Dn Mr Demalesh Eshetu

Ayyaana Guyyaa Shantammaffaa keessa gaabbii galuun ni damda’amaa? Soomuu, Sagaduu fi Kadhannaan hoo? Deebii Gaafii Keessanii #2- Mandara Ogummaa irratti gabaabinaan kunooti! 🔑 Akka sirna mana kiristaanatti barteedhaan waan ayyaana Guyyaa 50ffaa jedhamee waamamuuf malee: guyyoonni du’aa ka’uumsa booda jiran afurtamii saglan (49) oolmaa du’aa ka’uumsaa, tibba ka’uumsaa jedhamu. Ayyaanni guyyaa 50ffaa du’aa ka’uumsa irraa lakkaa’uun guyyaa 50ffaa fi ol bahuu irraa immoo guyyaa 10ffaadha. HDB 2:1 “ guyyaan ayyaana 50ffaa jedhamu wayta gahetti…” jechuudhaan kan ibsame ayyaana guyyaa 50 kan jedhame guyyaa tokko qofa (guyyaa 50ffaa du’aa ka’uumsaa) akka ta’e ibsa. Ayyaanichis kan warra “ Iyyaruusaaleem keessa turanii abdii bu’uu afuura qulqulluu (the ptomise and outpouring of Holly Sprit) eeggachaa turaniiti. ( Luq. 24:49, 24:52 ) 🖌️ Akka barsiisa sirna mana kiristaanatti, ayyaanni Oolmaa tibba du’aa ka’uumsaa guyyoonni shantamman akka guyyaa tokkittii dilbata du’aa ka’uumsaa sanatti ilaalamtee kabajamti. Dabalataanis gammachuu fi boqonnaa bara baraa du’aa ka’uumsa booda mootummaa Waaqayyoo keessatti argamuun fakkeeffamtee kabajamti. #Gabbiin dhuunfaa balleessaa ofiif taasifamu kan adda hin cinne ta’us; luba bira deemanii gaabbii himachuun itti hin eeyyamamne. #Mihillaan gaddaa itti hin taaisfamu. Mootummaa Waaqayyootti erga galanii bahuun, erga argatanii dhabuun keessa hin jiruutii, erga tokko dhaalaniis cubbuu fi gaddi hin jiruutii. #Sagada ilaalchisuudhaan, sirna qiddaasee fi kadhannaawwan gamtaa mana kiristaanaa keessatti taasifaman irraan kan hafe itti hin sagadamu. Guyyichi shantammaan akka dilbata tokkottii guyyaa du’aa ka’uumsaatti lakkaawamu. Akka sirna mana kiristaanatti immoo dilbanni ayyanota dhoorkaa shanan keessaa tokkodha. Walumaagalatti sagadni qannoonaa itti hin sagadamu. #Soomnis hin eeyyamamne. Soomni gosa nyaataas haa ta’u kan sa’aatii itti hin eeyyamamne. #Kadhannaan walii galaa garuu goonka adda hin citu. Gosni kadhannaa dhoorkamus homtuu hin jiru. 🔑 Namni sirnawwan kana cabsee argame immoo haala qabatamaa barbaachisummaa isaatiin hamma kiristaanota amanan irraa adda bahee foo’amutti (qaacaramutti) adabama. Sababni isaa fayyina du’aa ka’uumsa gooftaatiin nuuf raawwatamee fi argame salphisee ilaaleerahoo. Sirna duuka bu’ootaas diigeerahoo. (Sirna Abboota 318) Xumurame! Iccitii Wangeelaa ifatti akkan beeksisuuf, afaan koo banee, sirreessee jecha isaa akka naaf kennuuf naaf kadhadhachaa (Efe.6:19) liinkiwwan armaan gadii fayyadamuun toora miidiyaa hawaasummaa koo hordofaa. Sagalee Aleetiyaa Telegram https://t.me/+MG1_hW1sOI1lNjZk Sagalee Aleetiyaa WhatsApp https://whatsapp.com/channel/0029Va8cTnL2UPBAdmbnBx3O Aleetiyaa Tube https://youtube.com/@Dn-mhr_Demalesh1?si=3P8yCDW_C6O5dECS Damee Aleetiyaa 10/10/2016 B.A

“Samii Irraa Kan Bu’een Alatti, Gara Samii Kan Ol Bahe Hin Jiru. Innis Samii Irra Kan Jiraatu Ilma Namaati.” Yoh. 3:13 Baga ol bahuu Gooftaa Keenyaan Isin Gahe!

me/+MG1_hW1sOI1lNjZk Sagalee Aleetiyaa WhatsApp https://whatsapp.com/channel/0029Va8cTnL2UPBAdmbnBx3O Aleetiyaa Tube https://youtube.com/@Dn-mhr_Demalesh1?si=3P8yCDW_C6O5dECS Damee Aleetiyaa 04/10/2016 B.A

Namni tokko tokko “ Xinnoo dhumti na gaha. Baay’ateef miti. “ jechaa xabala fudhata. Tokko tokko immoo “ maal sassattaree? Muuuu… dhumeetu moo ilma koo? “ jechaa jeerikaanii baala ammistii sanatti guuttatu malee waan ta’uuf itti hin fakkaatu. Hubannoo dhumaaf amantiidha. Tokko tokko immoo garaatti dhugee waan fayyu itti hin fakkaatu. Harkarratti naqatee gadi nannaqaa fuulatti, mataatti, bakka barbaade hundumatti naqata. Amma amma keessumaa hiriirri sanbata sanbataa xabala fudhachuuf hiriiramu lafti isaa … waan namni hubboo cabaa bishaan yaasuun irra darbe fakkaata. Xaballi qiddaasee lafa miti, dhaqna irrayyuu bu’uu hin qabu keessatti dhugama malee! Otoo jennuu xaballi qiddaasee ulfinaan xabala isa kaan hunduma waan caaluuf ittiin cuuphamuun hin barbaachisu. Xiqqoo dhumti ni fayyisti. 🔑 Gara dubbii Koo jalqabaatti yoon deebi’u, dubartittiin fiixee uffata gooftaa qabattee fayyite. Nus ijaarsa mana qulqullummaa fi balbala qaqqabannee, ni diddibanna. Akkuma amannees nuuf ta’ee jiraachaa jirra. Achirra fiixee uffata gooftatu guutee jirakaa! “uffanni isaa mana qulqullummaa isaa guutee ture.” (Isa. 6:1) Dubbiin isaa dubbii sadarkaa amantaa lapheeti. 🔑🎤 Qamisiin Gooftaa humna qaba. Ni fayyisa. Guyyaa jimaataa garuu gurgurameera. Carraa itti buusaniiru. (Yoh. 19:24) Garuu kan nama dinqu, namoonni bitatan ittiin hin fayyine. Qamisichi otoo humna fayyisuu qabu maaliif gurgurame? Gooftaan humna isaa irraa kaasee ture. Ilaali! 🔊 Qamisichi warra amananii tuqaniif humna qaba. Ni fayyisa. Warra gananii hirataniif uffatuma akkasumaaniti. Taabonnis akkanuma. Qamisii Gooftaa Kabajamtuu sana warri amanes, warri hin amannees tuqeera. Lachaniifiyyuu qabamteetti. Taabotas kan amananii aangoo lubummaa qabanii fi kan hin amanne, amananii aangoo lubummaa kan hin qabnes ni tuqu. Akkuma gooftaan qamisii isaa yeroo warra gananii qooddatan bira geessu humna isaa irraa fudhatedha. 🔔 Taabonni taabota ta’ee hin tolfamu. Erga tolfamee booda, maqaan Waaqayyoo “Aalfaa fi Omergaa” jedhamu erga irratti barreeffamee, “ … samii fi lafa irra, lafa jalas kan jiran hundi Maqaa IYYASUUSiif akka Jilbeenffataniif. “ ( Fil. 2:10) kan jedhu erga irratti barreeffamee, Ephiisqoophoosiin kadhannaa “ Kadhannaa taabota irratti kadhatamu” mata duree jedhu kan qabu erga kadhatee, dibata Qulqulluu Meeroonii erga dibee eebbisee booda taabota ta’a. 👇 Warri hin qalbeeffanne tokko tokko, miidiyaa hawaasaa irratti bahanii, iccitii Ortodoksii baasne, ilaa taabonni waan fakkaatu, kunoo mukadha! … jedhanii wacaa oolu. Eenyutu sibiila jedheen garuu? Kkk Iccitii baasne jedhuum! Ugum. Mee, nama na dhaggeeffadhu iccitii guddaa tokkon sitti hima siin jedhee, “ aduun mee bahaan baatee dhihaan lixxi “ sin jedhu maraataa moo fayyaa jettaan? Keessatti maraate jetteema callista mitiiree? Kkk Kitaaba Qulqulluudhaan lafaa fi samii wal irraa ta’aniitu malee iccitii miti. TAABONNI MUKA. Kun dhugaa aduu addunyaa hoo’ifateedha. Akkaatan itti hojjatamus iccitii miti. S. Ba’u. 25:10-22 dubbisuu qofa. Taabota irratti iccitiin hin jiru. Yoo hatamee gales kallattii dhumaan tajaajila hin keennu. Akkuma jalqaba eebbifametti sirna guutuudhaan eebbifama malee. Taabota hatamee, booji’amees ture dubbisi. 1Sam. 4:17 - xum. Taabotumti hatame sun akkamitti Filisxeemota dha’ichaan akka rukute, Daagonii waaqa tolfamaas akka caccabsee fi moo’ates, jarreenis wawwaachisee, nurraa fudhadhaa akka jechisiisees dubbisi. 1Sam. 5:1-xum. Ulfina isaaf malu wajjiin akkamitti akka gara Israa’eel deebi’es dubbisi. 1Sam 6-7 guutuu Samiirras ulfina Waaqayyoof mana qulqullummaa Ishee moo’attuu keessa taa’ee akka jirus qalbeeffadhu. Mul. 11:19 Garuu mee? Warruma akkana jedhan kanatu, gatiin isaa mi’aa waan ta’eef taabota keenya lafa hanqise natti fakkaata. Warri kaleessa Kiristoos gurguran Yihuudaan fa’i har’a taabota Kiristoos gurgurachaa jiraatu. Kiristoos, Ifa, Taabota, qajeelummaa fi amantoonni gartuu tokko. Beelhoor (diyaabiloos), dukkana, Xaa’otiin, hammeenyi fi shakkitoonni gartuu tokko jedhee har’as Phaawuloos sitti dubbata. 2Qor. 6:14-16 Itti fufa. Sagalee Aleetiyaa Telegram https://t.

“Taabonni keessan maaliif gurgurama? Erga humna qabaatee maaliif hatama?” Maqaa Abbaa kan Ilmaa kan Afuura Qulqulluu Waaqa Tokko Ameen! Gaafichi #Inbox gaafatame. Akkuman dubbiseen deebii salphaan tokko sammuu kootti dhufee ture. “ waan gatiin isaa mi’aa ta’eef ” Kan jedhu. Haala gaafichaa inuma madaala jedheen yaada. “ለራሱ ጠቢብ የሆነ እንዳይመስለው ለሰነፍ እንደ ስንፍናው መልስለት።” ( ምሳ 26:5 )… ofii isaatiif beekaa akka of hin seeneef, dhibaa’adhaaf akkuma dhibaa’ummaa isaatti deebisi. (Fakk. 26:5) kan jedhu na yaadachiise. Otoo aduun baatu maaliif rooba? Kkkk Kana booda garuu, Mandara Ogummaa gaafiwwan Inbox 41 ol tartiiba galfattee akka barbaachisummaa isaatti deebii laachaa itti fufti. #Follow_like_share taasisuudhaan maatii ta’aa! Gaafiwwan keessan #Inbox gochuudhaan dabaree qabsiifadhaa! #Dirree_Deebii_Gaaffii_Keessanii_Mandara_Ogummaa! ……………………………………… 🔑 Garuu “ atis isuma akka hin fakkaanneef dhibaa’adhaaf akka dhibaa’ina isaatti hin deebisin.” (Fakk. 26:4) kan jedhus kitaabuma waan ta’eef waa jechuuf dirqameera. Wanti na marare kan biraas namni kun taabonni hin barbaachisu! jechuu dhiisee ol guddachaa kan jiru waan ta’eef, kun gaafii xumuraa ta’uu isaati. Kanaaf kichuu citee hin hafin jedheen barreesse. 🖌️ Dursee garaagarummaa taabota kakuu durii fi haaraa, taabotaa fi tsillaatii… yoon itti hime daa’ima ilkaan hin baasnetti lafee kennuu ta’a. Lafichatu cabsa. … kanaaf hiikoo irra keessaa qofan hubachiisa. 🔑 Taabota jechuun bultoo jechuudha. Bultoo sagalee Waaqayyoo, humna Waaqayyoo fi maqaa Waaqayyoo. Bultoon waan keessa fi irra kaa’an baata. Sababni guddaan taabota kabajnuuf bultoo maqaa fi humna Waaqayyoo ta’ee ulfaataan foonii fi Qulqulluun dhiiga Kiristoos irratti waan kabajamuufi. Taabonni maaliif gurguramaree? Jetta mitii? Kiristoos Qr. 30 tti maaliif gurgurame? Humna dhabeetii? Goonkayyuu. Warra qabuuf dhufan achumatti fixuu dadhabee? Lakki! Kun yaada kakuu duriiti. Taabonni humna mataa isaa hin qabu. Humna Waaqayyo kennuufiin kabajama. Ulfinaa fi humna waaqummaa irra kan bulchu, kan irraa fudhatus Waaqayyo. Akkuma Kiristoos humna dhabee hin gurguramne, taabonnis akkasuma. Erga humna qabaatee hattuu achumatti maaliif dha’ichaan hin rukunneree? Kun yaada kakuu duriiti. Oozaa akka ajjeese hin dubbistuu? ( 1Sam. 14:10) Ummata lafa qonnaa Saamiis keessa jiran akka fixe hin dubbistuu? (1Sam. 6:29) Baranni garuu, kakuu haaraa bara dhiifamni baay’ateedha. 🖌️ Mee Fkn tokko haa fudhadhu. Qamisii Gooftaa yaadattaa? Fayyisaa turte. Garuu humna mataa ishee hin qabdu. Humna Gooftaan isheef laatuun fayyisti. Dubartittiin sana ilaali. Fiixee qamisii sanaa otoon tuqee nan fayya jettee amante. Akkuma amante tuqxees fayyite. Mar. 5:25-34 Mee Ilaali Sadarkaa Amantii namootaa! ✍️ Jarri lamxiidhaan rukutaman sun “ nu qaqqabadhu “ jedhanii itti boo’an. Isaanitti yoo isan qaqqabe qofa akka fayyantu itti mul’ata. Hoogganaan ayihuudotaa Iyyaa’iroos illee “ koottuu harka kee irra kaa’itii mucaa koo ishee du’uuf jirtu naaf fayyisi “ jedhee kadhate. (Mar. 5:22-23) ✍️ Kan isaan caaltu immoo dubartii waggaa 12 dhiigni ishee roobe sana ilaali. Dhukkuba waggaa Kudha lama warra abbaa qorichaa biratti qarshii qabdu itti fixxe irraa fayyuu dadhabde sana irraa fayyuuf; nan tuqinis, nan ilaalinis… fiixee dhuma uffatasaa yoon tuqe na fayyisa, nan fayya jettee turte. (Mar. 5:28) mee ilaali amantii! ✍️ Kan ishees caalu ammoo jira. Ajajaa dhibbaa Qifrinaahoomitti daa’ima koo naaf fayyisi jedhee Kiristoos kadhate sana. ( Mat. 8:5-8 ) Gooftaan “ Dhufeen siif fayyisa “ jennaaniin illee, hin tuqin, of duuba haa ta’u fuulduratti hin ilaaliin, uffata isaas tuquun hin barnaachisu, naannawa inni jiruttis dhiyeessuun hin barbaachisu, ara gara mana koo dhufuunis hin barbaachisu, baaxii mana koo gad jettee seenunis barbaachisaa miti jedhee ; “ Sagalee kee qofa dubbadhu mucaan koo ni fayya. “ jedheen. Yaa amantiisaa! Gooftaanis “ dhuguma isiniin jedha, Israa’eel keessatti amantii akkanaa hin arganne “ ( Mat. 8:10 ) hamma jedhutti dinqisiifate. 👉 Manuma keenyattis waatu nu rakkisa. Mee diyaaqonoonni xabala yoo Kennitan yaadadhaa.

https://moneyeasilyozo.buzz/87331938605401 Carraa Keessan Fayyadamaa! Click Sign Invite

“ jedhanii ibsaniiru. ( Hiikoo Simaa Mat. 4:15 ) 🤌Kanaafuu ayihuudonni Naazreet fi Galiilaa kan tuffatan, kan qeeqaniif biyyummaa isaanitiin otoo hin ta’in alagoonni Galiilaa Israa’eloonni keessa jiraatanitti makamanii jiraachuu isaanitiifi. Garuu Naazreetii gaariin ni baha! 🔑 Gooftaan keenya duuka bu’oota Galiiladhaa filate. 🔑 Wayta Gooftaan keenya ol bahu, ergamoonni duuka bu’ootaan “ Yaa namoota Galiilaa, gara samii ol ilaalaa maaliif dhaabbattan?” jechaa amantoota ol bahuu arganii ragaa bahuu danda’an ta’uu mirkaneessaniiruuf. (HDB 1:10-11) Egaa Gooftaan keenya mandaraa fi biyya “ amma dhuguma as keessaa waan gaariin nu bahaa?” jedhaniin tuffatanii fi qeeqan Galiilaa keessaa duuka bu’oota filachuun isaa; namoota biratti kan tuffatame #Waaqayyo_biratti_kan_kabajame ta’uu mul’isuufidha. Duuka bu’oonni Galiilaa tuffatamtuu fi salphattuu jedhamtee yaadamtu keessaa bahan #Addunyaa_guutuu_wangeelaan_misoomsan_kabachiisanis! NB; namoonni Sadi; 1. Warra Iyyasuus Kiristoos amanutti hin guddanne ayihuudota, barreessitoota fi Fariisota 2. Gantoota 3. Haftee Jarreen lakk. 1ffaa irratti eeramanii ( otoo Kiristoositti amanne jedhan kennaa guutummaa Iyyasuus irraa arganne caalaa olaantummaa, beekumsaa fi aangoo ofii labsachaa kan jiraatan, sanyummaan operation dhaan kan hodhatan… waa’ee biyya, saba, naannoo fi mandara Naazreet fi Galiilaa dha jedhanii yaadanii “ … keessaa yaadni gaariin, namni gaariin… ni bahaa?” jedhanii gaafachaa jiru, jiraatus. Nuti garuu #miidhaginni_ulfinni_fi_fayyinni_addunyaa_Naazreet_fi_Galiilaa_keessayi jennee deebii dhuma Gooftaa deebisaafii jiraanna! NAAZREETII GAARIIN NI BAHA! Galanni Waaqayyoof haa ta’u! Xumurame! Eliyas L Desalegn Ermias Feyisa Kesis Oftaanaa Badhaasaa Addunyaa Iccitii Wangeelaa ifatti akkan beeksisuuf, afaan koo banee, sirreessee jecha isaa akka naaf kennuuf naaf kadhadhachaa (Efe.6:19) liinkiwwan armaan gadii fayyadamuun toora miidiyaa hawaasummaa koo hordofaa. Sagalee Aleetiyaa Telegram https://t.me/+MG1_hW1sOI1lNjZk Sagalee Aleetiyaa WhatsApp https://whatsapp.com/channel/0029Va8cTnL2UPBAdmbnBx3O Aleetiyaa Tube https://youtube.com/@Dn-mhr_Demalesh1?si=3P8yCDW_C6O5dECS Damee Aleetiyaa 28/09/2016 B.A