📿ŞEYX QADİR İSRAFİLOV📿

🔶️Əzəmətli Qədir-Xum bayramınız mübarək!

İmam Muhəmməd Təqi əleyhissəlamın xüsusi ziyarətnaməsi السَّلامُ عَلَيْكَ يَا وَلِيَّ اللَّهِ السَّلامُ عَلَيْكَ يَا حُجَّةَ اللَّهِ السَّلامُ عَلَيْكَ يَا نُورَ اللَّهِ فِي ظُلُمَاتِ الْأَرْضِ السَّلامُ عَلَيْكَ يَا ابْنَ رَسُولِ اللَّهِ السَّلامُ عَلَيْكَ وَ عَلَى آبَائِكَ السَّلامُ عَلَيْكَ وَ عَلَى أَبْنَائِكَ السَّلامُ عَلَيْكَ وَ عَلَى أَوْلِيَائِكَ أَشْهَدُ أَنَّكَ قَدْ أَقَمْتَ الصَّلاةَ وَ آتَيْتَ الزَّكَاةَ وَ أَمَرْتَ بِالْمَعْرُوفِ وَ نَهَيْتَ عَنِ الْمُنْكَرِ وَ تَلَوْتَ الْكِتَابَ حَقَّ تِلاوَتِهِ وَ جَاهَدْتَ فِي اللَّهِ حَقَّ جِهَادِهِ وَ صَبَرْتَ عَلَى الْأَذَى فِي جَنْبِهِ حَتَّى أَتَاكَ الْيَقِينُ أَتَيْتُكَ زَائِرا عَارِفا بِحَقِّكَ مُوَالِيا لِأَوْلِيَائِكَ مُعَادِيا لِأَعْدَائِكَ فَاشْفَعْ لِي عِنْدَ رَبِّكَ ارْحَمْ مَنْ أَسَاءَ وَ اقْتَرَفَ وَ اسْتَكَانَ وَ اعْتَرَفَ إِنْ كُنْتُ بِئْسَ الْعَبْدُ فَأَنْتَ نِعْمَ الرَّبُّ عَظُمَ الذَّنْبُ مِنْ عَبْدِكَ فَلْيَحْسُنِ الْعَفْوُ مِنْ عِنْدِكَ يَا كَرِيمُ Əssəlamu ələykə ya vəliy-yəllah, əssəlamu ələykə ya huccətəllah, əssəlamu ələykə ya nurəllahi fi zulumatil ərz, əssəlamu ələykə yəbnə rəsulillah, əssəlamu ələykə və əla abaik, əssəlamu ələykə və əla əbnaik, əssəlamu ələykə və əla əvliyaik, əşhədu ənnəkə qəd əqəmtəs səlatə və atəytəz zəkah, və əmərtə bil mərufi və nəhəytə ənil munkər, və tələvtəl kitabə həqqə tilavətih, və cahədtə fillahi həqqə ciha-dih, və səbərtə ələl əza fi cənbihi hətta ətakəl yəqin, ətəytukə zairən arifən bihəq-qik, muvaliyən li əvliyaik, muadiyən li ədaik, fəşfə li ində rəbbik. İrhəm mən əsaə vəqtərəfə vəstəkanə vətərəf. İn kuntə bisəl əbdu fə əntə ni`mər rəbb. Əzuməz zənbu min əbdikə fəl yəhsunil əfvu min indikə ya kərim. Şeyx Müfid, şeyx Şəhid və Məhəmməd ibni Məşhədi buyurublar: “Sonra, cəddinin arxasında dəfn olunan Əbi Cəfər Məhəmməd ibni Əl-Cavadın (ə) qəbrinə yaxınlaş və qəbrin kənarındı dayanıb, de: Salam olsun sənə, ey Allahın nümayəndəsi! Salam olsun sənə, ey Allahın hüccəti! Salam olsun sənə, ey Allahın yer üzünün zülmətlərindəki nuru! Salam olsun sənə, ey Rəsulullahın oğlu! Salam olsun sənə və ata-babalarına! Salam olsun sənə və övladlarına! Salam olsun sənə və dostlarına! Şəhadət verirəm ki, sən namazı bərqərar etdin, zəkat verdin, yaxşılığa dəvət etdin, pislikdən çəkindirdin, Quranı layiqincə tilavət etdin, Allah yolunda layiqincə cihad etdin, əcəlin çatana qədər camaatın əzab-əziyyətlərinə səbir etdin. Haqqını tanıdığım, dostlarını sevdiyim və düşmənlərinlə düşmən olduğum halda, ziyarətinə gəlmişəm. Belə isə, Rəbbinin dərgahında mənə şəfaət et! Sonra qəbri öpüb, üzünü onun üzərinə qoy. Ayağa qalxıb, iki rükət ziyarət namazı qıl. Ziyarət namazından sonra istədiyin başqa namazları da qıla bilərsən. Namazlardan sonra səcdəyə gedib, bu duanı oxu: (İlahi,) pislik edib çarəsi kəsilənə və (öz pisliyini) etiraf edənə rəhm et! Sonra sağ üzünü yerə qoyub, de: Əgər mən pis bəndəyəmsə, Sən isə yaxşı Rəbsən! Daha sonra sol üzünü yerə qoyub,de: Sənin bəndənin günahı böyükdür. Belə isə, Sənin tərəfindən olan əfv gözəl olmalıdır, ey böyük Allah! Bu duaları oxuduqdan sonra yenidən səcdəyə get və yüz dəfə “Şukrən, şukrən...” zikrini de. Məfatihul Cinan 📚📚📚 https://t.me/Sheyx_Qadir

Bismillahir Rəhmanir Rəhim Bu gün hicri-qəməri tarix ilə zil-qədə ayının sonu miladi tarixi ilə İyun ayının yeddisi doqquzuncu İmam Həzrət Muhəmməd ibn Əlinin (əleyhiməssəlamın) şəhadət günüdür. Bu böyük əza və matəm gününü ilk öncə Allah taalanın sonuncu hüccəti Həzrət Sahib əz-Zamana (inşaallah tezliklə zühura gəlsin) təsliyət deyir, eləcə də bütün müsəlman bacı-qardaşlara, xüsusən Əhli-beyt (əleyhimussəlam) məktəbinin davamçılarına başsağlığı veririk! Həzrət İmam Muhəmməd Təqi əleyhissəlamın həyatına qısa baxış Doqquzuncu İmamın adı Məhəmməd künyəsi Əbu Cəfər ləqəbi Təqi və Cavad olmuş hicrətin yüz doxsan beşinci ilində Mədinə şəhərində anadan olmuşdur.1 Peyğəmbərin həyat yoldaşı olmuş Mariya Qibtiyyənin nəslindən hesab olunan 2 Səbikə xanım əxlaqi dəyərlər baxımından yüksək mərtəbədə durur və öz dövrünün qadınlarının ən üstünü hesab olunurdu.3 Belə ki İmam Riza (əleyhissəlam) o xanımı pak nəcabətli və fəzilətli bir qadın kimi yad edirdi.4 İmam Cavad əleyhissəlamın atası vəfat edərkən təxminən səkkiz yaşı olmuş iyirmi beş yaşında olarkən şəhadətə yetişmiş5 və Bağdadın Qüreyş qəbristanlığında babası İmam Kazim əleyhissəlamın məzarının yanında dəfn olunmuşdur. İmam Məhəmməd Təqi (ə) (İmam Cavad) imamət dövrü iki Abbasi xəlifəsi Məmun (193-218 h.q) və Mötəsimin (218-227 h.q) zamanına təsadüf edir. Adı çəkilən xəlifələrin hər ikisi o Həzrəti məcburi şəkildə Mədinədən Bağdada gətizdirmiş və Məmunun İmam Riza (əleyhissəlam) barədə icra etdiyi siyasəti davam etdirərək onu paytaxtda saxlamaqla nəzarət altına almışlar. İmam Riza əleyhissəlamın ailəsində və eləcə də, şiələr arasında İmam Cavad (əleyhissəlam) xeyir-bərəkətli bir uşaq kimi adlandırılmışdır. Bu barədə Əbu Yəhya Sənani deyir: “Bir gün İmam Riza əleyhissəlamın yanında idim. Bu vaxt o Həzrətin azyaşlı uşağı Cavad (əleyhissəlam) bizim yanımıza gəldi. İmam Riza (əleyhissəlam) buyurdu ki şiələrimiz üçün ondan xeyir-bərəkətli bir uşaq dünyaya gəlməmişdir.”6 Deyilənlərə görə İmam Riza (əleyhissəlam) müxtəlif münasibətlərdə yeri gəldikcə öz əziz oğlunu bu cür yad edirdi. Belə ki bu məsələ artıq şiələrin hamısına bəlli idi. İbn Əsbat və Əbbad ibn İsmayıl adlı iki şiənin dediyinə görə bir dəfə onlar İmam Riza əleyhissəlamın hüzurunda olarkən Həzrət Cavad əleyhissəlamı onların yanına gətirirlər. Onlar İmam Riza əleyhissəlamdan soruşurlar ki bu həmin dediyiniz xeyir-bərəkətli uşaqdır? İmam Riza (əleyhissəlam) onların cavabında buyurur: “Bəli bu İslamda ondan xeyir-bərəkətlisi doğulmayan həmin uşaqdır.”7 Hicrətin iki yüz on səkkizinci ilində Məmun vəfat edir. Ondan sonra qardaşı Mötəsim xəlifə olur. O İmam Cavad əleyhissəlamı öz nəzarəti altında saxlamaq məqsədi ilə hicrətin iki yüz iyirminci ilində o Həzrəti Mədinədən Bağdada gətizdirir. İmam (əleyhissəlam) Bağdada gəldikdən sonra Mötəsimin, oğrunun əlinin haradan kəsilməsi barədə təşkil etdiyi məclisdə iştirak etmişdi. Həmin məclisdə Bağdad qazısı (İbn Əbu Duad) və başqaları (səhv fətva verdiklərinə görə) rüsvay olmuş bundan bir neçə gün sonra İbn Əbu Duad həsəd və paxıllığı nəticəsində xəlifənin hüzuruna gəlib demişdir: “Mən xeyirxahlıq məqsədi ilə sənə xəbərdarlıq edirəm ki bir neçə gün bundan qabaq baş vermiş hadisə sənin hökumətinin xeyrinə deyil. Çünki sən bütün hökumət alimləri və yüksək rütbəli nümayəndələrin hüzurunda (İmam) Cavad əleyhissəlamın verdiyi fətvanı başqalarının fətvasından üstün tutdun. Halbuki müsəlmanların yarısı onu əsl xəlifə səni isə onun haqqını qəsb etmiş bilirlər. Bu xəbər bütün camaat arasında yayılaraq onun haqq olduğuna qəti bir sübut olmuşdur.” Qəlbində İmam Cavad əleyhissəlama qarşı düşmənçilik kin-küdurəti bəsləyən Mötəsim onun sözlərindən bərk narahat olaraq İmam əleyhissəlamı öldürmək fikrinə düşdü. Nəhayət, o öz çirkin məqsədini həyata keçirib İmam Cavad əleyhissəlamı vəzirlərindən birinin katibi vasitəsilə zəhərləyib şəhid edir.İmam Cavad (əleyhissəlam) şəhid olarkən mübarək ömründən cəmi iyirmi beş il və bir neçə ay keçmişdi. 1-Üsuli-kafi, c.1, səh.492. 2-Üsuli-kafi, c.1, səh.315. 492. 3-İsbatül-vəsiyyət, səh.209. 4-Biharül-ənvar, c.50, səh.15.

5-Üsuli-kafi, c.1, səh.492. 6-Əl-İrşad, səh. 319. 7-Biharül-ənvar, c.50, səh.20.