НАТАЛИ сонуннара📲📸😊😅

Күндү Саха сирин олохтоохторо❗️ Мантан сайын, күһүн барыгытын Кытай Хейхе куоратыгар 10-хонуктаах Доруобуйа тууругар ыҥырабыт❗️ Туур сыаната-45 тр❗️ ✅Манна кэлэ-бара проезд сыаната ✅Трансфер ✅Отельгэ 10 хонук олоруу ✅Сарсыардааҥҥы аһылык ✅Хейхе куорат устун экскурсия ✅Онтон эмтэнии туспа төлөбүрдээх, прайс ыытабын, босхо консультация ✅Туурга Тиис эмтэтиитэ, косметология, хаан, быар, организм ыраастаныыта, массаж о.д.а. ✅Суруйтарыан баҕалаахтар миэхэ суруйуҥ, ватсап группаҕа киллэрэбит, саха салайааччыта ✅Хайаан да Загран.пааспардаах буолуохтааххыт ✅Атырдьах ыйыгар, балаҕан ыйыгар баар дааталарга эрдэ суруйтара туруҥ ДААТАЛАР⤵️ ✅Атырдьах ыйын 1-10 күннэрэ ✅Атырдьах ыйын 6-16 куннэрэ ✅Атырдьах ыйын 14-24 куннэрэ ✅Бала5ан ыйын 1-10 куннэрэ ✅Бала5ан ыйын 8-18 куннэрэ о.д.а. дааталар бааллар👍🏻 Ватсап: 89142708220

Или Телеграммар в личку суруйун

🔴

🩷 С Днем СЕМЬИ, ЛЮБВИ и ВЕРНОСТИ! 🌸Самое важное в жизни — семья, Там, где с любовью ждут нас всегда. Где верность, забота и понимание, Где ласка, поддержка, опора, внимание. Там, где комфорт, теплота и родные, И это не просто слова всё пустые. Любите друг друга, всегда берегите И верность семье своей Вы сохраните. И счастье Ваш дом не покинет тогда, Ведь самое важное в жизни —семья! 🌹

Сарсынны гороскоп

🔴

Оккуодай алааска Мин оҕо сырыттахпына дьоммунаан Оккуодай диэн алааска олорбуппут. Оччотооҕу ыал сиэринэн бэйэбит эрэ буолбатахпыт, дьукаахтардаахпыт. Мин кыра уол ийэбиниин атахтаһа мас ороҥҥо сытабыт. Арай биир түүн туох эрэ хоонньубар киирэн эргичиҥниир, бөкүнүҥнүүр. Мин дьиктиргээтим эрээри, уубар аҥаарыйан улахаҥҥа да уурбатым. Эргэ нэк сонум буолуо дии санааммын, өссө ылан саптаары гынным. Онтукам, доҕоор, туох эрэ атын буолла, этим тарта! Илиим иминэн таарыйбытым, эмиэ да оҕо төбөтүн курдук. Мин дьукаахтарым аҕыс ыйдаах оҕолоро сылдьар дуу дии санаатым. Ол эрээри дьукаах оҕом буолбатахха дылы. Уопсайынан, бу туох эрэ атын сылдьары сэрэйбитим, дэлби ыксаабытым. Абааһым буоллаҕына сүгүннээбэт: биир кэм эргичиҥнээ да эргичиҥнээ, өссө суорҕаммын тардыалыыр. Итинник бэрт өр кииристибит. Төһө эмэ өр эрэйдэнэн ороммуттан үтэн-үтэн, төкүнүтэн түһэрэн кэбистим. Онуоха били баҕайым сүгүн арахпакка аны суорҕаным быыһына илиитин угар, тараһабын тарбыыр. Мин суорҕан нөҥүө кини илиилэрин аллара бүк баттыы сатыыбын. Куттаммыт санаабар, түүнү мэлдьи букунастым. Итинник балай да уһуннук мучумааннана сыттахпына ийэм уһугунна. Туран оһоҕун отунна. Ол тыаһыттан били баҕайым, куттанан буолуо, сүтэн хаалбыта. Сотору соҕус буолан баран соһуччу баҕайы аҕам оҕонньор ыалдьан өллө. Кэлин дьон, били, түүнү быһа утуппатах баҕайы аҕаҕын сиэри сылдьыбыт абааһы буолуохтаах диэн тойоннообуттара. Онно мин улахан киһи эбитим буоллар, ол абааһыны хам баттаан кэбиһиэх эбиппин. Оччоҕо, баҕар, аҕам өлүө суох этэ.

🔴

*ТАРАҔАЙ АРЫЫТЫН ДЬИКТИТЭ.* Бу дьиҥ олоххо буолан ааспыт түбэлтэни хайдах өйдөөн хаалбыппынан ааҕаачыларбар тиэрдэ сатыам. Тараҕай арыытыгар отчуттар биригээдэлэрэ оттуур сир көрдөөн кэлэн түспүттэр. Звено биригэдьиирэ Барахсаанап Ньукулай Бөтүрүөбүс өр сылларга собхуоһугар үрдүк көрдөрүүлээхтик үлэ бөҕөнү үлэлээбит Коммунистическай үлэ ударнига киһи сарсыардаттан сир көрө арыыны кэрийэ бытыылкаҕа чэйдээх арыылаах килиэп таптанан хаһыакка суулаан сиэбигэр уктан барбыт. Күн ортото бэрт дьикти сиргэ арай тиийэн кэлбит. Онон манан эргэ тиэхиникэлэр уонна сэнэх билигин аҕай үлэлиэх көрүннээх биэйэлкэ соломоттон бурдугун араарар массыына турарын сонурҕуу сыныйан көрбүт. Дьиэлэр баалларыттан акылааттара эрэ оҥоһон оһохторо хороһон туран хаалбыттар.Бадаҕа мастарын көтүрэн ылбыттар быһыылаах. Биир эрэ немецкэй муннуктаах бэрт чочуонай оҥоһуулаах дьиэ ордон хаалбыт. Халҕанын арыйан иһирдьэ киирбитэ дьон олорорун курдук ып ыраас, долбуурга иһиттэр ууруллан тураллар. Эркини кэрийэ наара ороннор, көмүлүөк оһох, ону кытары оһох кэннинэн кыыс хаппахчыта баар эбит.Сахаларга былыр өбүгэлэрбит абыычайдарынан хаппахчыны мээнэ киһи арыйан көрөрүн олох боболлор эбит, арай күтүөт эрэ киһи арыйара көҥүллэнэр үһү. Онон Ньукулай ол үгэһи эрдэ истибит билэр буолан чугаһаабатах . Төттөрү таһырдьа тахсан дьиэттэн чугас күөл баарыгар икки үөр улахан кустар баалларын көрбүт да саата суох буолан кыһамматах. Күөх окко күөлгэ барар ыллык суол баарын өйдөөн көрбүт да аахайбакка аһаран кэбиспит уонна мас сыыһын хомуйан киллэрэн көмүлүөк оһоҕу оттон аал уот иччититтэн көрдөһөн туора киһи кэллэ диэн атарахсытыма диэн ааттаһан сиэбиттэн килиэптээх арыытыттан ылан бэриспит. Бэрт кичэллик ыраастаммыт остуолга олорон өйүөтүн тэлгэтэн бэрт холкутук олорон аһаабыт. Дьиэ сырдыга ырааһа букатын сөхтөрбүт. Дьон манна олороллор эбит дии санаабыт. Уонна наара ороҥҥо хомуһуолун сыттанан сытаат быккыта суох баран утуйан хаалбыт Хайдах оннук утуйбутун бэйэтэ да өйдөөбөтөх. .Олус чэпчээн сынньанан туран төттөрү айаннаабыт. Бу сир ити Булгунньахтаах дэриэбинэтиттэн утары сытар өрүс арыыта буолар. Дэриэбинэ ыраахтан көрдөххө аҥара маҥан сыбахтаах нууччалар олорор дьиэлэрэ, иккис өттө мас тутуулаах сахалар олорор дьиэлэрэ буолан тута харахха быраҕыллар. Ньукулай Бөтүрүөбүс кэлбитигэр олохтоох оҕонньоттор ханна сылдьыбытын тоокколоһон кэпсээнин истэннэр сирэй сирэйдэрин көрсүбүттэр : —Атын дойду киһитэ онно сылдьан туох даҕаны сибикини билбэтин дуо?–диэн ыйыталаспыттар. Ньукулай : —Суох киһи дьиксинэрин тугу даҕаны билбэтим арай дьиэ иһэ сүрдээх ыраас итиннэ дьон олороллор дуо?–диэн бэйэлэриттэн тоокколоспут: —Дьэ ноо ити иһэ истээх дьикти кистэлэҥнээх сир. Өрдөөҕүтэ итиннэ кыргыттар бурдук ыраастыы сылдьаннар ити дьиэҕэ олорор кыыс былааттаах баттаҕа тыалга тэлээрэн биэйэлкэҕэ иилистэн дьулаан оһолго төбөтө суох хаалан турар. Ол кыыс дьону олох сүгүн аһардыбат үүрэр дииллэр. Бэрт кыраһыабай бааһынай кыыһа этэ. Хата эйиигин хайдах куттаабата–диэн олус соһуйбуттар. Ньукулай сирэйин хараҕын чинчилиирдии көрөллөр эбит.Ньукулай даҕаны дьулаан солуну истэн бэйэтэ даҕаны соһуйбут. Уонна ис иһиттэн куттана санаабыт.Туох санааттан ол өлбүт кыыс сибиэнэ тоҕо моһуоктаабаҕын билиҥҥэ дылы билбэт. Сахабыт сирин муннуктарыгар араас биллибэт дьиктилэр дьиибэлэр дьээбэлэр сибиэннэр бааллара ити курдук кэпсээн буолан тарҕаналлар. *ЫСТАПААН ТААСТААХ.* *САХА СИРИН «СИТИМ»* *КӨҤҮЛ СУРУЙААЧЧЫЛАРЫН СОЙУУҺУН ЧИЛИЭНЭ.* *ДЬОКУУСКАЙ.* *06:06:2025 СЫЛ.*

🔴

Түннүгүнэн көрдөхпүнэ, аҕалара дьиэтин кирилиэһигэр нүксүччү түһэн, суол диэки хайыһан, кимнээҕи эрэ кэтэһэрдии манаан олорор буолар. Иһэрин-аһыырын бүтэһик күннэргэ көрбөппүн. Оҕонньор иһигэр дьонун күүтэр быһыылаах. Ол аайы оҕолоро төннүөх санаалара биллибэт. Баҕар, биирдэ эмэ аҕаларын санаан, үөһэ тыынан ылаллара буолуо... Туох үчүгэй өйдөбүлү хаалларбыт үһүө...

ОЛОХ ОЧУРА Ыалым туһунан кэпсиэм этэ. Лидыкка барахсан билигин ханна тиийээхтээбитэ буолла? Бу соторутааҕыта аҕата олохтон туораабыта. Ону билэрэ эрэ, суоҕа? Билэр да буоллаҕына, кэлбэтэ буолуо ээ...  Лида бэйэтин өйдүөҕүттэн ыла аҕата биир кэм итирик. Ийэтэ ыарытыйар буолан, кэмиттэн кэмигэр балыыһаҕа киирэрэ. Лида кыра балтыныын аҕаларын кытары бэйэлэрэ хаалаллара. Үөрэҕиттэн дьиэтигэр кэллэҕинэ ааннара тэлэччи аһаҕас, туох да ас-үөл буһарыллыбатах буолара. Биирдэ үүт биэрэ киирбиппэр, тыбыс-тымныы дьиэтигэр сымыһаҕын быһа ытыран, ытыы-ытыы оһоҕун отто олороро. Миигин көрөөт, кыбыстан, хараҕын уутун туора-маара соттубута.    Мин Лидаттан 2 сыл улахаммын. Бэйэм соҕотох ийэ­лээҕим, онон бэйэбит тиийиммэт буолан, харчы да биэрэн көмөлөһөр кыахпыт суоҕа. Сорох ардыгар ийэм үүт-сүөгэй бэрсэрэ. Киһи да кыбыстар, кинилэр аҕаларын көрөн, аҕата суох улааппыппыттан таҥараҕа махтанарым.    Биир кыһын ийэлэрэ ба­лыы­һаҕа киирбитигэр, доҕор буола тахсыбытым. Аҕалара сэрэйбит сэрэх – суох этэ. Балтын оҕо саадыттан аҕалан, уруогун ааҕар кэмигэр аҕата нэһиилэ сыыллан киирбитэ, муостаҕа сытынан кэбиспитэ. Лида балтын куттаамаары уонна итирик аҕата ол-бу гынан дэҥниэҕэ диэн, хоско илдьэн хатыыр эбит. Оҕо барахсан соҕотох хаалымаары ытаабытын, “айдаарыма, дьээдьэлэр кэлэн илдьэ барыахтара, сүүскэ диэри аах, биһиги киириэхпит” диэн уоскуппута. Хос түгэҕиттэн “биий, икки, үш” диэн ытамньыйарын быыһыгар кырдьык-хордьук ааҕан бараахтаабыта. Лида амырыын сыттаах аҕатын “тоҥуо” диэн ороҥҥо соһоору тииспитэ. Мин туох да эппиэтинэһэ суох баҕайыттан абараммын “сыттын ээ” диэн быктарбыппын өйдөөмүнэ хаалбытым. Иккиэн нэһиилэ өйөөн утуппуппут. Түүнү быһа үлүгүнэйэн, түүлүн быыһыгар үнтү маатыралаан сүгүн утуппатаҕа. Уубутун хаммакка, кыыһы оҕо саадыгар илдьэн баран, оскуолалаабыппыт. Ити кыһын ийэтэ өр да ыалдьыбыта.    Аанньа аһаабакка хап-ха­тыҥыр, таҥаһа-саба да мөл­төх, олус симик Лиданы оскуолаҕа улахаҥҥа уурбат этилэр, биир да куонкуруска, бырааһынньыкка кытыннарбыттарын өйдөөбөппүн.    Аҕалара өйдөөҕөр, дьиҥэ, туох да куһаҕана суох киһи. Тоҕо иһэрин өйдөөбөт этибит, кэлин билбитим, эдэригэр доҕотторун кытары булка барбыт. Онно сылдьан икки чугас доҕоро ууга түһэн өлбүттэр эбит. Онтон ыла иһээччи буолан хаалбыт дииллэр. Өссө тугу эрэ көрбүттэр, улаханнык куттаммыттар диэн сурах баара. Төһөтө кырдьыга-сымыйата биллибэт. Биир сайын улууспутугар халаан уута кэлэн, суол суох буола сылдьыбыта. Дьэ, ас-үөл кэлэрэ мөлтөөбүтэ, арыгы баар буолуо дуо? Ол сайын, хата, Лидалаахха саамай дьоллоох сайын ааспыта быһыылааҕа. Бары дьиэлэригэр бааллара, Лидалаах балтын кытары тэлгэһэлэригэр оонньуу сылдьалларын, күлсэллэрин истэрим. Ардыгар аҕалара арыгы көрдүү баран хаалара, кэм киһи буолан, хантан да булбакка төннөрө. Дьонугар “ээ, Бааскалаахха көмөлөһө барбытым” диэн куотунара. Бааскалаах диэн аймахтара ыал. Лида кинилэргэ ымсыырара даҕаны. 3 оҕолоох сэниэ ыал, кэргэниниин балыыһаҕа үлэлииллэрэ. Биирдэ харчыга ыктарбыттарыгар, ийэтэ кинилэргэ иэс ыллаттара ыыппыта. Лида кинилэртэн толло дуу, кыбыста дуу сананара. Ол иһин миэхэ киирэн “барыс” диэн көрдөспүтэ. Тиийбиппит, дьиэлэрэ тигинэччи оттуллан, эчи, сылааһа, ырааһа, оҕолор туох да кыһалҕата суох аҕаларын кытары тугу эрэ оонньуу сылдьаллара. Толору астаах остуолларыгар чэйдэппиттэрэ, онтон бары мустан олорон киинэ көрбүппүт. Дьиэттэн тахсан баран Лида үөһэ тыынаахтаабыта. Ыраахтан харааран-боруоран, ньимиччи түһэн турар дьиэтин көрөн, уйа-хайа суох ытаан киирэн барбыта. Мин хайыахпын билбэккэ, саннытыгар илиибин ууран, саҥата суох турбутум.    9 кылаас кэннэ, Лида оскуолаттан барбыта, орто үөрэххэ киирэ охсубут этэ. Онтон ыла сүппүтэ, киэҥ сиргэ тиийэн этэҥҥэ көҥүл сылдьара буолуо диэн сүрэҕим сэрэйэр. Балта оскуоланы бүтэрбитин кэннэ, ийэтиниин куоракка көспүттэрэ. Ийэлэрэ балыыһаҕа сытан быстыбыт диэни истибиппит. Билигин балтытын кытары куоракка баар буолуохтаахтар, биирдэ даҕаны дойдуларыгар кэлэ сылдьыбыттарын өйдөөбөппүн. Үөрэнэ да сылдьан көрсүбэтэҕим. Дойдубар үлэлии, таарыйа ийэбин ыарыылыы төннүбүтүм.

🔴

🔴