Прастора КРОПКА

🔥Беларускамоўны нэтворкінг 👉Нэтворкінг — гэта магчымасць папрактыкаваць і пачуць беларускую мову ў Тбілісі, знайсці новых сяброў ды сустрэць аднадумцаў. 🫶🏻Карыстаем мову як можам і як атрымліваецца, выпраўляць можна толькі калі суразмоўца адмыслова аб гэтым папрасіў_ла 🤝Падчас сустрэчы ўдзельнікі распавядаюць пра сябе ды абмяркоўваюць простыя пытаннні і такім чынам знаёмяцца паміж сабой ☕️Па завяршэнні — афтэпаці і размовы ў вольнай абстаноўцы за келіхам гарбаты. Далучайся праз апытанку! Калі: 10 ліпеня (серада) 19:00 Дзе: «Кропка»

Квэст "Беларускі след" у Тбілісі запрашае! ⚡️Ці ведалі вы, што Янка Купала закахаўся ў грузінку і прысвяціў ёй верш? ⚡️А што Светлана Алексіевіч пісала творы ў Тбілісі? ⚡️А што Уладзімір Дубоўка жыў у Сакартвэла? ⚡️Пра гэта і не толькі вы зможаце даведацца падчас квэстаў “Беларускі след” - першай і адзінай серыі гарадскіх квэстаў аб беларушчыне ў Тбілісі! Калі: 7 ліпеня (нядзеля) Час: а 16:00 Дзе: збор у раёне Плошчы Свабоды, дакладную лакацыю дашлем пасля 👉рэгістрацыі Удзел вольны, ёсць магчымасць заданаціць. 🔆Вы можаце зарэгістраваць сваю каманду, сабраць каманду на месцы або сам-насам атрымліваць асалоду ад шпацыру і наведвання беларускіх мясцін у Тбілісі. 🔆Галоўнае для нас – ваш камфорт. Калі ў вас моцны дух спаборніцтва і вам хочацца прайсці квэст хутчэй за іншых – вітаем! А калі ваша мэта – лёгкі няспешны шпацыр, то мы толькі за! Арганізатаркі будуць на сувязі з удзельнікамі столькі часу, колькі патрэбна ❤️

⛰Ідзем у хайк з «Кропкай»: Вяршыня правоў Даражэнькія аматары паходаў і актыўнага баўлення часу! Запрашаем вас на жывапісны хайк да вадападаў Каджоры, дзе не толькі будзем насалоджвацца прыгажосцю навокал, але і паразмаўляем пра важнае! Што вас чакае: 🔸Маляўнічыя сцежкі. Працягласць маршрута — каля 15 км. Набор вышыні — каля 500 м. 🔸Шчырыя размовы. На кожным прыпынку будзем дзяліцца думкамі, спрачацца і знаходзіць адказы на складаныя пытанні разам. 🔸Нясумны квіз пра філасофію правоў чалавека. 🔸Новыя знаёмствы. Што браць з сабой: 🔺Зручную вопратку і абутак 🔺Ежу і ваду для пікніка на прыпынках 🔺Крэм і галаўны ўбор ад сонца 🔺Картку для аплаты праезду ў транспарце 🔺Трэкінгавыя палкі, калі ёсць Маршрут Тбілісі-Каджоры-Кікеці-Тбілісі разлічаны амаль на ўвесь дзень, з прыпынкамі для адпачынку і абмеркаванняў. 📍Збіраемся ў суботу 13 ліпеня ў 9:15 у «Кропцы» (адрас нагадаем пасля рэгістрацыі). Едзем у Каджоры і вяртаемся ў Тбілісі на гарадскім аўтобусе. Кошт праезду - 1 лары. ❗️Для ўдзелу запоўніце, калі ласка, форму і дачакайцеся адказу арганізатарак.❗️ Мерапрыемства праводзіцца ў межах цыкла трэнінгаў «Украпванне». Будзе крута, чакаем вас! 🌄 Па любых пытаннях пішыце @kropkawork. З задавальненнем усё растлумачым!🫶

Power Point-Party ў «Кропцы» «Што гэта такое?» — спытаеце вы. А мы адкажам, што шукаем жадаючых паўдзельнічаць 10 ліпеня ў камернай вечарыне кароткіх прэзентацый 😊 Power Point-Party — гэта падтрымлівачая сустрэча, дзе ўдзельні_цы за абмежаваны час выступаюць з прэзентацыяй на любую тэму. Ніякіх маркотных дакладаў і сумных лекцый - дазволены цікавыя гісторыі з жыцця, жарты і мемы. Гісторыя гэтага фармата пачалася з Печа-Куча (па-японску "бла-бла-бла"), дзе ў кожна_й спікер_кі ёсць 20 слайдаў па 20 секунд на кожны. Мы трошкі змянілі фармат, і прапануем вам праявіць свае аратарскія здольнасці, творчыя якасці і пачуццё гумару.

Удзел у Power Point-Party - гэта добрая магчымасць заявіць пра сябе, падзяліцца сваім вопытам з іншымі і нават прарэклямаваць свае кампетэнцыі.

▪️Тэма можа быць амаль любая (ад гісторыі сямейнага рэцэпта да стварэння ўласнага бізнэсу) ▪️Максімальны час выступа - 6 хвілін, і яшчэ 4 на адказы на пытанні. Калі вас зацікавіў такі фармат - смела запісвайцеся праз @kropkawork🫶, і мы дашлем рэкамендацыі па афармленні прэзентацыі. Распавядзіце сваю гісторыю і паслухайце іншыя!

☀️Прывітанне, даражэнькія! Падзяліцеся, як вашы справы? Чым займаецеся летам: плануеце адпачынак ці не паспяваеце за дэдлайнамі на працы? У любым выпадку памятайце, што вам заўсёды рады ў «Кропцы».☺️ 6 ліпеня (субота), 11:00 Вязальны клуб 🧶Запіс праз @hanna_gap 15:30 Пісьменніцкі клуб ✍️Група сабраная. Для магчымасці ўдзелу пісаць @sikaraska_luk Таксама нагадваем, што «Кропка» працуе як каворкінг для беларускіх актывістаў і актывістак. Запісацца можна тут. Прыходзьце і рабіце карысныя справы для пазітыўных змен у Беларусі.🫶 І не забывайцеся пра нашу бібліятэку, якую мы збіраем разам з вамі! Па спасылцы можна азнаёміцца з электронным каталогам, а потым забраць кнігу, наведаўшы «Кропку». Звярніце ўвагу, што дзеці да 18 гадоў могуць знаходзіцца ў прасторы ў прысутнасці бацькоў (акрамя мерапрыемстваў 18+)

Пост падзякі нашым наведвальні_цам! Мы шчыра дзякуем кожнаму і кожнай, хто фінансава падтрымлівае «Кропку».🙏 У такія нестабільныя часы кожны лары мае значэнне для нас. У чэрвені вы заданацілі нам 150 лары. Дзякуй! Расходы «Кропкі» у чэрвені склалі 333 лары. На гэтыя грошы мы: 🔺набылі 7 кніг пра гендарныя даследаванні і фемінізм і 1 мастацкую кнігу ў нашу бібліятэку (прыходзьце чытаць!) 🔺папоўнілі запас мыючых сродкаў 🔺павіншавалі тортам даражэнькага Маляваныча 🔺раздрукавалі каляровыя дакументы 🔺замовілі эка-таксоўку ад parki ar minda Без вас гэта было б складана! Абдымаем🫶

Эка-таксоўка ў «Кропцы» ♻️Даражэнькія, мы зноў замовілі эка-таксоўку ад parki ar minda. А гэта значыць, у вас ёсць магчымасць прынесці ў «Кропку» вашу чыстую і адсартаваную другасную сыравіну 26 чэрвеня з 18:00 да 21:00. ❗️Прымацоўваем інструкцыю па падрыхтоўцы другаснай сыравіны для эка-таксоўкі. Сыравіна, якая не адпавядае патрабаванням, прымацца не будзе!

Далучайцеся да анлайн-трансляцыі творчага вечара Аляксандра Ждановіча па спасылцы у 19:00!