Almaz community 🥰🧠💡

✊Super Human, ha isku dayin in aad noqoto Qof dhameystiran, taasi waa fashilka bilowgiis kaliya noqo qof caadi ah noloshiisa macno leedahay💡✍🔹

🟡buuga Sahayda Siyaasiga ka aqriso @Almazbooks1

‘’Gorfeynta Buuga Sahayda Siyaasiga’’ Dr. Jaasim Suldaan waa aqoonyahan wayn oo reer Qatar ah oo muddo dheer ku foogganaa ku baraarujinta dhallinyarada Muslimiinta ah sida kaliya ee lagu suurtagelin karo in isbeddel lagu sameeyo habka siyaasadda looga jilo dalalka Muslimiinta. Waxaan aqaannaa Dr. Jaasim muddo ka badan 25 sano oo aan ka warqabay mashruuciisa "alNahda". Waxaa dhaqaajiyay qanaaco ku salaysan in fikirka arrimaha siyaasadda, bulshada iyo dhaqaalaha ee jiilka isbeddeldoonka ah uu ka hooseeyo heerkii looga baahnaa, uuna ku dhisan yahay inta badan caadifad, Khuraafaad, iyo fikrado dhintay. Sidaas darteed ayuu muddo ka badan 30 sano wuxuu ka shaqaynayay in uu wax ka qoro, naqdiyo, oo kala hufo fikradaha gurracan ee aan la jaan-qaadi karin marxaladaha la joogo oo taariikhdu markhaatiga ka noqotay. Wuxuu dib-u-akhrin ku sameeyay Qur'aanka, taariikhda, falsafadda iyo aragtiyaha kala duwan ee mufakiriinta muslimiinta ah iyo kuwa aan muslimiinta ahayn, si uu ugu soo bandhigo qoraallo kooban faca u hanqal-taagaya in ay isbeddel ka sameeyaan dunida Islaamka. Turjumaadda afka Soomaaliga ah ee buuggan wuxuu muhiim u yahay dhallinyarada Soomaaliveed ee aan akhrisan karin afka Carabiga, wuxuu kale uu ka qaybqaadanayaa kobcinta garaadka dhallinyarada Soomaaliyeed oo la daalaadhacaya fikrado kala duwan oo laga soo minguuriyay ummado kale oo laga yaabo in aysan la falgeli karin dhaqanka Soomaaliyeed iyo diinta Islaamka. Dhiganahaan, wuxuu ka mid yahay buugaag badan oo qoraagu soo saaray dhinacyo badana ka eegaya mashruuca "al-Nahda" oo aan deegaan gaar ah xiriir la lahayn, bulsho gaar ahna aan ku koobnayn, isla jeerkaana ina siinaya aragtiyo la soo koobay oo looga faa'iidaysan karo fahamkooda meel kasta Gaar ahaan kitaabkani, wuxuu muhiim u yahay, dhallinyarada xiisaynaysa ka qaybgalka siyaasadda dalkeenna iyo fahamka xeerarka ay ku dhisan tahay, waayo wuxuu lafa gurayaa siyaasadda iyo siyaasiga, la falgalka siyaasadda iyo farsamooyinkeeda kala duwan Ugu dambayntii, dhallinyarada Soomaaliyeed ee isbeddeldoonka ah waxaa la gudboon in ay hab cusub u fahmaan bulshada Soomaaliyeed, dhaqankooda, qabiilladooda, qiyamka islaamiga iyo siyaasadda keentay burburka iyo dagaalka sokeeye. Dabadeedna ay u gudbaan yagleelidda aragti wax lagu dhisi karo oo beddesha dhaqan-xumadaas siyaasadeed. Waxaan u hambalyaynayaa turjumaaga buuggan oo dadaal wayn ku bixiyay in uu usoo afnaqo dhallinyarada Soomaaliyeed dhigane akhriskiisa iyo fahankiisu wax wayn kusoo kordhin doono. Waxaan u dardaaramayaa dhallinyarada in ay akhristaan oo ka faa'fideystaan kitaabkan iyo kuwa kale ee qoraaga. Waxaan ebeehey uga baryayaa qoraaga buugga Dr. Jaasim Suldaan iyo turjumaha Aadan-Badiic in ka abaalrnariyo juhdiga wayn ee ay bixiyeen, Allena ku anfaco jiilka isbedeldoonka ah. Dr. Cabduraxmaan M. Cabdullaahi (Baadiyoow) Dhawaan kala soco @Almazbooks1

Soo dhawaada Saaxibayaal Halkaani waa madal Nololeed waxaanu ku soo gudbin doonaa, Gorfeynta buugta, Xikmadaha Nolosha, Dhiira gelinta, wararka, qisooyinka, iyo dhacdooyinka,✍💡📔