Тўрақўрғон тумани ҳокимлиги |расмий канали

Тўрақўрғон тумани прокурори А. Юсупов Туркистон маҳалласи ёшлари билан учрашди. Учрашувда йиғилганларга юртимизда ёшларнинг ҳуқуқ ва манфаатларини ҳимоя қилиш ҳамда уларнинг қобилият ва интилишларини қўллаб-қувватлаш, тадбиркорликка жалб этиш, бандлигини таъминлаш бўйича олиб борилаётган ишлар хусусида маълумот берилди. Самимий ва кўтаринки кайфиятда ўтган мулоқот давомида ёшлар ва уларнинг ота-оналари томонидан тиббий ёрдам, кредит, бандлик масалалари бўйича таклиф ва муаммолар тингланди. Ёшларга берилаётган эътибор, мурожаатларнинг ижобий ҳал этилиши туфайли кўплаб муаммолар ҳал этилмоқда. Бунга учрашувларда айтилаётган миннатдорчилик сўзлари исботдир.

#spektakl Bugun To‘raqo‘rg‘on tumani madaniyat bo‘limi tasarrufidagi “Oqtosh” madaniyat markazida "Nihol" xalq teatri jamoasi tomonidan mahallalardagi o‘quvchi o‘g‘il-qizlar uchun "Razolat o‘yini" nomli spektakl namoyish etildi. Tarbiyaviy ahamiyatga ega g‘oyalar bilan boyitib, sahnalashtirilgan mazkur asar, yoshlarga va barcha tomoshabinlarga manzur bo‘ldi. To‘raqo‘rg‘on tumani madaniyat bo‘limi axborot xizmati

"Биз бир бўлсак ягона халқмиз-бирлашсак Ватанмиз" шиори остида "Маънавият фестивали" тадбирлари якунига етди Ватанимиз мустақиллигининг 33 йиллиги муносабати билан Республика Маънавият ва маърифат маркази, Маданият вазирлиги, Ўзбекистон маҳаллалари уюшмаси, “Маърифат” тарғиботчилар жамияти, Ёшлар ишлари агентлиги ва Ўзбекистон ёзувчилар уюшмаси ҳамкорлигида ташкил қилинган фестивал туманимизда ҳам зўр кўтаринкиликда ўтди. Исҳоқхон Ибрат номли мажмуадаги кечки дастур фестивалга якун ясади. Унда янграган қўшиқлар, шеъру ибратли сўзлар барчани ватанимизни кўз қорачиғидек асрашга, шукроналик билан яшашга даъват этди.

Мы – один народ и одна страна!» В Туракургане стартовал фестиваль духовности под лозунгом «Мы – один народ и одна страна!». https://nampravda.uz/obschestvo/my__odin_narod_i_odna_strana.html

Тарихий обидалар ўтмишдан сўзлайди Тўрақўрғонга қадам ранжида қилган меҳмонлар Ахсикент тарихий обидаси ҳамда Яккатом маҳалласида қад ростлаётган “Янги Ахси” мажмуасини зиёрат қиладилар. "Биз бир бўлсак ягона халқмиз-бирлашсак Ватанмиз" шиори остидаги "Маънавият фестивали" тадбирлари давомида меҳмонлар ана шу икки табаррук жойда бўлдилар. Улкан ихтиролар, ўз даврининг инновациялари маркази, тамаддун ўчоғи бўлган Ахсикент ёдгорлиги 100 гектар ҳудудни эгаллаган бўлиб, ҳозирда бу ерни туризм масканига айлантириш учун катта лойиҳалар амалга ошириляпти. Янги Ахси мажмуаси эса маҳобати, такрорланмас меъморий ишланмалари билан алоҳида диққатга сазовор. Маънавият тарғиботчиларида мазкур тарихий жойлар катта таассурот қолдирди.

Ибратли оилалар – жамият файзи Туманимизда меҳмон бўлиб турган пойтахтимиздан ташриф буюрган бир гуруҳ олимлар, шоир ва ёзувчилар, кино, театр актёрлари, санъаткорлар Гулқишлоқ маҳалласида яшовчи Умринса Эрматова, Янгиҳаёт маҳалласидан Икромжон Исоқжоновларнинг файзли хонадонларида ҳам бўлишди. -Наманганга келганимиздан бери кўнгилларимиз чоғ, қаерга бормайлик, ибратли оилалар кўплигидан хурсанд бўляпмиз. Гуллар шаҳрининг акси ҳар бир маҳаллада жаранг бериб турибди,-деди Ўзбекистон Республикасида хизмат кўрсатган маданият ходими Зулфия Мўминова.-Тўрақўрғон спортчилар, билимдонлар, ҳунармандлар юрти эканлиги эса алоҳида эътирофга лойиқ. Мулоқотларда Ўзбекистон Республикасида хизмат кўрсатган артист Тошпўлат Маткаримов дилтортар қўшиқлари билан, актриса Муҳаббат Абдуллаева, профессор Тўлқин Эшбековдан эса ижод намуналари тингланди.

Ўзбекистон Республикаси Президентининг 2023 йил 25 декабрдаги “2024 - 2026 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш чора-тадбирлари тўғрисида”ги ПҚ-404-сонли қарорларига асосан Тўрақўрғон тумани ҳудудида 2024 йил давомида 10 та объектларда шундан 4 таси мактабларда қурилиш-таъмирлаш ишларини амалга ошириш режалаштирилган. Туман ҳокимининг қурилиш масалалари бўйича ўринбосари Ф.Махмудов томонидан умумтаълим мактабларида таъмирлаш ишларини кўздан кечириш давомида ишларни белгиланган муддатига қадар сифатли якунлаб, фойдаланишга топшириш бўйича топшириқлар берилди.