HK GPSC

GPSC દ્વારા શરૂ કરાયેલ અવસર મોડ્યુલ "ગુજરાત જાહેર સેવા આયોગ દ્વારા યોજવામાં આવતી ગુજરાત સરકારની વિવિધ ભરતીઓમાં રાજ્યના ઉમેદવારો ખૂબ જ ઉત્સાહથી ભાગ લેતા હોય છે અને ખૂબ ખંત અને મહેનતથી સફળ થવા માટે પ્રયત્ન કરતા હોય છે. ઘણીવાર જે ઉમેદવારો સફળ થતા નથી, તેવા ઉમેદવારો પણ સતત આવનારી ભરતીઓ માટે પ્રયત્નશીલ રહેતા હોય છે. આવા ઉમેદવારો પોતાના પ્રયત્નમાં સફળ થાય ત્યાં સુધી તેઓને વૈકલ્પિક રોજગારી મળી રહે તથા ગુજરાત અને ભારત સરકારના જાહેર સાહસો, ખાનગી કંપનીઓ અને સહકારી સંસ્થાઓમાં રોજગારીની તકો મળે તેમજ આવી સંસ્થાઓને આવા મહેનતુ, તેજસ્વી અને ખંતિલા ઉમેદવારોનું માનવબળ (માનવ સંસાધન) ઉપલબ્ધ થાય તે હેતુથી, આયોગની ભરતી પ્રક્રિયાના આખરી પરિણામોમાં અસફળ રહેલા અને પ્રતિક્ષા યાદીમાં (Waiting List) સમાવિષ્ટ ઉમેદવારોને વિવિધ માન્ય સરકારી ક્ષેત્રો, જાહેર સાહસો (PSUs) તેમજ પ્રતિષ્ઠિત ખાનગી સંસ્થાઓમાં રોજગારીની વૈકલ્પિક અને ઉત્કૃષ્ટ તકો સરળતાથી મળી રહે તે માટે આયોગ દ્વારા એક મધ્યસ્થી માધ્યમ તરીકે "અવસર" મોડ્યુલ વિકસાવવામાં આવેલ છે."