Bureau of Labor and Skills-Dire Dawa

🇪🇹የኢትዮጵያ የሥራ ገበያ መረጃ ስርዓት፣ ለላቀ ተጠቃሚነት! 👉 የኢትዮጵያ የሥራ ገበያ መረጃ ስርዓት (ELMIS) በኢትዮጵያውያን በልጽጎ ለኢትዮጵያውያን የቀረበ ግዙፍ እና ሁሉን አቀፍ የዲጂታል መረጃ ስርዓት ነው፣ 👉የሀገራችንን የሰው ኃይል መረጃ አያያዝና አስተዳደርን በእጅጉ የሚያዘምን እና ሥራን ከሠራተኛ ጋር በቀለለ፣ ፈጣን እና ፍትሃዊ በሆነ መንገድ ማገናኘት ያስችላል፣ 🔑ቁልፍ ፋይዳዎች ✅የሥራ ስምሪት ሥራን ማዘመን፦ የሀገር ውስጥና የውጭ ሀገር ሥራ ስምሪትን እንዲሁም የርቀት ሥራዎችን  በአንድ ላይ አጣምሮ አገልግሎት ጊዜውን በዋጀ መልኩ መስጠትና ማግኘት ያስችላል፣ ✅ፍትሃዊ ተደራሽነት፦ ስርዓቱ በሰው ሰራሽ አስተውሎት የታገዘ እና ከሰው ንክኪ ነፃ እንዲሆን ተደርጎ የበለፀገ በመሆኑ፣ ለሁሉም ኢትዮጵያዊ በእኩል አገልግሎት መስጠት ያስችላል፣ ✅መረጃ ላይ የተመሰረተ ውሳኔ፦ የትምህርትና ስልጠና ዘርፍ ከሀገራዊ የልማት ፍላጎት ጋር እንዲጣጣም ወሳኝ የመረጃ ምንጭ ሆኖ ያገለግላል፣ 🚪23+ የዕድል በሮች በአንድ ጣሪያ ስር የኢትዮጵያ የሥራ ገበያ መረጃ ስርዓት አንድ ስርዓት ቢሆንም፣ በውስጡ ከ23 በላይ ንዑስ አገልግሎቶች አሉት። አብዛኞቹ አገልግሎቶች ለዜጎች በነፃ የቀረቡ ናቸው። 🧭የኢትዮጵያ የሥራ ገበያ ዋና ዋና ንዑስ አገልግሎቶች በጥቂቱ ✅የሥራ ስምሪት፦ የሀገር ውስጥ፣ የውጭ ሀገር እና የርቀት (Remote) ሥራ ዕድሎችን ማግኘት አስችላል፣ ✅የሰው ኃይል አስተዳደር፦ የተቋማት የሰው ሃይል አስተዳደርና አቅም ግንባታ ሥራዎችን ለማሣለጥ ሁነኛ መሳሪያ ሆኖ ያገለግላል፣ ✅የሙያ ብቃት ማረጋገጫ፦ የሙያ ብቃት ምዘናና እውቅና እና የሳይኮሜትሪክ ምዘና መስጠት ያስችላል፣ ✅የብድር አገልግሎት፦ ከፋይናንስ ተቋማት ጋር በቅርበት በመስራትና በሳይኮሜትሪ ምዘና በመታገዝ ያለ ማስያዣ የብድር አቅርቦት ለማመቻቸት የቅድመ ዝግጅት ሥራዎች ተጠናቀዋል፣ ✅የውጭ ሀገር ባለሙያዎች የሥራ ፈቃድ እና እድሳት፦ በሀገር ውስጥ ባለሙያዎች ለማይሸፈኑ የሙያ መስኮች የውጭ ሀገር ባለሙያዎች ፍቃድና እድሳት ጋር የተያያዙ አገልግሎቶችን በተቀላጠፈ አግባብ መስጠት ያስችላል፣ ✅የዲጂታል ኢንተርፕራይዝ ምስረታና የዲጂታል ግብይት፦ ስርዓቱ በበይነ መረብ የማደራጀት ሥራ ከመስራቱ ባሻጋር ኢንተርፕራይዞች ምርትና አገልግሎታቸውን ማስተዋወቅና መሸጥ የሚያስችላቸውን ዕድል ይዟል፣ ✅ ክፍት የሥራ ቦታ ማስታወቂያ፦ ስርዓቱ ከተለያዩ የማስታወቂያ ድርጅቶች ጋር የተሳሰረ በመሆኑ ባልዎት የትምህርት ማስረጃና የሥራ ልምድ ማስታወቂያዎች በቀላሉ እንዲደርስዎ ያስችላል፣ 📊በስርዓቱ የተከናወኑ ዋና ዋና ሥራዎች ስርዓቱ ተጠናቆ ወደ ሥራ ከገባበት እለት ጀምሮ ባለፉት አራት ዓመታት ከ3.5 ሚሊዮን በላይ ዜጎች በስርዓቱ ተመዝግበዋል። ከዚህ ውስጥ፡- ✍️ከአንድ ሚሊዮን በላይ ዜጎች የውጭ ሀገር የሥራ ስምሪት ተጠቃሚ መሆን ችለዋል፣ ✍️በርካታ ዜጎችም በሀገር ውስጥና በርቀት የሥራ ዕድሎች ተጠቃሚ ሆነዋል፣ 🏢የተቋማት ተሳትፎ 👉 የኢትዮጵያ ስታስቲክስ አገልግሎት: 45 ሺህ የግብርና ናሙና ቆጠራ ባለሙያዎችን ስርዓቱን ተጠቅሞ በመመልመልና በመቅጠር ፈር ቀዳጅ ነው፣ 👉 የሲቪል ሰርቪስ ኮሚሽን፣ ሚድሮክ ኢትዮጵያ እና ኦቪድን ጨምሮ በርካታ ተቋማት ብቁና ተወዳዳሪ ባለሙያዎችን መልምሎ ለተቋማቸው ለመቅጠር ስርዓቱን እየተጠቀሙበት ይገኛል፣ 🚪 የዕድሉን በር ቁልፍ በእጅዎ ያስገቡ! ✍️ከሥራ ዕድል አኳያ ስርዓቱ ለሁሉም ክልሎች እኩል ዕድል የሚሰጥ ነው፡፡ ለየትኛውም ክልልና አካባቢ የተሰጠ ኮታ የለም፡፡ ✍️በየትኛውም አካባቢም ሆነ የትምህርት ደረጃ ሁሉም እኩል እድል አለው፡፡ ይህም ማለት በስርዓቱ ላይ መመዝገብ ማለት የሀገር ውስጥ፣ የውጭ ሀገር ሥራ ስምሪት፣ የርቀት ሥራን ጨምሮ ሌሎች በርካታ ዕድሎችን በቀላሉ ለማግኘት የሚያስችል ቁልፍ በእጁ ማስገባት ማለት ነው። 📝እንዴት መመዝገብ ይቻላል? 1️⃣ በራስ መመዝገብ፦ lmis.gov.et የሚለውን ማስፈንጠሪያ በመጠቀም የእጅ ስልክዎን ጨምሮ መመዝገብ ይችላሉ፣ 2️⃣ በሌሎች እርዳታ መመዝገብ፦ በአቅራቢያዎ ወደሚገኝ የአንድ ማዕከል አገልግሎት መስጫ ጣቢያዎች በመሄድ በማዕከሉ ባለሙያዎች እገዛ መመዝገብ ይቻላሉ፣ 📌የመመዝገቢያ መስፈርት: 👉 ዕድሜ፦ ከ15-65 ዓመት 👉 የትምህርት ደረጃ፡ በየትኛውም የትምህርት ደረጃ ላይ ያለ ሰው መመዝገብ ይችላል ⚠️ማስታወሻ ✅  ስርዓቱ ይዞ የሚመጣውን ዕድሎች ሁሉ ለመጠቀም ግላዊ መረጃ፣ የትምህርት እና የሥራ ልምዶችን በአግባቡ ማያያዝዎን ልብ ይበሉ! ታህሳስ 26/2018 ዓ.ም ፤ የሥራና ክህሎት ሚኒስቴር ለወቅታዊ ትኩስ የሥራና ክህሎት ሚኒስቴር Official Website: mols.gov.et Facebook: https://web.facebook.com/MolsFDRE Telegram: https://t.me/FDRE_MoLSofficial TikTok: tiktok.com/@mols_official Twitter / X: twitter.com/Jobs_ሚኒስቴር WhatsApp: whatsapp.com/channel/0029VakCgcYIyPtTbPZtDW1y

መንግስት በጎዳና ሕይወት ኑሮዋችንን ከመምራት ታድጎናል ሲሉ በዐ2 እና 03 ወረዳ በክረምት በጎ ፈቃድ መኖሪያ ቤት ተሰርቶ የተሰጣቸው አረጋውያን ተናገሩ። የድሬደዋ አስተዳደር የስራና ክህሎት ተጠሪ ተቋማት በክረምት በጎ ፈቃድ በ02 እና በ 03 ወረዳ ያስገነባቸው ሦስት የአቅመ አካማ ቤቶችን መርቆ አስረክቧል ። ቤቶቹን መርቀው ያስረከቡት የስራና ክህሎት ቢሮ ኃላፊ አቶ ሮቤል ጌታቸው ፤ የብልፅግና ፓርቲ ድሬዳዋ ቅርጫፍ ጽ/ቤት ኃላፊ አቶ ኢብራሂም ዩሱፍ እና የቢሮው ተጠሪ ተቋማት እንዲሁም የወረዳ አመራሮች ናቸው። በወቅቱ የአስተዳደሩ የስራና ክህሎት ቢሮ ኃላፊ አቶ ሮቤል ጌታቸው እንደተናገሩት ተቋማቸው በ2017 ዓ.ም የክረምት በጎ ፈቃድ አገልግሎት ዛሬ መርቀው ያስረከቧቸውን ሦስት ቤቶች ጨምሮ ቢሮው ከተጠሪ ተቋማቱ ጋር ጠቅላላ ሰባት (7) ቤቶችን ገንብቶ ለአቅመ ደካማ እማወራዎች እና አባወራዎች ማከረከባቸውን ገልፀዋል። ኃላፊው አያይዘውም ዛሬ በ02 እና 03 ወረዳ የተረከቡት ቤቶችም ጠቅላላ ከስምንት መቶ (800)ሺ ብር በላይ ወጪ የተደረገባቸው መሆኑን ገልፀዋል ። ቤቶቹን የተረከቡት የ 03 ወረዳ ነዋሪ እማወራዎች ልጆቻቸውን የአገር ዳር ድንበር ለማስከበር ግዳጅ ልከው የተሰውባቸው እና በመኖሪያ ቤት እጦት በሰው በረንዳ ተጠግተው የሚኖሩ እና የጎዳና ሕይወት መምራት የጀመሩ መሆኑን አስታውሰው ዛሬ ግን መንግስት ይሄን ቤት ገንብቶ በመስጠቱ ኑራችንን በጎዳናና በሰው በረንዳ ከመምራት ታድጎናል ሲሉ ደስታቸውን ገልፀዋል። ቤቶቹን ያሰሩት የስራ ክህሎት ቢሮ ተጠሪ ተቋማት የሆኑት የድሬዳዋ ፖሊቲክኒክ ኮሌጅ እና የኢትዮ ጣሊያን ፖሊቴክኒክ ኮሌጅ የቤት ዕቃ እና የምግብ ግብዓት ለአረጋዊያኑ አጋርተዋል። ©️ DireTvአማርኛ |ታህሳስ 25 ፥ 2018 ዓ.ም | ድሬዳዋ

በተዘጋጁ የቴክኖሎጂ እሴት ሰንሰለት ትንተናዎች ላይ ያተኮረ መድረክ ተካሄደ፡፡ በድሬዳዋ አስተዳደር ሥራና ክህሎት ቢሮ የቴክኒክና ሙያ ትምህርትና ስልጠና ኤጀንሲ የኢንዱስትሪ ኤክስቴንሽንና የቴክኖለጂ ሽግግር ዳይሬክቶሬት ከትኩረት ዘርፍ መ/ቤት ከተውጣጡ ባለሞያዎች እና የኮሌጅ አሰልጣኝ መምህራን የእሴት ሰንሰለት ትንተና አዘገጃጀት ላይ ከዚህ በፊት በተሰጣቸው ስልጠና መሰረት የተዘጋጁ ሰነዶች ቀርበው ገለጻ ተደርጎባቸዋል፡፡ ከቴክኒክና ሙያ ትምህርትና ሥልጠና ዘርፍ ተልዕኮዎች ውስጥ አንዱ ተወዳዳሪነትን የሚያረጋግጥ አዋጭ ቴክኖሎጂ ለኢንተርፕራይዞች ማሸጋገር መሆኑ ይታወቃል በዚህም የምርት ወይም የአገልግሎት አሰጣጥ ሂደት በመተንተን ክፍተቶችን በመለየት እና ለክፍተቶቹም የቴክኖሎጂዎችን መፍትሄ ለማስቀመጥ የእሴት ሰንሰለት ትንተና ሰነዶች ተዘጋጅተዋል፡፡ በመሆኑም የግንዛቤ ማስጨበጫ ስልጠናው ዋና አላማ ከትኩረት መ/ቤት የተውጣጡ የተለያዩ ባለሞያዎች የዘርፋቸውን እሴት ሰንሰለት ማዘጋጀታቸውን ተከትሎ በተዘጋጀው ሰነድ ላይ ሙያዊ አስተያየት እንዲሰጥበት በማድረግ ሰነዱን በማዳበርና በማስተዋወቅ በሚለዩት ቴክኖሎጂዎች የኢንተርፕራይዞችን፣ የተቋማትን እና የኢንዱስትሪዎችን ምርታማነትና ተወዳዳሪነት በመጨመር ለበርካታ ዜጎች የሥራ-ዕድል ለመፍጠርና እና የገቢ መጠን ለመጨመር ታሳቢ ያደረገ መሆኑን የኤጀንሲው ኃላፊና የቢሮው ምክትል ኃላፊ ወ/ሮ ፈጡም ሙስጠፋ ተናግረዋል፡፡ የሥራና ክህሎት ቢሮ ህዝብ ግንኙነት ታህሳስ 24/2018 ዓ.ም ድሬዳዋ

በድሬዳዋ አስተዳደር ሥራና ክህሎት ቢሮ ለአስተዳደሩ አንድ ማዕከል አመራሮችና ባለሙያዎች የተዘጋጀ የአቅም ግንባታ ስልጠና በመሰጠት ላይ እንደሚገኝ ተገለጸ፤ በስልጠና መክፈቻው ላይ ተገኝተው መልዕክት ያስተላለፉት የድሬዳዋ አስተዳደር ሥራና ክህሎት  ቢሮ ኃላፊ አቶ ሮቤል ጌታቸው እንደገለፁት፤ ቢሮው ለነባርና አዳዲስ የአንድ ማዕከል አመራሮችና ባለሙያዎች አዲሱን እሳቤ ለማሰረፅና ተቀናጅቶ በመስራት ወደ ተግባር ለማውረድ የተለያዩ ሥራዎች እየተሠሩ እንደሚገኙና በዚህም ከሥራ ዕድል ፈጠራ አኳያ የተቀረፁ እሳቤዎች ወደ መሬት ወርደው የልማት ፀጋዎቻችንን አልምቶ መጠቀም በሚያስችል አግባብ በትኩረት እየተሠራ ነው ብለዋል። በቢሮው የሥራ ዕድል ፈጠራና የአንድ ማዕከል ማስተባበሪያ ዳይሬክቶሬት ዳይሬክተር አቶ ሰኢድ አሊ እንደገለጹት፤ የዘርፉ የአዲሱ እሳቤዎች ዓላማ ከሥራ ዕድል ፈጠራ አንጻር ያሉ ማነቆዎችን በመፍታትና ምርትና ምርታማነትን በማሳደግ የታለመውን ሀገራዊ ልማትና ብልጽግናን እውን ማድረግ ሲሆን የአንድ ማዕከል አመራሮችና ባለሙያዎች የእሳቤዎቹን ዓላማና ግብ በአግባቡ ተረድተው ለተግባራዊነቱ የበኩላቸውን ሚና እንዲጫወቱ ታስቦ ስልጠው መዘጋጀቱን ገልጸዋል፡፡ የእሳቤዎቻችን ዘረመል (DNA) የሥራ እድል ፈጠራ ጉዳዮች 1.  ከኢኮኖሚ እድገት ጋር የሚተሳሰር 2.  ከፍተኛ የማደግ አለኝታ ያላቸው ኢንተርፕራይዞች ላይ ማተኮር 3.  ክህሎት መር 4.  የእሴት ሰንሰለትን 5.  ውጤታማ የቢዝነስ ልማት ስርአት መቅረፅና መዘርጋት 6.  የኢንተርፕሩነርሽፕ ስልጠና ለስራ ጀማሪዎች 7.  ቤተሰብና ማህበረሰብ የማምረቻና የምርታማነት ማእከል 8.  የፈጠራ/አዲስ የስራ ሀሳብ መኮትኮት ዋነኛ መለያው 9.  መንግስታዊ ድጋፎችን በፈጠራ 10.  ቴክኖሎጂ መር የገበያ መሰረተ ልማት 11.  የቢዝነስ ሀሳብ ባንክ የሥራና ክህሎት ቢሮ ህዝብ ግንኙነት ታህሳስ 24/2018 ዓ.ም ድሬዳዋ

የድሬዳዋ ፖሊ ቴክኒክ ኮሌጅ መደበኛና EASTRIP ፕሮጀክት የGRM ኮሚቴ የ2018 የሁለተኛ ሩብ አመት መደበኛ ስብሰባውን አከናወነ፡፡ በመድረኩ ላይ በመገኘት መድረኩን በንግግር የከፈቱት የኮሌጁ ዲን አቶ ሰለሃዲን አብዱልሃሚድ ሲሆኑ በንግግራቸውም በኮሌጁ በኩል ያለው የቅሬታ ሰሚ እንዲሁም በ EASTRIP ፕሮጀክት በኩል ያለው የቅሬታ ሰሚ ኮሚቴ የልህቀት ማእከል ግንባታው ምንም ችግር ሳይፈጠር እና ማህበረሰቡ ላይ ተጽእኖ ሳይኖረው በአግባቡ ተገንብቶ ለሚፈለገው አላማ እንዲውል እንዲሁም ችግር ቢከሰት በተገቢው መንገድ እንዲፈታ እያደረገ ላለው አስተዋጽኦ ትልቅ ነው ያሉ ሲሆን አያይዘውም በኮሌጁ በኩል ያለው የቅሬታ ሰሚ ኮሚቴ በኮሌጁ በኩል እንዲሁም በመማር ማስተማር ሂደት ውስጥ የሚኖሩ ቅሬታዎችን በመፍታት ሊፈጠሩ የሚችሉ ችግሮችን ማስቀረት ተችሏል ያሉ ሲሆን አያይዘውም ባለፉት አመታት በኮሌጁ፣ በኮሚቴው እንዲሁም በፕሮጀክቱ በኩል የተሰሩ ስራዎች አመርቂ መሆናቸውን የተናገሩ ሲሆን ባለፉት አመታት የተገኘውን ልምድ በመጠቀም በቀጣይም የሚሰሩ ስራዎች በሙሉ የማህበረሰቡን፣ የኮሌጁ እንዲሁም የመንግስትን ፍላጎት በተከተለ መልኩ ሊሰራና ችግሮችም በተገቢው መንገድ እንዲፈቱ አቅጣጫ አስቀምጠዋል፡፡ በዛሬው እለት በተደረገው የሁለተኛ ሩብ አመት መደበኛ ስብሰባ የኮሌጁ ቅሬታ ሰሚ ኮሚቴ የ2018 እቅድ፣በመጀመሪያና በሁለተኛ ሩብ አመት የተሰሩ ስራዎች በአቶ ቴዎድስ አስፋው በኩል የቀረበ ሲሆን እንዲሁም በፕጀክቱ በኩል የተሰሩ ስራዎች የቐረበ ሲሆን በእለቱ የተገኙ የኮሚቴው አባላት የተሰሩ ስራዎች አመርቂ ናቸው በቀጣይም ይህን ተሞሮ ተጠናክሮ ሊቀጥል ይገባል ብለዋል፡፡ የኮሌጁ ኮምኒኬሽን ታህሳስ 24/2018 ዓ.ም ድሬዳዋ

#ዜና /አምራች ድርጅቶች በአስተዳደሩ ልማት በንቃት መሳተፍ እንዳለባቸው ተገለፀ #DGC ታህሳስ 23/2018 የኮካኮላ ቤቬሬጅ አፍሪካ በኢትዮጵያ በ20 ሚሊየን ብር ወጪ የሰራውን የኮካ ሰፈር የወንዝ ተፋሰስ ልማት አስመርቋል። በመድረኩ የድሬዳዋ አስተዳደር ምክትል ከንቲባ አቶ ሀርቢ ቡህ መንግስት በሚከተለው ሰው ተኮር ስትራቴጂ በተለይም የዜጎችን በፅዱና ምቹ ሁኔታ የመኖር መብት የማረጋግጡ ስራዎች በሰፊው እየተከናወነ እንደሚገኝ ገልፀዋል። ለዚህም ማሳያ በሁሉም የአገሪቱ ክፍሎች በልዩ ሁኔታ ገጠርን ጨምሮ እየተከናወነ ያላው የኮሪደር ልማት ተጠቃሽ እንደ ሆነ ተናግረዋል። ተቋሙ አሁን እንዳከናወነው የወንዝ ዳር ልማት ሁሉ በተለያዩ ዘርፎች ማስቀጠል እንዳለበት ሌሎች በአስተዳደሩ ያሉ የተለያዩ ፋብሪካዎች የኮካኮላን ተሞክሮ መውሰድ ተመሳሳይ ተግባር መፈፀም እንዳለባቸው ምክትል ከንቲባው ጠቁመዋል። የስራና ክህሎት ቢሮ ኃላፊና የወረዳ 5 ደጋፊ አቶ ሮቤል ጌታቸው በበኩላቸው ፋብሪካው በወረዳው የነዋሪዉን ማህበራዊ ቀውስ ሲያስከትል የቆየ የነበረ ስፍራን በዚህ መልኩ እንዲያምር ማድረጉ የሚያስመሰግነወደ እንደሆነና በቀጣይ ኢንተርፕራይዞችን በማደራጀት የስራ እድል እንዲፈጠር ይሰራል ብለዋል። አቶ ንጉስ አለሙ ገብረሚካኤል የኮካ-ኮላ ቤቨሬጅስ አፍሪካ በኢትዮዽያ የህዝብ ግንኙነት፣ ኮሙኒኬሽን እና ሰስተነብሊቲ ዳይሬክተር አካባቢው የቆሻሻ መጣያ ከመሆን ባለፈ እኩይ ተግባራ የሚፈፀምበት እንደነብር ገልፀዋል። ይንን በመመልከት ብሎም ለማህበረሰቡ መስጠት የሚገባውን ማህበራዊ አገልግሎት ግዴታ ለመወጣት ፕሮጀክቱ ማከናወኑን፣ በአጠቃላይ ፕሮጀክቱ 1ኪሎ ሜትር በላይ አንደሚጠጋ ተናግረዋል። ፋብሪካው ድሬዳዋ ላይ 60 አመት ቆይታ እንዳለው የገለፁት አቶ ንጉሱ በቀጣይም ከመንግስት ጎን በመሆን የማህበረሰቡን ችግር የሚቀርፉ ስራዎችን ለማከናወን ጥረት እንደሚያደርግ ገልፀዋል። በዳግማዊ ፍቃዱ ፎቶ፦አገኘሁ ሸዋረጋ ወቅታዊ ፣ ትኩስ እና የተሟሉ መረጃዎችን ለማግኘት፡- ድረ ገጽ፦ https://www.diredawacommunication.org ፌስቡክ፡- https://www.facebook.com/DGCOMU ዩትዩብ፦ https://www.youtube.com/@Direcommunication ቴሌግራም፦ https://t.me/DDGCAB ትዊተር፦ https://twitter.com/DawaOffice በመወዳጀት ይከታተሉን፡፡ ዘወትር ከእኛ ጋር ስላሉ እናመሰግናለን!

በድሬዳዋ አስተዳደር ሥራና ክህሎት ቢሮ የአሰሪና ሰራተኛ ዳይሬክቶሬት በድሬዳዋ አስተዳደር ከሴክተር ተቋማትና ከወረዳ አንድ ማዕከላት ለተወጣጡ የባለድርሻ አካላት አዲስ በተሻሻለው የውጭ አገር ስራ ስምሪት አዋጅ ላይ የግንዛቤ ማስጨበጫ መድረክ አዘጋጀ። በመድረኩም ለባለድርሻ አካላት አዲስ በተሻሻለው ህጋዊ የውጭ ሀገር የሥራ ስምሪት አዋጅ ቁጥር 1389/2017 ላይ በባለሙያዎች ገለጻ ተደርጎላቸዋል፡፡ በዚህም ተሳታፊዎች አዲሱን አዋጅ በመረዳት በህገወጥ መንገድ ለስራ ወደ ውጭ አገር መላክ ወንጀልን በመከላከል ዜጎች ህጋዊ መንገድን ብቻ ተከትለው እንዲሄዱ ከቢሮው ጋር በቅንጅት ለመስራት መግባባት ተፈጥሯል፡፡ በማጠቃለያውም ሥራ ፈላጊው ህብረተሰብ ህጋዊ አማራጮችን ብቻ በመጠቀም ደህንነቱ የተረጋገጠ የሥራ ስምሪት ተጠቃሚ እንዲሆን ጥሪ ቀርቧል፡፡ የሥራና ክህሎት ቢሮ ህዝብ ግንኙነት ታህሳስ 23/2018 ዓ.ም ድሬዳዋ

የሞዴል ኢንትርፕራይዞች ባዛር በበዓላት ወቅት የሚታየውን የዋጋ ንረት ለማረጋጋት ከፍተኛ አሰተዋፅኦ እንደሚያበረክት ተገለፀ። መጪውን የገና በዓል በማስመልከት የድሬዳዋ አስተዳደር የስራና ክህሎት ቢሮ ከአሜሪካን ኮሌጅ ኦፍ ቴክኖሎጂ ጋር በመተባበር የሞዴል ኢንተር ፕራይዞች ኤግዚብሽን እና ባዛር አዘጋጅቷል ። በባዛሩ ከ 60 በላይ ኢንተርፕራ ይዞች ምርትና አገልግሎቶቻቸውን ይዘው ቀርበዋል ። የስራና ክህሎት ቢሮ ኃላፊ አቶ ሮቤል ጌታቸው እንዳሉት ኢንተር ፕራይዞቹ ይዘውት የቀረቡት ምርትና አገልግሎት በበዓላት ወቅት የሚታየውን የዋጋ ንረት ከማረጋጋት አኳያ ከፍተኛ አስተዋፅኦ ያበረክታል :: ኃላፊው አክለውም ይህ ኤግዚብሽን እና ባዛሩ ኢንተርፕራይዞቹ የሚገጥማቸውን የገበያ ተደራሸነት በመቅረፍም በኩልም ከፍተኛ አስተዋፅኦ አለው ብለዋል :: የከንቲባ ጽ /ቤት እና የካቢኒ ጉዳዮች ኃላፊ አቶ ገበየሁ ጥላሁን በበኩላቸው ኢንተር ፕራይዞችን ከማበረ ታታት እና ገበያን ከማረጋጋት አንፃር ቢሮው እያደረገ ያለው ጥረት የሚበረታታ እንደሆነ ተናግረዋል። የሴት ኢንተር ፕራይዞችን ለማበረታታት በልዩ ትኩረት እየሰራ የሚገኘው የአሜሪካን ኮሌጅ ኦፍ ቴክኖሎጂ የማርኬት ሊንኬጅ ልዩ ባለሙያ አቶ ኤርሚያስ መኮንን በባዛሩ ላይ ለተሳተፉት ሴት ኢንተርፕራይዞች ፕሮጀክታቸው በቀጣይም የሚደግፍ መሆኑን ገልፀዋል:: በባዛሩ ላይ የተሳተፉ የኢነትርፕራይዝ ባለቤቶች በበኩላቸው በባዛሩ ላይ መጪውን በዓል በማስመልከት ምርታቸውን ከመደበኛው ገበያ ዋጋ ባነሰ ሂሳብ ማቅረባቸውን በመጠቆም ህብረተሰቡ እንዲሸምት ጥሪ አቅርበዋል። በከዚራ ጎዳና ላይ የተከፈተው ባዛር እስከ ታህሳስ 28 / 2018 ዓ.ም የሚቆይ እንደሆነም በወቅቱ ተገልጿል :: ©️ DireTvአማርኛ |ታህሳስ 23 ፥ 2018 ዓ.ም | ድሬዳዋ

የኢትዮ-ጣሊያን ፖሊቴክኒክ ኮሌጅ EASE ፕሮጀክት በተለያየ ዘርፍ ስኬታማ መሆን የቻሉ ሴቶችን በመጋበዝ ለኮሌጁ ሴት አሰልጣኝ መምህራንና ሴት ሰልጣኞች ልምድና ተሞክሮ የሚቀስሙበት መድረክ አካሂዷል:: በመድረኩ ተገኝተው በህይወታቸው ያካበቱትን ከፍተኛ ልምድና ተሞክሮ ለተሳታፊዎች ማካፈል የቻሉት በህዝብ ተወካዮች ም/ቤት ድሬደዋን በመወከል የፓርላማ አባል የሆኑት ክብርት ቢፍቱ መሀመድ(ዶ/ር) እና በሀረማያ ዩኒቨርሲቲ የስነ-አዕምሮ መምህርት የሆኑት ዶ/ር ፈቲያ እንዲሁም በኮሌጁ ለረጅም አመታት በብቃት እያሰለጠኑ የሚገኙት አሰልጣኝ መምህርት ለምለም ገ/ስላሴ ሲሆኑ በዚህም በተለያዩ የስራ ሀላፊነቶች ላይ ተሰማርተው ስኬት እንዲያስመዘግቡ ያስቻላቸው የህይወት ልምዳቸውን ለተሳታፊዎች አካፍለዋል:: ኮሌጁ የተቋቋመበትን ዓላማና ተልዕኮ ለማሳካት በሚያደርገው ዘርፈ ብዙ እንቅስቃሴ የሴት አሰልጣኝ መምህራን እና ሰልጣኝ ተማሪዎች ሚና ከፍተኛ መሆኑን የገለፁት የኮሌጁ ም/ል ዲን እና የውጤት ተኮር ትምህርትና ስልጠና ስራ ሂደት ሀላፊ አቶ ኤሊያስ አህመድ ሲሆኑ አክለውም የዚህ መድረክ ዋና ዓላማም ከፍተኛ ጫናን ተቋቁመው ስኬታማ የሆኑ እንዲሁም በተሰማሩበት ዘርፍ ለሀገር እድገት የድርሻቸውን እያበረከቱ ከሚገኙ ሴት እህቶቻችን ተሞክሮ እንዲወስዱ ለማድረግና ወደራሳቸው ህይወት በመውስድም በተግባር እንዲጠቀሙበትም ለማስቻል መሆኑንም ገልፀዋል:: በእለቱ በተካሄደው መድረክ በተሳታፊዎችና በተጋባዥ እንግዶች መካከል ነፃ ውይይቶች የተካሄዱ ሲሆን በዚህም ሴቶች ሚገጥሟቸውን አስቸጋሪ የህይወት ጎዳናዎች በራስ መተማመን፣ በብልሃትና በጥበብ መሻገር አሸናፊ ሆነው እንዲወጡና የህይወት መንገዳቸውንም በስኬት እንዲመሩ የሚያግዛቸው መሆኑን ምክር ለግሰዋል:: የኢትዮ-ጣሊያን ፖሊቴክኒክ ኮሌጅ ታህሳስ 23/2018 ዓ.ም

የድሬዳዋ አስተዳደር ሥራና ክህሎት ቢሮ ስራ አመራር ኮሚቴ የ2018 ዓ.ም የመጀመሪያው ስድስት ወራት የዕቅድ አፈጻጸም እና የ100 ቀን ዕቅድ ትግበራ ላይ ውይይት አካሄደ፡፡ ‎ ‎ ‎የሥራና ክህሎት ቢሮ የ2018 ዓ.ም የመጀመሪያው ስድስት ወራት የዕቅድ አፈጻጸም የተመዘገቡ ውጤቶችንና ያጋጠሙ ተግዳሮቶችን በመንቀስ ሰፊ ውይይት የተካሄደ ሲሆን እና የ100 ቀን ዕቅድ ትግበራ ለማሳካት ሁሉም የቢሮው ማህበረሰብ በትጋት እንዲተገብር ድጋፍና ክትትል እንድያደረግ ስምሪት መሰጠቱ ተገልጿል ። ‎ የቢሮው ኃላፊ አቶ ሮቤል ጌታቸው እንደተናገሩት እንደ ሴክተር በመደበኛ ከታቀደው ተጨማሪ ዝግጁነት በማከል የ100 ቀን ዕቅድን በማሳካት በዘርፉ የአስተዳደሩ ነዋሪን ተጠቃሚነት ለማረጋገጥ በትኩረት እየተሰራ እንደሆነ ገልጸዋል ። ‎የሥራና ክህሎት ቢሮ ህዝብ ግንኙነት ታህሳስ 22/2018 ዓ.ም ድሬዳዋ‎