ИШКИН ОГЛУ / ISHKIN TV

"КЫЗЫЛЫМНЫҢ КЕЖЭЭЛЕРИ" ИШКИН ОГЛУ Делегейде делгем-чараш хоорайлар көвей-даа бол Кызылым дег эргим хоорай черле чок. Чуртувустуң төвү боор чараш хоорайывыска чаа ырыны бараалгадып тур мен. Сөзү: Седен-Очур Кара-Сал Аялгазы: Аңгырак Ондар Ыры Тува Musicте бөгүн үнүп келген.

Эртенгиниң мендизи-биле! Чедиишкинниг чедиликти күзедим. Чуртталганың улуг далайынче эштип кирер дээш белеткенип турган байлаң чаш чораан үелерим. (с) Ишкин оглу

ИШКИН ОГЛУ & БЕЛЛА "ЫНАКШЫЛ ДЭЭРГЕ" Чоокта чаа март 8 таварыштыр эрттирген оюн-көргүзүүмге элээн чаа ырыларны бараалгатканымны, концертке аалдап келген чонум бирги дыңнакчылары бооп көрген дыңнаан. Чаа ырыларның аразындан "Ынакшыл дээрге" деп чараш ырыны чонувус кончуг сонуургаан чүве. Сөзү: Седен-Очур Кара-Сал Аялгазы: Аңгырак Ондар Ыры Тува Music капсырылгазында бөгүн үнүп келген. Аянныг дыңналданы күзедим. Хүндүткел-биле, Ишкин оглу.

Продюсеривис Седен-Очур Кара-Салдың уран-чүүл школазын студиявыста ажыдып каан болгай. Соовустан кел чыдар талантылыг ажы-төл ында өзүп орар. Мээң-даа кезек ырыларымда, клиптеримде ырлап, киржип турар чаштар бо школаның өөреникчилери. АЙ-БЕС КАРА-САЛ. Фортепианода оюн. "Сумерки" деп кинодан аялга.

Чаа, амыр-менди. Дыштаныр хүннерни эки эрттирер силер. Чайлыг үеңерде бичии төөгүнү бараалгаттым. Кылык-килең. Аажы-чаңныг мен дээр амылыг бүрүзүнде, ылаңгыя кижиде бар бачыт. Кылыкты чагырып аары кончуг берге, ол багай чаңның салдарындан та чеже кижи бо амыдыралда түрээн чүве. Бодумнуң чуртталгамдан бир болуушкунну силерге сонуургадып көрейн, узун-даа эвес төөгү диин, чамдык улуска ажыктыг бооп чадавас. Узун бижиктен уйгу кээр болза, эргек салаа👍 дузалыг😉 Төөгүжүгеш "Найырның чуруу" Бир катап өөм ишти-биле чеди хонук ишти чер чоруур апарган бис. Дедир кээр үемде, Найыр деп эжим эр бисти Красноярсктан машиналыг уткуп аар болган, кады бир чугула чорук база чогудар бодалдыг турган бис. Узун орук чоруур үевис келген. Даңгаар эртен Кызылдан таксиге орупкаш 5 хире шак халдааш, өөм ишти-биле Абаканның ж/д вокзалында чедип келдивис. Поездивис дүъште 3 шак чартыкта үнер, ам чаа-ла 2 шак чедип турар. Дүжүртүнүп алгаш манап ор бис. Хенертен телефонум алгыра-ла берген, көөрүмге Найыр долгап турар: - Экии, брат. Шуут элдеп, сени Красноярсктан уткуп шыдавас апардым, ол үеде таныжым кыс-биле боттарывыстың чоруувус тыптып келди. Буруудатпайн көр - диди. Мен дораан хорадап, кылыктанып-ла эгеледим: - Бо кандаай кижи сен аа, эр кижи чаңгыс сөстүг боор эвес чүве бе?!....." дээш-ле бардым. Багай эжимниң телефонга чүзүн-даа артырбаан мен. Найыр девидээн уу-биле: - Адыр брат, ынчаарга эжим-биле сүмележиптейн, черле сени уткуп, демги чоруувус база чогудуп чеде бээр аргазын көрейн - дээш салып каапкан. Мен улаштыр смс-тер-биле шап кириптим: «Чоор сен, сээң ам херээң-даа чок, бүзүрел чок кижи-дир сен - бөгүн бирээни эртен өскээр чугаалаар» Күжүр эжим менче долгап, бижип шаг болган, кылыктанган уум-биле телефонум тутпайн ор мен. Сөөлгү смзин көөрүмге: "Хорадава даан, брат, таныжым кыс-биле силерни уткуп чеде бээр болдум" дээш каттырынчыг дүрзү тудуп алган чуруун вайбер таварыштыр октап каан болган, анаа амыдыралда оюн-баштаа база аттыг кижи. Чуруун көрүпкеш каттырыпканым бодум безин билбейн барган мен😁 оон бодумну "ойт, хорадап турар кижи чоп каттыра бердиң?" деп иштимде чугааланыпкаш, каткым дам барган😂 Кылыым ол дораан часты берген. Ам Найырга хорадавайн барганым көргүспес дээш, кезек када телефонум өжүрүп кааптым, ам-даа долгап, бижип хилинчектензин дээш. Шакты көөрүмге чаа-ла 2 шак. Телефон чокка 30-40 хире минут шыдаштым. Телефонум кыпсыптарымга Найыр-даа долгаваан, смстери-даа чок. Чүгле 5 катап Тимур деп эжим эр долгап чыткан болган, база-ла кады эдержир эживис диин. Тимурже удур долгаптарымга эгииш-тыныш девидээни аттыг: - Багай чүве болу берди... Найыр хоорай адаанда авариялай берген.. - деп чыдырда үзе кирип удур айтырдым - Кандыг-дыр кижиң? - дээримге - Шып каан чыдыр иин... депкен соонда карактарым караңгылай берген. Телефонум салып кааптым. ГАИ машиназының сиреназы кулаамда чаңгыланып чыдып калган... Вокзалдың сандайынга караам чажын чодуп, эжимниң сөөлгү чуруун көрүп ор мен: машиназын мунуп алган, топтап көөрүмге соңга өттүр хөөрлерниң ногаан херими көстүп турар. Хоорайдан халдып үнүп оргаш тыртырган чуруу болду. Эжимниң авариялай берген чери - көңгүс ырак эвесте БОМ дааның эдээ болду. "Өртемчейниң үүлезиниң кончуун эле... Каш-ла минут бурунгаар дириг чораан кижи, ам чок... Эжимче хоозун чүүл дээш чүге хорададым, аа богда...?!? Өршээп көр🙏 эжим Найыр…😭 Кажан-даа сеңээ ам душпазым ол бе... кажан-даа каткы-хөглүг аажы-чаңың көрбезим ол бе...?! Буруулуг болдум🙏 эжим…! Ом мани падме хум…🙏🙏🙏» деп бодалдарга алзып артып кагдым. Найырның сөөлгү чуруун ам-даа телефонумда шыгжап алган чурттап чор мен. Ол чурук меңээ өртемчейде мөңге чүүл чогунуң бадыткалы бооп чор, өлүм биле чуртталганың аразы каш минут деп чүүлдүң сагындырыы бооп чор☝️ Ынчангаш бир кижи-биле ол-бо дижипкеш, Найырның чуруун көрүпкеш-ле орталанып кээр-дир мен. Номчааныңар дээш четтирдим. Төөгүде шын маадырларның аттарын солуп каан мен. (с) Ишкин оглу

Ыдыктыг хүн🙏 Шагааның дүжүпкен айын анаа эвес ак ай деп каан-на боор. Чаа чылдың башкы 15 хонуктарының дургузунда, Бурган Башкы онзагай хуулгаазыннарны өөреникчилеринге база чыылган чонга көргүскен деп чараш төөгүлер бар. Бөгүн эрги сан-биле 15 дугаар хонук - кончуг ыдыктыг хүн, кандыг-даа кылган үүле 10 (млн) сая катап көвүдээр🙏 Ом муни муни маза муние сохаа🙏 Ом мани падме хум🙏 Ом А Хум🙏 Буяннардан чыыр-ла, чонум!

Өскелерниң чедер-четпестерин чемелевейн, кандыг бары-биле хүлээп өөренип аар болза - сагыш-сеткилдиң агаар-бойдузу үргүлчү аяс боор. (с) Ишкин оглу

Шуут чаа🔥 март 8-теп каапталыңар бөгүн! 💃 🕺

Чадаанаже үнүпкен чоруп ор бис 🚘

Удаа-дараа өргээлерни долдур келген өөр-өнер Чонум силерге өөрүп четтирдим🙏 Кадыннарывыс! Силер чокта час безин дүшпес! Байырлалыңар-биле! Силерге ынак бис💖

Дараазында кожууннарга ужурашкыже!

Дүүн театрга келген чонумга өөрүп четтирдим🙏 Ам бөгүн өскен төрээн ДНТ-висте бис чаа!

Чаа, амыр-менди. Сөстерни үргүлчү чугаада ажыглап чоруур бис, ынчалза-даа сөстүң ханы утказын арай-ла шоолуг сайгарбазывыс шын. Чижээ, "аас-кежик" деп сөс. Өске дылдарда база бар сөс-түр, ында та кандыг уткалыг билбес мен, ындыг-даа бол мен тыва дылымдан эки билир дылым чок болгаш бодумнуу-биле шинчилеп көрейн. "Аас-кежик" деп сөс "аас" биле "кежик" деп ийи сөстен тургустунган. Бичии турумда кырган-ачам "Багай чүве кижи чугаалап чорбас, үргүлчү эки йөрээлдерден салып чоруур, оглум. Бир багай чүүл-даа болу бээрге эки талазынче йөрээлден салып каар болбазыкпе" деп каар кижи.Ам бодап орарымга тыва кижиниң аскындан үнген чугаа-домаа эдилээр кежии ол боор чүве бо. Чурукта кырган-адам (авамның ачазы) ол-дур. Ак айда улуг назылыг кижилериңерге ак кадакты сунуп, чолукшуп чедип каарын утпаңар. Ак айда бодалдар. (с) Ишкин оглу

Чаа оюн-көргүзүүм-биле дараазында кожууннарже чедер мен: МАРТ 8 - ЧАДААНА МАРТ 9 - СУГ-АКСЫ, АЛДАН-МААДЫР МАРТ 10 - ЧАА-ХӨЛ МАРТ 11 - ШАГААН-АРЫГ МАРТ 13 - БАЛГАЗЫН Арткан кожууннарга апрельде аалдап чеде бээр мен!

Шаг чаагай, Шагаа чаагай! Аас-кежиктиг, амыр-тайбыңныг, авыралдыг чыл болзун🙏Курай курай кураааай🙏🙏 Ом А Хум…🙏🙏🙏

Төөгү шагдан Тывавыс Төлептиглер чурту-дур! Өгден үнген өгбелерлиг Өндүр, чаагай чаңчылдарлыг! Тыва эрниң адаанныг Ожук даш дег оюннары Часпас чалыг, чүгүрүктүг Чалар от дег хүрештиг! Шагның чаагайы келди-ле...

Ада-чуртуң камгалакчылар хүнү-биле. Бо байырлалдың ханы утказы хан-биле, ажыг карак чажы-биле бижиттинген. Дайын шөлүнге бажын салган маадырларывысты бодап кээрге...😞 Фашистиг Германиядан эгелээш бо хүнге дээр, Ада-чуртуң шупту тиилелгелеринче, тывалар деп биче буурай чон үлүг-хуузун киирип чор! Ада-чурт ону үнелезин, хүндүлезин, КАЖАН-ДАА утпайн чорзун!☝️ Тыва чуртуң маадырларынга алдар! (с) Ишкин оглу

Өөмнүң чылыы-дыр сен, өөрүшкүм чырыы-дыр сен, ырыларым ынакшылы-дыр сен, сеткилимниң сесерлии-дир сен... Төрүттүнген хүнүң-биле, төнчү чок ынак мен, эжим💖

Март 6-да Национал театрга база-дыр бис чаа! Билеттер: https://tuvabilet.ru/event.php?id=673 ДНТ (касса)

Иии дадайым🔥🔥🔥РОМАН ОНДАР🌟🌟🌟 Билеттер: https://tuvabilet.ru/event.php?id=668