كــل يوم مـــعلومة (nursing)👨‍⚕️❤️

‏ولد ٥ سنين جاي المستشفي بيكح د.م ‏ماله ياجماعه اصله شرق في شوكة سمك و وقفت في زوره ‏ابنك بلع شوكة سمك؟ طب تأكله لقمة عيش ناشفة ولا تخبطه على ظهره؟ ‏(إياك تعمل الكوارث دي.. إنت بتغرزها في جسمه!) ‏أكبر غلطة بنعملها هي إن ‏أول ما الطفل يشرق من شوكة "وصفات الجدات" بتشتغل: "أكله لقمة عيش حاف عشان تسحب الشوكة وتنزلها المعدة".. الكارثة إن التصرف ده هو اللي بيحول "خدشة بسيطة" لـ "عملية جراحية ونزيف"! او خبطله علي ضهره ‏إياك! الشوكة سنها رفيع وحاد. لقمة العيش وهي نازلة بتقل حجمها بتضغط على الشوكة وتخليها تخترق (جدار المريء) بعمق. إنت كده "بتدك" الشوكة جوه الأنسجة، وممكن تعمل (ثقب في المريء) أو نزيف لا قدر الله! ‏الشوكة جسم رفيع مش سادد النفس، الخبط مش هيحركها من مكانها بالعكس ممكن يخليها تجرح الزور أكتر! ‏(التصرف العلمي السريع للإنقاذ في البيت): ‏لو عايز تحل المشكلة في البيت بأمان بالتليين أو السحب الناعم): ‏١- معلقة زيت زيتون: خلي المصاب يشرب معلقة زيت زيتون.. الزيت بيعمل طبقة لزجة (تشحيم) في الزور وممكن يخلي الشوكة تتزحلق وتنزل بسهولة. ‏٢- الموز : خليه ياخد قطمة موز كبيرة شوية، يسيبها في بوقه ثواني لحد ما تبقى لينة جداً (زي العجينة) ويبلعها مرة واحدة. الموز ملمسه ناعم ولزج، هيمسك في الشوكة وينزل بيها للمعدة من غير ما يجرح أي أنسجة. ‏٣- قطعة مارشميلو: نفس فكرة الموز، ملمسها اسفنجي ولزج وبتاخد الشوكة في سكتها بأمان تام ‏لو جربت الحلول دي والشوكة لسه موجودة، أو الطفل حاسس بوجع شديد مش بيقل.. ‏التوجه فوراً لـ (طوارئ أنف وأذن وحنجرة) ‏الدكتور عنده "منظار بسيط" بيلقطها في ثواني بملقاط مخصص بدون أي ألم أو جراحة. منقول

تركايه بسيطه:- اوعي تكون لسه عايش ع انك تاخد مقياس لحالة ع فينت وsedation لسه بتقيس ب GCS ...لا احنا المفروض مع Sedation بنقيس ب RASS ... بالتوفيق للجميع أن شاء الله.....♥️🌹 لاف❤️ لو استفدت ✅

معلومه علي السريع 🤏 مكونات الكراش كار📌 عربة الكراش_كار ( Crash Cart ) ، أو تسمي عربه الانعاش🖋 تتكون من مجموعة من الأدراج والأرفف سهل تحركها من مكان لأخر.. تتوافر بشكل أساسي ف هذه الأقسام ( العنايه المركزه icu _ عنايه القلب ccu _ قسم العمليات _ قسم الطوارئ _ قسم الداخلي) 👌 👈🏻الدرج الأول: ـ"الأمبولات" ادرينالين/ اتروبين/ لازكس/ دوبامين/ديبوتركس/ نورادرينالين/ترايديل/ كالسيوم/ ماغنسيوم سلفيات/ صوديوم بيكارب/كلوريد بوتاسيوم/كورادارون/ ايزوبتن/ زيلوكين فيال / أمينوفلين ــــــــــــــــــــــــــــــــــــــــــــ 👈🏻الدرج الثاني:ـ سرنجات 3 ،5 ،10 ،20سم /سرنجة رايل/كانيولا مقاسات/رباط شاش /بالاستر/ جيل معقم/ خافض لسان /جهاز وريد/ وصلة وريدية /وصلة ثلاثية / جوانتيات معقمه ــــــــــــــــــــــــــــــــــــــــــــــــ 👈🏻الدرج الثالث:ـ منظار حنجرى/أنابيب حنجرية مقاسات/ممر هوائى مقاسات ماسك امبوباج"كبار، صغار " ماسك اكسجين" أطفال ، كبار"/ماسك نيبوليزر/ نيزل اكسجين ـــــــــــــــــــــــــــــــــــــــــــــــــــــــــــــــ 👈🏻الدرج الرابع:ـ أنبوبة معدة/رايل مقاسات/قسطرة بولية مقاسات/قسطرة تشفيط/كيس جمع البول/قسطرة(CVC) /بيتادين 10٪زجاجة..... ________ 👈🏻الدرج الخامس:- (محلول ملح _رينجر _جلوكوز _ مانيتول) _______ 👈🏻علي سطح العربه:- (جهاز الصدمات _ أنبوباج كبير _ جهاز ضغط _ سماعه _ جهاز سكر) __________ 👈🏻علي جانب العربه:- لوحه الــCPR تستخدم ف الأنعاش القلب الرئوي لاف❤️ لو استفدت ✅

👇👇

ببساطة، بروتين الـ (D) المسؤول عن الفصيلة الموجبة موجود على كرات دمها، بس "خجلان" أو عدده قليل جداً لدرجة إن التحليل العادي مبيشوفوش، فبيفتكرها (سالب). ​السر وراء التعامل المزدوج ده هو "قاعدة الأمان القصوى": ​في التبرع: لو عطينا دمها لشخص (سالب) تماماً، جهازه المناعي "القوي" هيلاحظ الشوية الصغيرين من بروتين (D) ويهاجمهم.. فبنعتبرها (موجب) حمايةً للمريض. ​في الاستقبال: لو عطينا لها دم (موجب) صريح، جهازها المناعي "اللي مش متعود على الكميات الكبيرة" ممكن يشوف الدم الجديد كعدو ويهاجمه.. فبنعتبرها (سالب) حمايةً ليها هي شخصياً. بنك الدم بيتعامل بمبدأ "الأسوأ" في الناحيتين عشان يضمن إن مفيش أي تفاعل مناعي يحصل، لا للمتبرع ولا للمستقبل. لاف ✅لو استفدت ❤️

🏺المعلم اللي قدامك ده أمبول ال #Atropine#. كنا بنديه زمان في حالات Cardiac Arrest ، لكن الـ guidelines الجديدة من American Heart Association شالته من البروتوكول. ليه؟ لأن الدراسات أثبتت إنه ماحسّنش نسب النجاة ولا رجوع النبض في حالات الـ arrest، فبقَى ملوش فايدة حقيقية وقت الإنعاش. 🔳دلوقتي استخدامه الأساسي بقى في حاجة تانية مهمة: لو عندك Bradycardia ومعاها أعراض زي هبوط ضغط، دوخة، أو قلة وعي ساعتها يشتغل كويس جدًا. 💉 الجرعة: 1 mg IV وتتكرر كل 3–5 دقايق. ⚠️وأقصي جرعة 3 مجم بس يعني آخرك 3 أمبول من Atropine. ليه بقى يا عم أتروبين ؟ 🎤يقولك ببساطة… أنا شغلي إني أوقف تأثير العصب الحائر (Vagus) اللي بيبطّأ القلب. ▪️أول أمبول… أبتدي أضعّف تأثير العصب الحائر ▪️تاني أمبول… التأثير يقل أكتر. ▪️تالت أمبول… كده أنا تقريبًا قفلت تأثير العصب الحائر بالكامل على القلب. 🤔بعد كده؟ لو القلب لسه بطيء، يبقى المشكلة مش من العصب الحائر أصلاً… تبقى غالبًا مشكلة في نظام التوصيل الكهربائي للقلب. وساعتها أنا مش هافيدك أكتر حتى لو زودت الجرعة. علشان كده إرشادات American Heart Association قالت: خلاص… أقصى حاجة 3 mg. ولو القلب ما استجابش؟ يبقى نروح لحلول تانية زي Transcutaneous Pacing أو أدوية تانية ترفع النبض زي Dopamine و Epinephrine. . ⚡ 🛑طيب يا عمي إيه الحالات اللي ما ينفعش ندي فيها ال أتروبين ( Atropine Contraindications) يقولك دواء Atropine فعلاً يُمنع أو يُستخدم بحذر في بعض الحالات لأنه يسبب Anticholinergic effects يعني: يقلل حركة الأمعاء – يوسّع الحدقة – ويسبب احتباس البول. يعني إيه يا عم أتروبين!؟ يقولك تعالي نعدّي عليهم بسرعة: 🛑Paralytic ileus لأنه أصلاً الأمعاء واقفة عن الحركة، وأنا هقلل الحركة أكتر… فالمشكلة تسوء. 🛑Ulcerative colitis (خصوصًا الحالات الشديدة) ممكن أزود خطر حدوث Toxic megacolon بسبب تقليل حركة القولون. 🛑Obstructive GI disorders لو في انسداد في الجهاز الهضمي، تقليل الحركة ممكن يزوّد الانسداد ويعمل distension. 🛑Benign prostatic hyperplasia في مرضى Benign Prostatic Hyperplasia أنا ممكن أعمل urinary retention لأني بقلل انقباض المثانة. 🛑Myasthenia gravis في مرضى Myasthenia Gravis قد يضعف النقل العصبي-العضلي ويزود ضعف العضلات. 🛑Narrow-angle glaucoma في مرضى Angle-Closure Glaucoma أنا بوسّع الحدقة… وده ممكن يرفع ضغط العين. ⚠️ الخلاصة: لو المريض عنده مشاكل في الأمعاء، البروستاتا، العضلات العصبية، أو ضغط العين يبقى لازم نفكر كويس قبل ما ندي Atropine. صديقي الغالي لو استفدت شارك المعلومة علشان توصل لغيرك 😍 وأهم حاجة ما تنساش تتابعنا علشان اللي جاي خير بإذن الله 💯❤️💙 لاف ❤️لو استفدت ✅

👇👇

عملية غسل كرات الدم هي إجراء يتم فيه شطف كرات الدم الحمراء بمحلول ملحي معقم (Saline) ثم فصلها بجهاز الطرد المركزي للتخلص من البلازما المحيطة بها. ​أولاً: متى نلجأ لغسل كرات الدم الحمراء؟ نلجأ لهذا الإجراء في حالات طبية محددة جداً تهدف للتخلص من "بروتينات البلازما" وليس الخلايا، وهي: ​المرضى الذين يعانون من حساسية شديدة جداً (Anaphylaxis) تجاه بروتينات البلازما ولا تستجيب أجسامهم لمضادات الهيستامين العادية. ​المرضى الذين يعانون من نقص وراثي في بروتين (IgA) ولديهم أجسام مضادة ضده؛ حيث أن نقل أي كمية بلازما تحتوي على هذا البروتين قد تسبب لهم صدمة تحسسية قاتلة. ​حالات نادرة لدى الأطفال وحديثي الولادة لتقليل مستويات البوتاسيوم المرتفعة في كيس الدم القديم أو للتخلص من المواد الحافظة. ​ثانياً: هل الفلترة تغني عن الغسيل؟ الإجابة هي (لا)، والسبب أن الهدف من كل منهما مختلف تماماً: ​الفلترة (Leukocyte Reduction): هدفها إزالة "كرات الدم البيضاء" لمنع حدوث التفاعلات الحمّية (Febrile Reactions) أو منع انتقال فيروسات مثل CMV. ​الغسيل (Washing): هدفه إزالة "بروتينات البلازما" والأجسام المضادة والسوائل المحيطة بالخلايا. ​ملاحظات هامة عند طلب الدم المغسول: ​عملية الغسيل تسبب فقدان حوالي 10% إلى 20% من كرات الدم الحمراء الموجودة في الكيس الأصلي. ​بمجرد غسل الدم، تصبح مدة صلاحية الكيس 24 ساعة فقط (لأن النظام يصبح مفتوحاً وهناك خطر تلوث بكتيري)، لذا يجب نقله للمريض فوراً. ​الفلترة إجراء روتيني في كثير من المستشفيات، أما الغسيل فهو إجراء خاص لحالات الحساسية الشديدة فقط.

👇👇

كيس الدم “المُشعَّع” (Irradiated Blood) هو دم يتم تعريضه لأشعة جاما أو أشعة سينية قبل نقله للمريض. لماذا يُشعَّع؟ لِـ تعطيل خلايا المناعة (اللمفاويات) الموجودة في دم المتبرع، حتى لا تهاجم جسم المريض. الهدف الأساسي: منع مرض خطير اسمه: رفض الطُعم ضد المُضيف (TA-GVHD) وهو قد يحدث عند بعض المرضى ضعيفي المناعة. لمن يُستخدم؟ يُعطى عادةً لـ: مرضى السرطان زراعة نخاع ضعف المناعة نقل دم من قريب حديثي الولادة أحيانًا مهم: 🔹 الإشعاع لا يجعل الدم خطرًا 🔹 لا يسبب سرطان 🔹 لا يؤثر على فائدة الدم هو فقط إجراء أمان إضافي ✅

كيس الدم “مُفلتر” يعني أنه تم تمرير الدم عبر فلتر خاص لإزالة أغلب كريات الدم البيضاء قبل نقله للمريض. الفائدة: يقلّل خطر الحمّى بعد نقل الدم. يخفّف احتمال ردود الفعل المناعية. يقلّل انتقال بعض الفيروسات المرتبطة بالكريات البيضاء. مهم لمرضى نقل الدم المتكرر، ومرضى السرطان، وزراعة الأعضاء. الخلاصة: يتم “تصفية” دم المتبرع قبل إعطائه للمريض ليكون أكثر أمانًا وأقل مضاعفات.

اللي قدامــك دا تيراتام او tiratam ومادته الفعالة levetiracetam تعالي ندلعه يسيدي 1. بيشتغل عن طريق أنه بيرتبط ببروتين SV2A ف الحويصلات العصبيــــة ويقلل النواقل العصبية المثيرة ، فيقلل التفريغ الكهربي الزياادة ولذلك هتلاقيه يستخدم ف الـ seizures او التشنجات ( علاجي او وقائي) 2. اكتر من 60٪ منه بيخرج عن طريق الكلى، ولذلك لازم تعديل للجرعة لو ف severe RF بناءاً ع الـ creatinine clearance ( CrCl) 3. الجرعة الفموية = الجرعة الوريدية يعني لو هنشفت من وريدي ل فموى، مش هنعدل الجرعة Bioavailability ≈100% 4. بيتحل ف محلول ملح او رينجر لاكتات او جلوكوز 5٪، ف 100 ملل ع مدار 15 دقيقــــة . levetiracetam =leve = leave it 15 mins مش بيتاخد push ومش بيتاخد ف 10 ملل ! 5. أهم عرض جانبي لازم تتابـعه هو الهياج paradoxical agitation ساعتهاا ممكن طبيب المخ والأعصاب يشـفت لحاجة تانية لاف❤️ لو استفدت ✅

خد بالك لما تيجي تدي مانيتول 🟣 مش صح انك تديه ببطيء ويقعد ساعتين وتلاتة شغال . ✅ الصح: انه يخلص في 20 ل 30 دقيقة (أو حسب الجرعة بس اخره ساعة). ليه؟ المانيتول ده Hyperosmolar fluid فكرته إنه بيشفط الماية من نسيج المخ المتورم (Brain Edema) يوديها الدم.. بس بشرط! إنه يفضل جوه الأوعية الدموية وميعديش ال Blood-Brain Barrier. ⚠️ المشكلة هنا فين : لو المانيتول اتأخر وخد وقته (Slow Infusion) بيبدأ يتسرب بالتدريج ويدخل جوه نسيج المخ نفسه وساعتها هيعمل مفعول عكسي (Rebound ICP) هيشفط الماية من الدم ويدخلها المخ ويزود الورم بدل ما يعالجه 🙁 متنساش اننا بنديه ف Wide-bore cannula او Central line ولو مريض قلب او ضغط بنسمع صدر العيان وبنتابع ضغطه أول ما يبدأ المحلول. #Mannitol #Brain_Edema لاف❤️ لو استفدت ✅

اللي قدامـك دا هو بيكوزيم او مشهور بـ b-com او بي كومبلكس تعالي نروق عليه وعليك 1. بيحتوى علي كولكشن ڤيتامينات بي محترم vitamin B1, vitamin B2,vitamin B6 , vitamin B12, biotin, vitamin B3 التركيبة احياناا تختلف حسب الشركـــــة المصنعة، يعني مش لازم تلاقي فيه كل ڤيتامينات بي 2. هو ڤيتامين ! استخداماته سهلة التوقع malnutrition سوء تغذية post operative بعد الجراحات vit b12 deficiency anemia poor appetite ضعف الشهية diabetic neuropathy اعتلال الأعصاب الناتج عن السكر 3. بيتاخد IM او IV، ولكن ممنوع يتاخد IV push يُحل ف 50 لـ 100 ملل محلول ملح او جلوكوز 5٪، ويُعطى ع مدار 15 دقيقة 4. لون البول بيتغير مع الاستخدام طويل الأمد لـ أصفر فاقع او أصفر فوسفوري بسبب ڤيتامين بي 2 ( طبيعي جدا)، لازم توعي العيان عن الأثر الجانبي داا عشــان ميفكرش انهاا علامة خطر 5. من آثاره الجانبية النادرة ولكنهاا life threatening هي :- حساسية الثيامين ( بعض المصادر تشترط اختبار تحسس ف أول مرة) ، وانخفاض ضغط الدم ( خاصةً مع الـ IV push ) لاف❤️لو استفدت ✅

السلام عليكم بالله عليكم محتاج حد في مستشفي ١٥ مايو في حلوان ابن اختي محجوز ف الحضانة هناك لو حد هناك او يعرف حد هناك يكلمني @Bashar1shehata

تحليل_وظائف_الكلى_RFT. ــ عدنا أربع اشياء مهمه ممكن عن طريقهم نشوف كفائة الكلى اولا-Urea اليوريا أو البولينا الناتج الرئيسي والنهائي لعملية ال Metabolism للبروتينات .. تتكون في الكبد ومن ثم تمر للكلى عن طريق الدم وتخرج ف النهاية مع البول تكون نسبتها الطبيعية اللي مكتوبة في التحليل من (20-40 مجم/ديسي لتر ) ...... اذا كانت نسبتها في نتيجة التحليل زيادة عن الطبيعي فيكون احد الاسباب .. 1- إلتهاب كلوي حاد ومزمن 2- فشل كلوي 3- إنسداد بولي 4- حالات الجفاف ....... واذا كانت النسبة قليلة فيكون احد الاسباب ... 1- أمراض الكبد المتقدمة .. يعني الأمونيا بتتكون ويفشل الكبد في تحويلها ليوريا نتيجة لشدة المرض :( 2- زيادة معدل الغسيل الكلوي الصناعي 3- سوء التغذية والمجاعة .. يعني لا يوجد بروتين يؤدينا الى يوريا في النهاية أصلا ثانيا-Creatinine الكرياتينين .. يوجد كرياتين في العضلات يتكون من ثلت أحماض أمينية .. هذا الكرياتين عن طريق إنزيم إسمه Creatine kinase يتحول ل Creatine phosphate .. وهذا مصدر للطاقة خاص بالعضلات فقط .. يتم إستهلاكه وينتج شئ اسمه Creatinine .. هذا الكرياتينين من المفروض ان يخرج في البول عن طريق الكلى .... فالفرق بين Creatine and Creatinine clearance لا يتاثر بالأكل مثل اليوريا واليوريك أسيد وعليه فانه يكون هو أفضل مؤشر نستدل به علي سلامة الكلى) نسبته الطبيعية تكون من 0.5 - 1.5 نكرر مرة اخرى الرينج الطبيعي مكتوب في التحليل ...... لو وجدنا الكرياتينين في نتيجة التحليل زيادة عن الطبيعي يكون احد الاسباب ... 1- فشل كلوي ... الكليه تتخلص من الكرياتينين في البول فلو كانت الكلية تعبانه فانها لا تقوم بوظيفتها فتطرد الكرياتينين فتزيد نسبته في الدم ;) 2- ضمور ف العضلات ... العضلات تتكون من بروتينات .. لما يكون في ضمور والبروتينات هذه تتكسر فيخرج كرياتينين وتزيد نسبته ف الدم ;) ..... أما لو كان أقل من 0.5 ... وجدو إن 90% من اللي النسبة عندهم أقل من 0.5 طبيعيين ولايوجد عدهم مشكلة .. وبذلك عندما تكون النسبة اقل من الطبيعي ليست لهم اهمية وكذلك نجد في بعض التحاليل الرينج الطبيعي اعلى من 1.5 ثالثا -Uric acid حامض اليوريك هو الناتج النهائي لعملية ال Metabolism (التكسير) لل Purine bases اللي هما Adenine و Guanine اللي يدخلوا في تكوين الحمض النووي DNA و RNA .. يتكسروا وعن طريق Xanthine Oxidase .. X.O يُنتج يوريك أسيد ... يتأثر بالأكل والصيام لمدة طويلة ( بروتينات ) المستوي الطبيعي له ... Males ... 3-7 Females ... 2-6 80% منه يخرج مع البول عن طريق الكلي .. والباقي يخرج عن طريق الصفرا ......... لو وجدنا نسبته في التحليل زيادة عن الطبيعي ممكن يكون بسبب .. 1- فشل كلوي 2- حالات تسمم الحمل 3- سرطان الدم ... Leukemia .......... ولو وجدنا نسبته أقل من الطبيعي .. ممكن يكون بسبب .... 1- حالات الإلتهاب الكبدي الحاد 2- بسبب تناول بعض الأدوية مثل Zyloric مثلا اللي تحتوي على Allopurinol لإنه يعمل inhibition of Xanthine Oxidase وبالتالي يقلل تكوين اليوريك أسيد .. وهو في الأساس يستخدم للغرض هذا أصلا في علاج ال Chronic gout رابعا- Creatinine clearance تصفية الكرياتينين يعتبر هذا أدق تحليل يكشف عن وظيفة الكلى في ال 24 ساعة الماضية تتراوح نسبته في ال Males ما بين 90-140 ملليلتر/ دقيقة تقريبا وهذا بسب العضلات عند ال Males .. تتراوح نسبته في ال Females ما بين 80-125 ملليلتر / دقيقة تقريبا ..... وهذا بيعبر عن سرعة معدل الرشح للكلى .... يعني الكلى تصفي من ال Creatinine في الدقيقة وبالتالي لو وجدت Creatinine clearance قليل ممكن يكون قصور في الكلى .. لاف لو استفدت ✅❤️

"معلومه تمريضية" قبل متدي الهيبارين روح ألقي نظرة الاول علي آخر صوره دم CBC بص ع الصفائح الدموية PLT لو لقيتها قليله متديش وبلغ الدكتور عشان الهيبارين بيقلل الصفائح الدموية بيعمل HIT(heparin induced thrombocytopenia) وقبل متدي اي أدوية Anticoagulant لازم تقيس الضغط الأول عشان لو عالي مش هندي وهنعمل hold للجرعه دي ونبلغ لاف ♥️لو استفدت ✅️

الناس اللي بتتلخبط في Tubes المعامل