qos paraq🤍

Сенен бас тарқанға талпына берме! Хазіреті Әли

🤍

Жай ғана әңгімелесіп отыр едік, ол кенет түс көргендей жалт қарады да: -Маған гүл сыйлаңызшы..,- деді. Тосын өтініш қызық көрінсе де, «Жақсы, дәл қазір ме?» деп сұрадым. Ол бетін теріс бұрып әкетті: «Ол жағын өзіңіз шешерсіз»... Сәл үнсіздіктен соң қайта бұрылып: -Бірақ маған жұпар иісті, күлгін түсті раушан гүлін сыйлаңызшы... Кейін сары түсті раушан гүлін, одан алқызыл раушан гүлін, сосын нарттай қызылын тарту етіңізші... - деді. -Коллекция жинайын деп жатыр ма ең? -… Оның ішкі ойын түсінбесем де, туған күнінде күлгін түсті раушан гүлін сыйға тарттым. Ол разы болды. «Мереке көп қой, қалғанын тағы сыйлай жатармын» деп қойып қойғанмын. Ол да «гүл сыйлашы...» деп қайта өтінбеді. Жақында «Гүлстанды» оқып отырып, гүл сыйлау әдебі жайлы әңгіме тауып алдым. Оқи отырып, ұялдым. «Күлгін түсті раушан-тұрмыстанбаған аруларға тартылар болса, сары түстісі- неке қию салтанатында сыйланады екен. Алқызыл гүл жас-келіншекке, нарттайы- жас анаға беріледі». Ол маған астарлы дүние айтыпты, мен болсам, білімсіздік танытыппын….

💌

«Ұққаным – есейгенде дос та азаяды, есейген жан досқа мұқтаж да болмайды. Таңдап сүйген жалғыздығы асау жүйріктей ешкімді маңайлата бермей жанталасады. Өзімен-өзі болғысы келіп, өз жанын өзі бір сәт ұйып тыңдағысы келіп оңаша қалғанды қалайды. Жылқы үйірінен адасқанда кең даланың төсін айырып, ұшқан құстай желіп бара жатпай ма? Парлап бара жатқан бойындағы ащы тер ме, ащы жас па, жаратылысы ғана білер...»

❤️

Жер үстін мекендейтіндер жанымды тіліп өткенде, жүрекке ауыр мұң салғанда, сеніміме селкеу түсіріп, жігерімді сындырған сәтте... мен саған қызығамын,әпке. Пенденің не берсе де, жетпей тұратын көңілінен шығар, кеш Құдай бұнымды. Десе де, кім не айтса да естімейтін, білмейтін, сезбейтінің үшін сендей болғым келеді. Сен сияқты жер астында...сыз топырақта..мына өмірден алары да, берері де жоқ бір төбе болғым келеді. Осындай сәтте жаныма сен жетпей тұрасың. Менде бар болғаныңда ғой, басқаша болушы еді бәрі.

🤍