Charos Arzikulova

#university_life

#dream Vafo asosidagi munosabatni xohlayman, va'da kerakmas(amalda bòlsin). Tushunish, hurmat, ishonch, sevgi, mehr, e'tibor kabi tuyĝulardan iborat bòlsin(faqat sevgi emas, barchasi bòlsin). Har doim aytardim, manfaatlar tòqnashgani uchun munosabat quriladi deb. Lekin unaqa bòlishini xohlamayman. Sababi manfaat tugasa, munosabat ham tugaydi. Shuning uchun borimizcha qabul qilinaylik. Ortiqcha sòz ishlatmasdan, kòz qarashlari bilan bir-birimizni tushunaylik. Kamchiliklarni yashirmaylik, mukammal emasligimizni unutmaylik. Xato qilgan vaziyatlarimizda aybdorni izlamaylik.

Sogʻinsak qaytadi quvonchlarimiz, Chorlasak qaytadi hattoki gʻamlar. Birodar,yalin-u yolvor,ketkazma, Hecham qaytmas ekan ketgan odamlar. Qushlar qaytib kelar sogʻinib yurtni, Toʻlqinlar qaytadi sohillariga. Yomgʻirlar samoni aylanib kelib, Qaytgusi zaminning bagʻrlariga. Shuning-chun sen odam yoʻqotma, qalbim, Hatto tiz choʻksa ham sen deb olamlar. Bu dunyoga qaytib kelmaganidek, Qalbingga ham qaytib kelmas odamlar... 📝Guljamol Asqarova

❗️Fikrlarim subyektiv (3) Ammo shuni tushunish kerakki...... Òqiyotgan qiz hech qachon yolĝiz bòlmaydi, ortida faqat òzi turmaydi. Kiymay òqitayotgan dadasi, ishdan charchab kelsa ham qizini barcha uy ishlaridan ozod qiladigan onasi, hammasidan voz kechib taslim bòlyotganida dalda, kuch beradigan oilasi turadi. Osonmas qiz bolani òqitish(jamiyatimizda). Gap-sòzlarga eshik yopgan holda qizni òqitish osonmas. Shuning uchun ilmni qadriga yeting!

❗️Fikrlarim subyektiv (2) Bizda-chi??? Bizda "Pazanda kelin", "Kelinlikka tayyorlov" kabi kurslar, treninglar... Qizlarga yoshligidanoq bòysunish, ovqat qilish va uyni toza saqlash yòllari singdiriladi. Dunyo qanchalik rivojlanmasin, ammo bizdagi qarashlar òrta asrlarda qolib ketgandek tuyulaveradi. "Bòlmasa ersiz qolasan, ering(qaynonang) haydavoradi" prinsipi ustun. Ishoning, dunyo sizning non pishirishingizga emas, balki tafakkuringizga lol qoladi. Òz iste'dodingiz, bilimlaringizni kòrsatishdan, ĝoyalaringizni amalga oshirishdan qòrqmang. Stereotiplarni sindiring, voz keching ulardan(qanchalik qiyin bòlsa-da). Istalgan vaqtda kir yuvish-u ovqat qilishni òrgansa bòladi, ammo ilm olishga hozirgi kuch va soĝligingiz qayta bòlmasligi mumkin. Kech qolmang!

❗️Fikrlarim subyektiv (1) Yaqinda bir xabarni òqidim. Singapurda diplomi bor qizlar turmushga chiqsa, davlat katta tòyona, agar farzandli bòlsa, òqimagan ayollarga nisbatan kòproq "suyunchi puli" berarkan. Buning sababi Singapurning sobiq bosh vaziri Li Kuan Yu mamlakatning kelajagi va muvaffaqiyati ilmli va ziyoli ayolga boĝliqligini tushunib yetgan. Natija shuni kòrsatyaptiki, u 100% haq ekan. Ilmli ayol hayotga real kòz bilan qaraydi. Oila qurganida haqqoniylik bilan oila kelajagini yaratishga harakat qiladi. Eng kamida u oila soĝligi va òz soĝligiga katta e'tibor beradi. Turmush òrtoĝi va farzandlari uchun to'ĝri yònalishlarni bera oladi. Istiqbolli kelajakka olib boradigan yòllarni kòradi, kòrsata oladi. Kerak paytda tanqid, kerak paytda raĝbat beradi. Ixtiyoriy buyuk erkakning ortida intellekti yuqori, tadbirli ayol turgan bòladi. Ilmli ayol buyuk farzandlarni tarbiyalaydi. Otadan jism, qon òtishi mumkin, lekin tafakkur va aql kòproq onadan òtadi. Shuning uchun intellekti yuqori, ilmi kuchli ayolga uylanish maqsadga muvofiq. Nimaga yuqori intellektli insonlar òzlaridan-da kuchli ayollarni tanlaydi? Sababi ular bilishadi: kuchsizlargina òzlariga kuchsiz ayolni tanlashlarini. Bejizga òzlariga mos va zamon bilan hamnafas ayolni tanlashmaydi. Chunki bunday erkaklarga faqat kuchli ayollargina ilhom bera oladi.

Hayotimda muloqotning o'rni beqiyos. Ko'p gapirishimni tanqid qilishadi. Ha, tan olaman, kòp gapiraman. Ammo.... har kimga ham emas! Ikki qator qilib, samimiy dildan yozilgan gapni har qanday rasm yoki videodan ustun kòraman. Sòzni sevaman! Uni tòĝri tanlab qòllay olgan kishini sevaman! Tasavvur qiling, bir inson bilan òtiribsiz. Kòrinishi yoqimli, uni eshitish qiziqarli, tòlqinlanib gapiradi, hayotdan nolimaydi, samimiy kuladi, voqealarni hayajon bilan eslaydi... Suhbatingiz naqadar gòzal bòlishi kòz oldingizga keldimi? Agar shunchaki òtirsangiz, suhbatlashmasangiz keyingi uchrashuv bòlmasligi ehtimoli ancha yuqori. Lekin uchrashuv samimiy suhbat ustida kechgan bòlsa, keyingisi intiqib kutilishi tabiiy! Ixtiyoriy muammoni muloqot orqali hal qilish mumkin, deb òylayman. Tanqid òrniga tushunishga, eshitishga harakat qilinganida balki oilalar ajrimi kamayarmidi. Baxtli bolalar soni kòpayardi, balki...

Hayit muborak! Kelasi ramazonga ham eson-omon, "to'rt ko'z tugal" yetaylik!

Kutayapman yomg’ir ostida☔️ Yurak qoldi jabr ostida, Dard atalmish og’ir ostida, Tashqarida yo’lingga qarab, Kutayapman yomg’ir ostida. «Tinmaydi-yov» yomg’ir bugunlar, Kim uyiga yugur — yugurlar, Men-chi dilga tugib tugunlar, Kutayapman yomg’ir ostida. Bilinmaydi ko’zingdagi nam, Senda men yòq,menga sensan kam, Kelmasliging bilib tursam ham, Kutayapman yomg’ir ostida. Goho sovuq kelib jim chaqar, Gohi o’yib olib chim chaqar, Ustimdan suv, qalbdan qon oqar, Kutayapman yomg’ir ostida. Odamlardan bo’ldim tashqari, Ko’rgan deydi telba-teskari, Ayni ketgan kuning singari, Kutayapman yomg’ir ostida. Men yashayman Kim? Qani? Uchun Yomg'ir senga yoqqani uchun Bugun yomg'ir yog'gani uchun Kutayapman yomg'ir ostida.