقى خليك في امتحانات الرويال كولج مش معنى هذا ان لاتعمل امتحانات الكلية الملكية ... لا ... حاول تبدا فيها لو قدرت مع البلاب او في وقت الفراغ لكن ركز على اكمال البلاب لانه اسهل واسرع طريق للحصول على GMC registration نعيد ثاني ... مواعيد الزمالة صعبة خاصة جزء الكلينك ... انا مكمل MRCS Part A من 2022 لحد الان مش لاقي موعد جزء ثاني خارج بريطانيا وكل مايفتحوا شوية يفوتني الموعد وكذلك نفس الشئ التخصصات الاخرى كمثال الباطنة زملاء لي مكملين الجزئين وليهم سنة وسنتين واكثر على قوائم الانتظار والاطفال كذلك ... زائد صعوبة امتحان الكلينك في الرويال كولج مقارنة بسهولة امتحان بلاب 2 الي هو معمول لمستوى دكتور امتياز او حديث التخرج لو تريد حل سريع ... بلاب واعمل جزء اول زمالة او حتى ثاني معاه حيقوي الابلكشن الخاص بك خاصة في بعض التخصصات وحتى التقديم على التدريب يكفي بلاب ولا داعي للزمالة الا بعض التخصصات التي تعطي نقاط اضافية لو معاك زمالة او جزء منها فلهذا لست بحاجة اليها للتقديم على التدريب الا لو حتقدم ST3 في بعض التخصصات غير هذا فالبلاب اكثر من كافي للتقديم على التدريب للسنة الاولى والتفاصيل سنشرحها في المحاضرة القادمة يوم الاحد ان شاء الله جروبنا لكل مايخص ال بلاب 👇 @Plab_for_arab

والله يجماعة السفر أرزاق بشكل لا تتخيلوه اعرف ناس كانت مخلصة الUSMLE و بعدين جات كورونا و اجراءات امريكا كانت صعبة فاضطروا يغيروا التراك تماما لبريطانيا و بالفعل استقروا هناك خلاص إرادة ربنا اعرف ناس بقالهم سنتين واكتر بيقدموا علي Jobs في الUK و عاملين CV قوي و لحد دلوقتي مجاتش ليهم وظائف ومسافروش ولسا قاعدين في مصر لحد دلوقتي ربنا يرزقهم يارب و ناس خلصت امتحانات و سافرت علطول أرزاق اعرف ناس مكانتش لاقية تاكل حرفيا جه علي حظهم و موضوع السفر للمالديفز فتح وكانت الشروط بسيطة في الاول و جابوا فلوس المعادلات في سنة و سافروا بينما دلوقتي المالديفز عايزة خبرة 5 سنين 😅 بس الله اعلم ايه الدولة الجديدة الي ممكن تفتح ؟ اعرف ناس قاعدين في مصر و بيروحوا UK اسبوع في الشهر locum يجيبوا مصاريفهم لان المعيشة كعائلة في UK غالية جدا ومعهمش فلوس الجنسيات أو الجامعات أو البيت و مستقرين في مصر و عايشين زي الفل دخل بالباوند و مصاريف بالجنيه ❤️ اعرف ناس خلصت كل الUSMLE و قدموا علي مستشفيات بالعبيط و متوافقش عليهم في ولا انترفيو و ناس تانية قدموا علي مستشفيات أقل و مجالهمش غير انترفيو واحد أو اتنين بالكتير و اتقبلوا عادي مافيش قاعدة اعرف ناس ستاف جامعة تخصص Tropical medicine و للأسف مسمي الشهادة بتاعتهم مش معترف بيه في السعودية فاضطروا يسافروا تحت مسمي باطنة عامة دي كانت قلة معرفة صراحة ومشكلة في مصر اعرف ناس سافرت و الدولار كان لسا ب15 جنيه و العملة كانت مرطرطة في كل حتة ومكنش فيه مشكلة و ناس خسرت مدخراتها بسبب التعويم لأنها كانت بالجنيه و ضاع حلم السفر وفيه الي كان محوش بالدولار و تجاوز كل الأزمات و لا همه اعرف ناس سافرت الخليج علي اسوء عقود و اسوء اماكن و كانوا عايشين جحيم عالارض و بيقولوا ياريتنا ما سافرنا و دلوقتي ماشاء الله في مستشفيات محترمة جدا و عيشة كويسة محدش بياخد كل حاجة من الاول خش جوا الSystem بس ده هدفك التنقل بعد كدا اسهل اعرف ناس سافرت بريطانيا بمجرد شهادة الماستر بتاعته اول ايام العجز ما كان شديد دلوقتي انتا بتتنطط علشان تلاقي Service job حتي بس محدش عارف المستقبل اعرف ناس بقي سافروا قطر اخدوا نيابة ثم USMLE و سافروا امريكا ثم رجعوا عالسعودية و بيقولوا عايزين يرجعوا مصر في الاخر حرفيا قفلوا اللعبة وعايزين الBoss 😂 الشاهد من كل ده أن محدش كان عنده تصور واضح الخطة هتمشي ازاي بس الاكيد أن الناس كانت مستعدة ماديا و عندها خبرة عملية أو مذاكرة العلم كويس و اول ما جات قدامهم فرصة ربنا وفقهم و اغتنموها الله اعلم بالفرص الي ممكن تفتح في المستقبل يس علي اي حال خليك مستعد و ثق في ربنا أنه لن يضيعك ابدا وأنه سيرزقك الخير حيث كان و يرضيك بيه خالد خاطر

أهي كدا معقولة شوية آه (جروب ال OET في الكومنتات 👇)

التكلفة الكاملة ل طريق المعادلة الأمريكية USMLE: (بتحديث ابريل ٢٠٢٤) سعر الدولار ٤٨.٣٣ في البنك لازم تبقى فاهم ان تكاليف المعادلة بتنقسم قسمين : تكاليف ثابتة (ث)وهي تكاليف الامتحان وكل مايدُفع على الموقع ، وتذكرة الطيران والفيزا.. -تكاليف متغيرة (م) وهي تكاليف التحضير لأي خطوة من خطوات المعادلة ، ولكن هنحاول ديما نحط متوسط ليها .. التكلفة الكاملة لتراك المعادلة الامريكية من البداية و حتي الMatch 🌚 بسم الله الرحمن الرحيم كدا 160 دولار علشان تعمل اكونت علي موقع ال ECFMG علشان تقدر تحجز الامتحان ( 7750 ج ) (ث) هتجيب ب 2000 جنيه مصري كتب ل step 1 علشان تذاكر (م) هتدفع 440 دولار اشتراك Uworld ٦ شهور و ده اشهر و اكبر بنك اسئلة للمعادلة علشان تتدرب كويس و بيبقي فيه امتحانين كاملين بيحاكوا للامتحان الاصلي و كمان تقدر تعمل Reset و تقعد تحل بنك الاسئلة مرة تانية و هيحددلك نقاط قوتك و ضعفك بس كل ده للمذاكرة و التدريب و الدرجات الي هتطلعلك مش حقيقية (21265 ج) (م) هنا المقصد مش انه تكلفته هتتغير ولكن ان فيه بدائل ليه فممكن نستبدله 120 دولار لامتحانين NBME و ده امتحان رسمي محاكي للامتحان الحقيقي و نتيجته بتبقي دقيقة جدا هتعمل منه امتحانين واحد بعد مذاكرتك و واحد بعد حلك للUworld و الدرجة الي هتطلعلك بتبقي قريبة جدا من درجتك الحقيقية 5800ج. (م) 1125 دولار امتحان Step 1 و ده هتمتحنه في الاميدايست هنا في مصر ليه كذا فرع 54400 ج. (ث مع الأسف) هتكرر نفس المصاريف مع Step 2 CK 2000 جنيه كتب step 2 440 دولار اشتراك Uworld ٦ شهور 120 دولار لامتحانين NBME 1125 دولار امتحان Step 2 خلصنا ستيب ون وتو والحمدلله هتمتحن امتحان الOET كبديل للStep 2 CS و ده تكلفته 587 دولار لامتحان OET بتمتحنه في كذا مكان في مصر 28400 ج (ث) وغالبا هتحتاج تحضرله ب (3000 ج ) لحد كدا احنا حلوين احسب معايا بقي الي جاي 600 دولار تقريبا تكاليف فيزا J-1 لامريكا 29000 ج. (ث) 20.000 جنيه تذكرة سفر ذهاب بلا عودة إن شاء الله ‌❤️⁩. (ث) 1000 دولار تكاليف إقامة لمدة شهريين 48300 ج . (م) بتختلف ع حسب سكنك 600 دولار مصاريف شخصية لمدة شهرين 29000 ج. (م) 2100 دولار شهر Electives. 101500 الف (ث) شهر للelectives و شهر للتقديم و الانترفيوهات ودا أقل حاجه. 230 دولار اكونت و طلب تأكيد EPIC و ده موقع بتحط عليه شهاداتك المصرية علشان تقدم 11116ج (ث) 60 دولار لخدمة الCVS و دي خدمة تأكد من صحة الشهادات الي انتا رفعتها 2900 ج. (ث) 2280 دولار للتقديم ل100 مستشفي من خلال ERAS و ده رقم متوسط هيجيلك منهم انترفيوز هتروح و هيجيلك ايميل اتقبلت فين 110200 الف (م) الف مبروك جالك الماتش بتوتال حوالي [ * 528الف و 800 و 96جنيه مصري* ] بسعر الدولار النهاردة 48.33 ج و الله اعلم هيزيد ولا يقل بعد كدا 🌚 طبعا الرقم ده في المتوسط فيه ناس بتاخد كورسات و ناس بتعمل ريسيرش و ناس بتاخد شهرين او تلاتة اليكتف و ناس مبذرة في مصاريفها الشخصية و دي هتزود التكلفة و طبعا الرقم ده اقل كتير من الاول بعد ما الCS اتلغي طبعا لا يخفي علي الكل التكلفة كبيرة و الجهد و الوقت المبذول كبير لكن نتيجة التراك و مميزاته مقارنة بباقي التراكات تستحق حقيقة و لو مش عارف تصرف الفلوس في جميعات للاطباء المصريين في امريكا ممكن تكملك تكاليفك لو شافوا انك فعلا تستحق ده كل التكاليف اللي قدامها حرف م دي هي تكاليف متغيرة وكمثال مثلا التحضير ل ستيب ون وتو وال oet الل تكلفتهم المتغيرة مجملا = 195 الف جنيه تقدر تقللها لما يقرب نص تكلفتها وهنعرفكم ازاي ف الجروب هنا 👇 المعادلة الأمريكية للعرب USMLE_For_Arab وكمان الاليكتفز اللي خاربة البيت دي هننزل تفاصيل عنها وازاي نقللها متقلقوش. في الاخر "ان الله لا يضيع اجر من احسن عملا" فتوكل علي الله يصحب ‌❤️⁩ خالد خاطر ، updated by علي الزناتي.

كلنا عارفين أهمية امتحان اللغة ال OET وال IELTS للسفر سواء طريق بريطانيا أو امريكا لازم تعدي واحد منهم.. وعلشان كدا كان لازم نختارلكم اضمن طريق تتجاوزوا بيه الامتحان دا والتفاصيل فالجروب هنا https://t.me/+F-nzKa-i5fhkYzk0