تلاميذ الاستاذ مايو باك 2024

غدًا إن شاء الله تصحيح رابع لبعض الأوراق .... علابالكم وش من أوراق يتصححو تصحيح رابع ؟؟؟؟ الإجابة في التعليقات .

وشراهم ماماك و باباك سلمولي عليهم و قولولهم قالكم أستاذي ربي يعطيكم في ولادكم الخير ان شاء الله ... و قولولهم قالكم أدعو لوالديه في سجودكم.. تهلاو فيهم تهلاو فيهم تهلاو فيهم منزيدش نعاود لي والديه مش معاه يدعيلهم بالرحمة و لازم أي حاجة يديرها في الدنيا هذي يديرها عليهم ...

إنتهى التصحيح الثالث غدا يكتمل التصحيح الثالث بالنسبة لكل الأساتذة بإذن الله مزال فيها تصحيح رابع لبعض الوُريقات

وشحالكم وشراكم ؟

التصحيح الثالث سيكون يوم السبت بإذن الله . أغلبية الأساتذة كملو التصحيح الثاني ... رأي شخصي : النتائج ستكون جاهزة يوم 18 أو 19 جويلية على أقصى تقدير . و الله أعلم

تفاؤلوا خيرًا تجدوه ... كاين كاين نقط مليحة .. أدعوا ربي إذا نجاحكم فيه خير لدينكم و دنياكم ربي يأتي بيه و إذا فيه شر لدينكم و دنياكم ربي يصرفه عنكم .

اليوم فيها الجديد بصح مكلاه ننشرو

فكروني مبرهنة القيم المتوسطة قريناها في الدوال ولا المتتاليات !!!!

شوفو شوفو لعقوبة ليكم 20 في الرياضيات هاذو راهم أحرار على ما أظن ...

أغلبية الأساتذة كملو التصحيح الأول . عدد قليل جدّا من الأساتذة بداو التصحيح الثاني ... منّا للخميس يكمل التصحيح الأول و الثاني بإذن الله .. الجمعة أو السبت تصحيح ثالث .. التصحيح الثالث يكون في عدد قليل من الاوراق يعني ماشي كل الأوراق تتصحح تصحيح ثالث من هي الأوراق لي تتصحح مرة ثالثة ؟ هي الأوراق لي نقطتها في التصحيح الأول و الثاني كاين فارق كبير ( 3 نقط أو أكثر ...) يعني إذا واحد أخذ في التصحيح الأول 12 و التصحيح الثاني 13 هنا ورقو متتصححش تصحيح ثالث لكن نقطته النهائية هي 12.5 يجمعوهم و يقسموهم على 2 ... أما اذا واحد اخذ في التصحيح الأول 12 و التصحيح الثاني 16 هنا تروح لتصحيح ثالث.. بالتوفيق ... متخافوش بإذن الله راكم من الناجحين

لا حول ولا قوة الا بالله خلاص يزي بعد

تشفاو كما كنت نقلكم تلقاو كلش في اوراق الاجابات ... مكلاه تقلقو رواحكم لانو اوراقكم تتصحح في كل الأحوال ... هاو الدليل 👆👆

بسم الله على بركة الله

تصحيح نموذجي وزاري ثالثة علوم تجريبية

بسم الله بداية التصحيح النموذجي و المناقشة ثانوية عبودة علي

حسب تصريح وزير التربية : نتائج البكالوريا في حدود 20 جويلية و يمكن تكون قبلها بنهار ولا نهارين يعني من 18 جويلية أبدا شد ڨلبك ...

عيدكم مبارك كل عام و أنتم بأسيّة مليار بخير ....... الأستاذ مايو .......

هيّا نوجعلكم ڨلبكم شوي علابالكم بلي في التمرين الثاني أعداد مركبة موضوع أول هذاك ZB يعتبر حقيقي سالب مفيهش i ولالا ؟ عمدته هي π دبراسكم ضرك يطلع ولا يهبط مورالك هههههه

ما تنسوش الحصة الجايّة تجو محاولين في هاد التمارين .. و لي ما يحاولش ..... هاكم عارفين