فيزياء الثانويه العامه مع المهندس أسامه أبوطالب

هو الكلام التحفيزي بيخليك تشتغل وتتحمس ، بس عايز أقولك والله هجص والضرر الي هيعود عليك منه أكتر من فوايده . حضرتك لو عايز تعمل حاجه بجد بيبقي الفاصل هنا إنك بتشتغل وإنت قرفان ومكتئب ومحبط وحالتك النفسيه زفت . ربنا بيسندك ف المشوار وبيبعتلك شويه أمل وحماس . بس مش دي القاعده يا باشا . لو بتشتغل لما بتاخد كلمتين يسخنوك كدا إعرف إن المفعول هيروح وهترجع زي ما كنت . إن يبقي ليك قيمه كبيره عند ربنا وقدام نفسك وأهلك حاجه مش سهله . إن تتحدي الظروف الصعبه الي إنت موجود فيها حاجه مش سهله ومحتاجه إنسان قوي . لازم تشتغل وتتعب وتدوق المر وإنت بتجاهد نفسك غير كدا هتخسر حجات كتير حلوه كان ممكن تبقي ف إيدك . أنا مش بعرف أقول كلام تمثيل أو فيه مبالغه ، خد كلامي بجديه . من غير ما أعرفك بتمنالك الخير وإنك متخسرش حجات حلوه عشان بس مش عارف إيه السبب فيها . أسامه أبوطالب

إحنا متطرفين ف تفكيرنا عن الحسد والحقد والناس الي ممكن تشمت فينا وبتركز مع حياتنا . هو دا غلط آه لإنه بيقلب هوس عند أغلب الناس . بس أنا جاي أتكلم معاك من واقع أليم كلنا بنعيشه هو فيه فعلاً ناس بتشمت والموضوع دا مؤلم جداً لدرجه إن سيدنا علي إبن أبي طالب أتكلم عن الشماته ( أشد من البلاء شماتة الأعداء) من الآخر كدا الجزئيه دي بس تستحق إنها تبقي من ضمن الدوافع الي بتحركك عشان صاحب القلب الغير سليم ميشمتش فيك ذاكر يا باشا وسيب ربك يدبر كل صغيره وكبيره ف حياتك . أسامه أبوطالب

حل أسئله إمتحانات الفصل الثاني (كتاب الإمتحان) .

حل أسئله إمتحانات الفصل الثاني (كتاب الإمتحان)

العلاقه بين زاويه دوران ملف الدينامو والزمن

توضيح المفاهيم الأساسيه للمقذوفات

ملخص لأهم نقاط المقذوفات بزاويه .