ИШКИН ОГЛУ / ISHKIN TV

Чаа, кежээкиниң мендизи-биле, чонум. Ырак-узакта чаңгыс чер-чурттугларга чедип бараалгааш, Тывамның кожууннарында чонумну эргивес эвес мен. Шуптузун хары угда эргиири арай болдунмас бооп тур, буруудатпайн көрүңер🙏. Ында чылдагааннар-ла хөй: бирде Культура бажыңы таарымчалыг хүнде өске концерттер-биле эжелеттине берген боор-дур, бирде мен ол хүн чай чок апаар-дыр мен. Ынчагаш ноябрь 9-тан тура эгелептер мен! НОЯБРЬ 9-та✅ АК-ДОВУРАК🎤 НОЯБРЬ 10-да✅ КЫЗЫЛ-МАЖАЛЫК🎤 НОЯБРЬ 11-де✅ МУГУР-АКСЫ🎤 НОЯБРЬ 12-де✅ ХАНДАГАЙТЫ🎤 НОЯБРЬ 13-те✅ ЧАА-ХӨЛ🎤 НОЯБРЬ 14-те✅ ХОВУ-АКСЫ🎤 НОЯБРЬ 15-те✅ ЧАДААНА 🎤 НОЯБРЬ 17-де✅ ШАГААН-АРЫГ 🎤 НОЯБРЬ 18-те✅ ТООРА-ХЕМ НОЯБРЬ 19-та✅ АДЫР-КЕЖИГ, ИЙ🎤 Билеттер Культура бажыңнарында чеде берген! Ужурашкыже👋

Орукка чоруурга интернет арай оожум иин, чонум. Ындыг-даа бол айтырыгны салып каайн: Ринчин-биле бир дугаар «Приезжай ко мне, брат» деп ырывысты мээң бир концердимге бараалгаткан бис. Ол концерттиң болган чылы база айы? Харыыны Вк-да бөлүкке бижиир-ле👇 https://vk.com/wall-227148399_5225

Амыр-менди. Ринчинниң концердинче 2 билет ойнадыышкынын бөгүн кежээ 21 шакта эрттирер мен.

Кежээкиниң мендизи-биле! Ам соңгаар-дашкаар чоруп-чоруп, кожууннарда чонумга барбас болза кайыын боор! Дараазында кожууннарже концерттеп чедер-дир мен: 🔴НОЯБРЬ 9-та✅ АК-ДОВУРАК🎤 🔵НОЯБРЬ 10-да✅ КЫЗЫЛ-МАЖАЛЫК🎤 🟢НОЯБРЬ 11-де✅ МУГУР-АКСЫ🎤 🟣НОЯБРЬ 12-де✅ ХАНДАГАЙТЫ🎤 🟡 НОЯБРЬ 13-те✅ ЧАА-ХӨЛ🎤 🟠НОЯБРЬ 14-те✅ ХОВУ-АКСЫ🎤 ⚪️ НОЯБРЬ 15-те✅ ЧАДААНА 🎤 🔴 НОЯБРЬ 17-де✅ ШАГААН-АРЫГ 🎤 🔵НОЯБРЬ 18-те✅ ТООРА-ХЕМ 🟢 НОЯБРЬ 19-та✅ АДЫР-КЕЖИГ🎤 Билеттер Культура бажыңнарында чеде берген! Ужурашкыже👋

СОЛУН МЕДЭЭ!!! НОЯБРЬ 16-ДА РИНЧИН ЭЖИМНИҢ КОНЦЕРДИНЧЕ 2 БИЛЕТТИ ОЙНАДЫЙН ЧАА!!! Вконтактеде бөлүүмде 👇👇👇 https://vk.com/wall-227148399_4896

Күзел-сорук күштелдирер хүндүскүнүң мендизи-биле! Дыштаныр хүнде эжим эр Ринчин-оолдуң ырыларының мага хандыр дыңнаарыңарны күзедим.

Тыва дылдың хүнү-биле!

Ө-деп үжүк өнчүвүс бооп артпайн барза, Өөвүске өпей ыры чаңгыланмас. Өзүп орар чаптанчыг чаш салгалывыс Өткүт үн чок өртемчейни чарашсынмас. Ң-деп үжүк ыңаа дигеш ыңайлаза, Ң-ның соонда ындыг кежик биске келбес. Ыңаажыктар, Ыңаалайлар дээн ышкаш, Ыңгыржактыг төрүттүнер эрлер турбас. Ү-деп үжүк үжүглелден үнер болза, Үндезинниг дылывыс-даа номчуттунмас. Үе-шагның казыргызын шыдап эрткен Үлегерлиг чонувус-даа таныттынмас. Делегей четкизинге тыва үжүктеривис ажыглаңар, өңнүктер (с) Вадим Чыкай

Ам шуут ыятканымдан бажым сугар чер тыппайн бардым. Мени шалдаңнааш, соок кара сугже бажымны куду баштандыр киир супкан ышкаш болду. Шынап-ла мен бодумну кончуг алдар-аттыг кончуг кижи мен деп хөрээм чайып чоруп тургаш, төрээн тыва дылымга чогуур хүндүткел кылбайн чораанымны ам-на миннип келдим. Бистер шуптувус мен ышкаш байдалга таварышпас кылдыр тыва дылывысты сүзүктеп, үнелеп, ону ыдыктап чоруулуңар, чонум! Оон башка силерниң телефонуңарга база ындыг СМС-тер чедип келзе канчаар силер. Эң ылаңгыя, амгы үениң чаш ажы-төлүнге, аныяк өскеннерге дылын билир улус кызып дамчыдып берип чоруулуңар. Өгбелерден дамчып келген, ававыстың аа-сүдүнден ээп өскен дылывысты кажанда-даа утпаалыңар! Хөөкүй өскүссүрей бергеш, мени хамык чонга билиндир чедирзин, чугаалазын, дамчытсын дээн сеткилин бижип чедип келгени ол-дур деп билдим" Автор Орлан Дамба-Хуурак. Бөгүн ноябрь 1-де чылдың-на демдеглеп эрттирер тыва дылывыстың хүнү-биле хүндүлүг, чонум! Тынывыс дег тыва дылывыс кажанда-даа өжүп, хөмүрээрип, хөлге-хемге дүжүп, артка-сынга астыгып читпес-ле болзунам! Курай, курай! Тыва дылывыстың хүнү-биле!

Тыва дылывыс хүнүнде, узун-даа бол, кичээңгейлиг номчуңар шүве 😉 Сөөлгү үеде ном номчуур хамаанчок, кижилер узун бижик номчуй албастай берген халаптыг чүве-ле Солун таварылга. "Эргим чонум, элим-хөйүм, өңнүк-талаларым, хайыралыг ха-дуңмаларым! Бир хүнде чеже кижи менче бир-ле чүве бижип чоруурун билир силер бе? Кижи ону санаар арга шуут чок! Эртен оттуп келгеш, телефонну тудуп алырга, артында хондур аажок аартап калган болур. Ол ам хондур чыглып калган бижиктерниң, чуруктарның, сагыш-сеткилдерниң аары-дыр ийин. Арай деп-ле көдүрүп алгаш, улус көрбес черже халып чоруй баргаш, аңаа барып чаштынып алгаш, ажыда соп эккээриңге, кара дастак чүве болур. Ында дээрге ам чүректер-даа бар, чүзүн-бүрүн дүрзүлер-даа бар, чечектер-даа бар, черлик аңнар дүрзүзү-даа эңдере боор. Аразында адааргалдың ажыг дузу турбас деп чүве кайда дээр сен! База албан турар. Тыва кижи шайын дузап албас болза амдан чок боору-биле дөмей чүве-дир ийин. Адааргал дээрге бистиң чоннуң кезээ шагда черле эстип читпес аарыывыс ыйнаан ол. Бир-ле кижи бир-ле меге ат артынга чаштынып алгаш, албан бирээни шап каан боор. Че, харын ол-даа канчаар, амыдыралдың шупту талалары албан турарга амыдырал солун болур-ла болгай. Ындыг аа? Силер чүү деп бодаар силер? Шупту талалары албан турар болза солун боор ийикпе? Тыва чонувус аразында уран-талантылыг, чечен-мерген кижилер эвээш эвес. Бо-ла удаа-дараа менче шүлүктерин, чогаалдарын чортуп бээрлер. Шүлүкке аялгадан бижээш, ырлап көрем деп дилеглер хөйү-биле кээр. Шуптузун чыыр чүве болза, бүдүн шүлүк, чогаалдар ному-даа үнүп келир ыйнаан. Бо эртен дыка солун таварылгага душтум дээ.Ам силерге ол шынап болган ол таварылганы хөөреп берейн. Ынчаар үр черле кажанда-даа, кымның-биле-даа бижижип чорбаан боор мен. Анаа, шуут кара элдеп чүве болган-на болгай. Эгезинде дыка үр бижижип, маргыжып, бот-боттарывысты билчип чадап шаг болдувус. Бир-ле СМС чедип келирге, ону ажыдыптарымга ында мындыг бижик келген болду: - "Сээң ырлап, бижип чоруур ырларыңның шуптузунуң сөстериниң автору кылдыр мени база киир бижи, ырлаарда албан мени база катай чарлап тур!”деп каан. - “Чүге?” дээримге, - “Сээң ырлап турар ырларыңда шупту мээң шагда-ла тып, нептередип, чогаадып кааным сөстер кирип турар-дыр” деп бо диин! Шупту мээң сөстерим ырлап чоруур сен!”- дидир. Аскым ажыттынып калган кезек харлыгып калган турдум. Багай сыгыр карактарым мырыңай уштунуп кээп дүжер часканнар. Канчап ындыг боор чүвел?! - "Бис чаңгыс дылдыг болганывыста ында сөс курлавырын шупту тывалар ажыглап чоруур болгай бис. Ол шупту тываларның дылы-дыр, тываларның сөстери-дир”- деп бижий шааптым. - “Чок, сен-даа эвес, өске улус-даа эвес, мен ол сөстерни мен шаг шаандан тура-ла тоолдарга ажыглап, биеэде-ле мээң сеткилимден үндүр аттыккан сөстер-дир” - дидир. “Чижээлээрге?” деп айтырдым. “Эжим”, “Эштерим”, “Ырак эвес кыштагда” деп ырлап чоруур ырларыңның сөстерин мен сен төрүттүнмээниңде-ле ажыглап каапкан мен. - “Оой, авай-авай, ол сөстерни кым-даа чугаалап болур. Кымның-даа эжи, эштери бар”-дидим. - “Чаптанчыг үевис”, “Чаражым болам”, “Чүрээм тып аар” суг дээрге шупту мээң сөстерим-дир – дидир. Мен шуут ыыттаар чүве чок. Азы баштактанып турар чоор бе дээш: - ” Ойнап-сылдап, баштактанып тур силер бе?”-дээримге, - “Кым-даа ойнап-сылдап, кым-даа баштактанмайн турар. Ол шупту шын чүве-дир” – дидир. Шуут-ла сырбаш кылындым. Кылыым кылын дош дег, кылайтыр каътташтыр хөөп үнүп келди! Кым менче-ле туралап, туразы дыка улуг кылдыр бижип турар чүвел дээш, аажок хорадай бергеним-биле, дорт-ла: - “Сен кым сен, сен чүү ындыг кижи сен?” – деп, арны-бажым кызыдыр изий берген бижиптим. Ол үеде мээң арнымны көрген болза, шала өртедип каан картошка ышкаш мычык кара чүве турган боор. Кезек када шимээн чидип, ыыт-дааш чиде берди дээ... Мээң шуут хөрээм өгдеңнээр чүве ышкыштап, дыңзыг-дыңзыг тынып олур мен. Элээн болганда телефонум кыңгырт дээш, харыызы чедип келди. - “ Мен сээң төрээн тыва дылың-дыр мен. Сен менче сагыш салбайн чоруур болуруңга, сени билинзин дээш ынчаар харылзажып турдум”- деп бо! Уламчызы👇

Тыва дылывыс хүнүнде, узун-даа бол, кичээңгейлиг номчуңар шүве 😉 Сөөлгү үеде ном номчуур хамаанчок, кижилер узун бижик номчуй албастай берген халаптыг чүве-ле Солун таварылга. "Эргим чонум, элим-хөйүм, өңнүк-талаларым, хайыралыг ха-дуңмаларым! Бир хүнде чеже кижи менче бир-ле чүве бижип чоруурун билир силер бе? Кижи ону санаар арга шуут чок! Эртен оттуп келгеш, телефонну тудуп алырга, артында хондур аажок аартап калган болур. Ол ам хондур чыглып калган бижиктерниң, чуруктарның, сагыш-сеткилдерниң аары-дыр ийин. Арай деп-ле көдүрүп алгаш, улус көрбес черже халып чоруй баргаш, аңаа барып чаштынып алгаш, ажыда соп эккээриңге, кара дастак чүве болур. Ында дээрге ам чүректер-даа бар, чүзүн-бүрүн дүрзүлер-даа бар, чечектер-даа бар, черлик аңнар дүрзүзү-даа эңдере боор. Аразында адааргалдың ажыг дузу турбас деп чүве кайда дээр сен! База албан турар. Тыва кижи шайын дузап албас болза амдан чок боору-биле дөмей чүве-дир ийин. Адааргал дээрге бистиң чоннуң кезээ шагда черле эстип читпес аарыывыс ыйнаан ол. Бир-ле кижи бир-ле меге ат артынга чаштынып алгаш, албан бирээни шап каан боор. Че, харын ол-даа канчаар, амыдыралдың шупту талалары албан турарга амыдырал солун болур-ла болгай. Ындыг аа? Силер чүү деп бодаар силер? Шупту талалары албан турар болза солун боор ийикпе? Тыва чонувус аразында уран-талантылыг, чечен-мерген кижилер эвээш эвес. Бо-ла удаа-дараа менче шүлүктерин, чогаалдарын чортуп бээрлер. Шүлүкке аялгадан бижээш, ырлап көрем деп дилеглер хөйү-биле кээр. Шуптузун чыыр чүве болза, бүдүн шүлүк, чогаалдар ному-даа үнүп келир ыйнаан. Бо эртен дыка солун таварылгага душтум дээ.Ам силерге ол шынап болган ол таварылганы хөөреп берейн. Ынчаар үр черле кажанда-даа, кымның-биле-даа бижижип чорбаан боор мен. Анаа, шуут кара элдеп чүве болган-на болгай. Эгезинде дыка үр бижижип, маргыжып, бот-боттарывысты билчип чадап шаг болдувус. Бир-ле СМС чедип келирге, ону ажыдыптарымга ында мындыг бижик келген болду: - "Сээң ырлап, бижип чоруур ырларыңның шуптузунуң сөстериниң автору кылдыр мени база киир бижи, ырлаарда албан мени база катай чарлап тур!”деп каан. - “Чүге?” дээримге, - “Сээң ырлап турар ырларыңда шупту мээң шагда-ла тып, нептередип, чогаадып кааным сөстер кирип турар-дыр” деп бо диин! Шупту мээң сөстерим ырлап чоруур сен!”- дидир. Аскым ажыттынып калган кезек харлыгып калган турдум. Багай сыгыр карактарым мырыңай уштунуп кээп дүжер часканнар. Канчап ындыг боор чүвел?! - "Бис чаңгыс дылдыг болганывыста ында сөс курлавырын шупту тывалар ажыглап чоруур болгай бис. Ол шупту тываларның дылы-дыр, тываларның сөстери-дир”- деп бижий шааптым. - “Чок, сен-даа эвес, өске улус-даа эвес, мен ол сөстерни мен шаг шаандан тура-ла тоолдарга ажыглап, биеэде-ле мээң сеткилимден үндүр аттыккан сөстер-дир” - дидир. “Чижээлээрге?” деп айтырдым. “Эжим”, “Эштерим”, “Ырак эвес кыштагда” деп ырлап чоруур ырларыңның сөстерин мен сен төрүттүнмээниңде-ле ажыглап каапкан мен. - “Оой, авай-авай, ол сөстерни кым-даа чугаалап болур. Кымның-даа эжи, эштери бар”-дидим. - “Чаптанчыг үевис”, “Чаражым болам”, “Чүрээм тып аар” суг дээрге шупту мээң сөстерим-дир – дидир. Мен шуут ыыттаар чүве чок. Азы баштактанып турар чоор бе дээш: - ” Ойнап-сылдап, баштактанып тур силер бе?”-дээримге, - “Кым-даа ойнап-сылдап, кым-даа баштактанмайн турар. Ол шупту шын чүве-дир” – дидир. Шуут-ла сырбаш кылындым. Кылыым кылын дош дег, кылайтыр каътташтыр хөөп үнүп келди! Кым менче-ле туралап, туразы дыка улуг кылдыр бижип турар чүвел дээш, аажок хорадай бергеним-биле, дорт-ла: - “Сен кым сен, сен чүү ындыг кижи сен?” – деп, арны-бажым кызыдыр изий берген бижиптим. Ол үеде мээң арнымны көрген болза, шала өртедип каан картошка ышкаш мычык кара чүве турган боор. Кезек када шимээн чидип, ыыт-дааш чиде берди дээ... Мээң шуут хөрээм өгдеңнээр чүве ышкыштап, дыңзыг-дыңзыг тынып олур мен. Элээн болганда телефонум кыңгырт дээш, харыызы чедип келди. - “ Мен сээң төрээн тыва дылың-дыр мен. Сен менче сагыш салбайн чоруур болуруңга, сени билинзин дээш ынчаар харылзажып турдум”- деп бо! Уламчызы👇

Тыва дылым чоргааралым, Дыка-ла пониматьдаар мен Мамам, папам бичиимде-ле, Мени ынчаар воспитатьдаан Шуут крутой дылым дээштиң Шаанга киир споритьдээр мен. Родной дылын уттуп алыр аан Разве это возможно даан. Всё-таки чамдык улус Вообще билбес дылын, ёлки. Книжкалар, чогаалдардан, Катап, катап номчуңар даан. Дедушкам, бабушкам Родной дылың утпайн чор- дээн. Орус дылдан дыка база, Очень зависимый болбаңар даан. 😁😁😁

Эртенгиниң мендизи-биле. Чер-черинге чеспек көрүп каапкаш оюн-баштаам хайнып канчаары ол😁 Каткы-хөглүг кижилерниң кадыкшылы база черле эки боор чүве чораан.

Кежээкиниң мендизи-биле! Уран-чүүлчү үүлем кандыг-даа кижилер-биле мени таварыштыра бээр чүве. Бо ыраажы бурят эжим эр-биле найыралымны кончуг үнелеп, кадагалап чоруур кижи мен. Чаңгыс эвес удаа мээң концерттеримге бараалгап кээрге, чонувус диңмиттиг адыш часкаашкыннары-биле хүлээп ап турганы өөрүнчүг. Эжим эрниң бир дугаар концерди ноябрь 16-да ДНТ-ге болуп эртер. Солун чүве ол хүн төрүттүнген хүнү база кижи. Ыраажы эживисти шупту деткип кээр бис, силерни база чалап тур мен! Билеттер ДНТ-ниң кассазында база https://tuvabilet.ru/event.php?id=560 деп сайтта.

Оон билип кээримге, алышкылар кара чажындан-на хостуг хүрешти чылдар-биле чедиишкинниг хүрежип чораан, үргүлчү спорт-биле холбаалыг улус чораан болду. Анаа-ла хей уран-чүүлден улуг хүрешче киргеш тиилей бээр чүве кайдал аан харын. Чаа Тываның төөгүзүнде улуг Наадым хүрештеринде шүүлген мөгелер чогум ындыг-ла кончуг көвей эвес. Оларның тренер-башкыларынга "Алдарлыг тренер" деп хүндүлүг аттарны бо чооку чылдарда тыпсып эгелей бергени өөрүнчүг. Дүүн тренерлер хүнү таварыштыр акымның кара чажындан тренер-башкызы бооп чоруур кады төрээн акызы Алдын-Херел Павловичиге "Тыва Республиканың алдарлыг тренери" деп хүндүлүг атты тывысты! Байырымны чедирип тур мен! Алдарлыг тренер Алдын-Херел Кара-Салга алдар!!!👏👏👏

Эртенгиниң мендизи-биле, эргим чонум. Чылдың-на октябрь 30-де тренер-башкыларның хүнүн чуртувуста демдеглеп эрттирип турар болгай. Кандыг-даа спортчу кижиниң чедиишкининиң артында тренер-башкызының ажылы бар. А мээң бо чуртталгада чоок эдержип-ле чоруур акым Седен-Очур Кара-Сал уран-чүүлден аңгыда спортчу талазы бар кижи. Аңаа хамаарыштыр кыска төөгүжүгешти силерге сонуургадыйн шүве. 2008-2009 чылдарда продюсерим хүрештерге содагланып үнүп эгелээрге анаа эр сорук дээш сонуургалы деп бодаан мен, кайда чүвел?! Күжүр продюсерим улуг хүрештерге удаа-дараа шаңналдыг черлерже кирип эгелээн. А чанында көөрүмге үргүлчү боостаазын дундур алгырып аар, аңдарлырга кады аңдарлыр, октаарга кады арга кылыр, ыңай-бээр сагыш човап маңнап-ла турар кижини эскерип каан мен - кады төрээн акызы Алдын-Херел деп кижи болду. Оон мырыңай 2010 чылдың улуг Наадым хүрежинде продюсеривис шүглүп үнгеш Арзылаң мөге апаарга, студияда хамык ыраажылары шуут кайгап калган бис! Уламчызы адаанда 👇👇👇