Baxbergen Nurimbetov pikirleri

Tólepbergen Qayıpbergenov atındaǵı ádebiyat hám kórkem-ónerdi rawajlandırıw fondı óziniń dáslepki joybarın tabıslı juwmaqladı. Joybar "Qarashaydan-Qaratawǵa shekem" -dep atalǵan bolıp, ádebiyat hám kórkem-ónerge qızıǵatuǵın jaslar, ómirde úlgi alarlıqtay jerleslerimiz benen sáwbetlesip, olardıń ómirinde jaqsı tárepke ózgeriwine sebebshi bolǵan waqıyalardı tıńlap, sol waqıyalar tiykarında óz dóretpelerin tayarlawı kerek edi. Joybar júdá jaqsı bolıp ótti. Joybarda rus tilinde moderator sıpatında joybar avtorı Muxammed Kaipbergenov alıp barǵan bolsa, Qaraqalpaq tilinde men alıp bardım 😊. Tashkent qalasında bolıwıma qaramastan isenim bildirip mirát etkenligi ushın shólkemlestiriwshilerge úlken minnetdarshılıq bildiremen🙏! Xalıqımızdıń kóp intelegent wákilleri jıynalǵan keshe boldı dep oylayman. Bizde "Bası topqa kirmegen jigit" -degen, unamsız mánistegi sóz bar. Jámiyetten, qatardan qaldırmaǵanı ushın allaǵa shúkir!

Бул қаланың көшесинен жүргенде, Билинбейди тоқлығым я ашлығым. Еске түсер гүўлеп өткен жаслығым, Бул қаланың көшесинен жүргенде! Ассалам туўған жер, Ассалам Нөкис! Бәршеңизге бүгинги ҳайт қутлы болсын!

#music_time Janım qolıńdı ber, Búgin qádir tún, Láylátúl aqsham, Láylátúl aqsham. Bársheńizdiń jaqsı niyet, tileklerińiz qabıl bolǵay 🙏!

"Akang uje kuchaydi 😎" rubrikasınan 😁 Startap joybarlar tańlawına qatnasıw ushın ótken jıl aqırında juwapkershiligi sheklengen jámiyetti Mámleketlik dizimnen ótkergen edik. Bıraq, jámiyettiń mórin (печать) isletip úlgergen joq edik. Sol startap tańlawda joybarımız jeńip da shıqqan joq. Jeńilgen gúreske toyama?! Startap joybarlar ushın Innovaciyalardı rawajlandırıw agentliginiń bul saparǵı tańlawınada tap sol joybardı ustazlarım menen oylasqan halda usınıwdı maqset ettik hám mórdide aldıq. Mine búgin MCHJ direktorı Nurımbetov tastıyıqlaǵan hújjetlerdi tańlawǵa jiberip otırmız 😁. Bul joybardıń TITU NF ke baylanıslı jerin aytsam, eger rastan joybar jeńip shıǵıp, bári oydaǵıday bolsa filial 20 studenti múddetli, al 3 studenti bolsa turaqlı jumıs ornı menen támiynleniwi reje etilgen. Tilekles bolıp turaberesizler 😊! P.S.: Jeke móriń bolǵanı qızıq eken-ay))!

#happy_birthday #Tuwılģan_kún Búgin filialımız jáne bir belsendi student-qızlarınıń biri Aynura Maysanovanıń tuwılǵan kúni eken! Aynuranı qutlıqlap, filial studenti Zuxra Yusupbayeva tómendegishe xabar jibergen eken: "Aynura búgingi tuwılģan kúniń menen shın júrekten qutlıqlayman. Jasıńa jas qosıla bersin. Ata-anańnıń, bárshe jaqınlarıńıń, bizlerdiń aldımızda aman bolģaysan. Hesh qashan awırmay, hesh qashan ómirde óz ornıńdı joģaltpaģaysan. Ramazan ayında ne niyetlegen bolsań bárshe niyetleriń orınlanıwına tileklespen. Hámiyshe báhár gúllerindey ashılıp, oynap kúlip júre bergeysen. Jáne bir márte búgingi tuwılģan kúniń qutlı bolsın💐💐💐🎁🎁🎁🎂🎂🎂". Bizde Aynuraǵa barlıq jaqsı tileklerdi bildirip qalamız! 🎉💐👍

#happy_birthday #tuwılǵan_kún Búgin filialımız pitkeriwshi kurs studenti, belsendi qızlarımızdıń biri Baytilewova Gúljáhánniń tuwılǵan kúni eken 🎉🎉🎉. Onı qutlıqlap, barlıq doslarınıń atınan Dáwletmuratova Juldız tómendegishe xabar jibergen: "Gúljahan tuwılģan kúniń menen. Jasıńa-jas qosılsın. Bekkem den-sawlıq, tawsılmas baxıt, áwmet hámiyshe saģan yar bolsın. Barlıq oylaģan arzu-armanlarıńa jetisebergeyseń." Bizde óz gezeginde, Gúljáhánge tabıslar joldas bolıwın tileymiz! Usı bıyıl oqıwdı tamamlaǵannan keyin rejelesitirip qoyǵan isleride áwmetli bolsın! 😊👍

Óz suwınıń boyın súymes qay terek, Sen tawımsań meniń arqa súyegen. «Jáyhún jaǵasında ósken bayterek» -Dep baslanǵan gimnińdi súyemen. O suveren Respublikam, Watanım, Seni súyiw huquqına iyemen. Mustaqıllıq - biyǵárezlik samalı, Júzlerińdi jelpip turǵay mudamı. 1993-jıl 9-aprel Qaraqalpaqstan Respublikası Konstituciyası qabıl etilgen kún! Bársheńizge bayram, 30 jıllıq qutlı bolsın, Watanlaslar!

Bilmedim kópshilikte sondayma, yáki tek bizlerdeme: bala waqıtlarımızda anamız bir jumısları menen úyge kesh qaytatuǵın bolsa úyde ákemiz awqat asıp beretuǵın ediǵo?! Mende keleshekte kelinshegim bir jerge barıp, keshlew qaytatuǵın bolsa ballarıma awqat asıp bere alatuǵın dárejede bolsa da awqat pisirip úyrenip aldım 💪😊. (c) aspaz BN 👨‍🍳!

Nesip qılsa biziń TITU dıń "Parnas"ı ele kóp úlken shıńlarǵa shıǵadı. Farxad aǵa hám Maxmudqa qolınan kelgenshe háreket etkenligi, Farxad aǵa 2-etap da barlıq qarsılaslardı jeńgenligi, kerek bolsa studentler menen birge saxnaǵa shıqqanlıǵı, barlıǵı-barlıǵı ushın RAXMET 👍🙏🫡! Student jigit-qızlarǵa da raxmet, kóz tiymesin barlıǵı awızbirshilikli hám sıylasıqlı!