Bureau of Labor and Skills-Dire Dawa

የአሰልጣኝ ልማት እና ተቋማት አቅም ግንባታ ዳይሬክቶሬት የአሰልጣኝ ልማት ቡድን ለኢትዮ-ጣልያን እና ድሬዳዋ ፖሊ-ቴክኒክ ኮሌጅ የ ELECTRICAL ELECTRONICS አሰልጣኝ መምህራን ለ15ቀናት በ POER SYSTEMS SYMULATION AND ANALISIS, PSIM, MATLAB, ETAB, MULTYSYSTEM and MOTOR XP የሶፍትዌር እና የተግባር ስልጠናዎችን ከድሬዳዋ ዩኒቨርስቲ በተጋበዙ መምህራን የአቅም ግንባታ ስልጠና አስጀምረዋል፤፤ ስልጠናው  አሰልጣኞች ካላቸው እውቀት በተጨማሪ በከፍተኛ ትምህርት ተቋማት ካሉ አሰልጣኞች በሙያው እውቀትን እና ልምዶች ለመካፈል እንዲሁም የቴሙትስ አሰልጣኞች ያላቸውን የካበተ የተግባር እውቀት እና ልምዶችን ለዩኒቨርስቲ አሰልጣኞች የሚያካፍሉበት የሁለትዮሽ እውቀት ሽግግር የሚደረግበት አጋጣሚ መሆኑን ተጋባዥ አሰልጣኙ  ብርሃኑ ደገፋ (ዶ/ር) ገልፀዋል፤፤ ቴክኒክና ሙያ በየወቅቱ የዘመነውን የቴክኖሎጂ እና የኢንዱስትሪውን ፍላጎት መሰረት አድርጎ በየጊዜው ስልጠናውን የሚያዘምን እንደመሆኑ አሰልጣኞችም ብቁ እና ተወዳዳሪ ስልጠና አጠናቃቂዎችን ለማፍራት እንዲችሉ ወቅታዊ  ስልጠናዎችን  የሚያገኙበት ዕድሎችን እንደሚመቻችም የዳይሬክቶሬቱ ዳይሬክተር አቶ ታሪኩ ለገሰ ተናግረዋል፤፤ የሥራ ክህሎትና ቴክኖሎጂ ልማት ቢሮ ህዝብ ግንኙነት ጥር 18/2016 ዓ.ም ድሬዳዋ

የ EASTRIP ፕሮጀክት የሁለተኛ ሩብ አመት የስራ አፈጻጸም   ከስራና ክህሎት ሚንስቴር እና ከEASTRIP National Project Coordinator ቢሮ በተወውጣጣ የSupervision team ግምገማ  በድሬዳዋ ፖሊ ቴክኒክ ኮሌጅ ተከናወነ፡፡ የ EASTRIP ፕሮጀክት የሁለተኛ ዙር የስራ አፈጻጸም ግምገማ ሂደቱ ላይ በመገኘት የእንኳን ደህና መጣችሁ ንግግር ያደረጉት የኮሌጁ ዲን አቶ ሳሊም ኡስማን  ሲሆኑ በንግግራቸውም    እንኳን ወደ ትንሿ ኢትዮጵያ  የፍቅር ከተማ ወደ ሆነችው ድሬዳዋ ከተማ በደህና መጣችሁ ፡፡ በኮሌጁ እየተተገበረ ያለው ይህ የ EASTRIP ፕሮጀክት መሳካት የከተማችን አስተዳደር ፕሮጀክቱ ከግብ እንዲደርስ ማቺንግ ፈንድ ከመመደብ በዘለለ ለፕሮጀክቱ መሳካት እንቅፋት የሆነውን የበጀት ልዩነቶችን በመጋራት ያሳየው ተነሳሽነት ለሌሎች ከተሞች አርአያ የሆነ ተግባር ፈጽመዋል ይህም ፕሮጀክቱ  ከግብ እንዲደርስ በቁርጠኝነት እንደሚሰራ ማሳያ ነው ብለዋል፡፡ዲኑ አያይዘውም ኮሌጁ ስራዎችን ለማሳለጥ እንዲሁም የተቀላጠፈ አሰራሮችን ለማምጣት በማቀድ የተለያዩ ICTን መሰረት ያደረጉ አሰራሮችን በመዘርጋት እንዲሁም  ጥናቶችን በማጥናት ፕሮጀክቱ ቀጣይነት እንዲኖረው በትጋት እንደሚሰራ ለ Supervision team ገልጸዋል፡፡ የግምገማ ሂደቱን ለማከናወን የመጣውን ልኡክ ቡድኑን የመሩት አቶ  መለሰ  እንዳሉት  አጠቃላይ የኮሌጁ እንቅስቃሴ እጅግ በጣም ጥሩ የሚባልና በኮሌጁ ውስጥ እየተገነባ የሚገኘውም የምስራቅ አፍሪካ የልህቀት መአከል ግንባታ በከፍተኛ ፍጥነት ተከናውኖ ለሚፈለገው አላማ መዋል እንዲችል የድሬዳዋ ከተማ አስተዳደር እየወሰደ ያለው ቁርጠኝነት ለሌሎች ከተሞች አርአያ መሆን የሚችል ነው ብለዋል፡፡ በተጨማሪም ፕሮጀክቱ በሚተገበርበት ወቅት በከተማ አስተዳደሩና በኮሌጁ ማኔጅመንት የሚወሰዱት የመፍትሄ እርምጃዎች ለሌሎች ኮሌጆች እንደ መልካም ተሞክሮ የሚወሰድ ነው ብለዋል፡፡ድሬዳዋን የምስራቅ አፍሪካ ማዕከል ለማድረግ የሄዳችሁበት ርቀት እና ሰልጣኞችን ከሶማሊ ላንድ ተቀብላችሁ እያሰለጠናችሁ መሆኑን እንዲሁም ከኢንዱስትሪዎች ጋር ያላችሁ ቅርበት በጣም የሚበረታታና ለሌሎች ኮሌጆችም እንደ አርአያ የሚወሰድ ነው ብለዋል፡፡ በመጨረሻም ለተደረገላቸው የሞቀ አቀባበል እንዲሁም ስለተደረገላቸው ገለጻ የኮሌጁን ማኔጅመንት እንዲሁም የኮሌጁን የEASTRIP ፕሮጀክት ሰራተኞች ከልብ አመስግነዋል፡፡ በግምገማ ሂደቱ ላይ ስለኮሌጁ እንዲሁም ስለ EASTRIP ፕሮጀክት  M&E specialist በሆኑት አቶ መሳይ ጥላሁን እንዲሁም Industry Liaison ከፍተኛ ባለሞያ በሆኑት አቶ መሃመድ አወልጠሃ በኩል በቂ ገለጻ የተደረገ ሲሆን በመጨረሻም  በገለጻው ላይ የተለያዩ ውይይቶች የተደረገ ሲሆን በተነሱት ሃሳቦች ላይና አስተያየቶች ላይ የኮሌጁ ዲን እንዲሁም የሚመለከታቸው አካላቶች ምልሽ ሰጥተዋል፡፡ የኮሌጁ ኮምኒኬሽን ጥር 17/2016 ዓ.ም ድሬዳዋ

የድሬዳዋ አስተዳደር ምክር ቤት የበጀት፣ ኢኮኖሚ ንግድና ኢንድስትሪ ጉዳይ ቋሚ ኮሚቴ የድሬዳዋ አስተዳደር  የስራ ክህሎትና ቴክኖሎጂ ልማት ቢሮን የ2016 በጀት አመት የመጀመሪያው 6 ወራት እቅድ አፈፃፀም  ግምገማ  እና የመውጫ ውይይት አካሄደ ። ========================== የድሬደዋ አስተዳደር ምክር ቤት ቋሚ ኮሚቴዎች በስራቸው የተደለደሉትን  የአስተዳደሩ ተቋማት እቅድ አፈፃፀም ለመገምገም ያለመ  የመስክ ምልከታ  ሲያደርጉ የቆዩ  ሲሆኑ በዛሬው እለትም የድሬዳዋ  አስተዳደር ምክር ቤት የበጀት፣ ኢኮኖሚ፣ ንግድ ና ኢንዱስትሪ ጉዳይ ቋሚ ኮሚቴ  ክትትልና ቁጥጥር ከሚያደርግባቸው   የአስተዳደሩ ተቋማት መካከል አንዱ የሆነውን የድሬዳዋ አስተዳደር የስራ ክህሎት ና ቴክኖሎጂ ልማት ቢሮ በመገኘት  የ2016 በጀት አመት የመጀመሪያውን   የ6 ወራት እቅድ አፈፃፀም ግምገማ ና የመውጫ ውይይት አድርጓል ። ቋሚ ኮሚቴው  በቢሮው ስር ያሉ ፕሮጀክቶች እና ከስራ እድል ፈጠራ ጋር ተያያዝነት ያላቸውን  ተግባራት አፈፃፀም ያሉበትን ደረጃ  ባለፉት ቀናት የመስክ ምልከታ ሲያደርጉ ቆይቶ በዛሬው እለትም ከቢሮው ማኔጅመንት አባላት ጋር በተቋሙ የግማሽ አመት እቅድ አፈፃፀም ዙሪያ ሰፋ ያለ ውይይት በማድረግ በአፈፃም ሂደት የታዩ ጠንካራ ጎኖች ተጠናክረው  እንዲቀጥሉና በውስንነት የተለዩ ጉዳዮች መታረም እንዳለባቸው  የጋራ መግባባት ላይ በመድረስ የመውጫ ግብረ መልስ ሰጥቷል። በአጠቃላይ ቢሮው  በ2016ዓ/ም  የ6 ወር  እቅድ  አበረታች አፈፃፀሞች መታየቱንና በዘርፉ  በውስንነት የተለዩትን እንዲታረሙ በማድረግ በቀጣይ ሁሉም የዘርፉ ባለድርሻ አካላት  የተጀመረውን  ቅንጅታዊ አሰራር  አጠናክሮ በማስቀጠል በስፋትና በጥራት  የስራ እድል ፈጠራ  ላይ ትኩረት ሰጥተው መስራት  እንዳለባቸው የቋሚ ኮሚቴው ሰብሳቢ የተከበሩ ወ/ሮ  አይናለም ተዘራ  አቅጣጫ አስቀምጠዋል ። ©️ የድሬዳዋ አስተዳደር ምክርቤት

የድሬዳዋ አስተዳደር ምክር ቤት የበጀት፣ ኢኮኖሚ ንግድና ኢንድስትሪ ጉዳይ ቋሚ ኮሚቴ የድሬዳዋ አስተዳደር የስራ ክህሎትና ቴክኖሎጂ ልማት ቢሮን የ2016 በጀት አመት የመጀመሪያው 6 ወራት እቅድ አፈፃፀም ግምገማ እና የመውጫ ውይይት አካሄደ ። ========================== የድሬደዋ አስተዳደር ምክር ቤት ቋሚ ኮሚቴዎች በስራቸው የተደለደሉትን የአስተዳደሩ ተቋማት እቅድ አፈፃፀም ለመገምገም ያለመ የመስክ ምልከታ ሲያደርጉ የቆዩ ሲሆኑ በዛሬው እለትም የድሬዳዋ አስተዳደር ምክር ቤት የበጀት፣ ኢኮኖሚ፣ ንግድ ና ኢንዱስትሪ ጉዳይ ቋሚ ኮሚቴ ክትትልና ቁጥጥር ከሚያደርግባቸው የአስተዳደሩ ተቋማት መካከል አንዱ የሆነውን የድሬዳዋ አስተዳደር የስራ ክህሎት ና ቴክኖሎጂ ልማት ቢሮ በመገኘት የ2016 በጀት አመት የመጀመሪያውን የ6 ወራት እቅድ አፈፃፀም ግምገማ ና የመውጫ ውይይት አድርጓል ። ቋሚ ኮሚቴው በቢሮው ስር ያሉ ፕሮጀክቶች እና ከስራ እድል ፈጠራ ጋር ተያያዝነት ያላቸውን ተግባራት አፈፃፀም ያሉበትን ደረጃ ባለፉት ቀናት የመስክ ምልከታ ሲያደርጉ ቆይቶ በዛሬው እለትም ከቢሮው ማኔጅመንት አባላት ጋር በተቋሙ የግማሽ አመት እቅድ አፈፃፀም ዙሪያ ሰፋ ያለ ውይይት በማድረግ በአፈፃም ሂደት የታዩ ጠንካራ ጎኖች ተጠናክረው እንዲቀጥሉና በውስንነት የተለዩ ጉዳዮች መታረም እንዳለባቸው የጋራ መግባባት ላይ በመድረስ የመውጫ ግብረ መልስ ሰጥቷል። በአጠቃላይ ቢሮው በ2016ዓ/ም የ6 ወር እቅድ አበረታች አፈፃፀሞች መታየቱንና በዘርፉ በውስንነት የተለዩትን እንዲታረሙ በማድረግ በቀጣይ ሁሉም የዘርፉ ባለድርሻ አካላት የተጀመረውን ቅንጅታዊ አሰራር አጠናክሮ በማስቀጠል በስፋትና በጥራት የስራ እድል ፈጠራ ላይ ትኩረት ሰጥተው መስራት እንዳለባቸው የቋሚ ኮሚቴው ሰብሳቢ የተከበሩ ወ/ሮ አይናለም ተዘራ አቅጣጫ አስቀምጠዋል ። ©️ የድሬዳዋ አስተዳደር ምክርቤት

የድሬዳዋ አስተዳደር የሥራ ክህሎትና ቴክኖሎጂ ልማት ቢሮ የስራ ዕድል ፈጠራ እና የአንድ ማዕከል ማስተባበሪያ ዳይሬክቶሬት በስሩ ካሉ የአንድ ማዕከል አገልግሎት መስጫ ጣቢያዎች ጋር ውይይት ተደረገ። በዚህም ውይይት ላይ የዳይሬክቶሬቱ ባለሙያዎችና የአንድ ማዕከል አስተባባሪዎች የተገኙ ሲሆን አጠቃላይ ስለሚሰጠው አገልግሎት በተለይም ስራ ፈላጊዎችን ከስራ ጋር ለማስተሳሰር በመጀመሪያው ዙር  “ብቃት” የወጣቶች የሥራ ላይ ልምምድ ፕሮጀክት የማጠቃለያ ስራዎች የተከናወኑ ዋና ዋና ተግባራት እና ያጋጠሙ ተግዳሮቶች ላይ ተወያይተዋል። የዳይሬክቶሬቱ ዳይሬክተር አቶ ሰኢድ አሊ አንድ ማዕከላቱ ተጨባጭ በሆነ መልኩ ለዜጎች ስራ መፍጠር ላይ ከመቼውም ጊዜ በላይ በትኩረት መስራት እንደሚያስፈልግና ከዚህ ጋር በተያያዘ መረጃዎች በጠራ መልኩ ተይዘው በየአካባቢው ያለውን አቅምና ጸጋ ሊጠቀሙ እንደሚገባ አሳስበዋል፡፡ አያይዘውም በአስተዳደሩ የሚገኙ ዜጎችን በተለይም አብዛኛውን ሴቶች ወጣቶችን ተጠቃሚ ያደረገው የመጀመሪያው ዙር “ብቃት” የወጣቶች የሥራ ላይ ልምምድ ፕሮጀክት የተገኘውን ውጤት በሚያሳይ መልኩ በደማቁ የማጠቃለያና መዝጊያ መርሃግብር ለማድረግ በዝግጅት ላይ መሆናቸውንም ተናግረዋል። የሥራ ክህሎትና ቴክኖሎጂ ልማት ቢሮ ህዝብ ግንኙነት ጥር 15/2016 ዓ.ም ድሬዳዋ

በድሬዳዋ አስተዳደር የሥራ ክህሎትና ቴክኖሎጂ ልማት ቢሮ የውጪ አገር ስራ ስምሪትና የሰራተኞች ደህንነት ጥበቃ ዳይሬክቶሬት የግንዛቤ ማስጨበጫ መድረክ አዘጋጀ። በመድረኩም ከተለያዩ ተቋማት ለተወጣጡ አሰሪና ሰራተኞች በሁለትዮሽ ማህበራዊ ምክክር ዝርጋታ እና በአሰሪና ሰራተኞች አዋጅ ቁጥር 1156 ላይ ገለጻ የተሰጣቸው ሲሆን በሚገጥሟቸው ተጨባጭ የሁለትዮሽ ጉዳዮችን በማንሳት ውይይት ማድረግ ተችሏል። በዚህም አዋጁን በመረዳት የአሰሪውንና ሰራተኛውን ግንዛቤ ማሳደግ ዓላማው አድርጎ ከዚህ ጎን ለጎን የኢንዱስትሪውን ሰላም በማረጋገጥ ምርታማነትን ለማሳደግ የሚኖሩ አለመግባባቶችን በመቀነስ የስራ ክርክሮችን በምክክር መፍታት የሚያስችላቸውን ግንዛቤ ይፈጥራል፡፡ ዳይሬክቶሬቱም የኢንደስትሪ ሰላም ዝርጋታ ስራዎች በተለያዩ ተቋማት በአሰሪውና ሰራተኛው መካከል መቀራረብና መነጋገር እንዲፈጠር ሰፊ ስራዎችን እየሰራ ይገኛል በመሆኑም እየተገኙ ያሉ ውጤቶች ምን እንደሚመስሉ በቀጣይ የምናስቃኛችሁ ይሆናል። የሥራ ክህሎትና ቴክኖሎጂ ልማት ቢሮ ህዝብ ግንኙነት ጥር 14/2016 ዓ.ም ድሬዳዋ

የኢትዮጵያ ኦርቶዶክስ ተዋህዶ ቤተ ክርስቲያን ምዕመናን በቤተክርስቲያኗ ሥርዓት እና ትውፊት መሰረት የ2016 ዓ/ም የጥምቀት በዓል በድሬዳዋ ከተማ ነዋሪዎች ዘንድ በደማቅ ሁኔታ ተክብሯል። በዓሉንም በማሥመልከት በዓሉ ላይ ለተሳተፋ ምእመናን የድሬዳዋ ፖሊ ቴክኒክ ኮሌጅ የተለያዩ ድጋፎችን ያደረገ ሲሆን ድጋፉንም የኮሌጁ ም/ዲን አቶ ሰልሃዲን አብዱልሃሚድ የኮሌጁን ማህበረሰብ እና ማኔጅመንቱን በመወከል በትናው እለት ያሥረከቡ ሲሆን በዛሬው እለትም የኮሌጁ ዲን ም/ዲኖች እንዲሁም የማኔጅመንት አባላቶችና የኮሌጁ ማህበረሰብ በጋራ በመሆን በዓሉን ለሚያከብሩ ምእመናን ድጋፋን ሲያድሉ ውለዋል:: የኮሌጁ ኮምኒኬሽን ጥር 11/2016 ዓ•ም ድሬዳዋ

በድሬዳዋ የሚገኘው የፌደራል ማረሚያ ቤት ለታራሚዎች በሚሰጠው አጫጭር ስልጠና ላይ የ2016 ዓ.ም  የትምህርትና ስልጠናዉን ጥራት ስታንዳርድ ለማስጠበቅ  ክትትልና ድጋፍ ተደረገ፡፡ በዚህም ድጋፍና ክትትል የቴክኒክና ሙያ ትምህርትና ስልጠና ኤጀንሲው የሚሰጡ ስልጠናዎች ሁሉንአቀፍና አካታች መሆናቸውን በሚያሳይ መልኩ ማረሚያ ቤቱ በእርምት ላይ የሚገኙ ዜጎችን በማሰልጠንና በማብቃት ላይ ሀገርና ህዝብን የሚጠቅሙ በማድረግ ሂደት ውስጥ ትምህርትና ስልጠናው ጥራት ስታንዳርድ ለማስጠበቅ የሚያስችል አቅምን እንዲፈጥር ታሳቢ ያደረገ ነው፤ በድሬዳዋ አስተዳደር የሥራ ክህሎትና ቴክኖሎጂ ልማት ቢሮ ስር የሚገኘው የቴክኒክና ሙያ ትምህርትና ስልጠና ኤጀንሲ የአሰልጣኝ ልማትና ተቋማት ጥራት ቁጥጥር ዳይሬክቶሬት ዳይሬክተር አቶ ታሪኩ ለገሰ ማረሚያ ቤቱ እየሰራ ያለውን ስራ አድንቀው በምልከታው የታዩ ድጋፍ የሚያስፈልጋቸውን ጉዳዮች በቀጣይ ሁለቱን የመንግስት ኮሌጆች በማስተባበር ድጋፍ የሚደረግ መሆኑን ገልጸዋል፤ አቶ ታሪኩ ለገሰ አክለው ይሄው የድጋፍና ክትትል ኤጀንሲው እውቅና በሰጣቸው በአስተዳደሩ የሚገኙ የተለያዩ አጫጭር ስልጠና የሚሰጡ ተቋማት ላይ ተመሳሳይ መልኩ የሚደረግ መሆኑን አስታውቀዋል፤ የሥራ ክህሎትና ቴክኖሎጂ ልማት ቢሮ ህዝብ ግንኙነት ጥር 9/2016 ዓ.ም ድሬዳዋ