Газет «Рæстдзинад»

Мæ къахдзæф фæрогдæр вæййы Уæ бон хорз, «Рæстдзинад»-ы редакци! Æз кæд уырыссаг дæн, уæддæр райгуырдтæн Беслæны æмæ зонын ирон æвзаг. Хъуыддаг ууыл дæр нæу – æхсæрдæсаздзыдæй кусын райдыдтон Рахизфарсы бастдзинады хайады æмæ ныр фæндзай азæй фылдæр æвæллайгæйæ мæ профессионалон хæстæ æххæст кæнын. «Рæстдзинад» фыссынц фылдæр ацæргæ адæм, зонын, чи йæ рафыссы иудадзыг, азæй-азмæ, уыдоны. Тынг æм фенхъæлмæ кæсынц. Зæрдиагæй бацархайынц, цæмæй ирон адæмон газет фылдæр адæм рафыссой. бæлвырддæр кæсут:https://rastdzinad.ru/2024/07/02/mae-kahdzaef-faerogdaer-vaejjy.html

Парламентариты æмгуыстад – регионты пайдайæн Цæгат Ирыстон-Аланийы Парламент бафыста æмгуыстады тыххæй Бадзырд Саха Якутийы республикæйы Паддзахадон æмбырдимæ (Ил Тумэн). Бадзырд бафысджыты къухæвæрдтимæ документ фæпайда уыдзæн регионты ’хсæн хæлардзинадæн, фидар барадон ахастдзинæдты хъомысджын архайдæн. бæлвырддæр кæсут:https://rastdzinad.ru/2024/07/02/parlamentarity-aemguystad-regionty-pajdajaen.html

Æнæниздзинад хъахъхъæнынады кусæндæтты цалцæг Цæгат Ирыстоны дарддæр æххæстгонд цæуынц фыццаградон национ проект «Æнæниздзинад хъахъхъæнынад»-ы уагæвæрдтæ. Уый фæрцы зынгæ ивддзинæдтæ цæуы медицинон кусæндæтты рацарæзт æмæ техникон ифтонгдзинады хъуыддаджы. РЦИ-Аланийы Æнæниздзинад хъахъхъæнынады министрады пресс-службæйы «Рæстдзинад»-æн куыд радзырдтой, афтæмæй, национ проектыл кусгæйæ, сæрмагонд æргом здæхт цæуы медицинæйы фыццаг къæпхæны (поликлиникæтæ, амбулаторитæ æмæ фелсырон-акушерон пунктты) уавæрмæ. Комкоммæ уыцы нысанæн арæзт æрцыд амынд национ проекты дæлпрограммæ «Æнæниздзинад хъахъхъæнынады системæйы фыццаг къæпхæны кусæндæтты модернизаци». бæлвырддæр кæсут:https://rastdzinad.ru/2024/07/02/aenaenizdzinad-hahhaenynady-kusaendaetty-tsaltsaeg.html

Æххæстгæнинаг хъуыддæгтæ – бирæ Нæ республикæйы Сæргълæууæг Сергей МЕНЯЙЛОЙЫ разамындæй ацыд Хицауады æрвылкъуырион æмбырд. Куыд алы хатт, афтæ ныр дæр рæгъмæ рахастой бирæ лыггæнинаг фарстатæ. Министрадтæ æмæ ведомствæты разамонджытæ ныхас кодтой Цæгат Ирыстоны социалон-экономикон уавæр æмæ æдасдзинады фарстатыл. бæлвырддæр кæсут:https://rastdzinad.ru/2024/07/02/aehhaestgaeninag-huyddaegtae-birae.html

Хистæртæн – зæрдиаг лæвæрттæ Æрвылбон мæ къухмæ мæ уарзон газет «Рæстдзинад» куы райсын æмæ фыццаг фарсыл куы бакæсын нæ ирон газеты редакцийы æрвыстæг: «Рафыссæм газет «Рæстдзинад» 2024 азы дыккаг æмбисæн», зæгъгæ, уæд та сагъæс кæнын райдайын нæ иунæг ирон газеты хъысмæтыл. Бæргæ, мæ пенсийы капеччытæй мæ бон куы уаид мæ дзурæг æмбалы тираж фæфылдæр кæнын, уæд сыл нæ бацауæрдин. Фæлæ мæ авналæнтæ цыбыр сты. Æмæ бахатын, нæ алыварс цы бирæ коттеджтæ ис, уыдоны хицæуттæм, цæмæй хистæр кары адæмæй иу-цалдæрæн сæхи хардзæй рафыссой газет «Рæстдзинад». Фæлæ сæ иуæй-иутæй зымæгон бон мит дæр нæ рантысдзæн. Сæхи афтæ ныммæгуыр кæнынц, æмæ сын тæригъæд дæр бакæндзынæ. бæлвырддæр кæсут:https://rastdzinad.ru/2024/07/02/histaertaen-zaerdiag-laevaerttae.html

Дипломон куыстытæ хъахъхъæнынц Цæгат Ирыстоны медицинон колледжы пресс-службæ куыд фехъусын кодта, афтæмæй ацы аз 582 студенты каст фæуыдзысты амынд ахуыргæнæндон. – Колледжы ахуыргæнджытæ æмæ дзæбæхгæнæндæтты сæйраг дохтыртæ кæдæм хауынц, студенттæ сæ дипломон куыстытæ æнтыстджынæй хъахъхъæнынц ахæм паддзахадон аттестацион къамисы раз. Алыхуызон тематикæимæ дипломон куыстытæ бар дарынц астæуккаг медицинон æмæ фармацевтон кусджытæм, – зæгъы ахуыргæнæндоны минæвар. Цыдаты Татьянæ кæй сæргъы лæууы, уыцы аттестацион къамисы уæнгты ныхасмæ гæсгæ, студенттæ ахуырады заман ист хорз теорион æмæ практикон зонындзинæдтæй фæстæдæр арæхстджынæй кæй пайда кæндзысты, ууыл зæрдæ дарæн ис. КОЧИТЫ Альбинæ

Федералон закъоны ног ивддзинæдтæ Адæймаджы уголовон хъуыддагæй суæгъд кæнынæн Фыдыбæстæйы закъонæвæрынад æххæстгонд æрцыд ноджыдæр ма иу хайæ. Уый баст у æфсæддон службæмæ æрсидтмæ гæсгæ кæнæ хæстон рæстæг æрсидты, гъе та æфсæддон службæйы тыххæй контракт бафыссынимæ. 2024 азы 23 мартъийы ФЗ-№64 федералон закъон бахаста ивддзинæдтæ Уæрæсейы Федерацийы Уголовон кодекс æмæ Уæрæсейы Федерацийы Уголовон-процессуалон кодекстæм, уыдонмæ гæсгæ, фыдракæнд цы гражданин саразы (хицæн фыдракæндтæ экономикон архайд æмæ компьютерон информацийы къабæзты, адæймаджы æрдон сæрибартæ æмæ æрдон æнæбавнæлды ныхмæ, æхсæнадон æдасдзинады, цæрджыты æхсæнадон хæрзуаг æмæ æнæниздзинады, паддзахады Конституцион бындур æмæ æдасдзинады, разамынды фæткæвæрды, стæй сабырдзинад æмæ адæймаджы æдасдзинады ныхмæйæ фæстæмæ), уымæ Уæрæсейы Федерацийы Гæрзифтонг тыхтæм æрсидты хуызы кæнæ хæстон рæстæг службæмæ куы æрсидой, хæстон уавæры рæстæг кæнæ хæстон рæстæг контракт куы бафысса æфсæддон службæйы тыххæй, кæнæ мобилизацийы рæстæг, æфсæддон службæ æххæст кæнгæйæ, кæнæ хæстон уавæры фыдракæнд чи саразы, рагагъоммæ æвзарæн урæд кæмæн æрцыд, уыдон уæгъдгонд цæуынц уголовон хъуыддæгтæй: – æфсæддон службæйы рæстæг паддзахады хæрзиуæг цы бон райсой, уымæй фæстæмæ; – «Æфсæддон хæс æмæ æфсæддон службæйы тыххæй» федералон закъоны 51 статьяйы 1 пункты дæлпункттæ «а», «в», кæнæ «о»-мæ гæсгæ, уыдоныл æнцайгæйæ, æфсæддон службæйæ уæгъдгонд цы бон æрцæуа, уымæй фæстæмæ. Уæрæсейы Федерацийы Гæрзифтонг тыхтæм хæсты рæстæг кæнæ æрсидтмæ гæсгæ æфсæддон службæмæ кæмæ фæсидтысты, кæнæ Уæрæсейы Федерацийы Гæрзифтонг тыхтæм æфсæддон службæйы тыххæй æрсидты, хæстон уавæр æмæ хæстон рæстæг контракттæ чи бафыста, уголовон æфхæрд æххæстгæнгæйæ, уыдон æфхæрдæй уæгъдгонд цæуынц дзырдæй. Уæлдæр цы ивддзинæдты кой кодтам, уыдонмæ гæсгæ паддзахадон хæрзиуджытæ райсæг кæнæ æфсæддон службæйæ суæгъдгонд адæймæгтæ уыцы фæткмæ гæсгæ æфхæрдæй цæуынц уæгъдгонд, тæрхон кæмæн ис, уыдонæн сæ тæрхоны æмгъуыд ист цæуы раздæр. Командæгæнæджы курдиатмæ гæсгæ, рагагъоммæ æвзарæн урæд цы уголовон хъуыддæгтæ æрцыдысты, уыцы аххосджын адæймæгты тыххæй æххæстбарджын оргæнтæ куы фехъусын кæной паддзахадон хæрзиуæг сын раттыны тыххæй, уæд фыдракæнды гуырысхойаджы (зылынгонд) уголовон хъуыддæгтæ урæд æрцæуынц командæгæнæджы разыйæ. Фыдракæнæг адæймаджы зиантæ бафидыны фарстатæ уголовон хъуыддагæй суæгъд уæвыны фæстæ лыггонд цæуынц граждайнаг тæрхондоны уынаффæтæм гæсгæ. ХУЫБИАТЫ Денис, Дзæуджыхъæуы гарнизоны æфсæддон прокуроры хæдивæг

🕯️ Суададжы культурæйы хæдзары арæзт æрцыд Цæгат Ирыстоны культурæйы сгуыхт архайæг Хуытыгаты Хъазбеджы мысæн бон. 📖 Снысан æй кодтой поэты райгуырды 85-æм азы бонæн. Уазджыты 'хсæн йе сфæлдыстадæн ын стыр аргъ чи кæны, уыдон, йæ кæстæртæ, хæстæджытæ. ✨ Мысæн мадзал у Республикæйы культурæйы колледжы рауагъдон Тлатты Дзерассæйы дипломон куыст. Æхсызгонæй архайдта Хуытыгаты Хъазыбеджы цард æмæ сфæлдыстад равдисыныл. ⚜ Подписывайтесь на irystonTV

🗣Сергей Меняйло поручил привести в порядок подземный переход на улице Московской. Об этом Глава сказал на аппаратном совещании. 🫣 А сейчас это место находится вот в таком плачевном состоянии. Оголённые провода на потолке, разваливающиеся стены с граффити и грязная плитка. ⚜ Подписывайтесь на irystonTV

Сергей Меняйло провел заседание республиканской Антитеррористической комиссии На повестке – вопросы, касающиеся комплексного плана противодействия идеологии терроризма, рассчитанного до 2028 года, эффективности антитеррористической защищенности религиозных, санаторно-курортных организаций, гостиничного комплекса, адресной профилактики подростков, подпавших под влияние различных деструктивных течений. Заслушаны были также результаты исполнения решений комиссии в первом полугодии. Подробнее читайте на нашем сайте. #севернаяосетия #рсоалания #alaniagov