Anatomy channel ✌️💪 | 1er année medicine

هذا نموذج لطلب خطي لطالبة لعله يرشدكم ... ادوه وادوا معاه شهادة مدرسية وممكن بطاقة الطالب ... الافضل كطالب سنة اولى ... خير eph او eh او مستشفى جامعي ..(المستشفى الجامعي غالب الاحيان البس طابلية وادخل ميهمش طلب وكذا لانو تابع لوزارة التعليم ووزارة الصحة ... اما الباقي فذوك لازم طلب ويقبلوك وممكن ميقبلوش )

شوف حرفيا ميهمش وين بعتوك ... كطالب سنة اولى اهم حاجة لازم تعرفها تقابل المريض وsoins inf ... تقدر تخطف روحك للاستعجالات ... تقدر تتصيد الاوقات لي تكون فارغة .. وايضا في pediatrie راك تلقا les inf لي لتم اخدم معاهم واتعلم منهم ... اذا اتقنتها في دراري الصغار .. صاي اعتبر روحك تعلمتها ... متسييش تقعد في service واحد ... اتحرك اهرب شوف استكشف .. حاول تدي نظرة على النظام الصحي داخل المستشفيات .. بمجرد تدي ورقة قبول السطاج ... السبيطار كامل مفتوح ليك .. راك تتعلم .. ولازم تتعلم ... ربي يوفق

اذا كنت سنة 2 طالع لل3 ... انصح وبشدددة ... خاصة اذا مزال مسطاجيتش في soins inf .. لانو هذا اهم وقت باش تتعلمهم ... واذا كنت سنة 3 طالع ل4 .. اسطاجي مي بشكل منهجي ... متكثرش .. 10 ايام كحد اقصى وركز على الربط بين الجانب النظري والتطبيقي .. مثلا اليوم راجع سيميو كارديو .. غدوة روح اسطاجي في كارديو وسيي تطبق وش تعلمت وسيي ابحث عن الحالات لي شفتهم .. وفي نفس الوقت سيي اتعلم الحوايج لي تشد الوقت كيما ecg وال TTx باش يجوك ساهلين العام جاي #الطالب

شوف موضوع الخدمة مع الطب يعتمد على كل شخص .. كاين لي لازم عليه يبدا يخدم .. تحتم عليه الظروف .. فهنا حاولت تلقا اي خدمة تساعدك وتساعد وقتك .. سيي تكون ذكي فقط .. تجنب لي تستهلكك جسديا لانو اذا حايب تكمل طب راو ميبقالكش جهد .. والطريق طويلة ... اما اذا كانت رغبة منك لاقتحام سوق العمل واكتساب الخبرات وكسب مصدر دخل اضافي فهناك بزاف حرف تصب في المجال الطبي ... تقدر تعمل في صيدلية او مروج منتجات كالمكملات الغذائية وكذا او تسيي تدخل مجال التمريض مثلا كاين لي تعيطلو يجيك للدار يبدلك pansement .. او حتى تسيي تخدم كمساعد طبيب اسنان او في عيادة طبية .. او حتى تستخدم قرايتك ومهاراتك وتشوف كاش اكاديميات وتخدم.معاهم تقري المواد لي يصعبوا على الطلبة او حتى تدير des formations في حوايج بسيطة ولي عليها اقبال كبير كخياطة الجروح والاسعافات الاولية .... هذو كااااامل تعتمد عليك نتا وعلى معارفك وشبكة علاقاتك وحتى مهاراتك ووش تعرف تدير ... ببساطة كل واحد وشطارتو

سكيكدة ... ولايتي الطيبة .. مقصد الزوار من اهل الوطن وخارجه .. باطلالاتها البحرية منقطعة النظير .. تحترق .. اللهم الطف بأهلها أجمعين ..

نورونا بإقتراحاتكم 🥰 + بإذن الله فيها جديد قادم !

و عليكم السلام و رحمة الله تعالى و بركاته نعم ، كاينة كورات يفيدك انو تعاودي تريفيزيهم في نهاية العطلة او في بداية العام ، ولي هم موديل الايستو و موديل  الفيزيو لأنك رح تزيدوا تقراوهم في دوزيام + مش شرط تعاودي تقراي بالانجلي بالتوفيق 🥰 _ لا مش شرط تكون متمكن من سنة أولى  باه تقدر للسنة ثانية مي كاينة كورات لي ذكرتهم تعاود تريفيزيهم و تكون عندك طريقة دراسة ناجحة باه تتفوق فيها إياكم و الدراسة في العطلة😭❌ أكبر خطأ ممكن ترتكبوه في حق أنفسكم أنكم تقرا في العطلة !! صح كاينة منها الوحدات شوية طويلة مي حتى العام طويل تاني برك كيما قلتلكم إعرفوا ✅تختاروا المصادر لي رح تقراو منهم ✅تنظموا و قتكم و تحاولوا تكونوا à jour ✅و تختاروا طريقة واضحة تقراو عليها #Dr_Dopamine 👩🏻‍⚕

لا ، بإذن الله متأثرش مي نتوما مذابيكم تقراو مليح و تديروا كامل لي تقدروا عليه وتطلعوا أعوامكم 😊 #Dr_Dopamine 👩🏻‍⚕️

إنتظروني قريبا رح نديرلكم سلسلة تعريفية للوحدات و الموديلات الدوزيام 🫶🏻 في قناة الدوزيام ⬇️ : https://t.me/anatomychannel_2 🔴 جميع طالبة أو طالب نجحوا يقدروا ينضموا للقناة رح تلقاو أغلب وش تحتاجوا في السنة ثانية 😊 #Dr_Dopamine 👩🏻‍⚕️

في ما يخص les soins infermièrs كاينة هاذي رح تفيدكم بزااااااف و فيها كامل وش تحتاجوا أما بالنسبة للقنوات في اليوتيوب كاين هاذي ⬇️⬇️ رح يفيدوكم بإذن الله : 1/ https://youtube.com/@soinsinfirmier?si=ABEPbx06NBP8eAuB 2/ https://youtu.be/6nRrLvVkQys?si=Xjs7Opsq_xmwUnFo 3/ https://youtube.com/playlist?list=PLSGizzze3DK46rquYmSGM5uHo2TwIfqOx&si=qaQQ-_Fh2q3ecNSx 4/ https://youtube.com/playlist?list=PLl-pf1PmcpwQQDCHkGUFdtdpGIcgDHUU1&si=186y4epSvxXu1auD 5/ https://youtube.com/playlist?list=PLl-pf1PmcpwSwvxZsZzcKIcFXhhX_5V8W&si=V1pHeLJ3q6o338nW 6/ https://youtube.com/playlist?list=PLenh_RZwqAk745GcgKEMa4PJxvHDEA2e8&si=_MhM2Ei4NqjXwcnd قنوات تيلجرام : https://t.me/basem12345667 https://t.me/med22inf98 https://t.me/anatomychannel_2/714 🔴 إذا كانت هناك مصادر أخرى أرسلوها باه تعم الفائدة

مدامك فوتت بزااف في الmed فنصيحتي ليك إنه تكمل مدامه مبقاش قد لي فات و إذا تشوف روحك راك صح حايبها + تقدر تقرى ال med و تعاود الباك و تدير cyber   ف جرب  إذا لحقت ليه ديره إذا ملحقتش خليك مع ال med 😊 #Dr_Dopamine 👩🏻‍⚕️

في هذه الحالة أكييييييد كاين خلل في طريقة الدراسة ! حاول تغيرها و شوف إذا تجيب أكثر ولا تبقى كيما راك + مكانش طريقة تاع دراسة تخرج على الناس كامل معناها جرب وشوف الطريقة لي نفعاتك إعتمدها 📌  لي عنده طريقة دراسة جربها و نفعاته يقترحها على زملائه و بارك الله فيكم 🩷 #Dr_Dopamine 👩🏻‍⚕

مش بالضرورة تعاود عام باه تدير حاجة  خلاف تقدر تقرى و تخدم في نفس الوقت بشرط تكون تعرف تنظم وقتك بين دراسة و عمل 😊

السلام عليكم أطباء و طبيبات المستقبل إن شاء الله تكونوا بخير 🥰 بالنسبة لتطوير اللغات - مهما كانت اللغة - لازم نركزوا على 4 جوانب لي هم : 1/الاستماع (Listening 🎧) 2/التحدث (Speaking 🗣️) 3/القراءة (Reading 📖) 4/الكتابة (Writing ✍️) 🎀ننصحكم تخصصوا من 30 الى 60 min و تقسموها على 4 ✅ الإستماع : تفرجوا على فيديوهات مقابلات طبية في اليوتيوب و افضل لو تكون فيها الترجمة باه تفهموا وش راهم يهدروا و  تحفظوا ✅ التحدث : حاولوا تعاودوا تشرحوا لأنفسكم وش تعلمتوا بصوت مرتفع ✅ القراءة : أقراو مقالات قصيرة بالفرنسية و لا كورات تحتاجوها العام المقبل ✅الكتابة : ديروا قاموس طبي شخصي و اكتبوا فيه المصطلحات و المفردات الطبية و الكلمات لي نستعملوها بكثرة في المستشفى #Dr_Dopamine 👩🏻‍⚕️

وإلى كل من لم يُكتب له النجاح هذه المرة...🥀😞 أعلم أن الأمر مؤلم ومن حقكم أن تحزنوا لكن لا تجعلوا نتيجة واحدة تُشعركم أن الطريق انتهى البكالوريا امتحان مهم لكنها ليست نهاية الحياة ولا هي المقياس الوحيد لقيمة الإنسان خذوا وقتكم واستعينوا بالله ثم انهضوا من جديد قد يكون الله ادّخر لكم خيرًا لم تروه بعد لا تخجلوا من إعادة المحاولة ولا تسمحوا لكلام الناس أن يُطفئ الأمل في قلوبكم أسأل الله أن يعوّضكم خيرًا ويكتب لكم فرحةً تُنسيكم كل تعب وأن يرزقكم النجاح والتوفيق في المرة القادمة🤍 مع تحياتي🥹و اتمنى لكم توفيق في حياتكم #drmorphine 🎀🌷

إلى كل من رزقه الله النجاح في البكالوريا...💗💗 ألف مبروك لكم وأسأل الله أن يبارك لكم فيما آتاكم ويوفقكم في مشواركم القادم🥹🩷 ولا تنسوا أن تحمدوا الله على هذه النعمة فهناك من كان يتمنى أن يفرح اليوم ولم يُكتب له ذلك وهناك من لم تكن النتيجة كما كان يرجو فاشكروا الله على فضله ولا تجعلوا النجاح سببًا للتكبر بل اجعلوه دافعًا لبداية أجمل واسألوا الله الثبات والتوفيق نسأل الله أن يفرّح قلب كل من لم ينجح، ويعوّضه خيرًا فما عند الله خير وأبقى 🤍 #drmorphine🎀🌷

اهل القناة من طلاب الباك .. ياادرا .. وش درتوا فيها 😁😁😁 #الطالب

السلام عليكم أطباء و طبيبات المستقبل 🤍 U can ask any question here 🙂‍↕️⬇️ و رح نجاوب على كامل أسئلتكم إن شاء الله . https://ngl.link/ #Dr_Dopamine 👩🏻‍⚕️

الذكرى 64 لعيد الاستقلال

5 جويلية 1962 / 2026 أدام الله على وطننا الحبيب نعمة الأمن والاستقرار ورفع رايته خفاقة بين الأمم وكل عام والجزائر شامخة حرة أبية ❤️‍🔥🇩🇿 تحيا الجزائر 🇩🇿🇩🇿 حرة مستقلة المجد والخلود لشهدائنا الأبرار ❤️ #drmorphine 🎀