Aya__bmtd

اهلا جماعة كاين ناس مزالت حاصلة مع اجتماعيات جبتلكم اقوى لايف لدرووس الجغرافيا 😍💯

#العفسة32 تفاعلات الأسترة احفظ هاد القيم لأنها ثابتة دائما في حالة إستعمال مزيج متساوي المولات من الحمض و الكحول r مردود التفاعل ثابت و K ثابت و في حالة مزيج غير متساوي المولات r مردود التفاعل يتغير و k ثابت التوازن يبقى ثابت دائما

#العفسة31 تفاعلات الأسترة البروتوكولات التجريبية الواردة في وحدة الأسترة 📝

ملخص 5 صفحات لتلاميذ البكالوريا يمكنك من الحصول على 17 كاقصى حد لا تحصل به على 20 كل التوفيق لجميع تلاميذ الجزائر

مبخص الشريعة للي مزال مبداش دير كل يوم صفحة ونتا كملتيها بإذن الله

جماعة لي كملو مراجعة الدروس هدا هو وقت المواضيع وعليها جبتلكم رابط واحد فيه جميع البكالوريات التجريبية تع هد العام من تنظيم عقبة بن نافع 👇🏻👇🏻 كل شيء موجود بشكل مقسم ... و مجمع بعد الانتقاء حسب تنوع الأفكار ... موجود هنا ؛؛ رابط أول ؛؛ https://drive.google.com/drive/folders/1rzKBKh1z5cQQFiYbWK6Tf1v2tfOSVkLS رابط بديل ؛؛ https://www.mediafire.com/folder/odss81mqgew1a/ محطة البكالوريات التجريبية نحو الامتياز - نافع 2023

تعليمات خفيفة و سريعة للأيام القلـيلة اللي بقاولكم قبل الباكالوريا ✨ : - حافظوو على المورال تاعكم و النفسية تاعكم بحيث انها تكون stable و ما تكونش مضطربة، حاولوو تكالمو رواحكم و ما تخلوش التوتر و الخوف يسيطر عليكم لأنو بقالكم يامات برك و تجوزو و قريتو عام كامل و اللي فيها الخير يجيبها ربي ✅. - ما تكثروش الاحتكاك بصحابكم و بالسوشيال ميديا و بالناس ،، خلاص اعزلو رواحكم يامات برك و ركزو مع الباك تاعكم باش ما تبقاوش تخممو في حاجات خلاف و تشتتو عقلكم ✅. - ركزو على انكم تراجعو واش قريتو و حاولو تكررو قد ما قدرتو و كملو حلو التمارين عادي ،، ما تشوفوش لايڤات جدد تاع اساتذة ما قريتوش عندهم مثلاً و تخلو ملخصاتكم و مراجعكم اللي قريتو منهم عام كامل، هذا مهوش وقت التعرض لمصادر جديدة إطلاقاً ❌. - راح نكتبلكم قائمة مهام بسيطة بالحاجات اللي لازم تديروهم في كل مادة في الفترة القليلة المتبقية حاولوو تتبعو منها ما يناسبكم ✅. - حاولووو على قدر الامكان ما تمرضوش في الفترة هادي : بمعنى ،، لازم تاكلو ماكلة الدار نظيفة و مليحة و فيها قيمة غذائية ما تاكلوش ماكلة برا و لي ساندويتش و قع ،، حاولوو ترقدو مليح فالليل 6 ساعات كافية ما تنقصوش تحتها بسك التعب هذا يولي عليكم اسبوع الباك ✅. القائمة اللي هدرت عليها في الميساج اللي فوق ⬆️ راح تكون بسيطة جداً و معممة على المواد كامل و مشي شرط تبعوو كلش فيها ،، انا حبيت انكم برك تدو فكرة و قادر تستفادو منها و تنظملكم افكاركم شوي ❤️. 1 - أكتبوا في ورقة المواد تاعكم، و الدروس اللي مزال ما قريتوهمش + النقائص تاعكم في كل مادة💕. 2 - قسموا الأيام تاع الأسبوع اللي قبل الباك كالتالي : كل يوم عندكم : 🔴 مادتين أساسيتين + مادة حفظ و لغة : 🟡 المادتين الأساسيتين : تبدلوا بين المادتين الأساسيتين حسب الحاجة و تعطو كل وحدة فيهم 3 ساعات و إذا لازم أكثر زيدو، بصح ماشي على حساب المادة الأخرى. حلو فيهم مواضيع الباكالوريات السابقة، اذا كملتوهم ديروا مواضيع تجريبية مع الحل، في الفيزياء راجعوو الأسئلة النظرية لأنها مهمة جداً ✨. و راجعو الملخصات تاعكم مع الأفكار تاع التمارين اللي حليتوهم طوال السنة الدراسية ✅. 🟡 مادة الحفظ : علوم إسلامية أو تاريخ و جغرافيا أو فلسفة، ديروا فيها مراجعة للحفظ تاعكم سابقاً عن طريق التكرار + إذا باقيلكم حاجة مزال ما حفظتوها أحفظوها يعني قسموا الوقت بين حفظ جديد و مراجعة، ساعتين و نصف مناسبة ✅. حلو المواضيع السابقة شفهياً في التاريخ و الجغرافيا و العلوم الإسلامية و شوفوا التصحيح النموذجي مهم جداً باش ديرو في حسابكم كلـش ✨. الفلسفة أقراو المقترحات و ما يكونوش أقل من 5 ! هزو المنهجيات و المخطط تاع كل مقالة أفهموا مليح و أقراو مقالات جاهزة باش تدو الأفكار و اسلوب كيفاش تكتبووو مقالتكم الخاصة نهار الباك بإذن الله ! 🟡 اللغات : حلوا الباكالوريات السابِقة مهمة جداً + الأسئلة المتكررة في كل مادة ✨. 🟣 في الفرنسية أقراو compte rendu و الملخص و شوفوو فيديوهات المراجعة تاع سالي في اليوتيوب ! 🟣 في الإنجليزية القواعد مهمة جداً لازم تقراوهم ! و زيدو الملخص + طريقة كتابة written expression من عند الاستاذة خيار في يوتيوب فيديو ولا زوج !! 🟣 في اللغة العربية، أقراو البناء الفكري و البناء اللغوي و الأسئلة المتكررة في كل محور ✅. اللغات بالبزاف يدولكم ساعتين في اليوم، حلو 2 مواضيع تاع باكالوريا مع المراجعة. و هكذا كل يوم حتى يوم الخميس اللي قبل الباك إن شاء الله 💕. ملاحظة : أنا هكااا درت اسبوع قبل الباك العام اللي فات حتى يوم الخميس اللي قبل الباك، بصح الويكاند إن شاء الله كاين امور لازم تتبدل " قصدي يوم الجمعة و السبت اللي قبل الاحد 11 جوان " 🤍. ركزوا على مراجعة تاع الصوالح اللي قريتوهم + تدارك النقائص في كل مادة ولو انو ما بقاش وقت كافي بصح نتوما ديرو واش قلت لكم ! و هذيك الورقة اللي هدرت عليها في البداية شوفوها كل يوم هزو منها بعض المهام حطوهم في قائمة المهام تاع اليوم هذاك و أخدموهم، اذا كملتوهم زيدو منها، لازم تكونوا مكملينها الخمـيس الجاي لازممم ✅. إذا بقـالكم الوقت زيدو مادة أخرى ديروا فيها مراجعة ولو نصف ساعة ! مثلا علوم إسلامية في نهاية اليوم ولا حل موضوع خفيف فالفرنسية لابغا شفهياً برك، ولا تعاودو تقراو المصطلحات ولا شخصيات هكا خفوفي ✅. و تقدرو تاني " اذا راكم متقدمين فالمراجعة تاعكم مليح " تديرو عفسة وحدوخرا، زعما نتوما راه عندكم اسبوع الباك، هذا الاسبوع اللي قبل الباك تعكسوه، تبداو بالمواد اللي راح تفوتوهم يوم الخميس " فيزياء و فلسفة " تراجعوهم مثلاً اليوم السبت، و الاحد غدوا تقراو المواد اللي تجوزوهمم يوم الاربعاء " تاريخ و جغرافيا " و زيدو معها كاش مادة !!