سُبُلُنَا 𓂆.

تهانينا .. أصبحت الأن من المؤمنين! الموضوع سهل جدا وحاول وهتشوف .. لو بدأت يوم صيام اتنين وخميس .. أو أيام قمرية أو غيرهم .. وهتصلي صلواتك واستغفارك بنية التوبة وحمد الله عز وجل مع إنك تجتنب المحرمات وتنصح أي حد بأي حاجة .. هتبقي طبقت يوم المؤمن بمواصفات آية سورة التوبة. إنت ممكن تكون بتعمل الحاجات دي أصلًا في الطبيعي بس بتوزعها مثلا .. أو مش بتنوي إنها إيمان .. آديك عرفت فركز وانوي بعد كدا إن شاء الله. لما حد بيقولك أبشر .. مابتخافش إلى حد ما وبترتاح .. ما بالك بملك الملوك بيبشرك وخزائن الله مليئة وكرمه عظيم .. حدد يوم معين وعيشه بنية الإيمان بالله .. هتلاقي نفسك مش قادر تستغني عن الشعور دا .. ولو عندك فتور وبعدت عن الله عز وجل تقدر ترجع بيوم تؤمن فيه بالله. اللهم إيمانا خالصا لك .. اللهم ولي قلوبنا قبلة ترضاها .

الحافظون لحدود الله: تلاقي الزوجة تقولك لا أنا ماقدرش أعمل الأكلة الفلانية جوزي مابيحبهاش .. ماقدرش أجيب لابني شوكولاتة عنده منها حساسية أو ما بيحبهاش .. ولله المثل الاعلي .. إنتٍ عارفة أهل بيتك بيحبوا إيه وبيكرهوا إيه وبتعملي اللي هم عايزينه .. ما بتروحيش تقولي لجوزك "سامحني عملت ملوخية . أنا عصيتك وضعفت أنت عارف النفس أمارة بالسوء " .. ولله المثل الأعلي طبعا .. حاول تراقب نفسك طول اليوم .. اللي ربنا ما يرضاهوش تبعد عنه تماما .. لأنه أولا ذنب وإحنا مش ناقصين سيئات .. دا غير إن البعد عن الذنب طاعة لله وطبعا إيمان لله سبحانه وتعالي .. يعني إنت هتسيب الذنب عشان إنت مؤمن لله .. وعايز ترضيه بأي شكل.

الآمرون بالمعروف والناهون عن المنكر: ما بقولش تخطبي في المسجد الجمعة الجاية .. لو ذكرتي أهل بيتك بأذكار الصباح والمساء دا أمر بالمعروف .. لو نزلت حالة دينية ع الواتساب أو بوست ع الفيسبوك دا أمر بالمعروف .. لو شديتي فيشة التليفزيون أو فيشة الروتر وهم بيتفرجوا ع مسلسلات دا نهي عن المنكر .. مش شرط تكتب درس طويل عريض ولو عملت كدا طبعا حلو جدا .. بس ممكن بأبسط الأعمال مع إخلاص النية لله .. تنال أجر الأمر بالمعروف والنهي عن المنكر وهتبقي مؤمن ^^

وتخيل طلعت سنة مهجورة إنك تصلي بين الأذان والإقامة. 📌 دي مش سنة مؤكدة .. النبي قال "لمن شاء" .. لكن حضرتك مش هتشاء ليه يعني ؟ .. سنة مهجورة وركوع وسجود وعبادة يعني إيمان وش .. اثبت علي سنة وأحيها .. لو صليتها في مسجد .. وواحد استغرب وعرفته إنها سُنة يفضل يعملها وتاخد أجرها حتي لو توفاك الله .. تبقي إنت وزوجتك وأولادك بتحيوا السنة دي .. وإنت بردو تعرفيها لصحباتك واللي حواليكِ وتحيوا سنة.

الراكعون الساجدون: دا ملعبك دا بقا .. عندك الخمس فروض والسنن الرواتب والنوافل والضحي والقيام .. بس أنا جاية أقولك عَ صلاة تعتبر سنة مهجورة تنتظم عليها تنال أجر إحياء السنة وكمان تبقي عبادة وتحقق فيها الإيمان بإذن الله .. قال النبي صلى الله عليه وسلم : بين كل أذانين صلاة. بين كل أذانين صلاة، ثم قال في الثالثة: لمن شاء. رواه البخاري. يعني تصلي بين الأذان والإقامة .. مش ساعات تخش المسجد تلاقي واحد بيصلي قبل المغرب مثلا ركعتين .. وتقول إيه دا إنهم يدعون إلى دين جديد .. وتطلع الشعراوي اللي جواك .. وتقوله : مافيش يا حبيبي سنة قبل المغرب.

من أجمل الحلقات اللي بتعلي همتي علي الصيام جدًا. من سلسلة مما تحبون : الشيخ محمد خيري.

السائحون: يعني الصائمون .. عارفة إن الجو حر ووراك مشاوير و و و .. بس إنت في دعوة محتاجها لسة ماستجابتش .. ووقت الفطار دعوتك مستجابة .. لعلها تصيب .. دا غير إن الصيام عبادة "العابدون" .. وكمان بتبعدك سبعين سنة عن النار .. غير إنها وسيلة لشكر الله علي نعمة الصحة والرزق "الحامدون" .. الصيام حرفيا مافيهوش خسارة .. غير كام ساعة مابتاكلش ولا تشرب فيهم .. واظب ع الإثنين والخميس عشان تبقي مؤمن.

درس أسرار الحمد لله .. د/ حازم شومان

الحامدون: طبعا إنت لو استشعرت النعم اللي في حياتك .. مش هتحمد ربنا يوم واحد .. بس لو تفكر فيها هتلاقي إن ربنا فعلا رحيم بينا .. يعني يديك نعم لا تعد ولا تحصي .. هتشكره وتحمده؟ يزودهالك .. بس كدا؟ لا دا كمان يديك عليها حسنات .. رغم إن حمدك مايجيش ذرة جنب نعم ربنا سبحانه وتعالى .. ومع ذلك الشكور الكريم بيعطيك نعم تاني وحسنات كمان .. « والحمد لله تملأ الميزان » .. يلا املي ميزانك وزود النعم اللي عندك .. وخدي حسنات وخليك مؤمن كمان .

العابدون: ماتخافش مش هنعيشك في كهف تعبد فيه ربنا .. إحنا موجودين علي الأرض أصلا عشان نعبده .. « وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ » .. والعبادة معناها واسع جدًا زي ما قال ابن تيمية رحمه الله « اسم جامع لكل ما يحبه الله ويرضاه من الأقوال والأعمال الظاهرة والباطنة » .. أي طاعة تنويها « لله فقط » هي عبادة .. اختار عبادة معينة إنت تحطها لنفسك تحدي مثلا .. أو عبادةما بتعملهاش بقالك فترة .. واعملها لله لعله يتقبلك ويبشرك مع المؤمنين ..