Yoshlar ishlari agentligi Dang‘ara tumani bo‘limi

Yoshlar ishlari agentligi Dang‘ara tumani bo‘limi jamoasi.

❗️Мактаблардаги бўш синфлар репетиторларга ижарага берилади. Бу ҳақида президент бошчилигидаги селекторда айтилди. Мактаблардаги бўш синф хоналари чет тили репетиторлари ва ўқув марказлари учун бепул ижарага берилади. Хусусий курсларда ўқиб, C1 сертификатини олган ёшларга ўқиш харажатлари, немис, француз, корейс, япон ва хитой тиллари бўйича эса B2 даражаси сертификатини олиш харажатлари қоплаб берилади. Яна бир янгилик – бу йил нафақат сертификат олишдаги имтиҳон харажати, балки олти ойлик ўқиш пули ҳам тўлаб берилади. @YoshlarAgentligiDangara

Zahiriddin Muhammad Bobur tavalludining 541 yilligi 📝 Amir Temurning beshinchi avlodi, Fargʻona hukmdori Umarshayxning farzandi Zahiriddin Muhammad Bobur Andijonda 1483-yil 14-fevralda tugʻilgan. • Bu yil shoh va shoir Zahiriddin Muhammad Bobur tavalludining 541 yilligi nishonlanadi. O‘zbek adabiyotining yirik namoyondalaridan biri, shoir, adib, olim, sarkarda, yirik davlat arbobi, “Buyuk Boburiylar sulolasi” asoschisi ilk bor 12 yoshida taxtga oʻtirgan.

🖌Bobur o‘zbek tarixida tom ma’noda yirik shaxs. Uning tarixchi olim, zukko adib va shoir sifatida qoldirgan adabiy merosi bebahodir. Bobur hukmdorlik majburiyatlaridan ortib yirik asarlar yozishga muvaffaq bo‘lgan. Uning she’riyatini asosan ishqiy mavzudagi asarlar tashkil etadi.

#Bobur541 Bizning sahifalarimiz: 🕊Telegram 📱Instagram 📱Facebook 📺YouTube

🎶 Respublika “Yoshlar ovozi” tanloviga ro‘yxatdan o‘tish boshlandi Mamlakatimiz bo’ylab iste’dodli yoshlarni bir nuqtada jamlagan “Boʻzatov FEST” Yoshlar ovozi tanlovining 3-mavsumiga ro‘yxatdan o‘tish boshlandi. Mazkur tanlov Yoshlar ishlari agentligi, Madaniyat vazirligi, Qoraqalpog’iston Respublikasi hamda “Yoshlar ovozi” prodyuserlik markazi bilan hamkorligida o‘tkaziladi. ✅Tanlov baxshichilik, an’anaviy ijro, opera va estrada yo‘nalishlari bo‘yicha mahalladan boshlanib, sektor, tuman, viloyat va respublika bosqichlarida o‘tkaziladi. ✅Gʻoliblar: 1-o‘rin 50 000 000 so‘m, 2-o‘rin 30 000 000 so‘m, 3-o‘rin 20 000 000 so‘m va respublika bosqichida qatnash barcha ishtirokchilar 10 000 000 so‘mdan pul mukofoti bilan taqdirlanadilar. 🎼Tanlovda ishtirok etish uchun ro‘yxatdan o‘ting: @YoshOvozBot @YoshlarAgentligiDangara

🔷Данғара тумани 1-секторда жойлашган Боғиш МФЙда ҳоким ва ёшлар учрашди. 🔷Учрашувда ёшлар муаммоларини ҳал қилиш, бандлигини таъминлаш, бўш вақтини мазмунли ташкил этиш бўйича очиқ мулоқот бўлди. 🔷Учрашувда ёшларининг ишга жойлашиш, ер майдони ва банк кредити олиш, спорт билан шуғулланиш учун спорт майдонлари ташкил этиш каби мавзулардаги ўнлаб мурожаат ва таклифлари тингланди. 🔷Ёшлар томонидан билдирилган таклифлар ҳамда масалалар мухокама этиб ўтилди. Кредит олиш ва ишга жойлашиш истагидаги ёшлар алоҳида ажратиб олиниб, уларнинг мурожаатлари билан банк ва бандлик мутасаддилари махсус шуғулланиши юзасидан кўрсатма берилди. @YoshlarAgentligiDangara

🔷Республика ишчи гуруҳи томонидан Данғара туманида олиб борилаётган ўрганишлар жараёнида ёшлар томонидан билдирилган мурожаатлар ижобий ҳал этилмоқда. 🔷Данғара тумани ёшлар ишлари агентлиги ҳамда Данғара тумани Қўриқлаш бўлими томонидан уюшмаган ишсиз ёшларни бандлигини таминлаш мақсадида уларга ўзларининг хохиш истагидан келиб чиқиб тикув машинаси, пайвандлаш дастгохи ҳамда бошқа мехнат қуроллари топширилди. @YoshlarAgentligiDangara

⚡️Қаҳрамон Қуранбоев Ўзбекистон маҳаллалар уюшмасининг раиси лавозимига тайинланди Ўзбекистон маҳаллалари уюшмаси таъсис конференцияси бўлиб ўтди, унда уюшма раиси ва унинг ўринбосарлари сайланди. Ўзбекистон маҳаллалари уюшмаси раиси лавозимига Қуронбоев Қаҳрамон Қўчқорович сайланди ва шу муносабат билан Ўзбекистон Республикаси Президенти Администрацияси Ёшлар сиёсати департаментининг раҳбари лавозимидан озод этилди. Ўзбекистон маҳаллалари уюшмаси раисининг биринчи ўринбосари лавозимига Иноғомов Жовдатхон Султанович сайланди. Ўзбекистон маҳаллалари уюшмаси раисининг ўринбосари лавозимига Аслонов Абдулло Убайдуллоевич сайланди. Маълумот ўрнида, Уюшма раиси мақоми, тиббий, транспорт ва маиший таъминот шароитлари бўйича Бош вазир ўринбосарига тенглаштирилади. 👉 @YoshlarAgentligiDangara

Sadoqat va jasorat timsollari, bayramingiz muborak! 🇺🇿 Jonajon yurtimizning mard o‘g‘lonlari, sizlarni Vatan himoyachilari kuni va O‘zbekiston Respublikasi Qurolli Kuchlarining 32 yilligi munosabati bilan samimiy muborakbod etamiz. 🌏 Ona zaminimizni ko‘z qorachig‘i kabi asrab-avaylashdek mas’uliyatli burchni munosib ado etayotgan zabardast va dovyurak harbiylarimizga va davlat xizmatchilarimizga minnatdorchilik bildiramiz. Fayzli tonglarimiz, osuda tunlarimiz, xotirjam hayotimiz himoyachilari, sizlarga mustahkam sog‘liq, oilaviy farovonlik, sharafli kasbingizda zafarlar tilaymiz. Yoshlar ishlari agentligi Dang‘ara tumani bo‘limi jamoasi. @YoshlarAgentligiDangara

Ўзбекистон Республикаси Президентининг 2023 йил 1 июндаги ПФ-82-сон Фармонига мувофиқ 2024 йил 1 январдан бошлаб қуйидаги ижтимоий тўловлар Ўзбекистон Республикаси Президенти ҳузуридаги Ижтимоий ҳимоя миллий агентлиги тасарруфига ўтказилди: 1️⃣ Ёшга оид нафақа; 2️⃣ Боқувчисини йўқотганлик нафақаси; 3️⃣ Ўзгалар парваришига муҳтож ногиронлиги бўлган 18 ёшгача болаларнинг парвариши билан банд бўлган қонуний вакилига нафақа; 4️⃣ Болаликдан ногиронлиги бўлган шахсларга нафақа (1 ва 2-гуруҳ, 18 ёшдан катта); 5️⃣1 ва 2-гуруҳ ногиронлари учун нафақа; 6️⃣ Кам таъминланган оилалар учун болалар учун нафақаси; 7️⃣ Кам таъминланган оилаларга моддий ёрдам; 8️⃣ Фарзанд туғилганда бериладиган бир марталик нафақа («Суюнчи пули»); 9️⃣ Дафн қилиш учун нафақа («Дафн пули»). Бунда, ижтимоий тўловлар учун ариза бериш, уларни кўриб чиқиш, тайинлаш ва тўлашнинг амалдаги тартиби сақлаб қолинган.

Ассалому алайкум!!! Кириб келаётган Янги йил муборак бўлсин! Янги йил Сизга ва оила аъзоларингизга соғлиқ-омонлик, бахт, омад, қувонч олиб келсин. Ўтиб бораётган 2023 йилда амалга ошмаган барча пок ва эзгу ниятларингизнинг ижобатини бериб, қувончли хотираларга бой йил бўлсин. Ҳурмат билан, Ёшлар ишлари агентлиги туман бўлими бошлиғи Лазизбек Хидиров!