БСТ | Яңылыҡтар

Донъя мосолмандары Ураҙа ғәйетен билдәләне Изге Рамаҙан айы һәм Ураҙа тамамланыуы быйыл 30 мартҡа тура килде. Байрам уңайынан ғибәҙәт ҡылыу йолаһы республиканың бөтә мәсеттәрендә лә уҙҙы. Баш ҡалала йәшәгән төрлө милләт мөьминдәрен берләштергән коллектив намаҙ майҙаны итеп һәр ваҡыттағыса «Ләлә» мәсете һайланды. Мосолмандарҙы төп байрамдарҙың береһе менән Башҡортостан башлығы Радий Хәбиров та ҡотланы.

Башҡортостан башлығы Шөңгәккүл мәктәбендә һәм Хөсәйенбәк кәшәнәһендә булды Радий Хәбиров Шишмә районына эш сәфәре барышында шулай уҡ 1968 йылда төҙөлгән белем усағында булды һәм педагогтар коллективы менән аралашты. Мәктәптә Шөңгәккүлдән һәм эргә-тирәлге ауылдарҙан 283 бала уҡый, уҡыусыларҙы мәктәп автобусы йөрөтә. Ике йыл элек мәғариф учреждениеһында капиталь ремонт үткәрелә. Башҡортостан башлығы Шишмә районы хакимиәте менән бергә үҙәк урамды торошон да ҡарап сыҡты

«Именлек» геронтология үҙәгендә байрам: өлкәндәргә иғтибар һәм хәстәрлек Башҡортостан башлығы тормош иптәше, «Бәхет биләмәһе» хәйриә фондының попечителдәр советы рәйесе Каринэ Хәбирова менән Шишмә районының Шөңгәккүл ауылында урынлашҡан «Именлек» республика геронтология үҙәгендә лә булды һәм социаль учреждениеларҙа йәшәүселәрҙе ураҙа ғәйете менән тәбрикләне.

«Салауат Юлаев» хоккейсылары Гагарин кубогына икенсе аҙым яһаны Бөгөн юлаевсылар «Себер» клубын йәнә тар-мар итте. Башҡортостан командаһы серияла 2-0 иҫәбе менән алда бара. Яҡтар араһында киләһе ике осрашыу 31 мартта һәм 2 апрелдә Новосибирскиҙа үтә.

Баймаҡта балалар баҡсаһы тәрбиәләнеүселәре кадет сафына баҫты Баймаҡта «Айыуҡай» балалар баҡсаһының уртансы төркөмөнөң 24 тәрбиәләнеүсеһе кадеттар сафына ҡабул ителде. Уларҙың тормошондағы мөһим ваҡиғаны кескәйҙәрҙең ата-әсәләре һәм ҡаланың 5-се мәктәбенең кадет класы уҡыусылары уртаҡлашты.

Офицер анты һәм тантаналы марш: йәш лейтенанттар хеҙмәткә әҙер Рәсәйҙең офицерҙар корпусы Өфө фән һәм технологиялар университетының Хәрби уҡыу үҙәген тамамлаусылар менән тулыланды. Уҡыу йортонда лейтенант дәрәжәһе алған йәш белгестәргә диплом тапшырыу тантанаһы үтте.

Стәрлетамаҡтың 1-се һанлы мәктәбе яңы һулыш кисерә Тарихи мәктәптә -заманса шарттар. Стәрлетамаҡтың 1-се һанлы мәктәбе яңы һулыш кисерә. Мәғариф учреждениеһы төҙөкләндереү эштәренән һуң бөгөн ишектәрен асты. Белем усағы федераль программа буйынса яңыртылған. Ремонттан һуң мәктәптең тышҡы йөҙө генә түгел, йыһазландырыу кимәле лә үҙгәргән. Заманса шарттар менән бөгөн Дәүләт Думаһы депутаттары ла танышты.

Башҡортостанда шәмбе өмәләре башланды Бөгөнгөһө республика кимәлендә үткәрелгән тәүге күләмле экология сараһы. Ата-әсәләр, балалар, дәүләт эшмәкәрҙәре, бюджет ойошмалары хеҙмәткәрҙәре ҡулына эш ҡоралдары алып ихаталарға һәм йәмәғәт урындарын сүп-сарҙан таҙартыуға сыҡты. Ә иң әүҙемдәр өсөн бүләктәр ҙә әҙерләнгәйне.

Һыу баҫҡан биләмәләрҙән халыҡты ҡотҡарыусылар тәбрикләнде Архангел районы Аҙау ауылында оло һыу алдында ҡаушап ҡалмаған ун бер ир-уҙааманға Башҡортостандың Ғәҙәттән тыш хәлдәр буйынса дәүләт комитеты комитетының «Ҡаһарманлыҡ өсөн» миҙалдары һәм Хөкүмәттең рәхмәт хаттары тапшырылды.

Өфөлә Республика кардиология үҙәгенең хирургия корпусы асылырға әҙерләнә Апрелдә Өфөлә Республика кардиология үҙәгенең хирургия корпусы асылыр тип көтөлә. Был турала Башҡортостан башлығы Радий Хәбиров яңы объект әҙерлеген тикшереү барышында белдерҙе. Ун ҡатлы хирургия корпусында йөрәк-ҡан тамырҙары менән бәйле сирҙәрҙе заманса ысул менән дауалау, пациенттарға сифатлы ярҙам күрһәтеү өсөн алдынғы технологик шарттар тыуҙырылған. Бынан тыш Өфө буйынса эш сәфәре барышында Радий Хәбиров шифаханала махсус хәрби операцияла ҡатнашыусылар өсөн реабилитация бүлеге менән танышты.

"Башҡорт йорто" программаһы концепцияһы әҙерләнде Проект аҙ ҡатлы шәхси йорттар төҙөлөшөн әүҙемләштереүгә йүнәлтелгән. Документҡа премьер-министр Андрей Назаров ҡул ҡуйҙы. Статистика мәғлүмәттәре буйынса, уҙған йылда республикала 3 миллион 300 мең квадрат метр торлаҡ төҙөлгән. Уның 70 процентҡа яҡыны шәхси төҙөлөшкә тура килә. Концепция 2030 йылға тиклем иҫәпләнгән. Уны ике этапта ғәмәлгә ашырыу көтөлә.

Республикала быйыл 5 спорт объектын файҙаланыуға тапшырыу планлаштырыла Еңел атлетика манежы менән спорт комплексы һәм олимпия резервы училищеһы, Боксты үҫтереү үҙеге һәм Теннис академияһын проектлау эштәре бара. Башҡортостанда 1 мең 41 спорт төрө ҡулланыла. 2 миллион 300-ҙән ашыу кеше физкультура менән шөғөлләнә. Премьер-министр Андрей Назаров Дәүләт Йыйылышы – Ҡоролтай ултырышында белдереүенсә, республика спорт ҡоролмалары төҙөлөшө темптары һәм уларҙың һаны буйынса илдә лидерҙар иҫәбендә.

Күп функциялы үҙәктәр уҙған йылда 7 миллион 300-ҙән ашыу хеҙмәт күрһәткән Төҙөкләндерелгәндән һуң Мәсетле районы Оло Ыҡтамаҡ, Федоровканың Федоровка ауылдарында “Минең документтарым” офистары асылды. Өфө ҡалаһында “Мир” операция залы булдырылды. Булгаково, Зубов һәм Михайловка ауылдарында күп функциялы үҙәктәр бәләкәй офистар форматында эшләй башланы. Башҡортостан Премьер-министры Андрей Назаров белдереүенсә, халыҡтың 99 проценты был хеҙмәттәр менән файҙалана. Республика күп функциялы үҙәге илдә иң ҙур һәм динамик үҫешкән йүнәлеш булып тора. Ул 77 офисты үҙ эсенә ала.

Башҡортса йыр донъя киңлегендә танылыу яулай «Әй йола» төркөмөнөң «Һомай» йыры чарттарға күтәрелеүен дауам итә. Хиттың популярлыҡ яулау сере нимәлә?

Башҡорт батальоны танкистары мәктәп уҡыусылары менән осрашты Бөгөн Өфө ҡалаһының Сергей Зорин исемендәге 129-сы мәктәбендә Сергей Зорин исемендәге башҡорт батальоны танкистары менән осрашыу уҙҙы. «Каддафи» һәм «Ҡараҡом» ҡушаматлы яугирҙар үҙҙәренең хәрби хеҙмәт юлы тураһында һөйләне, мәктәп музейына экспонаттар ҡалдырҙы.

Заманса техника һәм яңы алымдар: агросәнәғәттә яңы мөмкинлектәр Һауымды арттырыу һәм малсылыҡ тармағын белгестәр менән тәьмин итеү мәктәбе. Мәләүез районында республиканың иң ҙур ауыл хужалығы предприятиеларының береһе «Ашҡаҙар» уңышлы эшләй. Етештереү ҡеүәтен арттырыуға ғына унда ете йөҙ илле миллион һумдан ашыу инвестиция һалынған. Хужалыҡ үҫемлекселек менән дә етди шөғөлләнә. Етештерелгән иген һәм һөт эске баҙарҙа ҙур ихтыяж менән файҙалана.

Быйыл 1 ғинуарҙан Рәсәйҙә «Әсәлек капиталын» ҡулланып шәхси йорт һатып алыу ҡағиҙәләре ҡәтғиләште Граждандарҙан күсемһеҙ милектең йәшәргә яраҡлы булыу-булмауы тураһында һығымта талап ителә. Ошо маҡсатта ведомство-ара комиссиялар булдырылған. Өс ай эсендә генә Өфөлә йөҙҙән ашыу кеше йортто ҡабул итеү процедураһына яҙылған.

Башҡортостанда һөнәри белем биреүҙең яңы моделе тәҡдим ителде Дәүләт Думаһының мәғрифәт буйынса комитетының күсмә ултырышында башланғыс һөнәри белем биреүҙең яңы моделе тәҡдим ителде. Уны илдең мәғрифәтселек министрлығы белгестәре әҙерләгән. Түбәнге парламент депутаттары Башҡортостандың урта һөнәри белем биреү учреждениелары вәкилдәре менән берлектә яңы йүнәлеште ентекле өйрәнде һәм үҙ тәҡдимдәрен индерҙе. Күсмә ултырыштың тап Башҡортостанда ойошторолоуы ла осраҡлы түгел. Республика эшсе һөнәргә уҡытыу тәжрибәһен һаҡлап ҡалыу ғына түгел, уны яңы кимәлгә сығара алды. Яңы уҡытыу моделендә был ҡаҙаныштар ҙа үрнәк итеп алынасаҡ, тине Дәүләт Думаһы депутаттары.

Радий Хәбиров Дәүләт Думаһының мәғрифәт буйынса комитеты вәкилдәре менән осрашты Бөгөн Башҡортостан башлығы Радий Хәбиров Дәүләт Думаһының мәғрифәт буйынса комитеты вәкилдәре менән осрашты. Парламентарийҙар Өфөлә урта һөнәри белем биреү системаһын яңыртыу мәсьәләләре буйынса күсмә ултырышта ҡатнаша.

Тарҡаулыҡ кемгә кәрәк? Яҙыусы Мөнир Ҡунафин фекере менән уртаҡлаша: — Йәмғиәтебеҙҙәге ҡайһы бер мәсьәләләргә күберәк иғтибар биргән һайын, уларға кешеләр нығыраҡ ылыҡҡан кеүек. Күберәк ыңғай ваҡиғалар, тормошобоҙҙоң матур яҡтары хаҡында һөйләргә кәрәк. Башҡорттоң күңел йылылығы, күңел ныҡлығы кеүек матур сифаттары күп. https://vk.com/video-47563172_456239686?access_key=383788a6809a039e84