𝟷𝟸 : 𝟷𝟸

حاليّ حال الغبر يوم قال : " طايح وأمثّل كن ماني بـ طايح ، أشد عزمي لو غدا الدهر ميّال ".

اللي قال : " ياحسافة غلايّ ان كان هذا حصادي " نفس شعور هذاك اللي قال : " راحت مواصيل المحبه حّلم ليل ".

قبل أي محاولة للعِتاب و الزعل تذكروا مقُولة أبن فطيس : " إن ماجبرك الغلا ماقدر على جبرك ". ‏- وإلتزموا الصمت .

أنا ودي أودع حياتي و لا أودعك ‏" قلتها لشخص أساوم روحيّ و الدنيا عليه و مع ذلك / حدني على إني أودعه ".

بخاطريّ اعرف مرحلة شعُور العايف العظيمة الليّ وصل لها الشاعر وخلته يقول : ‏" والله إن تبطيّ ولا نرجيك حتى في رسالة / و إنّ بعثنا لك رساله والله إنها مااااتسرّك" .

ماجد لما غنى وقال : "ودعت روحي" كان يوصف ان احبابنا ومن يعز علينا مع الوقت نساويهم بروحنا من فرط حُبنا، وفراقهم يشابه نزعت الروح عن الجسد .

" وآه من شيء فـ القلب محد درا عنه ".

" ما أنسّاك لو درب الغياب مالِه رجعه ".

" أكابر فوق جرحي وأنا طعوُني وساع ".

" قلبٍ عطاك من الغلا لاتجافيه ".

" ماجور ياقلب خابت هقاويه ".

" انا ذاك الليّ بتفتقده مع الأيام ".

" ودعّت من يصعب علي وداعه ".

تعداك لومي وانت والله محل اللوم ‏شفع لك غلاك وسَاق دونك معاذيره .

مشيت على شانك على كل ممنوع ‏مدري جنون الحب ولا شجاعه .

رميت الهقاوي في رحَابك و رحت وجيت ‏و ضيّعت معك سنين من زهرة سنيني .

أجلس مع الجلاس لو هم ثمانين ‏ويشرد بي الهاجوس كني لحالي .

مثل القمر لا زيّن الليل نوُره ‏أنت القمر والليل كنّه عباتك .