Aroma of books

Agar o'qituvchiga savol bersangiz, u sizga, odatda, javob qaytaradi. Agar u aytgan javob sizni o'ylantirsa, bosh qotirib o'tirmasdan uni nimani nazarda tutganini so'rashingiz mumkin. Biroq agar kitobga savol beradigan bo'lsangiz, unga o'zingiz javob berishga majbursiz. Shu jihatdan kitob xuddi tabiat yoki olam kabidir. Agar uni so'roqqa tutsangiz, u fikrlash va tahlil qila olish darajangizga qarab sizga javob qaytaradi. ,,Kitoblar qanday o'qiladi'' kitobidan @aromaofbooks Ps. Videoda o'zimning kitoblarimning bir qismi va o'zimning gulim. Hozirda ,,Farishtalar va iblislar'' asari mutolaa jarayonida. Siz qaysi kitob bilan yashayapsiz? @aromaofbooks

Yer yuzasining to'rtdan uch qismi suv bilan o'ralgan. Suvning xususiyatlaridan biri yer yuzidagi haroratning bir xil saqlanib turishini ta'minlashdir. Suvning xususiyatlari juda ko'p bo'lib, ularning har biri Alloh taolo suvni O'zining maxluqlariga zarur narsa qilib yaratganligiga dalildir. ,,Iymon'' kitobidan @aromaofbooks

Shayx Muhammad Sodiq Muhammad Yusuf hazratlarining ,,Iymon'' kitobi. ,,Iymon'' kitobini o'qib tugatdim. ,,Iymon'' kitobi menga Islom dinidagi barcha xayrli ilmlarni o'rgatdi. ,,Islom''ning ma'nosi qanday?, Iymon tushunchasi nima, suvning qanday foydalari bor, tabiat hodisalari haqida islom dini nima deydi, insondagi yomon va yaxshi odatlar va ularning oqibatlari haqida batafsil, sodda va lo'nda javoblarni va yangi, bilimlarni egalladim. Kitobni yaqin dugonam Madina sovg'a qilgandi. Ramazon oyida o'qishni boshlagandim va ayrim sabablarga ko'ra chala qolib ketgandi. Kitobni mehr bilan o'qib tugatdim. Sizlarga ham tavsiya qilaman! ,,Haq taolo barchamizni yaxshi niyatlarimizga O'zi erishtirsin. Omin!"' @aromaofbooks

Ertak va multfilmlardagi kitoblar olamiga tushib qolishni xohlasangiz Respublika bolalar kutunxonasiga borishingizni tavsiya qilaman. Chindan ajoyib joy. Atmosferasi ajoyib. Hamma shart-sharoitlar bor. Shunchaki hafsala qilib borsangiz, o'tirib, zavqlanib kitob o'qoy olsangiz, erinmasdan kitoblar oralab sayr qilsangiz bas😍Axir bi estetik zavq olish emasmi🥰Bolajonlarni olib borsangiz nur ustiga a'lo nur! Bugun tashrif buyurdim , sevimli o'quvchim Firdavs menga sherik bo'ldi😇 Haqiqatda mazza qilib keldim. Bu juda ajoyib his edi🫠 ,,Sohibjamol va Maxluq'' multfilmidagi narvonli, baland kutubxona, ko'plab yangi kitoblar, bolajonlar uchun planshetlar, har xil tildagi kitoblar - bu hammasi g'aroyib-u ajoyib edi🥰 Imkoningiz bo'lsa tashrif buyuring tavsiya qilaman😇😇😇 @aromaofbooks

Ishdan qoniqishni baholashda, sizga ish jarayonining o'zi yoqadimi yoki yo'qmi, o'ylab ko'ring. Ish sizning keyingi rivojlanishingizni nazarda tutadimi, malakalarning o'sishi kuzatilyaptimi? Atrofingizdagi odamlar, hamkasblaringiz bilan munosabatlaringiz yaxshimi? Ishning o'zi sizni qoniqtiradimi yoki qo'shimcha imkoniyatlar, boshqa imtiyozlar uchun bunga chidashga to'g'ri kelyaptimi? ,,To'laqonli hayot''kitobidan Radislav Gandapas @aromaofbooks

Tomas Harris - ,,Qo'zichoqlar sukunati'' asari. ,,Qo'zichoqlar sukunati'' asari psixologik, zamomaviy va detektiv triller janrida yozilgan asar hisoblanadi. Asarni o'qish davomidan chindan hayajonga tushasiz,voqealar rivoji qanday tus olishi haqida taxminlar ham qila olmaysiz, faqatgina kitob sahifalarini tezroq o'qib, kitobni yakunlash bilan barcha savollaringizga va shiddatkor hayajoningizga yechim topasiz. Asar bosh qahramoni - Jeyms Gam -Buffalo Bill laqabi ostida seriyali qotilliklar sodir etgan aybdor. Kleris Starling - aynan shu jinoyatchini iziga tushgan yosh kursant qiz. Doktor Lekter Gannibal esa shu jinoyat ishi uchun mas'ul va Kleris bilan hamkorlikda ish olib borgan. Asar detektiv janrda bo'lgani uchun syujet haqida yozsam spoyler bo'lib qoladi. Lekin Kleris Starling jinoyatni fosh etishda o'zining bolalik travmalariga asoslanishi va asarni aynan shunday nomlanishi meni katta hayratga solganini aytib o'tishim lozim. Kitob muqovasiga keladigan bo'lsak, e'tibor bering- kapalak- bu kapalak Malayziyadan kelgan va bojxonadan noqonuniy olib kiritilgan kapalak. Xartumi bor va xavfli kapalaklar turkumiga kiradi. Lekin nega aynan u qon tasviri bilan kitob muqovasiga tushirilgan? Chunki qotil Jeyms Gam g'arazli yo'lida aynan ushbu kapalakdan foydalangan va kapalak qonli qanotlari ostida orqa fonda, muqovada Jeyms Gam tasvirlangan. Barcha detektiv asar ixlosmandlariga tavsiya qilaman. Kitob ichiga kirib, hayajon bilan kitob sahifalaridan bosh ko'tarmay kitob o'qishni xohlasangiz Tomas Harrisning ,,Qo'zichoqlar sukunati'' asarini o'qib ko'ring😊 @aromaofbooks

Kitob nomi : Qo'zichoqlar sukunati Kitob muallifi : Tomas Harris 🐑🤫🦋🔞☠️🚶‍♂️🕵‍♀️ @aromaofbooks

-Kasalxonangizda o'tgan ikki oy men uchun ajoyib kashfiyotlar pallasi bo'ldi! - Xo'sh, nimalarni kashf qildingiz? -Abadiyat qonunini! -Nimani? -qayta so'radi professor hayron bo'lib. -Abadiyat qonunini! - takrorladi Bachana. ,,Abadiyat qonuni'' asaridan Nodar Dumabdze @aromaofbooks

Men muhabbat o'tida yonib kul bo'lgan odamlarning otash ruhiman...Mening hayotim sevgi yo'lida jon bergan kishilarning ruhidan oziq oladi... Muhabbatga hayot baxsh etinglar... Yolvoraman, odamlar, menga hayotni, sevgi bulog'iga tashna insonlarni hadya etinglar! ,,Abadiyat qonuni'' asaridan Nodar Dumbadze @aromaofbooks

Haqiqiy boylik bu - sizning chuqur bilimingiz va yorqin fikrlaringiz tufayli menga ayon bo'lgan ilmlar. Mening boyligim mana shular, azizim, mana shular natijasida siz menga ham boylik, ham baxt ato etdingiz. ,,Graf Monte Kristo'' asaridan Aleksand Dyuma @aromaofbooks