تلاميذ الاستاذ مايو باك 2024

تلاميذي الكرام الأعزاء الحادقين... للأسف منيش راح نكون معاكم وقت يعطوكم البيلتا ( مسافر خارج الوطن ) نتمنى أنو كي يعطوكم البيلتا تبعثولي هما نقطة الرياضيات ...أو الخاص او على الفايس mayou lakhdar او انستقرام نفس اسم الفايس ولا الواتساب على رقمي بالتوفيق يا رب و ان شاء نشوف 20

هاذو راهم عاودو فكروني يرحم والديهم أفتخر بكم جميعا : بن طبة ياسمين 16.98 بن عبد الصادق سندس 15.11 مهري لينة نور الهدى 17.38

لي معدلو فوق 15 و مكاش أسمو يخبرني ولا لي يعرف واحد صاحبو يخبرني الله غالب القائمة طويلة مقدرتش نزيد نحط معدلات 14 و 13 كما العام الماضي... الحمد لله الحمد لله بالتوفيق في حياتكم

وينها شخشوخة وينها الحبات وينها الوڨفة 😂😂 وينو الجي و الڨازوز و الڨاطو مزال ما شفنا والو .. نڨصر معاكم برك .. نجاحكم و عزيمتكم هوما فرحتي .. متنسوش والديا أدعولهم بالصحة و العافية ..

فرحتي كبيرة لا توصف مع التلاميذ لي نجحوا و لكنها ناقصة ما دام هناك البعض تأجل نجاحه ... الحمد لله الحمد لله.. ألف شكر لكم لي نجحتو و لي تأجل نجاحكم

ألف تريييلييون مبرووك تلميذي ب. م نجح ... الله غالب عندو المعريفة شافولو بصحتو

نسبة النجاح في كل شعبة علوم تجريبية : 61.62 ٪ رياضيات : 82.25٪

نسبة النجاح الإجمالية : 58.28٪

ديرولو كوبيكولي عمروه و خلوه باش متبقاش تكتب فيه مع الريزو ممكن متقدرش تشوف من الضربة الاولى

# تاريخ الميلاد*رقم التسجيل*1*567*

ما تحتاجو الرقم السري ما والو ان شاء الله تكونو من الناجحين

توكلو على ربي و لي جات مرحبا بها خلي إيمانكم بربي قوي ... مهما تكون نتيجتك لازم تقول الحمد لله الحمد لله ..

و أخيرا .... النتيجة اليوم رسميا مع الساعة 4

ديرولها حفظ في بورطابل تاعكم تحتاجوها يا الناجحين ... رزنامة التسجيلات الجامعية .. من البداية للنهاية تولي تقرا في الجامعة

هذا رأيي قلته منذ 19 جوان الماضي في ما يخص نتائج البكالوريا يعني النتائج من اللخر يوم الخميس أو الجمعة القادم بإذن الله ..

حسب رأي وزير التربية اليوم صباحًا : ✓ كاين تحسن في النتائج بالنسبة للعام الماضي و النسبة إيجابية ✓ النتائج يوم 20 جويلية لكن حسب رأيي ستكون 18 أو 19 جويلية على أكثر تقدير التعليق الأول 👇👇👇👇👇👇

التصحيحات كملو في كل مراكز الوطن من التصحيح الأول للتصحيح الخامس .. مزال حساب المعدلات و إعلان النتائج ... ربي يسمعكم أخبار الخير و تفرحوني يارب .

والله غير صماطة بعد ... فيها تصحيح خامس

تصحيح رابع